رمضان والحموله

[((الجوري))]

السلام عليكم

شلونكم بنوتات وكل عام وانتو بخير مقدما


بنات اللي ساكنه عند حمولتها شلون نظامها مع حمولتها برمضان

هل يوميا تتفطر عندهم او مرات اي ومرات لا .وطبعا اكيد كل وحده تسوي طبق وتنزله

ومتى تنزلون قبل الفطور بساعه او اكثر وتقعدو معاهم بعد الفطور ومتى تصعدو شقتكم ؟


انا طبعاا ببدي بنفسي اولاا


اننا يوميا اتفطر عند حمولتي واسوي طبق فوق وانزله معاي وتقريبا ازل قبل الفطور بساعه او ساعتين واي صح وبعد الفطور اقعد معاهم لصلاه العشا واصعد شقتي ؟

 

[غارقة بأحزانها]

انا مو ساكنة عند حمولتي
بس حبيت ارفع الموضوع

 

[ميمي..]

مو ساكنه معهم
up

 

[دريم]

ااب لعيونج

 

[الفراولـه]

امممممممم حلوو الموضوع مشكوره

انا اول سنه افطر معاهم بما اني ساكنه معاهم الحين بشقه

بس اللي ابي اعرفه انزل وقت جريب الاذان او افطر بروحي بشقتي او لازم انزل معاي اكل او فطور يوميا لووووووول ماتحب تتعب نفسها

 

[زوووز77]

والله مدري الرمضان هذا اول الرمضان عند حمولتي:eh_s(10):

 

[ضحاوي الديره]

انا انزل يوميا افطر معاهم تحت ومانزل معي شي بصراحه احس ماله داعي اصلا الخدامه اهي اللي تسوي كل شي
انزل قبل الاذان بساعه او نص ساعه اساعدهم انجب معاهم وبعدها سييييييييده اصعد شقتي اتوضا واصلي واكشششششششخ وانزل عند خالتي او اروح لبيت اهلي

 

[غـرامـي أنـت]

انا كنت ساكنه معهم وكنت انزل من الساعه 2 اساعد الشغااله

وعلى حسب مراات اصعد على صلاة التررويح لانهم يروحون يصلوون ومراات ابقى تحت

 

[shak!shoka]

انا انزل قبل الفطور ب 10 دقايق اذا في نجاب ع الخفيف و انزل معاي طبق كل يومين يعني يوم اي و يومين لا

وومضان هالسنه صراحه ما عندي خدامه و عندي بيبي سنه و نص و حامل بالخامس ماااا ادري بس انا عادي ما استحي صراحه بمزاجي
وورا الفطور اصعد ع طووول ما احب اقعد تحت اصلا البيت ما يساعد حمويني مشالله شباب و يتيمعون كلهم انا ما اخذ رااااحتي حتى بالفطور ما اتفطر عدل اظل يوعانه استحي منهم !!*

 

[HaYoOoMa]

ماعندي مطبخ


انزل اتفطرر واصعد

 

[sunshine22]

الحموله موضوع متشعب

اولا على حسب الحموله

1- في حموله خدامتهم او طباخهم يسوي فطورهم يعني نزلتها ايد ورا وجدام ماله داعي

2- في حموله واستغرب انهم عايشيين لي هالوقت مرت الولد تساعدهم من الظهر!!!! الله يعينها

3- في حموله يقطون نغزات والاكل معاهم ياللله ينزل من الريج فعدم النزول لهم افضل

4- في حمووووووله عسل × عسل ما يبون شي وسوالفهم حلوه وقعدتهمم ماتنمل لين تفتحين عيونج على اخر الليل
من طيبهم تتفنيين في اطباقج لي نزلتيها لهم لانه الطيب فيهم ينفع


ووووالناس أجناس
وكل حموله لها طبع ينفع معاها

 

[sunshine22]

واول يوم رمضان لي اجتمعو الجنات اذا وااااااااايـــــــــــــد

ماسكين الهوااش بينهم وبين بعضهم الغالبيه بينهم حرب وضرب عشان الصوم والا جمعتهم مالها دااااااااااااعي ومضره بالصحه والخاله تضيعععع بالطوشه بينهم وااااااااااااااع

ههههههههههههههههههههههههههه

 

[الوردة المكنونة]

انا اول سنه زواج كنت اتفطر معاهم بس ريلي تضايق لان امه تقعد تحن عليه أكل أكل ذوق هذا وماكليت من هذا بس تاكل طباخ مرتك انا اطبخ حق منو وتقعد تبجي عاد ريلي تضايق يقول انا صايم وبتفطر من غير حنه ومناحه نتفطر بشقتنا ومتى ما بغيتي تنزلين نزلي بعد الفطور ومرات اطرش لهم نقصه من فطوري *

 

[كويتيه شماليه]

ياليت عند حموله وموفقين بنات

 

[shak!shoka]

ههههههههههههههههههه سن شاين الله يقطع بلييييسج ولله صح كلامج

انا حمولتي صراحه ما ادري جدامي شي ووراي شي ثاني وضعهم محير بس يختج ماكو وقت اطبخ و حتى لو اطبخ ريحة طباخهم تشق مخي هاذي نقطة ضعفي

هههههههههه

 

[ديما..]

الله يبلغنا وياكم الرمضان ونحن في اتم صحة وحال
الموضوع وااايد حلو
انا انزل عند حمولتي قبل الاذان بخمس دقايق ومو دايم انزل معاي شي يعني ثلاث مرات بالاسبوع تقريبا
واصعد مع اذان العشاء

 

[الأماكن]

انا انزل يوميا افطر معاهم تحت ومانزل معي شي بصراحه احس ماله داعي اصلا الخدامه اهي اللي تسوي كل شي
انزل قبل الاذان بساعه او نص ساعه اساعدهم انجب معاهم وبعدها سييييييييده اصعد شقتي اتوضا واصلي واكشششششششخ وانزل عند خالتي او اروح لبيت اهلي

سيم سيم كلام مال هوااا :eh_s(15):

و ثانيا الحمدلله ما عندي مطبخ فوق :yaaaaaarb:

و اساسا طبع حمولتي كل مستقل بحياته محد يدري عن الثاني

يعني بعد الفطور ينتشرووووون كل (ن) يشوف شغله

وخالتي فديتها ... مو النوع اللي لازم انزلوا و تجمعوا ...

فـــ الحمدلله
و رمضااااااان كـــــريم :eh_s(7):​

 

[شوق بدر]

رمضان حلو بجمعة الفطور

 

[آهات قلبي]

حلو الموضوع
احب مواضيع النقاشات والاستفسارات
انا طبعا مالي شغل بموضوعكم بيت بروحي
بس عجبني الموضوع
وفي رمضان الطبخ كله علي والاشراف طبعا
زوجي عشتوو مايبي طبخ الخدامه
وبناتي مايحبون المطبخ ومالهم خلق يشتغلون والناس
فاطره وشلون عاد برمضان كلش مامنهم فايده
آاااااه ذكرتيني بكرف رمضان
متى يصير عندي مرت ولد(جنه) تساعدني 



موفقين بنات والله الله بحمولتكم بس ساعدوهم في النجاب 

 

[بنات حواء2]

انا عن نفسي ادش عليهم اول رمضان و اخر رمضان و نص رمضان يعني 3 مرات بس
لانه نوعهم مايسمح و الله كريم و الله يهديهم