روآيتي الأولى : [ و يبقى خـــآلد ] بقلمي sweet memy

[MeeMeeYoo_2]

يسلموووووووو
يعطيج العافيه عالـ 3 بارتات

 

[KUWAITIYA72]

يعطيج الف عافية على البارتات 3 بس حمستينا حق الياي والحمدلله ان خالد قام بالسلامة
بس وين ابو عبدالعزيز ابو اسراء فجأة لغيتيه بما ان اسراء القريبة على قلبه المفروض يكون له دور باللي صار لها ويكون له موقف
صار كأنه مو موجود كلش بالقصة

 

[~RouNa~]

^^

يعني رايح الحداااق

لووول

خووووش بارتاات و الحمدلله على سلاامة خاالد

والله يستر على اسراء !

ناطرينج ميمي :*

 

[sweet_memy]

البارت الثامن و العشرون :

بيت بو عبدالعزيز :

بو عبدالعزيز : لا اسوورة ترا انا زعلت عليج ، ليش جذي تيين و ماتقوليلي ؟
اسراء : شسوي بـ خالد ، يبي يخليها مفاجأة
بو عبدالعزيز : الله يهداك خالد ، لا تعيدونها مرة ثانية
خالد : ان شاء الله
اسراء : يمه وين ولييد ؟ ليلحيني ماشفته !
ام عبدالعزيز : وليد خذته اسماء ، و الحين يايه بالطريج
اسراء : مسكين ولدي يتنقل من مكان لي مكان
ام عبدالعزيز : وعليه عليه ترا اشتاق لج وايد ، كل يوم يسألني وين ماما
غورقت عيونها : بعد عمري والله حتى انا مشتاقتله وايد
و وصلت اسماء ، دشت و كانت ماسكة وليد ، اول ما دش وليد شاف امه جدامه جان يصرخ حييييل
وليد مو مصدق عيونه : ماماااااا !
اسراء دمعت عيونها و قامت من مكانها تاخذ ولدها : عيوون ماماا انتا
خذته و لمته حييييييل قربته من انفاسها و سمعت دقات قلبه و باسته واايد و اهوه مبادلها نفس الشعور !
اسماء : اسور ! الحمدلله على السلامه !
اسراء : الله يسلمج
اسماء : الحمدلله على السلامة خالد ، اجر وعافيه
خالد : الله يسلمج و يعافيج
اسماء : شهالمفاجأة الحلوة ؟ ليش ما قلتوا انكم بتيون اليوم ؟
اسراء : قلتيها ، مفاجأة
اسماء : ولهنا عليج والله ، و ولدج وله عليج وايد
اسراء تلم وليد اكثرر : و انا اشتقت له بعد
خالد : تعال وليدان سلم علي
خذاه خالد و قربه من صدره و لمه و باسه على خده و فرح يوم شافه !
ظلوا تقريبا ساعتين و عقبهم رجعوا البيت ..



بيت بو عبدالله :

وليد كان لاصق بـ امه وايد ، يعوض الشهرين الي ماشافها فيهم ،
اسراء : وليد ماما لا تقعد بحضني قوم
وليد : ماما وينا بيبي ؟
تأشر على بطنها : مني بيبي
يأشر وليد على بطنها و يمسح عليه : مني بيبي ؟
اسراء : اي يمه
خالد : انا وايد متحمس ، يلا متى تولدين
اسراء : ايي بس كلااام ، و اذا ولدت تزعل تقول خذوج العيال مني صح ؟
خالد : لا بس شفيج سوالف اول راحت
اسراء : نشوف ..
خالد : وليدان شوفني ، شنو اسمي انا ؟
وليد : باباا
خالد : بابا شنو ؟
وليد : باباا
خالد : قول بابا خالد
وليد : بابا آدد
خالد : ههههه ، خااالد
وليد : آدد
خالد : انزين انتا شنو اسمك ؟
وليد : وديد
خالد : وديد :\ قول وليد
وليد : وديد
خالد : انزين قول وليد خالد
وليد : وديد آدد
اسراء : واي عسسل ولدي
خالد : قول وليد خالد عدل ، صير ريال
اسراء : خالد شفييك توه ياهل ،
خالد : بعلمه يصير ريال من الحين
اسراء : انزين انا تعبانه و ابي انام ، يلا ماما وليد تعال نام
وليد : مااا
اسراء : ليش حبيبي يلا نام انا بنام
وليد : مااا
اسراء : ماتبي كيفك ، انا وحده بنام و انتا اقعد مع ابوك .. تصبح على خير
خالد : بتنامين و تخليني ؟
اسراء : خالد تعبانه و ابي انام ، و ولدك مايبي ينام شسوي يعني ، و انتا مو دايخ خلك قاعد معاه و لما يدوخ و ينام نام وراه
تنهد خالد : امري لله ،
اسراء ابتسمت : تصبح على خير
خالد : و انتي من اهله

ظل خالد حوالي الساعتين يلعب مع وليد و يسولف معاه ، حس انه قريب حييل من ولده ، و يحب اليهال وايد ، و قاعد ينطر على نار متى يطلع الياهل الثاني ..


