رقم المباحث الجنائيه ضروري

[حبيبة امها!]

السلام عليكم

بنات ابي رقم المباحث الجنائيه ضروري رفيجتي في واحد يهددها وهي متزوجه وحدها خايفه وتبيه ينقلع من وجها

اللي عندها رقمهم تحط الرقم ضروري

 

[purity28]

المباحث الله يستر عليها يارب

تفضلي

http://www.moi.gov.kw/portal/varabic/

 

[حبيبة امها!]

مشكوره اختي ماقصرتي

بس هي تبي يكلمونه ويفكونها منه بدون مشاكل

 

[viva la glam]

ختروح المخفر واتبلغ عنه تعطيهم رقمه

 

[حبيبة امها!]

هي خايفه تروح المخفر وتكبر السالفه وزوجها يدري وتصير مشاكل لها اول مالها تالي

 

[alb7ranya17]

بشنو يهددها اذا تخاف وهم المباحث لازم تستدعييها وريلها وعلى قوله المثل لا تبوق لا تخاف اذا واثقه من روحه لا تخاف وتروح المخفر وياخذون حقها ودايما دايما الي يهدد اكبر جبان وخواف

 

[happy&single]

بشنو يهددها اذا تخاف وهم المباحث لازم تستدعييها وريلها وعلى قوله المثل لا تبوق لا تخاف اذا واثقه من روحه لا تخاف وتروح المخفر وياخذون حقها ودايما دايما الي يهدد اكبر جبان وخواف

كلامها صح
وبعدين لا تسوي شي من ورا ريلها جذيه يشك فيها وتطلع من سالفة اتدش بسالفة اكبر
الله يستر عليها وعلينا ويبعد عنا وعنها عيال الحرام

 

[Arabian Beauty]

تقدر تروح المخفر وتكلم الضابط هناك ويقدر يخلصلها على الموضوع بسكااات وبدون فتح ملفات او فضايح

 

[حبيبة امها!]

مشكورين ماقصرتو

والله يستر عليها يارب ويهديها

 

[الغاليه نونو]

المباحث ناس يشتغلون يفكون طلاسم الجرايم ويتبعون اهل المصايب بالديره موفاضين يمه يهدددون الريال علشان يوخر عنها

يومنها متزوجه اشلون عطت مجال حق هاللي يطارد وراها ويهددها المثل يقول لاتبوق ولاتخاف

اذا دقت عالمباحث لازم بالاول تسجل قضيه بالمخفر عقبها بينادونها وتكلم المحقق ويحولونها حق المباحث تعطيهم معلومات عن السفله اللي يهددها ويصيدونه وعقب ماينصاد يواجهونها معاه اذا اهيا علي ذمة ريلها لازم يكون موجود واذا مومتزوجه لازم احد من ولي امرها

القانون قانوووون واذا تبي تفتك منه لازم تروح المخفر وتكلم الظابط ان طلع ولد حلال وقدر موقفها انها ماتبي الفضايح يمكن يقدر يسحب الريال ويهدده ويفكها من المشكله واذا طلع ظابط اقشر بيقول القضيه سيدة الموقف

الله يفرجها عليها ويفكها منكل ضيقه

 

[حبيبة امها!]

الغاليه نونو
مشكوره ماقصرتي انا مادري منو يقدر يفيدها بهالوضع مباحث ولا مخفر

الله يستر عالجميع

 

[الغاليه نونو]

بهالوضع ماايفيدها الا ريلها خل تقول له السالفه واهو ريااال يتصرف واذا خايفه من ريلها لا يدري نصيحتي اقولها لج خل يدري الحين احسن مااايسمع طراطيش حجي بعدين ويقلب الدنيا علي راسها فوق تحت


انا مادري شسالفتها بالظبط علشان افيدج بس اعطيج الحل اللي اتوقع انه يناسب المشكله يمه

 

[الريحانة]

اسمحيلي
رفيجتج من وين تعرفه!!
و إهيا مره على ذمه رياااااال
؟!

