روآية [صفحة بيضاء] بقلم الكاتبة : شيخة
- بادئ الموضوع shayoukhaa
- تاريخ البدء
5uO5a :*
New member
5uO5a :*
New member
شكرا على الآب ..
كآني حبيبتي بس والله كنت قاعدة أنطر ردود الافعال على البارت عشان أتشجع أنزل البارت إلي ورآه .. بس مآ عليه إن شاء الله متى ما سمح لي وقتي بنزل خصوصاً أنه فترة إمتحانات مثلج عآرفة و أنا نوعي صعب ألاقي وقت سواء بإمتحانات أو بغيره فيعني أحاول و إن شاء الله من عيوني أحاول ما أقصر :eh_s(22):
التعديل الأخير:
ahmm shyy el.3bw
لووووول حيآكم الله ومنورين أنتي و أختج و يور كزن و إلي يعز عليج (حشا عزيمة )و تسلمون على مروركم العسل
5uO5a :*
New member
ty ;* 7yati loool ohma mo ga3din ygron erwaya :$ : $ bs m3lgin 3la elklma
إي كله وآحد حبيبتي وحيآهم الله
:d
G!rla q8ya
New member
5uO5a :*
New member
^^
تسلمون حبايبي على الردود وعلى النطرة وسوري على التأخير وإن شاء الله ألحين ينزل بارت وسامحوني على القصور :*
البارت التاسع
اليوم الثاني من صباح الله خير كانت ليان بطريجها للكفتريا وهنآك كانوا رفيجآتها قآعدين ينطرونها ، طبعاً هذيل رفيجآتها مو قريبين منها كثر رفيجتها زينة ، وإن كانت زينة تعرفهم معرفة سطحية لكنها ما احتكت فيهم كثر ليان ، نبدأ بجنان جنان عمرها 18 متحجبة و تحب اللبس و الكشخة ، إنسانة طيبة من دآخلها بس ما تحب تظهر هالشيء للعلن يعني تظن أنها إذا سوت جذي الناس ر آح تستغلها ورآح تدوسها كان يسكنها جانبين و ليآن كانت تحس أنها متناقضة يعني تنتقد الشيء و تسيء له و تسوي نفسه يعني ليان ما كآنت عارفة لها هذا شيء , الشيء الثاني أنها تحب تنتقد أي شي بسلبية و دآيم مو عآجبها وحيل تدقق على كل شيء وخصوصاً "الحجي" إلي من ناحيتي أنا أشوف أنه ماله لزمه من الأساس و ماله داعي, و تسوي مشآكل وهوشات على أتفه الأسباب على بالها بالهطريقة أنها قوية ومحد يدوس على كرامتها ، نوعها مراددية و تمشي وتوعوع طويلة لسان ، سوالفها حلوة و طريقة كلامها لكن آهيا ما تثمن الكلام إلي يطلع من حلجها وحتى إن كانت تجرح تقط الكلمة و تمشي تحسينها ما عندها ذوق و ما تعرف تقول كلمة حلوة لسانها متبري منها و غير أنها تحب الحش و لها صداقات وآيد مثل ما لها أعداء وآيد, حيل تحب التبريرات وتاخذها حجج وآهية بس مع ذلك كآن فيها شيء زين لكن ما تحب تظهره خدومة و تحب تساعد, شكلها كآن يوحي على النعومة و الذوق إلي للأسف تفتقده كان طولها متوسط بيضاء ، مليانة لكنها مو متينة ويهها مدور ملامحها حلوة خشمها طويل شفايفها متوسطة ، ويهها ينور خدودها ملساء شعرها طويل لونه أسود يوصل لي آخر ظهرها رموشها كثيفة عيونها عسلية , تعيش مع مرت أبوها "رجاء" إلي علاقتها فيها شبه متذبذبة مرة ما فيها شي ومرة لأ تقولين ينية طبعاً العيب مو بمرة أبوها العيب فيها لأنها صعب التعامل معاها , وإذا بتسألوني عن أبوها فرآح أقولكم أنه أهو عند مرته الثانية إلي بعمر بنته مآخذها على (عايشة) مرت أبو جنان ، شيء أكيد تبون تعرفون عن أم جنان ضروري تعرفون أنه أمها مآ تدري وينها فيه ليومكم هذا ليش و شحقة ..!! بعدين نعرف
آمال اللي كانت قاعدة يم جنان جنها تأفف ليش أن ليآن تأخرت عليها ونقعتها تعالوا أقولكم عن أطباعها عمرها 17 سنة متحجبة و تحب تغير بستايلها لكنها أحيان تفضل لبس العباية ، آمال إنسانة طيبة وحنونة بنفس الوقت و تتأثر وآيد الشيء اللي خلاها قآسية وجافة بطبعها طبعاً هالأمور هي أمور الحياة اليومية ، متقلبة بمزاجها و نوعها إذا تعرفت بأحد غريب عليها و صآر بينهم موقف حصل فيه سوء تفاهم تلقينه تكره هالشخص حييل، تحب تضحك و ما عندها مانع تضحك على حساب أنها تجرح غيرها وتفشله حتى جدام الناس، طريقتها نزرة و عصبية مع ليان أما مع الباآجي تلقينها مآكو أحسن منها ، ما تتحمل تزعل رفيجاتها و نوعها حلو تعتذر لكن مو كل مرة نسوي الغلط ونرجع نعتذر ترى همن الناس عندها مشاعر ، شخصيتها حلوة تعرف تسولف مع الناس و تضحك بنفس الوقت تحترم الشخص اللي جدامها اذا كان دكتور تسكت و تنتبه لكلامه ، نتكلم عن شكلها كآنت سمراء خمرية خشمها طويل عيونها وسآع شفايفها بارزة رموشها كثاف عيونها عسلية ضعيفة وجسمها مقسم شعرها قصير يوصل لي رقبتها لونه كستنائي ، قصيرة و أطرافها صغار (ريولها و إيدها) طريقة كلامها توحي على الدفاشة بس مو بإيدها تعودت أنها تحجى جذي ونوعها حييل غيورة و تغار من ليان مع أنها تحبها بس ما تبيها تصير أحسن منها ، أمها وأبوها عآيشين بنفس البيت و لكنهم منفصلين عندهم غير أمال تركي اللي عمره سنتين كانت أمال متحملة مسؤولية تربية أخوها ليش أنه محد من أهلها فاضي ، أمها ((عزيزة)) 36 سنة تشتغل بقسم فريق الأخبار يقناة الكويت يعني طول وقتها برى من الساعة 10 الصبح لي ال10 بليل وإذا صار عندها أووف (إجازة) تسآفر فيها مع أخوها ضآري ، أو تطلع شاليه و ما تاخذ بنتها معآها ، طبايعها حلوة و ظريفة لكنها تكره شي إسمه اهتمام ما عندها مانع تصرف على بنتها لكن تقعد معآها و مع ولدها مستحيل كان الطابق الفوقاني لها ملامحها حآدة حواجبها عريضة مقوسة بس شكلهم حلو عيونها صغيرة ومسحوبة من الطرف شوي خشمها سلة سيف (طويل) شفايفها بارزة من جدام ...، أبوها حميدي عمره 37 سنة عآيش بالدور الارضي مع بنته ، طيب و حبوب ويصرف على بنته و اييب لها إلي تبيه و كآن الكل يشهد له بالاحترام و الطيبة لكن ما عنده وقت يقعد مع عياله بحكم داومه كآن يشتغل وزارة النفط و دوامه شفتات شفت الصبح من ال9 لي ال1 و شفت من ال 10 بليل لي ال 3 ، يرد الظهر تعبان و متليش وآصل آخره فيقط رآسه و ينام و يقوم على 6 المغرب يصلي و يروح يبآشر تليفوناته بعدها يروح يشوف بنته شمحتاجة تبي شي ولا لأ ، و بعدين يروح دوامه إللي بكونا والي وقته كان قصير بحكم معآرفه كان من الساعة 7 لي ال 10 بليل ، وطبعا من الساعة عشر لي ال 3 يروح شفت دوامه بالوزارة .. ، كآنت أمال تحس أنها ضآيعة بينهم وأنه محد فيهم يحس فيها مع ذلك كانت تجعم نفسها عشآن تربي أخوها و تتحمل اللي أهيا فيه
عبير رفيجتهم عمرها 18 سنة متحجبة و كانت تلبس عباية جتف و نقاب اللي كان مهضوم حقها بينهم وكانوا ما يعطونها فرصة تتكلم ودايما يجعمونها ويضحكون الناس عليها بحكم الغشمرة جدامهم تضحك معآهم و تعلق بس من داخلها كان يحز بخاطرها حيل بس ما تبين لهم ، الوحيدة اللي كان دارية بهالشي و كانت تقدرها و ما تفشلها ليآن ، بس أحيان ليان تلقى عبير و جنان يعلقون عليها وجدامها عيني عينك لكن ليان طنش وتسوي نفسها ما تسمع ، عبير عآيشة مع أسرة شبه مستقرة عندها 7 أخوان و أهي الوحيدة البنت دايم مشآكل معآهم ، نتحجى عن ملامحها حنطاوية طويلة خشمها مدبب من جدام شفايفها صغار بشرتها صآفية عيونها صغار رموشها كثاف شعرها يوصل لي جتفها لونه بني غامج
______________________________________________________________________
نرد حق اللي كنه فيه ليان بطريجها للكافتريا وخلاص جريب و توصل للطاولة اللي كانوا قاعدين عليها رفيجاتها ، ليان يومها كانت لابسة لبس يونس و لايق على هالجو الربيعي ، لبست كنزة بيجيه منقطه بنقط بيضاء تحتها قميص أزرق نيلي اللي غولته كانت جافستها و معطية شكل حلو وجفسته من صوب الجتف و طلعت نهاية القميص برى عشان يعطي شكلة أنثوي و رآقي بنفس الوقت ، مع بنطرون تركواز قصته تبين الساق ، ولبست سوارات حلوة بحيث تبرز لبسها أكثر ومع تراجي ذهبية و مع فلات شوز بيج طلعها أحلى ، قلادتها لولو أبيض ومع جنطتها الي كان شكلها ستايل و جنها من أفلام الخمسينات ، كانت حآطة صبغ تركواز و شعرها كانت شادته من جدام و رافعته بعنقوص من ورى بس شكله طالع عجييب صج يعني ستايل متفرد هذا غير النظارة الشمسية السوداء الي كانت لابستها و اللي عطت هارموني حق شكلها ، مكياجها كان ناعم و بسيط ما كان متكلف ، حطت ظل بيج على جفونها و خطت كحلتها وسحبتها نفس سحبة الخمسينات ، البلشر بني فآتح و الحمرة حمراء يعني شكلها على الصبح جنها تقول حق كل اللي يمرون يمها وخرووا عني من حلات شكلها ، كان لبسها نفس جذي
أول ما وصلت صوبهم و قبل ما تقعد رفعت نظارتها وقالت: صبآح الخير
جنان: أيَ صبآح الخير صار الضحى العود و أنتي منقعتنا يعني إن شاء الله ما ننطر حضرتج
ليان: طاعي ساعتج تو الناس
أمال: تقول تو الناس أي تو الناس صار لنا ساعة هني ننطرج لاعت جبدنا
جنان: وووييع والله ليان مو من صجج
ليان: خلاص حصل خير أنا آسفة ما كان قصدي أنطركم
عبير دخلت: يا الطيبين ترى ما صار شي علامكم !!
