رقيب بالمطافي ... مساعده!!

[ام حسون]

حياتي انا ثانويه وريلي عريف بالمطافي يعني رابعه متوسط والحمدلله عايشين احلى عيشه واذا على المعاش مكفينا وزايد الحمدلله رب العالمين عندنا ياهلين الله يحرسهم ويهديهم واذا على الدوام تقدرون تكيفون حياتكم

 

[SARA88]

العفو ياقلبي ماسويت شي

بس حاسه فيج خاصه انج خايفه لانه على قولتج بناتكم ماخذين دكاترة ومهندسين
بس صدقيني نصيحة وحده توها متزوجه << ترى لي الحين انا يديده لوول
اهم شي ريال زين ويحبج وفوق هذا وظيقته تعتبر زينه مشالله

اذا الريال زين انشالله يكون من نصيبج والله يوفقج ويهنيج يااارب

ههههههههه

انشالله دوم عروسه بعين زوجج ... والله يخليكم لبلعض :eh_s(6):

 

[SARA88]

حياتي انا ثانويه وريلي عريف بالمطافي يعني رابعه متوسط والحمدلله عايشين احلى عيشه واذا على المعاش مكفينا وزايد الحمدلله رب العالمين عندنا ياهلين الله يحرسهم ويهديهم واذا على الدوام تقدرون تكيفون حياتكم

الله يخلييييييييكم لبعض.........وتفرحيييين بعيااااالج

 

[ألماس وردي]

ماعندي خبرة
ماحبيت اطلع من غير رد
الله يوفقج حبيبتي معاه او مع غيره بس استخيري قبل لاتملجون

 

[TWEETY]

لو دوامه يومين بالاسبوع و معاشه 1700تقريبا..
بس مايصلي !!

راح تندمين اشد الندم انج ماسألتي عن اخلاقه ودينه
نصيحه لله اذا تقدملج راعي اخلاق وصلاة لاتردينه لو معاشه 500 انتي موظفة وعندج معاشج مع الوقت تتساعدون .....

 

[SARA88]

تويييتيييييييي



صح كلااااااااااااااااااااااااااااامج والله

 

[kuwaitya_zoGaa]

حبيبتى انتى اهم شى استخيري ...
وسمعى جميع الاطراف ... وحكمى ..
لاتهملين الجانب الاخلاقى ولا تهملين الجانب المادى ...
ومن رايي قعدى معاه مره ومرتين وثلاث شوفيه وشوفى اسلوبه
والله يتمم اللى فيه الخير

 

[SORAYA]

موفقة حبيبتي
اللي يتمم عليج اذا كان فيه صالح لج
وان جان كتب لج ربي نصيب عساج اتهنين وترفعين راسج فيه جدام الكل//
انسان عادي وشاريج بيحطج بعيونه احسن من فوق العادي ومو ضامنه زينة من شينه،،\
وهم يبقى الراي في مثل هالامور تشاوري مع أهلج واللي تثقين فيهم من معارفج. لابد لهم نظرة يمكن انتي ماتشوفينها بحكم صغر سنج أو عاطفتج ناحية هالشخص. واذا ما صارت السالفة لا اتحبطين. ان شالله ربي يعوضج باللي احسن منه// يعني خلج متفاءلة بكل الحالات.

 

[** شيخة **]

امبي اشفيكم بنااات ليش كليتوو البنت ؟؟؟

بالعكس تفكيرها صح واهي وضحت وقالت انها تبيه بس اهلها وجهة نظرهم جذي

وانا اشووفها صح بصرااحه لان الاهل يتمنون حق بنتهم الافضل داايماا وموعيب هالشي ومن حقهم

ولو انا بمكانها هم بفكر بجذي مو لاني سطحيه واهم شي الشهاده والمعاش لاااا بس من باب اني افكر بالصغيره قبل الكبيره

حبيبتي معاشاتهم واايد قويه وشغلهم شفتات وانتي استخيري والله يوفقج ويهنيج

ومالج شغل باللي يلومج ومادري شنو يقولون ترى اللي يبي مصلحتج يفكر براحتج بابسط الامور

والله يكتبلج اللي فيه الخير ياارب

 

[cheese cake 84]

الصراااحه تفكير البنت صح مو سالفه اهى جامعيه واهو ثانوي ولا دبلوم ياما ناس خذو جذي وعاادي مافيها شي بس الحق معاها لمن تسال عن المعاش هذي حياة طوول العمر يعني مو معقوله تاخذ واحد معاشه ضعيييف والدنيا كل مالها وتغلى وتغلى وباجر الله يرزقهم بيهال شلون من وين يصرفون واذا بيكفيهم ولا لا واذا بيسكنون بأجار شايفين الاجارات مستخفين وقاعدين ضااربييين بالعاااالي طبعا الوحده تسال عن الاخلاق والسمعه الطيبه هذا بالمقام الاول واسال بعد عن المعاش ليش هذا حق من حقوقي لازم يعيشني بمستوى مناسب ولا يفتح الله

 

[المستبــده]

حبيبتي ربي يوفقج ان شاء الله

انا ريلي مو رقيب ومافيها شي لو سألتني عن المعاش الحين الدنيا صارت غاليه واللي معاشه قليل ما يعيش

بس بنفس الووقت المعاش مو كل شي
اذا الريال زين وما يعيبه شي توكلي على الله ووافقي واقنعي اهلج فييه

 

[.. مـــلاكـ ..]

موفقة حبوبة

 

[بمبة المفترسة]

صح الرقيب دورة بعد الثانوية دبلوم يعني
وشكلج انتي اللي تدورين الفلوس والمعاش مو اهلج
ترى الشهادة والمركز والفلوس مو كل شي
المهم ريال طيب ويخاف الله
ومافيه شي يدوم على حاله حتى لو معاشه شوية مسيره بيترقى ويزيد معاشه ماهو تام على حاله

 

[SARA88]

مشكورين على مروركم .. ..


بمبه .. شي طبيعي لازم اعرف انا شلون بعيش... الحب موجود ما يمنع .. لكن لازم اعرف انا شلون بعيش... هذي مو حياه سنه ولا سنتين و خلاص........ انا بربط عمري بانسان راح اعيش معاه طول عمري.. ف اللي من اوله راح يكون جذي و ماراح اعيش بالطريقه الي انا ارتاح فيها... ماراح تستمر الحياااة.........ف لازم اسال و اعرف

 

[سيدة الذوق]

ماعرف بس الله يوفقج ياقلبي

 

[SARA88]

مشكورة حبيبتي ..

بس حبيت اخذ راي البنات .. انشالله ما يقصرون

 

[SARA88]

ااب ابب ؟؟؟ :eh_s(1):

 

[SARA88]

ماكو يديد ؟؟؟؟



بليز الي عندها فكره تفيدني

 

[om-HaSsoOon]

ماقول الا الله يوفقج يارب ويكتب لج اللي فيه الخير

 

[شغـــف]

فيــهـ نـــاسـ عنــدهــمـ شهــــاداة دكتــــوراهـ بس ماكــو .... أخـــلاقـ ....!

الشهـــادهـ مو مقيـــاسـ