انتي ماييتي هني الا لانجْ تحسين ان الموضوع فيه شي غلطْ.!
اسمعيني يَ قلبيْ :
عمرج 24 سنةْ ، يعني مب يآهل ولامراهقه يعلمونها اهلها الصح
من الغلطْ على ابسط الاشياْ.
مآفكرتيْ مرة شوالمغزى من ورا هاللي تسوينه؟
لعب؟ وناسه ؟ خراب بيوتْ ؟ تقضية وقت؟
هذي مب حياتجْ انتي وبسْ ، ولاسمعتجْ بروحج
انتي قاعدة تلعبين بشرف عايلتجْ وسممعتها ،
آمجْ ـ آبوجْ ، اخوآنجْ . تنزلين راسهمْ بالقاع!
عشان شوه؟ ريال لاراح ولارد؟ لعب وونآسه؟
خرآب بيوت؟ ولآشي؟
اتقي الله في نفسجْ ، لاتحملينها فوق ماتتحمل من ذنوب
ومعآصيْ ، آهلكتيها بذنوبجْ , آرحميها!
ليش انتي تتحسبين هذيل اللي تخربين بيوتهمْ وتآخذين
ريآييلهم منهمْ مآلهم حوبه؟ اليوم ، بآجرْ ، عقب ماتعرسين
وايونجْ عيالْ .. تتخيلينْ! تعرفين بعدها ان وحدهْ قصت على ريلج
وخذته منجْ ، شو بيكون شعورج؟ بتذكرين كل لحظة من لحظآت
حيآتجْ التعيسه اللي عشتيهآ ، بتذكرين كل ششخص سحبتيه من مرته
وخربتي بيتهْ. بس شوفآيده الندم وقتهآ ،
حوبه المظلوم ودعوتهْ مابينها وبين الله حجآبْ. انتي تظلمينْ نفسجْ
وتظلمين هالحرمة اللي مالهاْ ذنبْ باللي تسوينه وبخراب البيوتْ اللي تسعين له !
،
تخآفين تسحبج؟ ليش هي مآسحبتجْ وساعدتجْ تسوين هذا كله؟
ش بآقي ؟ هالشي بيكون هين عليها . لأآنها مثل ماسحبتجْ على كل
اللي فات قآدره تسحبجْ على هالشي..
تدورين الحل؟
انتي نصحتيها وسويتي اللي عليجْ . تقبلت على العين والراس
ماتقبلت نصيحتجْ اتركيها ، لاتخلينها تسحبجْ معاها في مستنقع
مثل هذآ ؟ شوبيفيدجْ عقب؟ وناسه يوم ولايومين ؟ ولآشرفج
وسمعتجْ اللي وصلت القاع؟
لآتخافين من كلآمْ الناس كثر خوفجْ من ربجْ ، هذآ كله ماصار الا
بسبب بعدجْ عنهْ وضعفْ دينجْ.
افرشي سيآدتجْ وصلي لربجْ ركعتين ادعي فيهم وقولي كل اللي بقلبج
توبي له توبة نصوحه ، اذا الدنيا كلها صكتْ بيبآنها في ويهجْ وخفتي على
نفسجْ من اللي تسوينه ـ عندجْ ربجْ يعينجْ ويرحمجْ ويغفر لج
شو الفرق بينا وبين الحيوانات اذا نحن ماستخدمنآ العقل اللي نملكه ؟
ربجْ ليش خلقنآ ؟ لنآ غآيه عظيمةْ وهي تعمير الارض، كيف بتعمرينها
وبتبنين اجيآلْ وآجيآل وآنتي نفسجْ مب قآدره تنقذينها من المستنقع القذر هذآ ؟؟
،
تآكدي آن [ ومن يتق الله يجعل له مخرجا ويرزقه من حيث لايحتسب ] ،
شوتتوقعين نظرة الريال اللي انتي ترمسيينه ؟ يحترمجْ ؟ يحبجْ ؟ يتزوجج؟
تآكدي آلف مرة ان الريال اللي يرمس ولما تي حزة الحزة ويتزوجْ اخر وحده
يفكر فيها اللي كان يرمسها ، تعرفين ليش؟
لانها مثل مارمسته بترمس عشره غيرهْ ، ومثل ماخانت ثقه اهلها شويضمنه
انها ماتخون ثقتهْ فيها ؟ اللي ترمس يقدر يأمنها على نفسه وبيته وعياله؟
انتي لهم مثل اللعبهْ ، يلعبون فيها ويتسلونْ ، ولي ملوآ نسوها وراهمْ ومشوا
الريال شو بيعيبه ؟ انتي اللي سمعتجْ بتوصل للقاع؟ ترضين اسمجْ يكونْ بين الشبآب منتشر ؟
فلان يعرفج وعلان يعرفج ؟ ولما حد بيخطبج يقولوله شوتبون فيها !
هذي سمعتها فالارض ! ارخصتي نفسج للي يسوا واللي مايسواْ .
آرحمي نفسج وسمعتجْ ..
و[من ترك شيئا لله عوضه الله خيرا منه ]
،
الله يهديج ويصلحجْ ويزرقجْ باللي يحميجْ ويسعدجْ ويستر عليج