جنان: أنتي حطي لسانج بلهاتج و خليج بحالج لا تدخلين يلااه
عبير (تفشلت) و جندست رآسها و رقعتها بضحكة
ليان (بتغير الموضوع عشان تهدي من حدة الوضع المشحون: منو محاضرته معاي !!؟؟
جنان: عن الاستعباط و الملاقة تدرين أنه محاضرتي معاج و جدولي نفس جدولج لا تسوين فيها يعني أنا الي مادري
ليان: والله من صجي مادري
جنان: إي صدقتج صدقتج
ليان تكلم عبير: شفتي أمس صورتي اللي طرشت لج إياها حلووة ؟؟
عبير: إي والله تينن عجبتني .. أنتي شلون جذي أحس تطلع منج فناتك , حتى لبسج الي عليج والله عجبني ماشاء الله عليج ذويقة
جنان الي كانت قاطة الأذن و تليقفت و تدخلت مثل عادتها لأنها تدقق على الكلام وقالت عقب شههقققة قوية : هييييييءء ذويقة !! (بضحكة بايخة) ما عندج نظر .. لابسة لي لبس خباز و تقولها ذويقة .. استغفر الله
أمال : قعدت تضحك جنها ما صدقت على الله جنان تعلق على ليان
ليان : عاجبني
جنان: الله يلوع جبدج يا ليان .. أصلاً شكلج يفشل
عبير تدخلت: بالعكس والله حلو .. كآفي أنها دآشة علينا بستايل يديد يعني أنا عجبني
ليان ابتسمت و سكتت
جنان: أيييه أمبلا ستايل باجر أييكم بلبس أهوازي و تقولون عنه ستايل
ليان: خلاص يا وكيلة برادا .. إهدي على نفسج يا هرمز ، يا الراعي الرسمي للاسواق العالمية .. ما عليه يا إيلي صعب .. أتأسف أني أزعجت نظرج صرآحة و على فكرة هالستايل ستايل السيزن اليديد يعني توه بعده محد سوى نفسه
جنان إلي كانت منقهرة وقالت بطوالة لسان: سيزن المباركية
ليان: زهير مراد خلاص عاد سكتي
جنان: ووووويع تخلف حمدالله والشكر عشان قمت أقول رآيي كلتني وييع الله لا يبلانا نآس متخلفة (وقامت من كرسيها )
هني قالت حق آمال: شحقة تسوين جذي ؟؟ ترى أنتي ياهل عشان لبس سويتي جذي .. شنو يعني جان طوفتي
ليان: ألحين أنتي ما سمعتيها شقالت أهيا اللي كلتني بشرها و لا أنا مالي شغل بالسالفة أصلاً خذيتها ضحك
أمال: أنا رآيحة أشوفها و سمعي رآح تتأسفين منها إذا كانت زعلانة
ليان: غير شي أعتذر وأنا ما سويت شي غلط لا بالله خوش إعتذار
أمال: ووويه أنتي دايم جذي مليقة و ما تعرفين تحجين
ليان عيونها لومعت و ابتسمت وقالت : أنا ؟؟
أمال: لا أمي .. أنا ليش قاعدة عندج أروح أشوف جنان أحسن لي
عقب ما راحت أمال قالت عبير : ليان لا تزعلين والله ترى أهما يحبونج بس طبعهم دفش شوي ، لا تاخذينها بحساسية
ليان: لا بس حز بخاطري يعني بسم الله توني ما قعدت بمكاني كلوني و ما مداني قعدت إلا هلت جنان بتعليقاتها .. خاطري تقولي مرة كلمة حلوة
عبير: ما عليه أهي معاي جذي شفتيها شلون جعمتني و لا رديت
ليان: لا بس مو كثري ..شفتيها شلون شدت حيلها علي بطريقة يعني بآيخة
عبير: لا تشيلين هم و قومي خنروح محآضرتنا
ليان: يلا مشينا
عقب ما خلصت ( ليان) محاضراتها و على الساعة 12 دقت عليها رفيجتها زينة و قالت لها مريني الدوام خندردش و قالت لها أوكي
_____________________________________________________________________
ما كانوا أمال وجنان الوحيدين اللي لايعة جبودهم من النطرة
بمصافط المستشفى تحديدا بالسرداب كان نواف ينطر رفيجه عآمر على ما يخلص دوامه عشان يغديه برى بهالحر و الكشنات حآرة و التكيف ينافخ بصعوبه جنه أهو بعد حران
نواف ما بقى شي ما سواه جرب يقعد ورى على بو أنه ورى أبرد مااكوو الريال ذاب من الحر ، رآح جدام ماكو هم بعد نفس الشي ، شغل السي دي عشان يلهي نفسه و يترقص شوي عشان يبرد لكن هم ماكو فايدة احتر أكثر بطل الدرايش لكن أخس و أخس حر حر رطوبة ، قال ماكو ألا أطلع أتمشى أشتري لي شي بارد يسرسح على جبدي
مشى شوي و رآح صوب البقالة الي يم المستشفى بحذفة عصا ، دش البقالة و طيح الميانة مع حجي آغا طبعا أهو اللي سماه هالاسم لانه أسهل عليه و لأنه جنسيته إيرانية ، طبعاً أسمه الصجي أهو عبدالكريم محمد باقري مع إحترامي الشديد لكافة الأقليات و الجنسيات
وعشان تربطون الحدث رآح يصير حبيت أحط لكم هالحوار
نواف:السلام عليكم
عبدالكريم: وأليكم السلام أهلا فسهلا .. شينو يبي آموه ..
نواف يحاجي نفسه : عمووه !! لا حجي أنا نفر كبيرة سيم سيم بعيرة لأ غلطان أنا مو باجا يقول عموه
عبدالكريم: ماكو مشاكل آموه هزا أنتي سيم سيم عمر أنا أولاد وبعدين أنا كبيرة خلاس رآهت ألي والله
نواف يحاجي نفسه: أنتي !! لا آغا تو الناس وأنتي صغيرة الله يسلمج
عبدالكريم: مشكورة .. يلا شنو يابي آموه
نواف: شنو فيه آغا
عبدالكريم: ليش يقول آغا .. أنا اسم عبدالكريم مهمد باقري
نواف: والنعم عآش ولد الحجي محمد و النعم إب باقري
عبد الكريم : والله أنتي شيطان ؟ شنو اسم أنتي ؟؟
نواف يكلم نفسه: أنتي مرة ثانية .. على جذي بقوله اسمي نوف
عبد الكريم: خلسي .. شنو اسم أنتي ؟؟
نواف : اسمي نواف
عبدالكريم: و النعم بالنواف
نواف: والنعم بحالك (يحاجي نفسه و يقول هذا لا من حروف جر و لا من ضمائر الخطاب اللي أنت سواها أنتي،هذا شكله كلش ما يعرف سيبويه الحمدالله ما يعرفه جان قاله بالنعم بالحالج )
ملاحظة: سيبويه أحد مؤسسي علم النحو
عبدالكريم: يلا آموه خلسي شنو يآبي
نواف (بطنازة): آفا طردة .. الله يسلمج يآبي شي بآرد يبرد على الجبدي لاني حرآن .. , بس مادري شآخذ شنو فيه أنت أختار لي
عبدالكريم: والله كول شي موجودة ، فيه برد فيلجا , فيه عسير سنفور , برد توت ييعني يقولونه هناك في بلاد أنا فالودة ، فيه كول شي شينو يآبي
نواف: لااه تدري شلون عطنا فالودة توت
عبدالكريم: حازر
نواف دفع له المقسوم وقعد يلحس بهالبرد و من زود الغلقة وقف صوب باب البقالة يتأمل اللي رآيحين و اللي رآدين فجأة صفطت سيارة و بالسيارةهذه كانت ليان موجودة اللي دقت عليه رفيجتها و على ما يبدو انه مو بس نواف اللي كان حرآن حتى ليان
ليان دقت هرن عشآن يطلع لها رآعي البقالة اللي أهو عبد الكريم ، بس عبدالكريم كان مو فآضي قاعد يشوف دفتر الديون و يحسب مدخول اليوم ، هني قال عبد الكريم : نواف ما عليج الأمر .. روهي شوفي هزا زبون شنو يبي و هاسبيه .. أنا في شغل متروس ، سآديني
نواف: يه حآضر والغنيمة أنت تآمر .. عند ويهك آفا عليك .. يلا ألحين رآيح أنا
عبدالكريم: مشكورة والله
نواف: العفو
مشى نواف و بخطوات هآدية وواثقة جنه ما كان متوقع اللي بيصير له و بيقلبه ... تبطلت الجام و لا ليان الي كانت خدودها موردة من الحر ، والي كانت نظارتها مغطية على عيونها الي ما قدر نواف يشوفها
تبطلت الجام
نواف: السلام عليكم، آمري أختي شبغيتي ؟؟! ، نواف نوعه إنسان محترم ما يحط عينه بعين مرأة معود نفسه يصد وما يشوف
ليان جنها مستغربة وعيونها شوي و تطلع وتنحت شوي!! يعني هالكويتي يشتغل إب بقالة ، قالت بينها وبين نفسها مستحيل أكيد تلقينه بدون (ومع إحترامي الفائق لهم) ، بس لا ملامحه و لا لهجته توحي بهالشيء يعني بآين عليه ولد نعمة تشيرته من هآكت سآعته رويلكس جوتيه من cordones toms
شورته أبيض من هولستر حطت إب باله أنه مستحيل يعني
هني قال نواف: أختي آشبيغتي؟؟
ليان اللي ليلحينها مستغربة قالت: أبي وآحد برد فضة و عصير مانجا و مآي بآرد لو سمحت
نواف بدون ما يقصد أنه يطالعها ولا إراديا طاح بوكها بالأرض هني قام نواف و خذاه من باب الذوق ، طبيعي و أهو نازل كان مجندس ونفس الشي ليان اللي فصخت نظارتها و صدف انهم رفعوا رآسهم مع بعض ، وبدون أي مقدمات قدروا يحطون عينهم بعين بعض ، نواف و لأول مرة يحط عينه بعين بنية و المشكله أنها جميلة استحى وآيد من نفسه جنه نقد على روحه ليش أنه طالعها بس شي من داخله كان فرحان جنه حبها مثل ما أنتوا عآرفين الريال يحب بالنظر
وبعد لحظة من الصمت القاتل تلحلت ليان و قالت
ليان: مشكور
نواف عقب ما صد: العفو ، أي شي ثاني تآمريني فيه لأني بروح أييب لج أغراضج
ليان: لا تسلم
نواف: حآضرين
مشى نواف و بطريجه بسرعة لي البقالة
وعقب ما طلع الاغراض بسرعة وهو مشتط لدرجة أن يسكر الثلاجة بريله
عبدالكريم: شوي شوي آموه بعدين خراب سلاجه
نواف: لا ما يخراب إن شاء الله ، آغا عندك عطر ، كلونيا أي شي تكفى الله يخليك أنا لايعة جبدي محتر و حالتي حالة
عبدالكريم: والله كلونيا فيه آموه عندك وآحد أم بنت و هازا بيبي جونسون يآبي
نواف: الله يسامحك يا آغا جان حطيت جفنشي , لوكست شي وهقتنا ، يلا يبا عطنا بيبي جونسون
عبدالكريم: هآج أخزيها هدية
تعطر نواف بالكلونيا و بسرعة حاط الاغراض بالجيس و رآح لها جنه يسابق خطواته
نواف يطق على جامة سيارتها: هذه أغراضج أختي .. أي خدمة ؟؟
ليان: لا سلامتك ؟؟ جم الحساب
نواف: لا ماله داعي
ليان: هوو شلون ماله داعي بعد !!