 

[انونا]

«أتوسل إليك ألا تهمل رسالتي أنا متورطة ساعدني»... «أسألك بالله أن ترد عليّ في أسرع فرصة، أملي بك كبير يا شيخ»... وهكذا أكثر من رسالة فيها رجاء حار وتوسل تجعلك تخجل من نفسك وترد وانت لا تدري ما الخبر، ومن هو المصدر، وباختصار فإن صاحبة الرسالة فتاة وقعت في مصيدة ذئاب البنات، ولكن كالعادة فإن الفتاة هي التي سلمت رقبتها للذئب الماجن. قالت، بعد أن سألتها عن كربتها، إن الشاب يحتفظ لي بصور ويهددني إن لم تدفعي المبلغ المطلوب فسأوزع الصور في «النت» وأفضحك، سألتها صور فيديو أم فوتوغرافية؟ قالت: فيديو، قلت هل صورك بعلمك؟ قالت: أنا مصدومة! كيف صورني؟ فلم يحصل أنه كان يحمل كاميرا أو كان في المكان أي جهاز تصوير، سألتها وأين صورك؟ قالت: في الشقة!! سألتها شقة من؟ وكيف ذهبت إلى شقة غريب؟ ولماذا ذهبت؟ سكتت قليلاً... ثم قالت أرجوك ياشيخ انقذني انه يهددني كل يوم وأنا لا أنام ولا أستطيع أن أصارح أي أحد، وقد اخترتك سنداً ومنقذاً فلا تقسو عليّ، قلت لها ياابنتي... حرام هذا الذي تصنعنه بأنفسكن يا بنات... يجب أن تعلمي أن المسؤولية تقع عليك قبل غيرك، كل بنت تتصل بي تشكو من الذئب الذي صورها أو سجل صوتها أو وزع رقم هاتفها فإن اللوم يصب بالدرجة الأولى على غباء البنت وضعف شخصيتها، وسذاجتها بتصديق الأفلام الدرامية الرومانسية الحالمة التي يجيدها الذئاب... لو كان عند البنت دين وعقل وتقدير للمسؤولية ومعرفة عواقب الأمور ووعي بواقع الشباب والنفس البشرية لما سقطت وكانت ضحية التافهين الساقطين... المهم انني نصحت الفتاة نصيحة أب لا يتمنى أن تقع أي قريبة من أقربائه أو فتاة في فخ التصوير والاستدراج الذي بدأ يكثر وتسهله وسائل التكنولوجيا الالكترونية الرقمية والتصوير الخفي!!
ما كان لي إلا أن أستعين بالمباحث الجنائية كعادتي في حل مثل هذه المشاكل التي بدأت - للأسف - تكثر إذ لا يمر شهر أو شهران إلا ويأتيني هاتف نسائي يبكي من التورط مع أحد حيوانات الشباب.
ولكي لا يتسرب الخبر ويضر بالفتاة وعائلتها، فإن إدارة المباحث الجنائية لها قسم خاص بمتابعة وتعقب والقبض على هؤلاء الذئاب وفق إجراءات قانونية بعيدة عن كل وسائل الإعلام والصحف وبتكتم يحفظ خصوصيات الشخصيات، فمن تورطت يا بنات فعليها أولاً أن تتقي ربها وتقلع عن نزواتها وتتوب إلى ربها، قبل أن يحصل ما يهلكها في دنياها اجتماعياً قبل أخراها ثم تتصل بهاتف (25623888) خاص بإدارة المباحث الجنائية لأن المباحث تقبض عليه لأنه مارس التهديد والابتزاز للناس.
وللحديث بقية عن البنات والذئاب.


محمد العوضي










والله يستر على الكل

 

[ام عفاف الكويت]

الله يستر عليها
بس لو رفيج ريلها بالجنائيه جان وصله الخبر شنو بيكون موقفها

 

[Namlah]

الله يهديها ويستر عليها

 

[حبيبة امها!]

الله يجزاكم خير يابنات

والله يستر على الجميع امين

 

[princess89]

الله يهديها ويستر عليها

 

[$$مذهلة$$]

الله يفرج كربتها

ويهديها ويصلحها

 

[انصاريه قمره]

واااااااي ليش مكبرين الموضوع يبه رفيجتج شعرفها فيييييييه !!!!!
اذا يطاردها مني والطريج خل تروح المخفر تقول حق الضابط اهو بنفسه بيدق يلعن خير خيره
واذا تعرفه فأقولج قلعتهاا وهذا جزاها واقل من جزاها