الصبح في بيت بو عبدالله :


حست بـ ألم مو طبييعي ! هالألم ثاني مرة تحس فيه ،
اسراء بصوت عالي شوي و الالم ذابحها بالغصب تقدر تتكلم : خاااااالد
خالد : ----- ( نايم )
اسراء تتحرك بصعوبة وبصوت أعلى : خاااالد
خالد بصوت نعسان : هممممم
اسراء بتعب و دموعها تنزل : خااااااالد
قام من نومه مخترع : خييرررر شفييج ؟
اسراء و دموعها على خدها : خالد ، بطنيي بطنيييي ، عوار مو طبيعييي آآآآآآآآآآآآآي !!
خالد شافها و اخترع ، حس حالتها مو طبيعيه ، ارتبك مايدري شسوي ! : قومي قومي المستشفى بسرعه !
فزز بسرعه من الفراش و قام لبس و طاارر المستشفى ، و طول الطريج اسراء تحاول تسكت و تتحمل الالم بس مو قادرة ! اما خالد فـ كان دايس حيييل ، خافت من سرعته القوية !
خالد يعظ على شفايفه : ماعليه حبيبتي تحملي شوي شوي بسسس
اسراء و دموعها على خدها : آآآآآي بطني ، آآآآآآآآآآآآآآآآآه
خالد و الدهشه واضحه عليه مايدري شفيها ! مستحيل تكون ولاده توها بـ بنص الثالث !! شفيها عيل !
و أخيرااا وصل المستشفى ، و خذوها بسرعه و دخلوها ع الدكتور ..

تنهد خالد : يارب مافيها الا العافيه ،
وظل قاعد على اعصابه ساعتيين ينطرر الدكتور يطلع يقوله شي عن حالتها ، راسه بينفجر من التفكير، شنو ممكن يكون فيها ؟ حط جميع الاحتمالات ، افترر راسه و مل من كثر ما يتوقع شنو فيها ،
خالد : يالله يا دكتورر اطلع تكفى قولي شنو فيها !! وانا شفيني قاعد اوسوس ، ان شاء الله مافيها الا العافيه .. ( تنهد )
و اخيرا طلع الدكتور ، طاارر خالد من مكانه و راح له .. شاف ويهه و ماكان يبشر بـ الخير ،
خالد : ها دكتور ؟ شفيها ؟!
تنهد الدكتور : آسف على الكلام الي بقوله .. بسسس
خالد : بس شنو يا دكتور ؟ تكفى قولي لا توترني مو ناقص تراا
الدكتور : الجنين مات ، و اضطريت اسويلها عمليه
خالد ما استوعب كلام الدكتور : ش ش ششنو ! دكتور انتا شقاعد تقول !
الدكتور : قضاء و قدر ..
سكت خالد مده و تنهد ، يحاول يفهم كلام الدكتور و يستوعب ، تغيرت نبرة صوته : و نعم بـ الله ...
شلونها الحين ؟
الدكتور : تعبانه وايد ، كثرة الحركه و التعب كان سبب في موت الجنين .. ان شاء الله بعد ما ترتاح تكون احسن .
تنهد خالد : الحمدلله على كل حال ، مشكور دكتور
الدكتور : لا شكر على واجب
خالد : لا حول ولا قوة الا بـ الله ، كله مني انا ، كله مني .. انا الي خليتها تسافر معاي و تعبتها معاي وايد و هذي النتيجه .. الله يقومج بـ السلامه


و العصر بـ المستشفى :


بعد ما صحت اسراء و ارتاحت شوي ..

خالد : الحمدلله على سلامتج حبيبتي
اسراء بـ بجي : الله يسلمك
خالد : حبيبتي ليش تبجين ، ماصار شي
اسراء و دموعها تسيل على خدها : شلون ماصار شي يا خالد ، الياهل مات ، ماقدرت احافظ عليه
خالد يتنهد : ميخالف ، قضاء وقدر .. الله ماكتبله يعيش
سكتت اسراء و قعدت تبجي
خالد : بس حبيبتي خلاااص ، لاتعورين قلبج
اسراء : ----
خالد : ان شاء الله الله بيرزقنا غيره
حست بخوف يوم سمعت كلام خالد ، و قالت في قلبها : لو تدري يا خالد الي فيني جان ماقلت جذي !
شافها و ابتسم ، و اهيا ظلت تبجي بهدوء و تحاول تمسح دموعها ..


بيت بو عبدالله :


ام عبدالله : وليش ماتقول يا خالد ! ليش احنا اخر من يعلم !!
خالد : يمه كنت مرتبك و مستعيل و ما ماداني اقولج ،
ام عبدالله : انزيين يلا تعال اخذني ودني عندها
خالد يتنهد : ان شاء الله ، مسافه الطريج و اكون عندج


وبـ المستشفى :

كانت بفراشها ما تقدر تتحرك ، ويهها اصفرر و شعرها طايح على عيونها ، آلام بطنها كانت مو طبيعيه ، صج انها ارتاحت شوي لكن الالم يبقى ، والي تحس فيه الحين مثل الالم الي حست فيه يوم الولادة ، لان عمليتها ماكانت سهله

