رموش تركيـب عمليــة .. تعالوا نستفيد مع بعـض

[ليالي الكويت]

هـــاااي بنـات ..

حبيت انكم تشاركوني في هالموضوع اللي اتمنـى ان نستفيد منـه جميعا ..

بنات مثل ما احنا عارفيـن ان الرموش الصناعيـه صارت شـيء ضروري بالنسبـة لأغلب المهتمين في الجمـال في هالوقــت خصوصا الفنانات مع أكبر خبراء التجميـل لأنها تعطـي للعيـن جمال واتساع ...

صـرت أسمــع من بعـض البـنـات انهم ما يستغنــون ولا يمكن يطلعون من البيت بدون رموش تركيــب ...

وفيـه بنات ما يستغنون عنها في المناسبات ...

وعلشان جـذي أبي من كـل وحـدة تكتب لـي تجربتـها مع الرموش الصناعيـه ..
مثل أفضـل ماركـة رموش صناعيــه ..
وهل تعتبر استخدمها صعب والا سهــل ..
والأوقـات اللي تحطيـن فيـها الرموش الصناعيــه يعني في المناسبـات أو بشكـل عملـي ويومـي ...


على فكـرة بنات يمدحون رموش ماك اللي جربت او سمعت عنها اتمنى تفيدنا عن هالشــيء ..

ودمـــــــتم سالميــن ..<< سبيس تون :d

 

[نجمه*]

مشاركة: رموش تركيـب عمليــة .. تعالوا نستفيد مع بعـض

حبيبتي ليالي انا استخدم الرموش بالمناسبات بس واشتريها من محلات المنصور مع الصمغ مالها واركبهم عادي


يمكن بالبدايه كنت اخورها بالتركيب بس الحين الحمدلله اركبهم عادي وصاروا شي اساس بالمكياج لدرجه ان المكياج احسه ناقص اذا ما حطيتهم وهذا اكيد اذا بحفلة استقبال او عشى اوعرس


اما بصراحه الطلعات الخفيفه لا والله ماحطهم خصوصا انا الادمان على استخدامهم يضر بالعين

وبس هذا اللي عندي ..........تعبت !

 

[شادية]

مشاركة: رموش تركيـب عمليــة .. تعالوا نستفيد مع بعـض

انا ما استخدمهم الا بالعروس الصراحه تغير شكل العين

اما بالايام العاديه طبعا لا لانه تكون من غير مكياج اتوقع شكلها يخرع بروحها


واحس صعبه تركيبها لانه للحين ماتحكمت فيها

اشكرج على الموضووووووووووع

 

[دهن عود مبخر]

مشاركة: رموش تركيـب عمليــة .. تعالوا نستفيد مع بعـض

استخدمها طبعا للحفلات والاعراس

واشتريها من المنصور ...

واستخدامها لحد الحين ماضبطه .. صج ساعات تنبط جبدي على ماركبهم

بس شسوي مضطره.. فل ميكب بدون رموش .. موشي

 

[um_fahad]

مشاركة: رموش تركيـب عمليــة .. تعالوا نستفيد مع بعـض

انا سمعن عن المنصور يبيعها لا وبنص دينار بعد .. قاصين علينا الصالونات يركبونها بخمس دنانير واهي قيمتها بنص دينار

 

[نجمه*]

مشاركة: رموش تركيـب عمليــة .. تعالوا نستفيد مع بعـض

لا ام فهد خبرج عتيج الصالونات الحين يركبونها ب10 ومن عمر قاااااااصين علينا

 

[كتكوته551]

مشاركة: رموش تركيـب عمليــة .. تعالوا نستفيد مع بعـض

هاي ليالي وشكرا على الموضوع...

بالنسبه للرموش انا استخدمها للاعراس والحفلات وفعلا احس الميك اب يكون ناقص بدونهم!

وانا اشتريهم احيانا من الصيدليات واحيانا من فافافوم ومره شريت من المنصور...

 

[ليالي الكويت]

مشاركة: رموش تركيـب عمليــة .. تعالوا نستفيد مع بعـض

حياكم اللـه بنــات ومشكورين على الردود الحلــوة ...

بس صح مثل ماقلتوا الصالونات قاصين علينــا ..
ولا بعــد قبل كانوا اذا الرموش من عندج يركبونها بدينارين واذا من عندهم ب5 دنانير وهم رموش بو نص .. لا ويمكن من بوميـة فلــس لانهم يشترون جملــة ... بس الحين ما عجبتهم هالحركــة صاروا اذا الرموش من عندج يركبونها ب 4 دنانير واذا من عندهم بخمســة بس مو كـل الصالونات تــرى ...

 

[الهوى]

مشاركة: رموش تركيـب عمليــة .. تعالوا نستفيد مع بعـض

بنات الأحسن الرموش اللي تجي مفرقه والأ اللي تجي ساده كامله


الفندق بيركبهم لي ب5 دنانير والكل نصحني اجيبهم من برا أرخص




رايكم

 

[روزالكويت]

مشاركة: رموش تركيـب عمليــة .. تعالوا نستفيد مع بعـض

انا افضل المتفرقات وايد شكلهم طبيعي وتعطيج نظره ساحره طبيعيه موتحسين صناعيه وسهلين بالتركيب

 

[نوال]

مشاركة: رموش تركيـب عمليــة .. تعالوا نستفيد مع بعـض

الرموش صارت ضروري بالعروس والحفلات تبرز مكياج العين وتخليه احلى

بس مااحطهم بالطلعات والعزايم العاديه بس بالحفلات وانا احطهم بالصالون مالي خلق اشتري

 

[عالي مستواها]

مشاركة: رموش تركيـب عمليــة .. تعالوا نستفيد مع بعـض

أحطهم بس بالعروس إذا المكياج ثقيل أشتريهم من برا ويركبونهم لي بالصالون

بس جربت مرة أركبهم بالبيت وما ضبطت يمكن لأني ما كنت حاطه مكياج

بنات المفرقين وين ألقاهم ؟ أحس بيصير شكلهم طبيعي أكثر حتى لو المكياج ناعم

 

[ليالي الكويت]

مشاركة: رموش تركيـب عمليــة .. تعالوا نستفيد مع بعـض

نجمــــــــــــه

وادي الغـــــروب

دهـــن عـود مبخــر

أم فهــد

كتكوتــــــــة

الهــــوى

روز الكـــويـــت

نــوال

عالـي مستـواهــــــــا


مشكوريــن علــى المرور الحلــو

 

[ليالي الكويت]

مشاركة: رموش تركيـب عمليــة .. تعالوا نستفيد مع بعـض

وينكــــــــم بنـااااات ؟؟؟؟


كمـلـوا نبـي أسامــي ماركات رمــوش حلــوة ..

 

[هدوي]

مشاركة: رموش تركيـب عمليــة .. تعالوا نستفيد مع بعـض

بنات تدرون ان الرموش من التوصيل
يعني حراااااااااااااااااااااااااااااااااااااااااام
اللهم هل بلغت اللهم فاشهد