نواف: مو إحنا الله يسلمج مسوين عرض تشترين 3 أشياء و حسابج بال 350 فلس فما فوق ما نآخذ منج فلس حمر نعطيج إياهم إب بلاش
ليان: ههههه وأنا جم طلع حسابي
نواف( وهو صآد) : 350 فلس
ليان: إنت من صجك ؟؟ إنزين بدفع أنا
نواف (بذكاءه الماكر) : لا الله يخليج لا توهقيني معزبي منبهه علي أنه ما آخذ من الزباين الي حسابهم فوق ال 350 ، عشان العرض الي مسوينه ، تكفى لا تقطعين رزقي و توهقيني معآه
ليان بإستغراب: مآشي خلاص يلا أنا أتوكل
نواف: بالسلامة
لما مشت ليان لكنها ليلحين ماسكة الطريج يعني سيارتها ما باعدت وآيد ، نواف يقول بنفسه: شهالباتريوت الطائر .. شهالقصف الثائر و لك هذا اللي مال لي استطاعة به .. هذا الزين ، لأ ليش شفتها أنا حقيير (قعد يتبع مشي سيارتها ولقاها لافة على لفة المستشفى حط باله أنها رآيحة هناك ولأنه ذكي بالسوآقة فعرف وينها رآيحة) وكان يقول بنفسه معقولة تشتكي من مرض نفسي .. ! لأا والله رآح أتضايق خن أروح لها بس تعال آغا اللي دآخل
قام نواف و دش على آغا و عقب ما طلع 350 من جيبه يعني جنها ليان اللي دافعتهم (وليان ما دفعت شي أهو اللي دافعهم) شكره عبدالكريم و سلم عليه ومشى نواف صوب باب المستشفى و صعد فوق بقصد أنه يشوف ليان مو أنه يدور عآمر لكن المفاجأة أنه عآمر طلع له بويهه لأنه كان وآقف يم غرفته وأهو مو حآس
عآمر: خييير !! نعم شتبي أنا مو قايلك تنطرني تحت شيايبك ؟؟ أنا أعلمك ماكو باستا
نواف: بسم الله منو حك المصباح من وين طلعت لي أنته ، بعدين تعال نتباصر تدري أنا جم ساعة قاعد تحت ، صارلي 5 ساعات تحت يا الظالم يااللي ما ترحم أحبابك اللي يحبونك ..!!
عآمر: تروفة ما قدرت تصبر
نواف: يا رجل أقولك خمس ساعات أنا قاعد بالحر و صافط بالسرداب قته ماكو مخرج هواء بطلت الدرايش و شقتني الرطوبة شق ..!!
عآمر: والله عيار
نواف: عمور حبيبي قلبي أنت أقولك أنا خللت تحت صرت أجار ناقصني ثوم يبل و شوية بهار ، أقولك جسمي صآر مستنقع عرق .. أكمل شرح ولا أسكت
عآمر: لا يا معود خلك سآكت أبرك
نواف: والله حتى من زود الغلقة دشيت دكان آغا وطيحت الميانة
عآمر: نظام الشعبيات ماكو فآيدة فيك ، إنزين ليش ما يتني من أول
نواف: خفت أييك و تطردني و تحرمني من الطلعة عآد قلت أضحي كله في سبيل بطني ، و لك عندي سالفة تونس
عآمر: أمااانة
نواف: ايي تونس تلددغ
عآمر: تخليني أكركر
نواف: لأ أنتا شكو تونسني أنا بس ، أنت خلك مستمع
عآمر: قولها
نواف: لأ مو هني أقولك أهيا برى لما تطلعني سلم واستلم
عآمر: استغلالي مبتز
______________________________________________________________
عآمر دشش رفيجه مكتبه و عقب ما طلع عشان يروح يدور له سالفة عشان يشوف زينة ، اللي كان لبسها عبارة عن بلوزة بيضاء دانتيل من صوب الجم و مع تنورة هاي وست كحلية ناعمة ومع جنطة كلتش جلد ياية بلونين أسود وأبيض بس معطية توازن باللوك خصوصا الشوز الكعب الي كان مشير وعطاها شكل ناعم وأنثوي وعملي و لايق حق الداوم ، مكياجها خفيف كحلة من داخل بلشر وردي وقلوس وردي وماسكرا ما بالغت لأن شكلها ما يحتاج خبة ، كان شكل لبسها نفس جذي
كانت دكتورتنا زينة تنطر رفيجتها اللي كانت مضيعة و مو عارفة تدش أي مكتب وقعدت تسأل بالريسبشن
دش عآمر و قال بكل عفوية و خارج عن نطاق الرسمية : السلام عليكم دكتورتنا .. بس حبيت أكلمج بخصوص مويضيع صغير
زينة الي كانت مو بالعته ليش أنه وهقها اليوم مع الدكتور مآجد بدال وكان قصده يساعدها لكنه وهقها
اللي حصل أنه زينة كانت متأخرة لأنه أهي اللي توصل أخوانه للمدرسة بدون إرادتها تأخرت ، فيا الدكتور ماجد يسأل عنها وقوم يا عامر ووهق البنية و أنت مو قصدك و قول : يت الصبح بس بعدين رآحت يمكن عندها ظرف ، سكت ما علق ماجد بس يت زينة هزأها وقالها شلون تطلعين من دوامج بدون إستذان عبالج السالفة سايبة وأنتي مهملة ومستهترة وأنتي وأنتي .. ولما قالت له أنها أصلا ما طلعت و أنها توها تيي ما صدقها الا ليمن ورته سجل الحضور اللي عند صوب الريسبشن ..هني صدقها و قالها سامحيني أنا عآمر قالي أنج طلعتي من الدوام و ما استأذنتي ، ومن حزتها لي نهاية الدوام و زينة معبية منه كانت منقهرة تقول شلون جذي ؟؟ أهو بكيفه يتحجى ..!! منو من حقه يتكلم عني لا والحين ياي أوووف
زينة الي كانت تتصنع البسمة: تفضل !
عآمر: الله يسلمج .. زينة أنا أبي مساعدة منج وأتمنى أنج ما ترديني ..!
زينة بجدية و نفسية: ممكن أعرف شنو أهيا المساعدة ؟؟
عآمر: ايي بغيتج تساعديني وتقيدين إحصائيات المستشفى على مدى السنوات اللي طافوا .. طبعاً هذا الشي بأمر من الدكتور مآجد
زينة: وشنو أقدر أسوي ؟؟؟
عآمر: تساعديني
زينة: إي إن شاء الله خير .. تقدر تحط الملفات على درجي قبل نهاية الدوام وأنا رآح أساعدك ؟؟ أي خدمة
عآمر: لأا سالمة
زينة: مشكور
عآمر: العفو
عآمر اللي طلع مستانس و فرحان و اسكت الحين كلش يعني زينة معاملته بأسلوب حلو ، ورآح الدور الارضي عشان ياخذ الملفات
زينة اللي كانت لايعة جبدها جنها تقول شيبي هذا ؟؟ نآقصته أنا !!
هني صعدت ليان بالاسنصير و ما شافها أخوها لانه كان دآش صوب المخازن ، صعدت وتوهقت أي مكتب تدش مع أنه كان في لافتة ، دشت مكتب أخوها اللي كان قاعد فيه نواف
أول ما بطلت الباب ولا نواف منسدح على الغنفة ويغني : دلوعة ويدلعني وأنا أدلع .. عمور سد الباب ودش
رفع رآسه : أقولك سد الباب
الصدمة أنه ليان أبويهه .. !!
