رفيجتي وزوجها!!

[najdeya]

عالفكره ترى اغلب مو كل اللي يسون جذي يعوضون نقص موجود فيهم

 

[بنت عطا]

موشاااايفه خير بنت الحلال

خليها تقرر انتي ليش محتره وان كان مالج خلق تسمعين قولي مشغوله باي

 

[miss_jamsheer]

رد : رفيجتي وزوجها!!

امممم يمكن اذا انتي مومتزوجه بتحرج
خخخ نفس رفيجتي اتقول انا ريلي سوالي اللي محد سواه حق مرته خخخ يضحكوني هالنوعيه انتي فشليها قوليلها عيب اتقولين كل شي بينج وبين ريلج او ترى الناس تحسدج تحط عينها عليج او فيها نقس وتبي اطلع النقص فيج

 

[در الـبحـور]

السلام عليكم و رحمة الله و بركاته

الله المستعان قولي لها حديث الرسول صلى الله عليه و سلم :

(( إن من أعظم الأمانة عند الله يوم القيامة الرجل يفضي إلى امرأته تفضي إليه ثم ينشر سرها ))
الراوي: - المحدث: ابن حجر العسقلاني - المصدر: تخريج مشكاة المصابيح - الصفحة أو الرقم: 4/432
خلاصة حكم المحدث: [حسن كما قال في المقدمة]

يعني قوليلها حرام ما يجوز و انا مو مستعدة أستاثم عشان شي يخصج بينج و بين زوجج بالفراش أستغفر الله

و عسى الله يهديها و يصلحا و لا تعطينها مجال في الكلام لأنه حرام سكتيها و لا قومي عنها

و الله يعينج

 

[( المـلاك )]

ردي عليها وقفيها عند حدها
قوليلها حبيبتي ماحب اسمع هالكلام
لانه الحياه الزوجيه اسرار
و عيب انج تقولينلي كل صغيره و كبيرة
:/

 

[Sarooii]

امبييه مو من صجها!

الله يعيينج

 

[كتكوته ورديه]

حرررررررام عيها جذي

 

[الصعيريه]

رد : رفيجتي وزوجها!!

ديري بالج لاتعلمينهااا على اللي يصير بينج وبين زوجج حتى لو شي عاادي

لانه شكلها تبي تسحب منج حجي وتدووور سوالف لاأكثر

 

[اميره1980]

ما يجوز حرام شرعا
قاعده تكسبين اثم من تحت راسها
حطي حد للموضوع و قولي لها حرام او انج تغيرين الموضوع بسرعه اول ما تتكلم فيه

 

[N O R A]

والله ذكرتيني بنفسي

قبل كنت متعرفة على بنات في الكلية وكنا شلة

فـ في جم بنت منهم دوم يرمسون عن هالسوالف وما يحشمون

ونحن مب معرسات يعني مب حلوه جدامنا

وكانو يتعمقون وجذي

بس عقبها تعبت ومليت من هالشي

فـ تعرفت على شلة كلها بنات ونفس تفكيري وارتحت من سوالف المتزوجات لوول

 

[[[ عيون جابر ]]]

عيب عليها شفيها ماتخش سر

 

[رووحي لغاليها]

رد : رفيجتي وزوجها!!

قوليلها فكينة من سوالف رجلج

 

[Om 3zo0oz_2011]

سكتيها بهالجمله
اسرار بيتج ماطلعينها برا عيب

 

[نماين]

مسكييينة يمكن كله ابداعات خيالها

انت حاولي توقفينها

 

[رحيل المرافيء]

رد : رفيجتي وزوجها!!

شوفي دام توج متزوجة هي بتوريج انه بعد توها عروس وانه زوجها ميت عليها وان كنت اشك لانه اغلب اللي يقولون جذيه
ازواجهم معطينهم بو لباس
فأتوقع تقولج جذيه غيرانة منج توج عروس وهي راحت عليهاا

 

[ديانا سبنسر]

المرة تبي تسحب منج حجي وهي تسولف قاطعيها وتكلمي بموضوع ثاني مرة مرتين راح تحس على حالها وتبطل هالمواضيع

 

[انا مو هني]

قوليلهاا ان مايجوز اتقولين جذي خصوصا في امور معينه
واذا اسئلتج قوليلها ما احب اتكلم بئمورنا الشخصيه لانها سر

 

[الفراولـه]

هههههههههههههه

مشكووين حبابياتي بعض ردوودكم تضحك

بس اهي لي اليوم كله سوالفها عن ريلها

حتى لو مو امور جنسيه

مادري شسالفها

وانا اعرفها اهي اكثر وحده تخاف من الحسد والعين ليش تسوي جذي؟؟؟

 

[كرز حالي.]

رد : رفيجتي وزوجها!!

قوليلها فلانه حسستيني انج اول وحده تتزوج واخر وحده هههههههههه
قوليلها شنو ماصدقتي؟؟
عادي كل زوج يسوي جذي بس مو كل الحريم غبيات يسولفون عن ريايلهم جدام رفيجاتهم
الحمدلله والشكر
قوليلها انا وزوجي بس نلعب اونو تصدقييييييييين انتي شلون ريلج يسوي جذي
يياااااااااااااااربي عاهات هالزمن

 

[.،:"$الـعـوبــــة$":،.]

تأكدي إن ماعندها ماعند جدتي ،
وحدة من ثنتين إما إنها تهايط ،،
أو إنها تبي تسحبك باالكلام ،،
وبكل الحالات جعميها ولا تعطينها وجه .​