دشت ام عبدالله مع ريم الغرفه ،
ام عبدالله + ريم + فاطمه : السلام عليكم
الكل : و عليكم السلام
بو عبدالعزيز+ عزيز : يالله احنا نستأذن،
ام عبدالله : يا بعد عمري الحمدلله على السلامة
ريم : الله الحمدلله على السلامه ، ماتشوفين شر
فاطمه : ماتشوفين شر ، سلامتج
اسراء بتعب : الله يسلمكم من كل شر
ام عبدالله : سامحينا ، خالد ماقال الي توه !
ام عبدالعزيز : مسكين كان خايف عليها و نسى يقولكم
اسراء : خالتي .. وين خالد ؟
ام عبدالله : مادري والله مادري وين راح
اسراء : يمه عطيني فوني
خذته من امها و اتصلت على خالد
خالد لهفه : هلا حبيبتي
اسراء : خالد وينك ؟
خالد : حبيبتي انا تحت ، شبغيتي ؟
اسراء : يبت وليد ؟
خالد : اي يبته
اسراء : تعال و ييبه معاك
خالد : يالله ياي



أول ما دخل وليد الغرفه شاف امه صررخ حييل ! جنه صارله سنة مو شايفها !
وليد : كا مامااا !
و ركض و راح قعد يمها ع السرير
اسراء خذته و لمته حيييل و طبعت بوسه على خده : شلونك حبيبي ؟ ولهت عليك
استغرب وليد من الوضع ، شاف وايرات و مغذي و اشياء غريبة ، و مسك المغذي و حاول يشيله
اسراء : لا ماما خله
وليد : ماما انّي دودو ؟
اسراء : اي حبيبي دودو
قرب ايدها من حلجه و باسها : أبّه دودو
اسراء : يا بعد عمري انتا والله

و من يا وليد صار حوسه بالغرفه ، اسراء كان عاجبها الوضع ، يكفي انها شافت ولدها بعينها ، اما خالد فـ ماكان عاجبه الوضع ، حس ان وليد مصدر ازعاج ، و هذا مو زين لـ اسراء لانها تحتاج الراحه

خالد : وليدان حبيبي تعال
وليد : ماا
خالد : تعال بابا نروح ديد
وليد : ديد ؟
خالد : اي بابا ديد يلا
اسراء : خله خالد وين بتوديه
خالد : مدوخج ، بروح افتر فيه شوي
ام عبدالعزيز : اي يمه اخذه ، تحتاج راحه
اسراء : شفيكم عليه ، خلوه عندي محتاجته وايد
تنهد خالد : حبيبتي عشان راحتج
اسراء : انا مرتاحه بوجوده
خالد : على راحتج ..



و بعد يوم طلعت من المستشفى ..

ماخلتها امها ترد بيتها ، خلتها تقعد معاها عشان تشوفها و تطمن عليها و تداريها .. اما خالد فـ كان حاس بمكانها ، مكانها مبين حييل بالبيت ، كل يوم يروح يشوفها و يحس انه صارله سنين مو شايفها ، لما تحسنت حالتها و ردت البيت ..



خالد : حبيبتي قومي لبسي بنطلع
اسراء : وين ؟
خالد : مفاجأة
اسراء : اممم ، مفاجآتك تخرع .. قولي لا تعور قلبي
خالد : لا هالمرة مفـآجأة حلوة ، يلا قومي
اسراء : يلا انطرني شوي


غيرت ملابسها و طلعوا خالد و اسراء و وليد ، و طول الطريج تفكر شنو المكان الي بتروح له؟

خالد : يلا قوموا نزلوا
اسراء : ننزل ؟ هذا بيت !
خالد : اي قومي نزلي
نزلت و علامه استفهام كبيرة على ويهها و مو فاهمه شسالفه ، اول مرة تيي هالمكان ، البيت كان وايد حلو من بره و حيل فخم و موقعه ممتاز ! حبت شكله حيل و دخلت مع خالد ..
و دخلت و شافت البيت كله
خالد : شرايج بـ البيت ؟
اسراء : وايد حلو ! بس ما قلتلي ؟ بيت منو هذا ؟
خالد : هذا بيتنا
اسراء : بيتنا !!
خالد : اي ، بس نبي نستقبل بـ بيت بروحنا و نرتاح احسن ، و هذي هديه شرايج ؟
اسراء : وايد حلو البيت ! بس هذا وايد كبير علينا ،
خالد : لا مو كبير ، ان شاء الله باجر بتييبين لنا بنات و صبيان وايد و بينترس البيت
كل ما تسمع هالكلام تحس شي يخنقها و تحس بـ البجية ،
خالد : شفيج ؟ تعابير ويهج تغيرت ؟!
اسراء : لاا خالد ماكو شي ، ( ابتسمت )
خالد : انزين ، الحين تروحين البيت و تحطين كل الاغراض و الملابس بجناط عشان نييبهم هني
اسراء : وليش مستعيل !
خالد : بس قلتلج نبي نرتاح ، احسج مو مرتاحه هناك
اسراء : والله اني مرتاحه و ماشكيت الحال
خالد : بس نبي نستقل
اسراء : خلاص ، الي تشوفه


sweet memy​

 

[MeeMeeYoo_2]

ليش احس ان اسراء فيها شي ؟؟
يعطيج العااااااافيه

 

[UNiQe^PRiNceSs]

اسراءشكلها ما تقدرتييب عيال مره ثانيه

كملي حبيبتي ناطريين
وثانكس على البارتاااات​

 

[قلب نواف]

وااو البارتات روعـة

بآآنتظارج يالغلا

 

[~RouNa~]

وييييييي مسيجينة هـ الاسراااء مو مترقعة !