ويهه صار جذي و يه ليان بعد .. قامت ليان سدت الباب من الفشلة و قعدت تحوس بمكانها ، نفس وضع نواف اللي كان يحوس بالغنفة و يدفن رآسه ويقول مستحيييل : دلوعة لأ لأ فششششلة
ليان قاعد تهوي على ويهها و انتبهت على الافتة اللي صوب مكتب زينة ودشت و جنها متوهقة قالت: أمبيه زيووون أمببببيييه
زينة: شفيج ؟؟ خذيتني بشراع وميدار
ليان: لأ .. لأأ .. سالفة سالفة ما تنقال ... أمبييييه فشلة
زينة: حمدالله والشكر .. قعدي بس
ليان: إنزين
زينة: ريحي .. أمي و توكلي على الله ، وأخذي نفس شوفي ويهج مخطوف
ليان: صج ؟؟
زينة: إييه
ليان: أمبببيييه
زينة: إهديي، تدرين شلون قومي
ليان: وووين ؟؟
زينة: بيتنا وين يعني .. أمي مسوية مطبق سمج يستاهله بطنج .. قومي بس
ليان: لأا لا والله زيون لا تحرجيني
زينة: قومي زين يلا عاد تحرجيني و تفشليني جني أمس أعرفج قوومي بس
ورآحوا تغدوا هناك و قالت لها ليان السالفة ، زينة قالت لها عادي و لا تكبرين الموضوع .. أصلاً عبالي عندج سالفة ليان ما خذت إب بالها و هدت عمرها
______________________________________________________________
بنفس الوقت اب بمكتب عآمر
نواف: عمووور إحرااااج لا يمكن دلوعة وأنا أتدلع
عآمر: بابا لا تقعد تسوي فيها مستحي يعني أنك غنيتها و دشت عليك بنت .. أذكرك بالمسيرة يوم كنت مطلع رآسك من الجام وتغنيها بكل شجاعة
نواف: طاع هذا مسيرة غير كنت فآصل ..! ماكل صابون شتبيني إن شاء الله أغني !!!!!! سلامتك ؟؟
عآمر: هههههههههه ، عادي يبا ! أمش أوديك أغديك إب آتشاز هاه وتقولي عن السالفة كلها
نواف: آيباه .. يلا شالوا
______________________________________________
بوسط مطعم آتشاز الافنيوز
عآمر:أوفف ولا قصة مؤلف هندي بليلة رآس السنة
نواف: أقولك هذا اللي صار
عآمر: يه قول حجي ثاني أنت من صجك ؟؟
نواف : هاه !! علامك من صجي والله
عآمر: وين الي يقول عيب تخزز بنات خلق الله أشوفك قمت تخوزر
نواف: لا والله مو جذي أصلاً صديت ..أهو صج عيب بس ما قدرت أشيل عيني !!
عآمر: والله شكلك هيمان يا بو النيف منت الاولي
نواف: من صجك أقولك أنا اليوم مبسوط عندي استعداد أطق رقبة من السالمية لي النزهة .. سلكت معآي يا بو عمرة سلكت
عآمر: ههههههه الله يهنيك ، وشوي شوي على روحك
نواف: اقول عمور أنا ناسي بوكي بالكومدينة
عآمر: وما عندك بانزين عشان تروح تييبه من بيتكم ، حفظتها هاذي وتبيني أعطيك 5 دنانير عشان تترس سيارتك بانزين و ترد لي إياهم يوم اليمعة وتكشت فيني كالعادة .. أول شي حلالك ال 5 ثاني شي ماله داعي هالكلك الهندي الي تطبقه
نواف: عآد خلاص فلها عاد
عآمر: فليناها و عيطناها شتبي بعد
نواف: ما نبي شي
_____________________________________________________________________
فهد إلي كان ياي مع أخوه عشان يعالجه مآجد لانه إدارة المستشفى رفضت أنه تغييره الا بعد شهر إحتراماً له ، ما علينا دخل الدكتور مآجد على فهد عشان يعالجه و للاسف ماكو أي تجاوب نهائياً متصورين أنه يتكلم وأهو يطالع الطوفة يكلمه و يطالعه بعيونه وأهو يتجاهله ، و طبعا قال الدكتور حق إسماعيل هالشيء و أنه يحتاج وقت و بلغه إسماعيل أنه رآح يستمر معاه مدة شهر بعد هالشهر رآح يغيره
ماجد لاعت جبده وخصوصا غروره ما يسمح له جنه ناقد ويقول بقلبه: ‘عآد كلش بموت الحين على الفلوس اللي بحصلها من ورى هالدثوي اللي اسمه فهد
ما علينا إسماعيل كان ويا أخوه بالسياره ، ووقفوا صوب الجمعية أهني أشر فهد على المكتبة جنه يقوله نزلني بشتري لي جم كتاب رضى أخوه وقاله أشتر اللي يعجبك وأنطرني على ما أيي لا تخاف مراح أطول
وعقب ما تجول فهد بالمكتبة وشرا له جم كتاب عن الفن السيرالي و عن الرسم و عن دمج الألوان ، مشى صوب البوسترات الي تتوزع والي كانة مركونة يم المحاسب البليد .. بوسترات وايد بوستر أذكار بوستر أدعية خذا فهد جم وآحد ، كان فيه بوستر باللون الازرق طلعه فهد و كان هالبوستر مكتوب عليه (لأنهم مهمون اجعلهم يتحدثون) وتحته عنوان ثانوي مكتوب عليه هيئة رعاية ذوي الاحتياجات الخاصة ، وبعدها كان فيه أسس الانتساب و الشروط وكانت كلها مطابقة للحالة فهد و كان مكتوب أنه مو شرط الفرد يكون يعاني من إعاقة منذ الولادة ، يقدر ينتسب للنادي إذا كان متعرض للصدمة أو يعني من اضطرابات نفسية تمنعه من الكلام
كانت طريقتها أنهم يعلمون الفرد شلون يهجي الكلمه على أطراف أصباعه و بعدها يتدرجون لي الجمل و بعدين المحاورة ، وعلى فكرة هذه الطريقة يستخدمونها للصم والبكم إب أوروبا وحق اللي يعانون صعوبة بالنطق
وكانت طبعا في مجالات وآيد مو شرط هذه الطريقة في طريقة التحدث بالاشارة و غيره
فهد استانس و خصوصاً أنه تكون فترة التعلم قصيرة واستانس لانه قرر بس يخلص من هالدورة التعليمية يروح المستشفى و يفاجىء الدكتورة زينة ، بس حب تكون روحته حق النادي بالسر بحيث محد يدري عنوانهم مكتوب من وراء العارضية منزل رقم 2 شارع 110 قطعة 8
خش البوستر إب جيبه و قرر يروح له الظهر لأنه محد يكون موجود بالبيت الخدامة تكون برى لانها تشتغل نص دوام , وأخوه مراح يكون عنده لأنه جمعة , وقرر أنه يقول حق أخوه أنه ما يبي يتعالج عند الدكتور مآجد وأنه يروح مع تاكسي لي النادي بدون محد يدري
يا أخوه وحاسب الي شرآه و أول ما صعدوا صادف أنه اسماعيل بطل الموضوع و قاله أنا شايفك مو مرتاح مع دكتورك
هز براسه فهد يعني إيه
وقاله تبي تروح له بآجر !!
فهد يأشر براسه يعني لأ
اسماعيل: بييه شكلك كلش مو مستسيغه تدري شلون أنا بقول حق الادارة أنه بننطر شهر لين يرتبون أمورهم و يخلون دكتور غيره يعالجك .. شقلت ؟؟
فهد يأشر براسه يعني أيه
_________________________________________________________________
بجانب من بيت عبد الرزاق و مرته اللي كانت تسأله عن سالفة يية فهد لبيتهم ، عقب ما طردوا بناتهم لكن ود الوحيدة اللي كانت قاعد تتسمع جنها هامها الموضوع
ومثل عادة عبد الرزاق و مرته يبدوون السالفة بهووشة و ينهونها بتفاهم ، ود كانت متحسفة لأنها مو قادرة تسوي شي و أهي تحب فهد بس شتسوي
_____________________________________________________________________
الساعة 12 بليل هدى واقفة صوب الدريشة مثل الينية أختها نايمة بسابع نومة تنطر فهد ، اللي ليلحينه ما طلع ، تأخر طلع على الساعة وحدة قط الزبالة ودش داخل ..!! غريييبة أول مرة يقط الزبالة بدون ما يشغل الولاعة و بدون ما يدش ذيج الحديقة شسالفة !!! لأ اليوم بقعد وماني نايمة وحتى لو أروح المدرسة مواصلة بظل قاعدة لين أعرف شسالفة !!؟؟
وأول مرة توأصل و تندقر ليش انه ما طلع كلش الشي الي كلها طنقر و اللي خلاها تكثف مراقبتها له طول اليوم من ترد من المدرسة لي الليل
______________________________________________________________________
من صباح الله خير بالمستشفى زينة كانت على الوصول لابسة بليزر أسود من كريستيان ديور تحته نفنوف أبيض مقلم بأسود مع كعب مسكر ، ويا قلادة ذهبية من ديور و مكياج نفس طريقة مارلين مونرو كحلة خطتها طويلة وبلشر وردي فاتح و حمرة حمراء ، شكلها يفتح النفس و بالضبط نفس جذي لبسها كلن
كان مستقبلها بمكتبها عآمر ويا ملفاته وبإيده الهوت جوكليت اللي يايبه خصوصي عشانها
زينة دشت
عآمر: "صباح الخير"
زينة إب برود: صباح النور
عآمر: دكتورة تذكرين الملفات الي أمس قلتي لي أحطهم على مكتبج نسيت لا أحطهم و كاهم معاي .. تحبين نشتغل فيهم سووا
زينة: إيي خلهم هني .. لا كل وآحد بروح يكون أفضل
عآمر إندقر: إيي يزاج الله خير ، تفضلي هالهوت جوكليت يبته عشانج
زينة: اللله يعز شانك تسلم
عآمر: الله يسلمج ، تامرين بشي
زينة: لا شكرا
عآمر: العفو
___________________________________________________
هني زينة دقت على رفيجتها ليان وقالت لها أنها منقثة منه صج أنه أسلوبه حلو بس تحسه تستملقه
وقالت وووآآآآآآآي ليان وويع أحسه يغثني مادري ليش أحسني أكرهه
ليان اللي ما كانت تدري أنه الحجي عن اخوها: حرام عليج والله الولد كيوت أكثر من جذي شتبين
زينة: مادري والله بس أستملقه
ليان: عطييه فرصة لا تقعدين تحكمين عليه جذي
زينة: ما علينا !!
