رفيجتي وسبب بكائها الدائم ... الله يغفرلها ويتوب عليها

[أم عزيـز]

بصراحه السالفه قوية واهي غلطانه من الاساس يوم على قولتها اغتصبها ليش ما راحت اشتكت !!
والا خليته يمشي ويتغصب بنات العالم ؟
وبعدين وين العالم اللي بالمجمع والا باجي المحلات ما سمعوا صراخ ولا بجي ولا شي !!

السالفه من الأساس فيها شي مو صحيح
ولما حملت كملت حمالها 9 شهور عادي !! الحين توها قامت تحاتي فصيلة الدم ؟
يعني كانت تدري ان احتمال هالحمل مو من زوجها ؟؟

دامها سكت وكتمت الموضوع من البداية لازم تتحمل اي نتيجه

 

[rora_q8]

الله يستر عليها يارب ال

 

[ياراا]

لا اسم الله عليه خل تعوذ من الشيطان وخل تطمن انا بطمنها وامانه وصليلها

الله يسلمج انا وزوجي فصيلتنا o ومستحيل انجيب غير o

ولدي الصغير فصيله دمه b !!!

شراااايج ؟؟

سالت اكثر من دكتور وقال عادي تصير بحالات نادره انه يطلع طفره علي احد جدانه فصحيح امي فصيلة دمها b

يعني شي عاااااادي حيل عااادي خل تشوف فصيلة امها ابوها او عمها ابو ريلها او خالتها ام ريلها لانها تصير حالات نادره ..

والله يستر ليها دنيا واخره ودير بالها لا تعلم ريلها وتستعجل خل تتاكد لا ينظلم الولد وهو ولدهم

 

[كويتيه مذهله 87]

هي كويتيه يعني الحدث صار بالكويت|؟؟؟

مو معقوله مجمع اشكبره محد سمع الصراخ
ماعلينا المهم تسوي فحص له يبين الابو وانا من رايي المفروض تعلم ريلها من اول يوم اغتصب فيها الدنيا موفوووضه تسكت عن شرفها هذا مو لعبه

 

[نبض شرياني]

الله يعينها ويصبرها وان شاءالله يكون ولدها

اذا خايفه وتبي تتاكد علشان تتطمن وتسوي الدي ان اي
تاخذ شعره زوجها بس تكون البصيله موجوده فيها مع دم البيبي او شعره

والله يصبرها ويعينها لان صج معاناه نفسيه....



بس بنات انا في شغله ماني متاكده منها بس سمعتها يعني ما احط بذمتي

يعني لو طلع مو من زوجها والله لا يقوله ان شاءالله يكون من زوجها

مايصير تلصق الولد باسم الرجال لان مو من صلبه

اذا وحدها عندها خبر عن هالشي تفيدني لان سمعته كذا مره سواء مسلسل ولا احاديث

الله يهدي سرها وعليها بالاستغفار والدعاء اللي صار غصبن عنها مو برضاها

انا سمعت بسالفه وحده مره ان اغتصبوها 2 وكانت طالعه بروحها

راحت لطبيبه نسا على طوووول وافحصتها ونظفتها وعطتها حبوب علشان بهالفتره مايصير حلم

 

[3rosta]

حبوبه لاتفحص ولا شي
اهي شاكه انه ولدها من زوجها
او من الحقير ..



انا سامعه شيخ بالتلفزيون من فتره طويله
سالته وحده وقالت له
انها كانت بحمامات ومصلى المحطات تكون بالسعوديه بين منطقه ومنطقه
وتكون بعضها مهجووووره

اهو كان بحمام النساء وشكله شافها بروحها واستوحد فيها


قالت للشيخ انها شاكه حملها من زوجها او من اللي اغتصبها
معنى الكلام اللي قاله
انها تستر على نفسها ولاتعرف منو ولده




رفيجتج نصحيها لاتسوي دي ان اي
وتخلي الوضع عادي ..

 

[زين المها]

الناس تستر ع الناس فما بالج نفسها .. الله بيخيب ظنها ان شالله وبيطلع ولدهم ان شالله ...

وديروا بالكم يا بنات الوافدين ماعاد يخافون نفس اول .. الله يستر علينا وع بناتنا يارب

 

[جنوني عيونك]

والله شـ اقول ! اهيا مشكله بعد تعيش طول عمرها تفكر هذا ولد منو زوجها ولا الي اغتصبها نفسيتها اصلا تتعب ووتذكر الحادثه وجذيه
الله يفرج عنها ياررب ويستر على بنات المسلمين أمانه طمنينا عنهاا

 

[BeNt PaRiS]

لا حول ولا قوة الا بالله


و حسبي الله و نعم الوكيل

 

[شيخه العود]

مافي اخبار ؟؟

 

[نقطه عسل]

حسبي الله عليه حسيب مسلم علي كافر
خل تستر علي نفسها
واذا قاسم لها الفضحيه بتنفضح اهم شي تستر علي نفسها وانتي استري عليها بعد
لان دام طلع السر من اثنين راح تعم الفتنه

 

[انسام الكويت]

الله يكون بعونها والله يستر عليها بس قصتها تعور القلب

مادري شلون تحملت كل هالشهور وسكتت ان شاء الله يارب يكون شكها مؤ بمحله ويكون

هالطفل من ريلها الله يستر عليهاااا

 

[ماعرفتك زين!!]

الله يستر عليها وعلى جميع بنات المسلمين
وحسبي الله ونعم الوكيل

 

[دلووعه حبيبيي]

اي والله تكفين شنو صار ع رفيجتج

 

[عروساا]

الله يكون بعونها
انا ابوي وامي فصيلتهم +a والعيال +a و +o
عادي
​

 

[~الامبراطـورة~]

شششنو اسسسم الخياااط ععشان نحذرر منه
والبناات ماقصرووووو

 

[music_teacher88]

الله يستر عليها بس عووورت قلبي
وهلباااكستااااني الجلب تخلونة جذي بدون اي اجراءات يسرررح ويمرررح بديرتنا ممكن يتمرد ويستقوا ويسوي اشياء اكثر المرة اليايه حسبي الله عليييييييييه

 

[حب1985]

لازم تحليل دي ان أيه اهو الوحيد اللي يبين اذا كان ولده ولا لا واذا تبين ان مو ولده لازم ماتسكت لان مايصير تسكت عن اختلاط الانساب تره هاذي جريمة

 

[الى الله اشكو]

اب
اب

 

[omaseel]

ما اعتقد الفصيله لها علاقه بس ما اعتقد لهدرجه اغتصاب وكمان حمل ما قدرت تقاوم والعمليه تمت كامله وحصل حمل وليش سكتت