يمكن ما تقدر تحمل مرة ثانية !

خو بعد خـ تتكلم مو تخلي خالد المسكين يحلم و يحلم و اخر شي ماميش

 

[المتألقة]

الباراتات حلوووووه كملي حبيبتي ناطرينج

 

[zizo0ou]

يسلمو على البارت ويتنغ الياي

 

[فيلجـ كول ـاويه]

يسلموو البارت وااايد حلو شكلها ماتقدر تييب عيال مره ثانيه

ناطرينج

 

[sweet_memy]

البارت التاسع و العشرون :


دخلت اسراء البيت و كانت تعبانه من حرارة الجو ، اما خالد فـ كان موجود بالبيت مرتاح و قاعد يقرا جريده و وليد يمه يلعب معاه

خالد : تأخرتي
اسراء : اي والله تأخرت ، كان عندي شغل وايد اليوم
خالد : انزين ، يلا يلا بسرعه غيري ملابسج و تعالي حطي الغدا ترا ميت من اليوع
اسراء : يالله شوي


وع الغدا :

وليد : بابااا ام
خالد : كاني والله قاعده اكل
وليد : بابااا آآه
خالد : يا يبه خلني آكل
وليد : بابا آآآآم
خالد : يلا يلا انزين
و وكل وليد ابوه و كان مستانس حييل و يضحك
اسراء : يلا تعال اوكلك
وليد : مااا
اسراء : تعال حبيبي مو زين ماتاكل
وليد : ماااا
اسراء : يلا حبيبي اكل بروح انام تعبانه
وليد : مااا
اسراء : كيفك مو تقولي بعدين ابي ام


و ورا الغدا ،


خالد : اقول حبيبتي ؟
اسراء : هلا حبيبي
خالد : مافكرتي تحملين مرة ثانية عقب السالفه ؟ ترا صارلج 5 شهور
تضايقت حيييل و تغيرت تعابير ويهها و حاولت تضبط نفسها : خالد تو الناس
خالد : لا مو تو الناس ، وليد الحين كبر عمره 3 سنين ، يحتاج احد يلعب معاه ، وانا ابي يهال
اسراء : مادري خالد يصير خير ( وقامت راحت غرفتها )
خالد : شفيها ؟ ملاحظ ان كل ما اييب لها طاري الحمل يتغير ويهها .. شصاير ؟

و قام راح لها ، ما تحمل يخليها جذي ، يبي يعرف السبب

قرب يمها و ابتسم لها : شفيج حبيبتي ؟
اسراء ( متضايقه ) : مافيني شي
خالد : مو علي ، اعرفج من عيونج اذا كنتي متضايقه ، قوليلي شفيج
اسراء : -----
خالد : ليش كا ما اييب طاري الحمل تتضايقين ؟ ماتبين تحملين و تونسيني ؟
اسراء : تو الناس ، وليد صغير و ماخذ كل وقتي
خالد : وليد كبر و اكثر وقته بـ الالعاب و التلفزيون ، و انا مو مقصر معاه بشي ..
اسراء : خالد مو بيدي
تنهد خالد : ابي ياهل
غمضت عيونها حييل و تنهدت : الي الله كاتبه بصير
خالد عصب شوي : انزين انزين ..
اسراء بقلبها : يعني انا الي ما ابي ! والله يا خالد اني ابي اونسك بس شسوي والله مو بيدي .. يعني يمكن اموت و السبه الياهل الي تبيه !

و مر على هالسالفه جم يوم ، و نست اسراء شوي اما خالد فـ مو ناسي ، و مصمم يعرف شسالفه ،

اسراء : خاالد يلا ماصارت
خالد : وين حاطه السويج ماكو شي بالدرج
اسراء : امبلا خالد انا حطيته مساع عشان لا يلعب فيه وليد
و قعد خالد يدور السويج .. لفت نظره شي انصدم حيل يوم شافه ! مايدري بشنو حس لما شافه ، حس انه وراه سالفه .. ما تحمل و عصب حيل

خالد قط عليها الحبوب و بصوت عالي و بعصبيه : ماتقوليلي شنو هذا !
اسراء : شنو ؟ شنو هذا ؟
خالد : مادري والله ، انتي ادرى شنو هذا !
شافت اسراء حبوب منع الحمل و حست بغصه ، ماتدري شتقول حق خالد ، خبت عليه وايد و لازم تقوله الصج و الواقع ..
خالد : تاخذين حبوب منع حمل و تقولين تو الناس ! وليد صغير ما اقدر و عندي دوام ومادري شنو ! ليش تسوين جذي علميني !
اسراء ( خايفه ) : خالد هد اعصابك شوي ،
خالد : شـ هدي ! انتي خليتي فيني اعصاب !
اسراء : خالد حبيبي شوي انطرني افهمك السالفه
خالد : شتفهميني ! السالفه واضحه وضوح الشمس ! انتي ما تبين عيال و من جذي قاعده تاخذين الحبوب !
اسراء : خالد خلني افهمك و اقولك السالفه ! تكفى هد اعصابك شوي
تنهد حيل و حاول يهدي روحه : قوليلي يلا !
اسراء كانت خايفه ، قلبها يدق حييل ، ماتدري شلون تقوله ..
اسراء : خالد .. انا خشيت عنك شي
خالد : قولي تكلمي
اسراء : خالد .. عقب ما سويت العمليه ، الدكتور قال اني صعب احمل و اولد ! ولادتي ماراح تكون طبيعيه و يمكن اتعرض للخطر انا او الجنين ، و الحين انا قاعده اخذ هالحبوب لاني اذا حملت يمكن اتعب و اموت او يموت الجنين ! آسفه خالد ما اقدر احمل ( نزلت دموعها من عينها ) ما اقدر اييب لك عيال ..
كان الكلام لـ خالد صدمه كبيرة ! حس انه انحرم من اليهال ، انحرم من كلمه ( يبه ) انحرم من احلامه ، انحرم من وايد اشياء ! واجهه الموقف بـ سكوت حاااد و صدمه كبيرة
اسراء حست بخالد : عشان احافظ على حياة الجنين و حياتي احسن لي ما احمل ،
خالد : ليش ما علمتيني ! ليش ما قلتيلي من قبل !
اسراء : خالد كنت خايفه ، و مابي اضايقك
تنهد حييل و طلع
اسراء : خاااالد خاااالد ويين رايح ؟
( ما سمعها و طلع )