ليان: ترى سمعي باجر عندي بآرتي و عشاء عشان أخوي أحنا واعدينا نسويها وبنسويها بآجر
زينة: أي و المطلوب
ليان: المطلوب تنورينا
زينة: بس ابشري ما طلبتي الا عزج
ليان: حبيبتي
_________________________________________________________
عآمر اللي ..........................................................................................
همسة شعرية:
في آخر الشارع فرص يا أوله
بشرط مآتغريكـ جلسات الرصيـــف !
وتنظيـــف روحكــ أول اللي تعمله
شالفايدة تعمل .. إذا منت بنظيف
دبابيس طائرة:
ليان أنا أسعد إنسان بالدنيا *عآمر*
عمور هآذي منو *نواف*
يآآآآي حلاته *زينة*
_____________________________________________________
بنات تعليقاتكم تهمني انتوا مو متخيلين شلون أنا أتعب عشان أقدر أوصلكم المشهد اللي إب بالي و أتخيلونه من خلال الملابس و الحوار و الأماكن و الأحداث .. عشان جذي أتمنى أنكم تعلقون على هالاشياء و تسلمون حبايبي
وأبي ألفت نظركم حق شغلة رآح تكون عندي مسابقة بكل نهاية بارت أحط همسه وأنتوا تقولون لي عن منو تتحجى و الي ترد أول وحدة أهي الفايزة
آمال اللي كانت قاعدة يم جنان جنها تأفف ليش أن ليآن تأخرت عليها ونقعتها تعالوا أقولكم عن أطباعها عمرها 17 سنة متحجبة و تحب تغير بستايلها لكنها أحيان تفضل لبس العباية ، آمال إنسانة طيبة وحنونة بنفس الوقت و تتأثر وآيد الشيء اللي خلاها قآسية وجافة بطبعها طبعاً هالأمور هي أمور الحياة اليومية ، متقلبة بمزاجها و نوعها إذا تعرفت بأحد غريب عليها و صآر بينهم موقف حصل فيه سوء تفاهم تلقينه تكره هالشخص حييل، تحب تضحك و ما عندها مانع تضحك على حساب أنها تجرح غيرها وتفشله حتى جدام الناس، طريقتها نزرة و عصبية مع ليان أما مع الباآجي تلقينها مآكو أحسن منها ، ما تتحمل تزعل رفيجاتها و نوعها حلو تعتذر لكن مو كل مرة نسوي الغلط ونرجع نعتذر ترى همن الناس عندها مشاعر ، شخصيتها حلوة تعرف تسولف مع الناس و تضحك بنفس الوقت تحترم الشخص اللي جدامها اذا كان دكتور تسكت و تنتبه لكلامه ، نتكلم عن شكلها كآنت سمراء خمرية خشمها طويل عيونها وسآع شفايفها بارزة رموشها كثاف عيونها عسلية ضعيفة وجسمها مقسم شعرها قصير يوصل لي رقبتها لونه كستنائي ، قصيرة و أطرافها صغار (ريولها و إيدها) طريقة كلامها توحي على الدفاشة بس مو بإيدها تعودت أنها تحجى جذي ونوعها حييل غيورة و تغار من ليان مع أنها تحبها بس ما تبيها تصير أحسن منها ، أمها وأبوها عآيشين بنفس البيت و لكنهم منفصلين عندهم غير أمال تركي اللي عمره سنتين كانت أمال متحملة مسؤولية تربية أخوها ليش أنه محد من أهلها فاضي ، أمها ((عزيزة)) 36 سنة تشتغل بقسم فريق الأخبار يقناة الكويت يعني طول وقتها برى من الساعة 10 الصبح لي ال10 بليل وإذا صار عندها أووف (إجازة) تسآفر فيها مع أخوها ضآري ، أو تطلع شاليه و ما تاخذ بنتها معآها ، طبايعها حلوة و ظريفة لكنها تكره شي إسمه اهتمام ما عندها مانع تصرف على بنتها لكن تقعد معآها و مع ولدها مستحيل كان الطابق الفوقاني لها ملامحها حآدة حواجبها عريضة مقوسة بس شكلهم حلو عيونها صغيرة ومسحوبة من الطرف شوي خشمها سلة سيف (طويل) شفايفها بارزة من جدام ...، أبوها حميدي عمره 37 سنة عآيش بالدور الارضي مع بنته ، طيب و حبوب ويصرف على بنته و اييب لها إلي تبيه و كآن الكل يشهد له بالاحترام و الطيبة لكن ما عنده وقت يقعد مع عياله بحكم داومه كآن يشتغل وزارة النفط و دوامه شفتات شفت الصبح من ال9 لي ال1 و شفت من ال 10 بليل لي ال 3 ، يرد الظهر تعبان و متليش وآصل آخره فيقط رآسه و ينام و يقوم على 6 المغرب يصلي و يروح يبآشر تليفوناته بعدها يروح يشوف بنته شمحتاجة تبي شي ولا لأ ، و بعدين يروح دوامه إللي بكونا والي وقته كان قصير بحكم معآرفه كان من الساعة 7 لي ال 10 بليل ، وطبعا من الساعة عشر لي ال 3 يروح شفت دوامه بالوزارة .. ، كآنت أمال تحس أنها ضآيعة بينهم وأنه محد فيهم يحس فيها مع ذلك كانت تجعم نفسها عشآن تربي أخوها و تتحمل اللي أهيا فيه
عبير رفيجتهم عمرها 18 سنة متحجبة و كانت تلبس عباية جتف و نقاب اللي كان مهضوم حقها بينهم وكانوا ما يعطونها فرصة تتكلم ودايما يجعمونها ويضحكون الناس عليها بحكم الغشمرة جدامهم تضحك معآهم و تعلق بس من داخلها كان يحز بخاطرها حيل بس ما تبين لهم ، الوحيدة اللي كان دارية بهالشي و كانت تقدرها و ما تفشلها ليآن ، بس أحيان ليان تلقى عبير و جنان يعلقون عليها وجدامها عيني عينك لكن ليان طنش وتسوي نفسها ما تسمع ، عبير عآيشة مع أسرة شبه مستقرة عندها 7 أخوان و أهي الوحيدة البنت دايم مشآكل معآهم ، نتحجى عن ملامحها حنطاوية طويلة خشمها مدبب من جدام شفايفها صغار بشرتها صآفية عيونها صغار رموشها كثاف شعرها يوصل لي جتفها لونه بني غامج
______________________________________________________________________
نرد حق اللي كنه فيه ليان بطريجها للكافتريا وخلاص جريب و توصل للطاولة اللي كانوا قاعدين عليها رفيجاتها ، ليان يومها كانت لابسة لبس يونس و لايق على هالجو الربيعي ، لبست كنزة بيجيه منقطه بنقط بيضاء تحتها قميص أزرق نيلي اللي غولته كانت جافستها و معطية شكل حلو وجفسته من صوب الجتف و طلعت نهاية القميص برى عشان يعطي شكلة أنثوي و رآقي بنفس الوقت ، مع بنطرون تركواز قصته تبين الساق ، ولبست سوارات حلوة بحيث تبرز لبسها أكثر ومع تراجي ذهبية و مع فلات شوز بيج طلعها أحلى ، قلادتها لولو أبيض ومع جنطتها الي كان شكلها ستايل و جنها من أفلام الخمسينات ، كانت حآطة صبغ تركواز و شعرها كانت شادته من جدام و رافعته بعنقوص من ورى بس شكله طالع عجييب صج يعني ستايل متفرد هذا غير النظارة الشمسية السوداء الي كانت لابستها و اللي عطت هارموني حق شكلها ، مكياجها كان ناعم و بسيط ما كان متكلف ، حطت ظل بيج على جفونها و خطت كحلتها وسحبتها نفس سحبة الخمسينات ، البلشر بني فآتح و الحمرة حمراء يعني شكلها على الصبح جنها تقول حق كل اللي يمرون يمها وخرووا عني من حلات شكلها ، كان لبسها نفس جذي
أول ما وصلت صوبهم و قبل ما تقعد رفعت نظارتها وقالت: صبآح الخير
جنان: أيَ صبآح الخير صار الضحى العود و أنتي منقعتنا يعني إن شاء الله ما ننطر حضرتج
ليان: طاعي ساعتج تو الناس
أمال: تقول تو الناس أي تو الناس صار لنا ساعة هني ننطرج لاعت جبدنا
جنان: وووييع والله ليان مو من صجج
ليان: خلاص حصل خير أنا آسفة ما كان قصدي أنطركم
عبير دخلت: يا الطيبين ترى ما صار شي علامكم !!
