;رهت الزواج والسبب ... هالكارثه

[نـور الكوويت]

الله يرزقج الزوج الصالح

 

[Mrs_Orchidia]

الحمدلله على كل حال يا حياتي .. أحسن من غيرج
و مادام انج شفتيه و عرفتيه شفيه ما فيه

خلاص ارتاحي

و تذكري ان رزقج محد بياخذه منج .. رزقج بعده مايه

لا تكرهين الناس لانهم يمدحون عيالهم . القرد بعين امه غزال
اهي من صجها تشوفه ان حلو .. ما تقصد ترفع من شانه او تجذب
حاولي تحطين نفسج بمكانها


اما اللي عقله صغير و ما قالوا .. بهذه صح يحق لج تتضايقين
و الناس اذا سألتوا ما يقولون الصج عشان ما يقطعون ارزاق غيرهم ... و الرياييل مع بعض غير عن لما يصيرون مع اهلهم
يمكن الولد احسن الشباب بين ربعه لكنه جلب بن جلب مع اهله! ربعه شدراهم ان مؤذي اهله؟؟

وحدة نعرفها مسكينة تزوجت واحد طلع عيونها وراها نجوم الليل بالقايلة
طبعا عيلت منه يابت 2 .. لما شكوا حق امه قالت انا لاعت جبدي منه قلت ازوجه افتك منه!!!



الناس مالهم الا الظاهر حبيبتي .. مايدرون الواحد شلون مع اهله؟

 

[فتوشه كويتيه]

الله يرزقج باللي يكون على مشتهاج

 

[soso-87]

مشكورين حبيباتي عالردود

وصج مبارك عليكم الشهر قبل ما انسى لوووول


راح اقولكم شي يموتكم ضحك الحمدلله والشكر الناس ينوووا واقعدواا


واحد خاطب رفيجتي .. يقولها انا ريال من درامي لي مزرعتنا لي البيت غير هالاماكن انسي اروح
وكل يوم لازم امر المزرعه اجيك عليها
وما احب وحده تدق علي .. وخاصه اذا بتدق تقول وينك متى بترد
يعني المفروض انتي عارفه جدولي فلا تدقين الا اذا صار فيج شي جايد .. بتموتين مثلا .. زلقتي انبط راسج .. انكسرت ريلج هني دقي قوليلي غيره لا
وترى احب اذا رديت البيت اشوفج نايمه @@ >>>>>>>>>> اهم شي



يعني بالذمه شالكلام .. اذا انت طول اليوم بره البيت وممنوع تدق عليك واذا رديت لازم اهي تكون نايمه
عيل شحقه متزوجتك .. عشان تتامل اطوف البيت والا شنو
ويع شالاخلاق

لا ومتامل انها توافق عليه . ولما ما وافقت قاموا يحنون يبونها
لووول اقول خل يستريح ولدكم عندكم هذا اي بنت تبيه
اي ونسيت اقولكم ... ما يحب ياكل جدام احد عشان جذي ما يروح مطاعم كااااااااااااااااااااااااااااااااااااااااك

الله يعينه على نفسه

 

[الحلللوه]

الله يفررج هممك قلبوو ويرزقك الزووج الصالح

 

[al3sooola]

والله صح كلامح هذا غش وما يجوز والله يرزقج ويرزقني بالازواج الصالحه واللي نتمناهم يارب

 

[أإلع ـشق دلع ـهـأإ]

.






















علشآن جذي أفضل زوآج الآهل !!

شخص تعرفينه ويعرفكم وتعرفون عيونه وشكله ..

واللي عليج تعوذي من الشيطان واذكري الله ...

واطلبي من الله بالشهر هذا ان يرزقج الزوج الصآلح اللي يسعدج ويهنيج ..
























.

 

[حكاية شهرزاد]

تعرضنا لنفس المواقف ..

مدري من وين يجيبون الثقه لما يمدحون عيالهم ..

عيب الكذب .. قولوا عيوبكم خلكم واثقين من نفسكم ..