رمضان في بيت الحموله اشلون اتميز ؟ ابي تنصحوني

[الراقيه 81]

السلام عليكم
انا عضوة يديده عليكم وهذا اول موضوع لي وابي تشاركوني بردودكم وتنصحوني
ابي اتميز برمضان عند خالتي وحريم حمواني اشلون شسوي وخصوصا ان حريم حمواني زادوا عن رمضار اللي فات يعني بتكون المنافسه قويه على الفطور
انطر ردودكم​

 

[يا حبنـي له..}]

رد : رمضان في بيت الحموله اشلون اتميز ؟ ابي تنصحوني

خلج من هالسوالف..وتميزي عند ربج..وحاولي تختمين القران اكثر من مره..واداومين ع ذكر برج وصله رحمج

 

[الراقيه 81]

مشكوره عالرد ياحبي له انا الحمدلله من اللي يقومون لشهر رمضان بالقران وصلاة التراويح والقيام والحمدلله بس ودي اتميز بالفطور هذا قصدي يعني شنو اكلات يديده تنصحوني فيها هذا المقصود وشكرا مره ثانيه

 

[يا حبنـي له..}]

رد : رمضان في بيت الحموله اشلون اتميز ؟ ابي تنصحوني

اذا جذي..اناما اقدر افيدج..دشي قسم الطبخ وشوفي فناتك البنات اهناك

 

[غــلآ الكويت]

لا ادورين التميييز عند العبد
اجتهدي في عبادتج اكثر
واتركي سوالف الحريم الماره باللبس والطبخ ..الخ
والله الحريم مايهموني ولاحركو ساكن

 

[الفدنه]

الله يهديكم بنات تحسسون الوحده جنها كافره
شالسالفه يبه ترى ان لنفسك عليك حق وان لاهلك عليك حق
حبيبتي شوفي فناتق قسم المطبخ وسوي كل يوم طبق خفايف او سلطه او شوربه للفطور
وسوي نوع حلو حق بعد الفطور ويفضل بارد عشان تسوينه وتخلينه بالثلاجه
وهم اشتري الكبب والسوالف المثلجه وسوي حق بعد الفطور مع الجاي والقهوه
سريعه وماتاخذ وقت حتى لو الخدامه تقليهم
عشان تتفرغين للعباده اكثر
واتمنى اكون فدتج

 

[chanel N22]

دشي قسم الطبخ وان شاء الله تحصلين اشياء مميزه
والله يوفقج يارب

 

[brettey]

رد : رمضان في بيت الحموله اشلون اتميز ؟ ابي تنصحوني

قسم الطبخ بتشوفين الهوايل وابداعات

 

[فديت قلب امي]

كتبت رد شطوله

بكتب باختصار

بدعي باطباق التقديم هاتي اشكال جديده وقسم الطبخ متروس

التمر سوي منه اشكال اللي حلا تمر واللي كور والخ شفت موضوع قبل فتره عن التمر يشوق بكريمه ومكسرات واكثر من طريقه غير المتعودين عليها

بدعي بحشوات الفطاير والسمبوسه وقصيها باشكال مبتكره مثلا سمبوسه البيتزا او بتزا الرول وهكذا

سوي ييوم ندوه دينيه مع بالاستريو علشان تقربينهم للحقيقه

بدعي بديكورات السفره حطي شموع وورد طبيعي

سوي فطور نظام بوفيه وبدعي

سوي فطور خفيف وبدعي بالعشاء

سوي يوم اكلات شعبيه وحطي ديكورات قديمه

جربي اكلات جديده عليهم

انصحج رمضان الكل فيه تخمه من الاكل حاولي تريحينهم بالديكورات

بعد القهوه بيوم سوي توزيع اشرطه دينيه وكتيبات او هدايا دهن عود اثواب صلاه وغلفيها بشكل جميل

شجعي الكل على عمل توزيعات للمساجد وغلفوها جميعا

اتمنى اكون قدر افيدج وادعي لي يحقق اللي بالي وامون حامل يارب

 

[كبسة جلكسي]

شوفي ياقلبي انا بقولش نظاامي واخذي الي يعجبش

انا اعني اقعد الساعه 12 وانزل تحت وادش المطبخ اشووف شنو موجوود

وعقب اقعد بالصاله مع خاالتي اسولف عليها
ونخطط شنو نسوي
ونشوف التي في سوا
عقب ادش المطبخ واسووي اي شي واحب اخلص شغلي بدري واحط بالمحرر
عشاان اخذ القلي من خاالتي
والديكوور علا السفره خلييه بسييييط جدا
كلينكس الوانها هاديه وبس
وعلا الفطور خليش هاديه
وعقب اصعد اصلي
وانزل معي حلوو مسويته بالليل
واطلعه للديوانيه مع القهوه لرجلي
وعقب اصعد اخذ لي غطه واناام
قبل التراويح اقووم وانزل اصلي
ولاجيت جبت القهووه وقعدت بالصاااله وسوالف ووناسه
ولاجا 12 صعدت شقتي وبديت حياتي الخااصه

ووووبس

 

[درة أهل الطولات]

قسم الطبخ اهو حلج

 

[يازمان العجايب]

شوفي حبيبتي
طبعا جهزتي دراريع ناعمه ق قبل الفطور وعقب الفطور اكشخ
خصصي وقت تكونين فيه مع خالتج قبل الفطور لان موحلوه تنزلين حزة الفطور
شوفي كتب يديده تم قسم الطبخ عندنا بالمنتدى
سويلج طبق حلو نزلي فيه عقب التراويح

 

[حبيبت مرزوق]

للرفع

 

[eL 3eFa]

كل اللي قالوه خواتي صح من الاكل والاطباق تحصلينهم بقسم الطبخ ..

اممم قدمي حق خالتج هدية ببداية رمضان ..

يعني تشكيلة حق رمضان مكسرات وحلو وهالسوالف
وبخير دهن عود ..

>> مشكلتي ليلحين بنت وانصح :$
موفقه ياعمري

 

[الراقيه 81]

اشكركم يا خواتي على النصايح الحلوه صج ويارب يالعيفا ما يجي رمضان الجاي الا وانتي عند بيت حمولتج
كبسه جلكسي انتي نفس حالتي فيبيتنا دوانيه وقعده عقب الفطور صج عيشتيني جو بيتنا برمضان

 

[mn.mn]

إذا انتي ساكنة معاهم بالبيت نزلي معاهم وساهمي بتجهيز الفطور وسوي لج طبق خفيف

شوفي كتاب المطاحن اليديد فيه اشياء يديدة وسهلة

 

[NauGhty nuRse]

البنات ماقصرووووووو

 

[طبيعي جدا]

رد : رمضان في بيت الحموله اشلون اتميز ؟ ابي تنصحوني

الاخوات ماخلوا لي شي اقولة وعساكم من عوادة

 

[[]نهاوند[]]

رد : رمضان في بيت الحموله اشلون اتميز ؟ ابي تنصحوني

اذا عندج مطبخ سوي اطباقج ونزليها قبل الفطور

واذا ماعندج سوي سلطه وحلو وخليهم بالثلاجه وانزلي تحت وساعدي خالتج بالمطبخ وقبل الفطور نزلي الحلا والسلطه ​

 

[بناتي زينة حياتي]

سوي اطباق سهله وحلو بارد ,,, لا تبتلشين بالحلو اللي لازم ينحط بالفرن والا اطباق صعبه

قسم المطبخ ماقصر واذا تبين كتبي بقوقل موقع منال العالم او اسامه اطيب ومافي اغرب من اطباقهم وحلاتها

وعسى الله يبلغنا وياج يارب