جنان: أنتي حطي لسانج بلهاتج و خليج بحالج لا تدخلين يلااه
عبير (تفشلت) و جندست رآسها و رقعتها بضحكة
ليان (بتغير الموضوع عشان تهدي من حدة الوضع المشحون: منو محاضرته معاي !!؟؟
جنان: عن الاستعباط و الملاقة تدرين أنه محاضرتي معاج و جدولي نفس جدولج لا تسوين فيها يعني أنا الي مادري
ليان: والله من صجي مادري
جنان: إي صدقتج صدقتج
ليان تكلم عبير: شفتي أمس صورتي اللي طرشت لج إياها حلووة ؟؟
عبير: إي والله تينن عجبتني .. أنتي شلون جذي أحس تطلع منج فناتك , حتى لبسج الي عليج والله عجبني ماشاء الله عليج ذويقة
جنان الي كانت قاطة الأذن و تليقفت و تدخلت مثل عادتها لأنها تدقق على الكلام وقالت عقب شههقققة قوية : هييييييءء ذويقة !! (بضحكة بايخة) ما عندج نظر .. لابسة لي لبس خباز و تقولها ذويقة .. استغفر الله
أمال : قعدت تضحك جنها ما صدقت على الله جنان تعلق على ليان
ليان : عاجبني
جنان: الله يلوع جبدج يا ليان .. أصلاً شكلج يفشل
عبير تدخلت: بالعكس والله حلو .. كآفي أنها دآشة علينا بستايل يديد يعني أنا عجبني
ليان ابتسمت و سكتت
جنان: أيييه أمبلا ستايل باجر أييكم بلبس أهوازي و تقولون عنه ستايل
ليان: خلاص يا وكيلة برادا .. إهدي على نفسج يا هرمز ، يا الراعي الرسمي للاسواق العالمية .. ما عليه يا إيلي صعب .. أتأسف أني أزعجت نظرج صرآحة و على فكرة هالستايل ستايل السيزن اليديد يعني توه بعده محد سوى نفسه
جنان إلي كانت منقهرة وقالت بطوالة لسان: سيزن المباركية
ليان: زهير مراد خلاص عاد سكتي
جنان: ووووويع تخلف حمدالله والشكر عشان قمت أقول رآيي كلتني وييع الله لا يبلانا نآس متخلفة (وقامت من كرسيها )
هني قالت حق آمال: شحقة تسوين جذي ؟؟ ترى أنتي ياهل عشان لبس سويتي جذي .. شنو يعني جان طوفتي
ليان: ألحين أنتي ما سمعتيها شقالت أهيا اللي كلتني بشرها و لا أنا مالي شغل بالسالفة أصلاً خذيتها ضحك
أمال: أنا رآيحة أشوفها و سمعي رآح تتأسفين منها إذا كانت زعلانة
ليان: غير شي أعتذر وأنا ما سويت شي غلط لا بالله خوش إعتذار
أمال: ووويه أنتي دايم جذي مليقة و ما تعرفين تحجين
ليان عيونها لومعت و ابتسمت وقالت : أنا ؟؟
أمال: لا أمي .. أنا ليش قاعدة عندج أروح أشوف جنان أحسن لي
عقب ما راحت أمال قالت عبير : ليان لا تزعلين والله ترى أهما يحبونج بس طبعهم دفش شوي ، لا تاخذينها بحساسية
ليان: لا بس حز بخاطري يعني بسم الله توني ما قعدت بمكاني كلوني و ما مداني قعدت إلا هلت جنان بتعليقاتها .. خاطري تقولي مرة كلمة حلوة
عبير: ما عليه أهي معاي جذي شفتيها شلون جعمتني و لا رديت
ليان: لا بس مو كثري ..شفتيها شلون شدت حيلها علي بطريقة يعني بآيخة
عبير: لا تشيلين هم و قومي خنروح محآضرتنا
ليان: يلا مشينا
عقب ما خلصت ( ليان) محاضراتها و على الساعة 12 دقت عليها رفيجتها زينة و قالت لها مريني الدوام خندردش و قالت لها أوكي
_____________________________________________________________________
ما كانوا أمال وجنان الوحيدين اللي لايعة جبودهم من النطرة
بمصافط المستشفى تحديدا بالسرداب كان نواف ينطر رفيجه عآمر على ما يخلص دوامه عشان يغديه برى بهالحر و الكشنات حآرة و التكيف ينافخ بصعوبه جنه أهو بعد حران
نواف ما بقى شي ما سواه جرب يقعد ورى على بو أنه ورى أبرد مااكوو الريال ذاب من الحر ، رآح جدام ماكو هم بعد نفس الشي ، شغل السي دي عشان يلهي نفسه و يترقص شوي عشان يبرد لكن هم ماكو فايدة احتر أكثر بطل الدرايش لكن أخس و أخس حر حر رطوبة ، قال ماكو ألا أطلع أتمشى أشتري لي شي بارد يسرسح على جبدي
مشى شوي و رآح صوب البقالة الي يم المستشفى بحذفة عصا ، دش البقالة و طيح الميانة مع حجي آغا طبعا أهو اللي سماه هالاسم لانه أسهل عليه و لأنه جنسيته إيرانية ، طبعاً أسمه الصجي أهو عبدالكريم محمد باقري مع إحترامي الشديد لكافة الأقليات و الجنسيات
وعشان تربطون الحدث رآح يصير حبيت أحط لكم هالحوار
نواف:السلام عليكم
عبدالكريم: وأليكم السلام أهلا فسهلا .. شينو يبي آموه ..
نواف يحاجي نفسه : عمووه !! لا حجي أنا نفر كبيرة سيم سيم بعيرة لأ غلطان أنا مو باجا يقول عموه
عبدالكريم: ماكو مشاكل آموه هزا أنتي سيم سيم عمر أنا أولاد وبعدين أنا كبيرة خلاس رآهت ألي والله
نواف يحاجي نفسه: أنتي !! لا آغا تو الناس وأنتي صغيرة الله يسلمج
عبدالكريم: مشكورة .. يلا شنو يابي آموه
نواف: شنو فيه آغا
عبدالكريم: ليش يقول آغا .. أنا اسم عبدالكريم مهمد باقري
نواف: والنعم عآش ولد الحجي محمد و النعم إب باقري
عبد الكريم : والله أنتي شيطان ؟ شنو اسم أنتي ؟؟
نواف يكلم نفسه: أنتي مرة ثانية .. على جذي بقوله اسمي نوف
عبد الكريم: خلسي .. شنو اسم أنتي ؟؟
نواف : اسمي نواف
عبدالكريم: و النعم بالنواف
نواف: والنعم بحالك (يحاجي نفسه و يقول هذا لا من حروف جر و لا من ضمائر الخطاب اللي أنت سواها أنتي،هذا شكله كلش ما يعرف سيبويه الحمدالله ما يعرفه جان قاله بالنعم بالحالج )
ملاحظة: سيبويه أحد مؤسسي علم النحو
عبدالكريم: يلا آموه خلسي شنو يآبي
نواف (بطنازة): آفا طردة .. الله يسلمج يآبي شي بآرد يبرد على الجبدي لاني حرآن .. , بس مادري شآخذ شنو فيه أنت أختار لي
عبدالكريم: والله كول شي موجودة ، فيه برد فيلجا , فيه عسير سنفور , برد توت ييعني يقولونه هناك في بلاد أنا فالودة ، فيه كول شي شينو يآبي
نواف: لااه تدري شلون عطنا فالودة توت
عبدالكريم: حازر
نواف دفع له المقسوم وقعد يلحس بهالبرد و من زود الغلقة وقف صوب باب البقالة يتأمل اللي رآيحين و اللي رآدين فجأة صفطت سيارة و بالسيارةهذه كانت ليان موجودة اللي دقت عليه رفيجتها و على ما يبدو انه مو بس نواف اللي كان حرآن حتى ليان
ليان دقت هرن عشآن يطلع لها رآعي البقالة اللي أهو عبد الكريم ، بس عبدالكريم كان مو فآضي قاعد يشوف دفتر الديون و يحسب مدخول اليوم ، هني قال عبد الكريم : نواف ما عليج الأمر .. روهي شوفي هزا زبون شنو يبي و هاسبيه .. أنا في شغل متروس ، سآديني
نواف: يه حآضر والغنيمة أنت تآمر .. عند ويهك آفا عليك .. يلا ألحين رآيح أنا
عبدالكريم: مشكورة والله
نواف: العفو
مشى نواف و بخطوات هآدية وواثقة جنه ما كان متوقع اللي بيصير له و بيقلبه ... تبطلت الجام و لا ليان الي كانت خدودها موردة من الحر ، والي كانت نظارتها مغطية على عيونها الي ما قدر نواف يشوفها
تبطلت الجام
نواف: السلام عليكم، آمري أختي شبغيتي ؟؟! ، نواف نوعه إنسان محترم ما يحط عينه بعين مرأة معود نفسه يصد وما يشوف
ليان جنها مستغربة وعيونها شوي و تطلع وتنحت شوي!! يعني هالكويتي يشتغل إب بقالة ، قالت بينها وبين نفسها مستحيل أكيد تلقينه بدون (ومع إحترامي الفائق لهم) ، بس لا ملامحه و لا لهجته توحي بهالشيء يعني بآين عليه ولد نعمة تشيرته من هآكت سآعته رويلكس جوتيه من cordones toms
شورته أبيض من هولستر حطت إب باله أنه مستحيل يعني
هني قال نواف: أختي آشبيغتي؟؟
ليان اللي ليلحينها مستغربة قالت: أبي وآحد برد فضة و عصير مانجا و مآي بآرد لو سمحت
نواف بدون ما يقصد أنه يطالعها ولا إراديا طاح بوكها بالأرض هني قام نواف و خذاه من باب الذوق ، طبيعي و أهو نازل كان مجندس ونفس الشي ليان اللي فصخت نظارتها و صدف انهم رفعوا رآسهم مع بعض ، وبدون أي مقدمات قدروا يحطون عينهم بعين بعض ، نواف و لأول مرة يحط عينه بعين بنية و المشكله أنها جميلة استحى وآيد من نفسه جنه نقد على روحه ليش أنه طالعها بس شي من داخله كان فرحان جنه حبها مثل ما أنتوا عآرفين الريال يحب بالنظر
وبعد لحظة من الصمت القاتل تلحلت ليان و قالت
ليان: مشكور
نواف عقب ما صد: العفو ، أي شي ثاني تآمريني فيه لأني بروح أييب لج أغراضج
ليان: لا تسلم
نواف: حآضرين
مشى نواف و بطريجه بسرعة لي البقالة
وعقب ما طلع الاغراض بسرعة وهو مشتط لدرجة أن يسكر الثلاجة بريله
عبدالكريم: شوي شوي آموه بعدين خراب سلاجه
نواف: لا ما يخراب إن شاء الله ، آغا عندك عطر ، كلونيا أي شي تكفى الله يخليك أنا لايعة جبدي محتر و حالتي حالة
عبدالكريم: والله كلونيا فيه آموه عندك وآحد أم بنت و هازا بيبي جونسون يآبي
نواف: الله يسامحك يا آغا جان حطيت جفنشي , لوكست شي وهقتنا ، يلا يبا عطنا بيبي جونسون
عبدالكريم: هآج أخزيها هدية
تعطر نواف بالكلونيا و بسرعة حاط الاغراض بالجيس و رآح لها جنه يسابق خطواته
نواف يطق على جامة سيارتها: هذه أغراضج أختي .. أي خدمة ؟؟
ليان: لا سلامتك ؟؟ جم الحساب
نواف: لا ماله داعي
ليان: هوو شلون ماله داعي بعد !!