و ع البحر :

قاعد على صخره كبيرة و حاطه ايده على راسه و يفكر ..

خالد : شهالمصيبه ، ( تنهد ) استغفر الله ،
جاسم : انت ما تقولي شفيك ، مناديني و صارلي سنه قاعد معاك و ليلحينك ما قلتلي شي ، تكلم يا اخي مخليني جذي جني اهبل
خالد : مصيبه يا جاسم مصيبه
جاسم : ايي شصاير قوول
خالد : ---
جاسم : اقلب ويهك زييين ، تعال و تعال و آخر شي منت قايلي
( و قاله السالفه )
جاسم : خالد ، هذا قضاء و قدر .. ما تقدر تعترض على حكمه ربك
خالد تنهد حييل : و نعم بـ الله
جاسم : الحمدلله عندك ولد
خالد : الحمدلله على كل حال
جاسم : قوم قوم روح البيت ، اكيد الحين قاعده تنطرك طلعت و خليتها بروحها
تنهد : يالله كاني بقوم ، يالله فمان الله
جاسم : فمان الكريم


البيت كان موحش و مخيف من غير خالد ، من اول ما سكنوا ما خلاها خالد بروحها دايما اذا طلع تكون معاه ، كانت قاعده بالفراش بروحها و خايفه ، حست بالضيق و الراحه بنفس الوقت ! متضايقه لانها خشت عن خالد السالفه ولا قالتله ، و مرتاحه لان صارحت خالد و حست الهم انزااح .. شافت ولدها منسدح يمها و بـ بدايات النوم ، ظلت تشوفه و تتأمل ملامح ويهه البريئة ، بجت يوم تذكرت انها ماراح تقدر تييب غيره ، قربت منه و باسته و دبخته لما ناام و هدت انفاسه .. و وصل خالد ، شافها لقاها منسدحه و مغمضه عيونها ، دش شوي شوي بحركه خفيفه ما سمعتها .. قرب منها شوي شوي و تنحنح
خالد : ليلحينج ما نمتي ؟
اسراء : ----
شاف آثار دموع على خدها ، خالد : حبيبتي قاعده تبجين ؟
اسراء نزلت دموعها و سكتت
خالد : خلاص ، الله كاتب جذي .. مابي اتعبج ومابي شي ( و ابتسم لها ، و مد ايده و مسح دموعها و باسها على راسها )
بحركه خفيفه و بهدوء غطت ويهها و نامت ،
خالد : الله لا يحرمني منج
شاف وليد نايم يمها و تضايق ما قدر ينام ، شاله شوي شوي و باسه على خده و حطه بـ سريره و ابتسم له ،



الصبح ،


صوت الفون كان حييل مزعج و خالد و اسراء في عزز نومهم ،
اسراء بصوت ناعم نعسان : خالد رد ع الفون
خالد : ---
اسراء : خااالد رد فونك ازعجني
خالد نعسان : انزين انزيين ، الو ؟
عبدالله : غلطااان جان ما ردييت
خالد : هلا عبيد ، خير شصاير ؟
عبدالله : فطوم ولدت
خالد قام من مكانه : ولدت ! ع البررركه ، شيابت ؟
عبدالله : بنت
خالد : مبرروك ، سلم عليها و ان شاء الله بعدين نمرها
عبدالله : الله يسلمك
اسراء : شسالفه
خالد : فطوم ولدت
اسراء بهدوء : مبرروك
خالد : يلا كملي نومج عشان بعدين نروح المستشفى
اسراء : ان شاء الله



و بـ المستشفى :