نواف: مو إحنا الله يسلمج مسوين عرض تشترين 3 أشياء و حسابج بال 350 فلس فما فوق ما نآخذ منج فلس حمر نعطيج إياهم إب بلاش
ليان: ههههه وأنا جم طلع حسابي
نواف( وهو صآد) : 350 فلس
ليان: إنت من صجك ؟؟ إنزين بدفع أنا
نواف (بذكاءه الماكر) : لا الله يخليج لا توهقيني معزبي منبهه علي أنه ما آخذ من الزباين الي حسابهم فوق ال 350 ، عشان العرض الي مسوينه ، تكفى لا تقطعين رزقي و توهقيني معآه
ليان بإستغراب: مآشي خلاص يلا أنا أتوكل
نواف: بالسلامة
لما مشت ليان لكنها ليلحين ماسكة الطريج يعني سيارتها ما باعدت وآيد ، نواف يقول بنفسه: شهالباتريوت الطائر .. شهالقصف الثائر و لك هذا اللي مال لي استطاعة به .. هذا الزين ، لأ ليش شفتها أنا حقيير (قعد يتبع مشي سيارتها ولقاها لافة على لفة المستشفى حط باله أنها رآيحة هناك ولأنه ذكي بالسوآقة فعرف وينها رآيحة) وكان يقول بنفسه معقولة تشتكي من مرض نفسي .. ! لأا والله رآح أتضايق خن أروح لها بس تعال آغا اللي دآخل
قام نواف و دش على آغا و عقب ما طلع 350 من جيبه يعني جنها ليان اللي دافعتهم (وليان ما دفعت شي أهو اللي دافعهم) شكره عبدالكريم و سلم عليه ومشى نواف صوب باب المستشفى و صعد فوق بقصد أنه يشوف ليان مو أنه يدور عآمر لكن المفاجأة أنه عآمر طلع له بويهه لأنه كان وآقف يم غرفته وأهو مو حآس
عآمر: خييير !! نعم شتبي أنا مو قايلك تنطرني تحت شيايبك ؟؟ أنا أعلمك ماكو باستا
نواف: بسم الله منو حك المصباح من وين طلعت لي أنته ، بعدين تعال نتباصر تدري أنا جم ساعة قاعد تحت ، صارلي 5 ساعات تحت يا الظالم يااللي ما ترحم أحبابك اللي يحبونك ..!!
عآمر: تروفة ما قدرت تصبر
نواف: يا رجل أقولك خمس ساعات أنا قاعد بالحر و صافط بالسرداب قته ماكو مخرج هواء بطلت الدرايش و شقتني الرطوبة شق ..!!
عآمر: والله عيار
نواف: عمور حبيبي قلبي أنت أقولك أنا خللت تحت صرت أجار ناقصني ثوم يبل و شوية بهار ، أقولك جسمي صآر مستنقع عرق .. أكمل شرح ولا أسكت
عآمر: لا يا معود خلك سآكت أبرك
نواف: والله حتى من زود الغلقة دشيت دكان آغا وطيحت الميانة
عآمر: نظام الشعبيات ماكو فآيدة فيك ، إنزين ليش ما يتني من أول
نواف: خفت أييك و تطردني و تحرمني من الطلعة عآد قلت أضحي كله في سبيل بطني ، و لك عندي سالفة تونس
عآمر: أمااانة
نواف: ايي تونس تلددغ
عآمر: تخليني أكركر
نواف: لأ أنتا شكو تونسني أنا بس ، أنت خلك مستمع
عآمر: قولها
نواف: لأ مو هني أقولك أهيا برى لما تطلعني سلم واستلم
عآمر: استغلالي مبتز
______________________________________________________________
عآمر دشش رفيجه مكتبه و عقب ما طلع عشان يروح يدور له سالفة عشان يشوف زينة ، اللي كان لبسها عبارة عن بلوزة بيضاء دانتيل من صوب الجم و مع تنورة هاي وست كحلية ناعمة ومع جنطة كلتش جلد ياية بلونين أسود وأبيض بس معطية توازن باللوك خصوصا الشوز الكعب الي كان مشير وعطاها شكل ناعم وأنثوي وعملي و لايق حق الداوم ، مكياجها خفيف كحلة من داخل بلشر وردي وقلوس وردي وماسكرا ما بالغت لأن شكلها ما يحتاج خبة ، كان شكل لبسها نفس جذي
كانت دكتورتنا زينة تنطر رفيجتها اللي كانت مضيعة و مو عارفة تدش أي مكتب وقعدت تسأل بالريسبشن
دش عآمر و قال بكل عفوية و خارج عن نطاق الرسمية : السلام عليكم دكتورتنا .. بس حبيت أكلمج بخصوص مويضيع صغير
زينة الي كانت مو بالعته ليش أنه وهقها اليوم مع الدكتور مآجد بدال وكان قصده يساعدها لكنه وهقها
اللي حصل أنه زينة كانت متأخرة لأنه أهي اللي توصل أخوانه للمدرسة بدون إرادتها تأخرت ، فيا الدكتور ماجد يسأل عنها وقوم يا عامر ووهق البنية و أنت مو قصدك و قول : يت الصبح بس بعدين رآحت يمكن عندها ظرف ، سكت ما علق ماجد بس يت زينة هزأها وقالها شلون تطلعين من دوامج بدون إستذان عبالج السالفة سايبة وأنتي مهملة ومستهترة وأنتي وأنتي .. ولما قالت له أنها أصلا ما طلعت و أنها توها تيي ما صدقها الا ليمن ورته سجل الحضور اللي عند صوب الريسبشن ..هني صدقها و قالها سامحيني أنا عآمر قالي أنج طلعتي من الدوام و ما استأذنتي ، ومن حزتها لي نهاية الدوام و زينة معبية منه كانت منقهرة تقول شلون جذي ؟؟ أهو بكيفه يتحجى ..!! منو من حقه يتكلم عني لا والحين ياي أوووف
زينة الي كانت تتصنع البسمة: تفضل !
عآمر: الله يسلمج .. زينة أنا أبي مساعدة منج وأتمنى أنج ما ترديني ..!
زينة بجدية و نفسية: ممكن أعرف شنو أهيا المساعدة ؟؟
عآمر: ايي بغيتج تساعديني وتقيدين إحصائيات المستشفى على مدى السنوات اللي طافوا .. طبعاً هذا الشي بأمر من الدكتور مآجد
زينة: وشنو أقدر أسوي ؟؟؟
عآمر: تساعديني
زينة: إي إن شاء الله خير .. تقدر تحط الملفات على درجي قبل نهاية الدوام وأنا رآح أساعدك ؟؟ أي خدمة
عآمر: لأا سالمة
زينة: مشكور
عآمر: العفو
عآمر اللي طلع مستانس و فرحان و اسكت الحين كلش يعني زينة معاملته بأسلوب حلو ، ورآح الدور الارضي عشان ياخذ الملفات
زينة اللي كانت لايعة جبدها جنها تقول شيبي هذا ؟؟ نآقصته أنا !!
هني صعدت ليان بالاسنصير و ما شافها أخوها لانه كان دآش صوب المخازن ، صعدت وتوهقت أي مكتب تدش مع أنه كان في لافتة ، دشت مكتب أخوها اللي كان قاعد فيه نواف
أول ما بطلت الباب ولا نواف منسدح على الغنفة ويغني : دلوعة ويدلعني وأنا أدلع .. عمور سد الباب ودش
رفع رآسه : أقولك سد الباب
الصدمة أنه ليان أبويهه .. !!
ويهه صار جذي و يه ليان بعد .. قامت ليان سدت الباب من الفشلة و قعدت تحوس بمكانها ، نفس وضع نواف اللي كان يحوس بالغنفة و يدفن رآسه ويقول مستحيييل : دلوعة لأ لأ فششششلة
ليان قاعد تهوي على ويهها و انتبهت على الافتة اللي صوب مكتب زينة ودشت و جنها متوهقة قالت: أمبيه زيووون أمببببيييه
زينة: شفيج ؟؟ خذيتني بشراع وميدار
ليان: لأ .. لأأ .. سالفة سالفة ما تنقال ... أمبييييه فشلة
زينة: حمدالله والشكر .. قعدي بس
ليان: إنزين
زينة: ريحي .. أمي و توكلي على الله ، وأخذي نفس شوفي ويهج مخطوف
ليان: صج ؟؟
زينة: إييه
ليان: أمبببيييه
زينة: إهديي، تدرين شلون قومي
ليان: وووين ؟؟
زينة: بيتنا وين يعني .. أمي مسوية مطبق سمج يستاهله بطنج .. قومي بس
ليان: لأا لا والله زيون لا تحرجيني
زينة: قومي زين يلا عاد تحرجيني و تفشليني جني أمس أعرفج قوومي بس
ورآحوا تغدوا هناك و قالت لها ليان السالفة ، زينة قالت لها عادي و لا تكبرين الموضوع .. أصلاً عبالي عندج سالفة ليان ما خذت إب بالها و هدت عمرها
______________________________________________________________
بنفس الوقت اب بمكتب عآمر
نواف: عمووور إحرااااج لا يمكن دلوعة وأنا أتدلع
عآمر: بابا لا تقعد تسوي فيها مستحي يعني أنك غنيتها و دشت عليك بنت .. أذكرك بالمسيرة يوم كنت مطلع رآسك من الجام وتغنيها بكل شجاعة
نواف: طاع هذا مسيرة غير كنت فآصل ..! ماكل صابون شتبيني إن شاء الله أغني !!!!!! سلامتك ؟؟
عآمر: هههههههههه ، عادي يبا ! أمش أوديك أغديك إب آتشاز هاه وتقولي عن السالفة كلها
نواف: آيباه .. يلا شالوا
______________________________________________
بوسط مطعم آتشاز الافنيوز
عآمر:أوفف ولا قصة مؤلف هندي بليلة رآس السنة
نواف: أقولك هذا اللي صار
عآمر: يه قول حجي ثاني أنت من صجك ؟؟
نواف : هاه !! علامك من صجي والله
عآمر: وين الي يقول عيب تخزز بنات خلق الله أشوفك قمت تخوزر
نواف: لا والله مو جذي أصلاً صديت ..أهو صج عيب بس ما قدرت أشيل عيني !!
عآمر: والله شكلك هيمان يا بو النيف منت الاولي
نواف: من صجك أقولك أنا اليوم مبسوط عندي استعداد أطق رقبة من السالمية لي النزهة .. سلكت معآي يا بو عمرة سلكت
عآمر: ههههههه الله يهنيك ، وشوي شوي على روحك
نواف: اقول عمور أنا ناسي بوكي بالكومدينة
عآمر: وما عندك بانزين عشان تروح تييبه من بيتكم ، حفظتها هاذي وتبيني أعطيك 5 دنانير عشان تترس سيارتك بانزين و ترد لي إياهم يوم اليمعة وتكشت فيني كالعادة .. أول شي حلالك ال 5 ثاني شي ماله داعي هالكلك الهندي الي تطبقه
نواف: عآد خلاص فلها عاد
عآمر: فليناها و عيطناها شتبي بعد
نواف: ما نبي شي
_____________________________________________________________________
فهد إلي كان ياي مع أخوه عشان يعالجه مآجد لانه إدارة المستشفى رفضت أنه تغييره الا بعد شهر إحتراماً له ، ما علينا دخل الدكتور مآجد على فهد عشان يعالجه و للاسف ماكو أي تجاوب نهائياً متصورين أنه يتكلم وأهو يطالع الطوفة يكلمه و يطالعه بعيونه وأهو يتجاهله ، و طبعا قال الدكتور حق إسماعيل هالشيء و أنه يحتاج وقت و بلغه إسماعيل أنه رآح يستمر معاه مدة شهر بعد هالشهر رآح يغيره
ماجد لاعت جبده وخصوصا غروره ما يسمح له جنه ناقد ويقول بقلبه: ‘عآد كلش بموت الحين على الفلوس اللي بحصلها من ورى هالدثوي اللي اسمه فهد
ما علينا إسماعيل كان ويا أخوه بالسياره ، ووقفوا صوب الجمعية أهني أشر فهد على المكتبة جنه يقوله نزلني بشتري لي جم كتاب رضى أخوه وقاله أشتر اللي يعجبك وأنطرني على ما أيي لا تخاف مراح أطول
وعقب ما تجول فهد بالمكتبة وشرا له جم كتاب عن الفن السيرالي و عن الرسم و عن دمج الألوان ، مشى صوب البوسترات الي تتوزع والي كانة مركونة يم المحاسب البليد .. بوسترات وايد بوستر أذكار بوستر أدعية خذا فهد جم وآحد ، كان فيه بوستر باللون الازرق طلعه فهد و كان هالبوستر مكتوب عليه (لأنهم مهمون اجعلهم يتحدثون) وتحته عنوان ثانوي مكتوب عليه هيئة رعاية ذوي الاحتياجات الخاصة ، وبعدها كان فيه أسس الانتساب و الشروط وكانت كلها مطابقة للحالة فهد و كان مكتوب أنه مو شرط الفرد يكون يعاني من إعاقة منذ الولادة ، يقدر ينتسب للنادي إذا كان متعرض للصدمة أو يعني من اضطرابات نفسية تمنعه من الكلام
كانت طريقتها أنهم يعلمون الفرد شلون يهجي الكلمه على أطراف أصباعه و بعدها يتدرجون لي الجمل و بعدين المحاورة ، وعلى فكرة هذه الطريقة يستخدمونها للصم والبكم إب أوروبا وحق اللي يعانون صعوبة بالنطق
وكانت طبعا في مجالات وآيد مو شرط هذه الطريقة في طريقة التحدث بالاشارة و غيره
فهد استانس و خصوصاً أنه تكون فترة التعلم قصيرة واستانس لانه قرر بس يخلص من هالدورة التعليمية يروح المستشفى و يفاجىء الدكتورة زينة ، بس حب تكون روحته حق النادي بالسر بحيث محد يدري عنوانهم مكتوب من وراء العارضية منزل رقم 2 شارع 110 قطعة 8
خش البوستر إب جيبه و قرر يروح له الظهر لأنه محد يكون موجود بالبيت الخدامة تكون برى لانها تشتغل نص دوام , وأخوه مراح يكون عنده لأنه جمعة , وقرر أنه يقول حق أخوه أنه ما يبي يتعالج عند الدكتور مآجد وأنه يروح مع تاكسي لي النادي بدون محد يدري
يا أخوه وحاسب الي شرآه و أول ما صعدوا صادف أنه اسماعيل بطل الموضوع و قاله أنا شايفك مو مرتاح مع دكتورك
هز براسه فهد يعني إيه
وقاله تبي تروح له بآجر !!
فهد يأشر براسه يعني لأ
اسماعيل: بييه شكلك كلش مو مستسيغه تدري شلون أنا بقول حق الادارة أنه بننطر شهر لين يرتبون أمورهم و يخلون دكتور غيره يعالجك .. شقلت ؟؟
فهد يأشر براسه يعني أيه
_________________________________________________________________
بجانب من بيت عبد الرزاق و مرته اللي كانت تسأله عن سالفة يية فهد لبيتهم ، عقب ما طردوا بناتهم لكن ود الوحيدة اللي كانت قاعد تتسمع جنها هامها الموضوع
ومثل عادة عبد الرزاق و مرته يبدوون السالفة بهووشة و ينهونها بتفاهم ، ود كانت متحسفة لأنها مو قادرة تسوي شي و أهي تحب فهد بس شتسوي
_____________________________________________________________________
الساعة 12 بليل هدى واقفة صوب الدريشة مثل الينية أختها نايمة بسابع نومة تنطر فهد ، اللي ليلحينه ما طلع ، تأخر طلع على الساعة وحدة قط الزبالة ودش داخل ..!! غريييبة أول مرة يقط الزبالة بدون ما يشغل الولاعة و بدون ما يدش ذيج الحديقة شسالفة !!! لأ اليوم بقعد وماني نايمة وحتى لو أروح المدرسة مواصلة بظل قاعدة لين أعرف شسالفة !!؟؟
وأول مرة توأصل و تندقر ليش انه ما طلع كلش الشي الي كلها طنقر و اللي خلاها تكثف مراقبتها له طول اليوم من ترد من المدرسة لي الليل
______________________________________________________________________
من صباح الله خير بالمستشفى زينة كانت على الوصول لابسة بليزر أسود من كريستيان ديور تحته نفنوف أبيض مقلم بأسود مع كعب مسكر ، ويا قلادة ذهبية من ديور و مكياج نفس طريقة مارلين مونرو كحلة خطتها طويلة وبلشر وردي فاتح و حمرة حمراء ، شكلها يفتح النفس و بالضبط نفس جذي لبسها كلن
كان مستقبلها بمكتبها عآمر ويا ملفاته وبإيده الهوت جوكليت اللي يايبه خصوصي عشانها
زينة دشت
عآمر: "صباح الخير"
زينة إب برود: صباح النور
عآمر: دكتورة تذكرين الملفات الي أمس قلتي لي أحطهم على مكتبج نسيت لا أحطهم و كاهم معاي .. تحبين نشتغل فيهم سووا
زينة: إيي خلهم هني .. لا كل وآحد بروح يكون أفضل
عآمر إندقر: إيي يزاج الله خير ، تفضلي هالهوت جوكليت يبته عشانج
زينة: اللله يعز شانك تسلم
عآمر: الله يسلمج ، تامرين بشي
زينة: لا شكرا
عآمر: العفو
___________________________________________________
هني زينة دقت على رفيجتها ليان وقالت لها أنها منقثة منه صج أنه أسلوبه حلو بس تحسه تستملقه
وقالت وووآآآآآآآي ليان وويع أحسه يغثني مادري ليش أحسني أكرهه
ليان اللي ما كانت تدري أنه الحجي عن اخوها: حرام عليج والله الولد كيوت أكثر من جذي شتبين
زينة: مادري والله بس أستملقه
ليان: عطييه فرصة لا تقعدين تحكمين عليه جذي
زينة: ما علينا !!
ليان: ترى سمعي باجر عندي بآرتي و عشاء عشان أخوي أحنا واعدينا نسويها وبنسويها بآجر
زينة: أي و المطلوب
ليان: المطلوب تنورينا
زينة: بس ابشري ما طلبتي الا عزج
ليان: حبيبتي
_________________________________________________________
عآمر اللي ..........................................................................................
همسة شعرية:
في آخر الشارع فرص يا أوله
بشرط مآتغريكـ جلسات الرصيـــف !
وتنظيـــف روحكــ أول اللي تعمله
شالفايدة تعمل .. إذا منت بنظيف
دبابيس طائرة:
ليان أنا أسعد إنسان بالدنيا *عآمر*
عمور هآذي منو *نواف*
يآآآآي حلاته *زينة*
_____________________________________________________
بنات تعليقاتكم تهمني انتوا مو متخيلين شلون أنا أتعب عشان أقدر أوصلكم المشهد اللي إب بالي و أتخيلونه من خلال الملابس و الحوار و الأماكن و الأحداث .. عشان جذي أتمنى أنكم تعلقون على هالاشياء و تسلمون حبايبي
وأبي ألفت نظركم حق شغلة رآح تكون عندي مسابقة بكل نهاية بارت أحط همسه وأنتوا تقولون لي عن منو تتحجى و الي ترد أول وحدة أهي الفايزة
التعديل الأخير:
سلام الرواية حلوة و أسلوبج احلى و الخط وايد لازق فما عليج امر تعدلينه بالبارتات الياية و
توقعاتي :-
زينة تنصدم لما تعرف عامر اخو ليان
تحب فهد و عامر يعصب و يحقد على فهد بعدين عادي و يمكن يحب وحدة ثانية
ليان تحب نواف و يعترف لها و اتوقع قاتل ام فهد راح يطلع يصير حق زينة او شي جذي
و احلى مافي بالرواية نواف يونس
و ثانكس ناطرينج لا تطولين و سوري اذا طولت عليج
و متى البارت ؟:eh_s(22)::eh_s(7):
:e3:
توقعاتي :-
زينة تنصدم لما تعرف عامر اخو ليان
تحب فهد و عامر يعصب و يحقد على فهد بعدين عادي و يمكن يحب وحدة ثانية
ليان تحب نواف و يعترف لها و اتوقع قاتل ام فهد راح يطلع يصير حق زينة او شي جذي
و احلى مافي بالرواية نواف يونس
و ثانكس ناطرينج لا تطولين و سوري اذا طولت عليج
و متى البارت ؟:eh_s(22)::eh_s(7):
:e3:
سارووونه22
New member
سلام عليكم انا بصراحه من زمان ادور في المنتدى على الروايه تشدني ومع احترامي لكل الكاتبات روايتج كلمة رووووووووووعه شويه عليها عاجبني اسلوبج في الطرح وتغيير المواقف واسلوبج بلكتابه حيييييييييييييييل يشد ويعطيج العافيه على هل روايه الحلوه تى انا امس قريتها وشدتني خلتني اكملها لين وصلت لكم واشكرج واعتبريني من متابعينج حبيبتي والله يعطيج العافيه انا بنتظار البارت وجنه سمعت انج منزله روايه ثانيه راح اقراها واعطيج رايي وشكرا