اسراء : مبرووك فاطمه ،
فاطمه : الله يبارك فيج ، الفال لج
ابتسمت ابتسامه بارده و تضايقت ، شافها خالد بسرعه و غير السالفه
خالد : فطوم اشوه انها ما طلعت عليج ، طلعت على ابوها
محمد : هههه ،
خالد : لو طالعه عليج جان تعقدت مسكينه
فاطمه : و شفيني انا شحلاتي
محمد : يلا عاد خالد كلش ولا فطومتي ترا ما ارضى عليها ام حصه
خالد : اووه فطووم صرتي ام حصه ،
فاطمه : واي خالد يا ملقك
خالد: و انتي يا حظي ليش ما تدافعين عنيي مو انا ريلج
اسراء : حتى انا ما ارضى عليك
خالد : ايي خليج جذي
ام عبدالله : يحليلك يا خالد ، من صغرك و انتا تحب اتينن الناس
خالد : عيل شلون عيل ، لازم الناس تتنرفز شوي مو كله تمدحونها ( و يشوف اسراء ) صح حبيبتي ؟
اسراء ( ضحكت غصبن عليها ) : صح حبيبي
خالد : يلا يلا ، ماتشوفين شر ان شاء الله و مبروك على حصه اليديده
فاطمه : الله يبارك فيك
خالد : يلا حبيبتي مشينا



و بـ السيارة :


وليد : باباا
خالد : عيون باباا انتاا
وليد : لوح ديد
خالد : ان شااء الله ، وين تبي تروح بس ؟
وليد : اعاب ( العاب )
خالد : يالله الحين نروح العاب
اسراء : لا لا خالد مالي خلق اروح مكان ، ابي ارجع البيت
خالد : ليش ؟ خلي الولد يستانس
اسراء : مرة ثانية .. الحين ابي اروح البيت
خالد : حرام عليج تبين تخلينه بالبيت بروحه محد يلعب معاه
اسراء : كيفك عيل ودني البيت بعدين وده الالعاب
خالد : يالله كيفج عيل

و وصلوا البيت ، نزلت اسراء و راح خالد مع وليد الافينيوز ماجيك بلانيت ، لعب وليد و استانس و ارتسمت البسمه على ويهه الطفولي ، شافه خالد و حيل حس بـ راحه ، فرح لان ولده مستانس .. تنهد يوم تذكر ان هذا اول و اخر ولد له ..
وعقب ما لعب ،
خالد : ها بابا ؟ نرجع البيت ؟
وليد : بابا تووف مادوداد ( ماكدونالدز )
خالد : يلا بابا الحين اشتريلك
و شراله خالد الوجبه ، مسك قوطي الوجبه و اهوه مستانس ، و ماسك اللعبه بـ ايده و يلعب و يسولف بروحه ، لما رجع البيت على طووول راح عند امه يضحك
وليد : مامااااا
اسراء : هاا حبيبيي
وليد : توووف
اسراء : اللله شنو هذا ، منو شرالك وجبه ؟
وليد : باباا
اسراء : يالله شاطر حبيبي اكلها
وليد يوريها اللعبه : توووف
اسراء : الله حلوة لعبتك ، يالله ماما اكل الوجبه قبل لا تصير بارده
وليد يطلع من القوطي بطاط : توف تات ( بطاط )
اسراء : يلا ماما اكل
وليد : ام ام ام
اسراء : خالد وده المطبخ خـ ياكل ، لا تصير ريحه الغرفه اكل
خالد : وليدان بابا تعال المطبخ عشان تاكل

و راح قعد معاه بـ المطبخ لما خلص اكل و قعد معاه بـ الصاله و ظلوا يشوفون بابايات لما داخ و نام ، شاله خالد و حطه بـ سريره و باسه على خده و راح عند اسراء

اسراء : وين وليد ؟
خالد : نام
اسراء : بعد عمري
خالد : طافج ماشفتيه شلون كان مستانس اليوم ، يلعب و يضحك و يسولف ..
اسراء : ---
خالد : شفيج ؟
اسراء : ولا شي .. دايخه بنام تصبح على خير
خالد بـ قلبه : غريبة هـ الايام !



sweet memy​

 

[MeeMeeYoo_2]

حرااام كسرت خاطري


يعطيج العافيه

 

[بيـــشو17]

البارت حلو مشكوره _03BA:

نبي بعد بارت:eh_s(4):

 

[UNiQe^PRiNceSs]

مسكيينه اله يعينها

ثانكس على البااارت .. وناطرييينج​

 

[zizo0ou]

يسلمو على البارت و ناطريييييين الياي

 

[sweet_memy]

البارت الثلاثون :


الصبح ،


قعدت من النوم حست بـ هدوء مو طبيعي ، صخخخه على غير العاده ، كل يوم كانت تسمع صوت التلفزيون و صوت وليد الا اليوم ، قامت من فراشها و راحت غرفه وليد لقت الغرفه مرتبه ! راحت الصاله مالقته ولا لقت خالد .. ماتدري شنو شعورها بـ هالوقت ! رفعت سماعه التلفون و دقت على خالد
اسراء : خالد ؟! ويينك ؟
خالد : طالع .. شفيج ؟
اسراء : وليد معاك ؟
خالد : اي معاي
ارتاحت شوي : ليش ماقلتلي انك بتطلع خرعتني يوم مالقيت وليد بالبيت
خالد : يعني وين بروح ، خذيته و طلعت
اسراء : وينكم الحين ؟
خالد : بالبحر
اسراء : و متى بتيون ؟
خالد : مادري لما نشبع وناسه
اسراء : خالد لا تتأخر انا بروحي
خالد : انزين ،
اسراء : يلا عيل باي
خالد : باي

قامت دشت المطبخ و طلعت مجموعه كتب طبخ و اختارت طبقين عشان تسويهم حق الغدا ، طول الوقت كانت بالمطبخ لما سمعت صوت وليد و خالد ..
وليد : مامااااا
اسراء : ولييد ! تعال حبيبي
خذته و لمته حيييل و باسته ، اسراء : ولهت عليك حبيبي من الصبح طالع ، وين رحت ؟
وليد : مااي ( قصده بحر )
اسراء : رحت عند الماي ؟
وليد : ايي
خالد : راح البحر و كلى برد و شرى العاب ، صح وليدان ؟
وليد : ايي ، ماما تووف العاااب
اسراء : اللله اشوف العابك
خالد : خليج من العابه الحين ، انا ميت من اليوع ابي غدا
اسراء : يلا دقايق و احط الغدا ، غير ملابسك و تلقى الغدا جاهز
وليد : ماماا ام
اسراء : بعد عمري يوعان ، ان شاء الله حبيبي الحين احط الغدا



بيت بو عبدالله :

فاطمه : يماا حصه من مساع تبجي مادري شفيها
ام عبدالله : يوعانه صارلها وقت ما شربت حليب
فاطمه : عورت قلبي من كثر ما صرخت
ام عبدالله : عطيني اياهاا ماتعرفين حق اليهال انتي
فاطمه : هاج اخذيها ، انا بروح ادق على محمد
خذت فونها بتتصل على محمد ولا يدق عليها
فاطمه : عمرك طويل توني بدق عليك
محمد : وينج يا حبيبتي ولهت عليج وايد ، يلاا ردي
فاطمه : حتى انا ولهت عليك وايد ، تأخرت علي متى بتيي
محمد : كاني ياي بالطريج ، شلون حصوصه ؟
فاطمه : بس تبجي مادري شفيها
محمد : شفيها اخاف يوعانه ولا شي
فاطمه : مادري عنها ، خذتها امي
محمد : اي امج ادرى بسوالف اليهال
فاطمه : يلا حمودي تعال
محمد : والله كاني ياي بالطريج ، دقايق و اكون عندج
فاطمه : انزين حبيبي ، متغدى ؟ ولا تبي غدا
محمد : واللله يوعان
فاطمه : خلاص اخليهم يحطون لك الغدا الحين ، يالله اخليك
محمد : يالله حبي باي


و ورا الغدا ،


خالد : من زمان ما مرينا امي ، اليوم نمرها
اسراء ( ساكته )
خالد : شفيج ؟ ترا كلللش مو طبيعيه هالايام مو عاجبتني
تهدت : مافيني شي
خالد : شلون مافيج شي حالتج منقلبه فوق تحت ، مو اسراء الي اعرفها ، قوليلي شصاير
اسراء : يا خالد مافيني شي خلاص
خالد : انزين قومي نطلع
اسراء : مافيني اطلع
خالد : ليش ؟
اسراء : مالي خلق
تنهد خالد : شفتي انج متغيرة ؟
اسراء : خالد لا تضغط علي تكفى ، انا تعبانه
خالد : تعبانه من شنو ! قوليلي شصاير
تنهدت حييل : بروح غرفتي ، خلني بروحي شوي

راحت الغرفه و قعدت بروحها و دمعت عينها ، سالفه الحمل وايد مضيقه خلقها ، تتمنى تييب ياهل بس خايفه ، خايفه من الي بصير بعدين ..
اسراء بقلبها : خالد وايد كاسر خاطري ، اهتمامه بوليد زايد وايد ، وليد صار حياته و مايقدر على فراقه ، على طول يطلع معاه و يضحك و يشتري له اللي يبي و لا يخلي بـ خاطره شي ، يشوف اليهال بكل مكان و يتمنى يكون عنده ياهل ثاني ، يشوف الناس تحمل و تولد و احسه متضايق و يبي ياهل ثاني ، يا ربي شسوي .. اشوف رغبته بـ الياهل بـ عيونه ، بس انا ما اقدر البي رغبته .. يارب ساعدني

سمعت صوت الباب

خالد : ادخل ؟
اسراء مسحت دموعها : تعال خالد
دخل و ابتسامه كبيرة على ويهه ، و قعد يمها : شلونج الحين ؟
اسراء : الحمدلله
خالد : كنتي تبجين ؟
اسراء متردده : لا !
خالد : اممم .. عيل شنو هـ الماي الحلو الي قاعد يمشي على خدج ؟
ضحكت شوي
خالد : اسورة حبيبتي قوليلي شـ اللي مضيق خلقج ، ترا ما اقدر اخليج جذي بهالحاله والله انج مو عاجبتني
اسراء : خلاص خالد مافيني شي والله ،
خالد : شوفي حبيبتي ، اذا سالفه الحمل مضيقه خلقج انا قلتلج ، مابي ياهل خلاص ، كفاية عندي وليد ، ماخذ دنيتي كلها و مفرحني ، الله عطاني وليد الحمدلله
اسراء : بس..
قطع كلامها : لا بس ولا شي ، هذا بلى من ربج ، خيره شدراج ، يمكن لي يبتي الياهل يكون شيطان يدوخنا ، او او او ...
اسراء : ---
خالد : يلا عاد ، ضحكي مابي اشوفج متضايقه
ابتسمت ابتسامه صغيره ، قرب منها خالد و قرص ايدها شوي
اسراء : احححح خالد ليلحين هذي سوالفك !
خالد : و لي باجر
اسراء : الله يصبرني عليك



بيت بو عبدالله :


محمد : حصوصه ، يا النمله ، يالله كبري كبري
فاطمه : شوف ملامحها ، بدت تقلب تصير مثلي
محمد : لاا ليلحين اشوفها تشابهني حيل ، شوفي عيونها و خشمها و لون بشرتها كلها انا
فاطمه : انطر عليها جم يوم و بتصير تشابهني
عبدالله : انتوا شفيكم تتهاوشون ، يبه لا تشابهك ولا تشابهج ، تشابه خالها
محمد : ههههه
فاطمه : لااا تشابهني
محمد : تشابهني اناا
ام عبدالله : لوعتوا جبد البنت ييبوها عندي ييبوهاا ، مسكينة قاعه تبجي منكم صايرين جنكم اول مرة تشوفون ياهل !
الكل ضحك
يوسف : ماما ابي بنت صغيرة مثل حصه
عبدالله : ان شاء الله ، الحين اروح الجمعيه اشتريلك وحده
ريم : لا ماما الياهل ما يشترونه ، انتا عندك ناصر و كا حصه العب معاها
يوسف : لا ابي وحده حقي بروحي
عبدالله : قول حق عمتك تعطيك اياها يوم
يوسف : عمتي عادي تعطيني اياها يوم اخليها تنام عندي ؟
محمد : جم تدفع
فاطمه : جنه بنتي صارت بضاعه ؟
محمد : نتغشمر يبه نتغشمرر
خالد : اوه اوه العايلة السعيده كلها متيمعه هني .. شلونكم
ام عبدالله : هلا والله خالد هلا يمه
فاطمه : ماكان ناقصنا غير خالد يملق عليناا
خالد : ايا الي ما تستحين يا فطوم ، الحين انا اخوج تقولين عني جذي .. عطيني بنتج خـ اشوفها
( وخذاها من امه )
خالد : يحليلها جنها قلبت عليج
فاطمه : هااا صدقتوا يوم قلتلكم انها تشابهني
محمد : لا تشابهني انا
خالد : شوفي مو قلبت على امها ؟
اسراء : اي ، وايد
وليد : باباا توف توف دادا !
خالد : ايي تبيها ؟ اخذها العب فيها
فاطمه : شفيكم على بنتي ! ، مساع يوسف و الحين ولدك ، ترا بنتي صجيه مو لعبه
خالد : ها بابا تبيها ؟
وليد : اي
خالد : هاك اخذها
فاطمه : هيييي خالد ييبها لا يطيحها
ام عبدالله : ها ها خالد عن الشطانه ، عطني اشوف ( و خذتها منه )
وليد : بابا ابي دادا
تضايقت اسراء حييييل و قامت من مكانها و محد حس فيها ، راحت غرفه قريبه من الصالة و قعدت بروحها ..
و تمت سوالف بينهم ...

خالد : وليد ؟ وين ماما ؟
وليد : مادي ( مادري )
سحب فونه من جيبه و اتصل عليها
اسراء : هلا خالد
خالد : وينج ؟ وين اختفيتي ؟
اسراء : بالدار الصغيره
خالد : يلا الحين يايلج
( و راح لها )
خالد : شمقعدج هني بروحج ؟!
اسراء : ---
خالد : شفيج ؟
اسراء : ابي اروح البيت
خالد : ليش ؟ فيج شي ؟
اسراء : خالد مافيني شي بس ابي ارجع البيت
خالد : متضايقه .. صح ؟
اسراء : -----
خالد : قومي نطلع انا معاج بعدين نرد هني
اسراء : ----
خالد : يلا قومي !
تنهدت و قامت معاه





و بالسيارة :

كانت ساكته و مبين مالها خلق شي .. و خالد ينطرها تتكلم و تقول شفيها
خالد : ماتقوليلي شفيج ؟
اسراء : خالد مافيني شي
خالد : كل هذا و مافيج شي ؟
اسراء : -----
خالد : ليكون متضايقه على سالفه الحمل بعد ؟
اسراء : -----
تنهد : يا حبيبتي ، قلتلج انا خلاص مابي شي .. كفاية وليد ! ماخذ كل وقتي و معوضني عن مليون ياهل
اسراء : ---
خالد : يلا عااد ضحكي ، ما احب اشوفج جذي ، اتضايق
اسراء : ----
خالد : يعني ما تبين تضحكين ولا تتكلمين ، خلاص ... عيل انا اروح ادور على وحده ثانية تسولف معاي دامج ما تبين تتكلمين
اسراء : خالد !
خالد : هاا
اسراء : ليش تقول جذي يعني ماتدري اني اغار ؟
خالد : يـ حلاتج لما تغارين والله ، اشوف ويهج ؟
استحت و نزلت راسها
خالد : اي ، هذا اسراء الي اعرفها ، مو مساع

و طلعوا و استانسوا و ردوا خذوا وليد و ردوا البيت ..



sweet memy​

 

[UNiQe^PRiNceSs]

الله يعينها اسراء

والله يثبت خالد وما سيوي شي مني ولا مناااك :0bee2e8d89:​

 

[فيلجـ كول ـاويه]

البارتيييين روووووعه ناطرينج حوووبي

 

[MeeMeeYoo_2]

يسلموووووووووووووووووووووو