رفيجتي وانا ......

[معشوووقة حبيبي]

بقولكم سالفتي انا ورفيجتي بس بلييز بدون تجريح لاني ماكتبت القصه الا لاني حسيت ان اللي قاع نسويه غلط وابيكم تساعدوني وتنصحوني لاني حاسه اني مدمنه ومو قادره امنع نفسي عن المغازل اي المغازل انا عمري 24 مو متزوجه ومعاي رفيجتي ( محور القصه ) نفس العمر نطلع مع شباب بس مايصير اللي ببالكم لا بس للوناسه يعني نقص عليهم ونقزر وقت وبس يعني ماكو مجال للعواطف عندنا ومايشد انتباهنا الا المتزوجين لما نشوف واحد ويا مرته مادري ليش نحترر ويكون بينا تحدي منو اللي بتلفت نظره وتسحبه من مرته وفعلا كانوا ضحايانا بالعشرات وبعد مانمشي وياهم فتره ويشترون لنا هدايا نهدهم وقعدنا على هالحاله ثلاث سنين لغاية مارفيجتي ارتكبت غلطة عمرها مع واحد ومن بعدها تغيرت وصارت مدمنه لهالشي وتبيني اجرب معاها تقول انها حست باحساس حلو والليل والنهار تفكر بهالشي وتبيه 24 ساعه مادري اذا فهمتوا علي لاني مابي احجي واقول بطريقه مباشره لان المنتدى يدشونه بنات صغار .....
وصارت تطلع معاهم وانا اكون وياها بس لما يصير هالشي انا اطلع ماحب اكمل قعدتي واحاول انصحها ماكو فايده انا خايفه تسحبني معاها بالطريج اللي قاع تمشي فيه وابي اترك سوالف المغازل ومو عارفه لان ماعندي رفيجات ينصحوني لاني كل اللي امشي معاهم شباب وهي الوحيده بس ..طبعا اهلها مايدرون عنها وهي عايشه حياتها تقول لما افكر بالزواج اسوي عمليه مادري شلون ....

بليز افيدوووني ​

 

[عرباوية من قدي]

الحمدلله والشكر تعرفين وتحرفين اقول استغفري ربج باجر الله يبليج بشي تندمين طوول عمرج توبي بسرعه قبل لايفوت الفوت ماينفع الصوت تاليها

 

[رزه مرتزه]

لا حول ولا قوة الا بالله

فكرري بآخررتج هذا كله بتتركينه بكره بتنحطين بقبرر وحساب وجنه ونار

لا تخلين الدنياا تلهيج

رفيجتج هذي انصحيهاا واذا ما اسمعت النصيحه ابتعدي عنهاا لا تسحبج

غيري خط تلفونج تعرفي على بنات صالحات تقربي من ربج حافظي على الصلوات تذكري دايم الموت والحسااب وادعي ربج يبعدج عن هالطريج وعليج بصلاة الليل والاستغفااار تووبي لربج قبل لا تموتين

الله يهديج انتي ورفيجتج ويستر عليكم

 

[بنت السنآفي]

وهي عايشه حياتها تقول لما افكر بالزواج اسوي عمليه مادري شلون

وبسس خآفت من كلآم النآس ماخافت من ربهآ
لاوالله هذي موعايشه حياتهاااا

ماتخافووون تموتون وانتوا معاهم
مافكرتوا بالقبر مافكرتوا باخرتكم

استغفري ربج
وخخلي عنج هالطريج الي ماوراه الاالمصايب
صلي لج ركعتين واستغفري

وديري بااااااااااااااااالج
لاتطيحين وتسوين نفس غلطتها

وعسسى الله يغفرلنا ولكم
ويهدييييييينا ويهدييكم

 

[! صمت الجروح !]

استغفر الله :|
الله يهديكم

 

[اروري]

انتبهي قبل لايطيح الفآسس ب الراسس
والصاححب سآحب
اتركيهآ , حبيبتي هذي سمعتك تعرفين ششنو ششرف ؟
هي ادمنت هالشي شهر شهرين طيب وبعدين ؟؟؟؟؟؟؟؟؟
يعني اذا صار لك شي بتعضين اصابعك ندم والعمليه اذا جابت نتيجه انتِ بتخدعين الي بتتزوجينه بتعيشين حياتك كلهآ تأنيب ضمير
وفوق هذا شك غيره عدم رآحه مع الي بتتزوجينه

انقذي نفسسسك دآمك على البر

انتبهي على نفسسك

 

[Dodo80]

الله يستر عليكم يارب حبيبتي والله وانا قاعده اقرا حاشتني لوعه بجبدي

بس ابي اسالج سؤال واحد وجاوبيني عليه مافكرتي بيوم انه لو الله اخذ روحج وانتي بهالمكان؟؟؟؟
شنو عذابج عند رب العالمين؟؟
شنو شعور اهلج بعد هالفضيحه ؟؟؟؟

تقربي من ربج اكثر عشان ربي ينور دربج ويرزقج بولد الحلال الي كل الي بخاطرج اتسوينه معاه ومحد يحاسبج وطول ما هذي سوالفج صدقيني ماراح اتشوفين التوفيق بحياتج وحتي لواييلج نصيب وانتي علي افعالج هذي راح يكون زوجج نفس حالتج وفعايلج وهالشي مذكور بالقران




الله يهديج يارب وبستر عليج*

 

[Gatwa DaloO3a]

هذا كله من ضعف الوازع الديني ..

لو انتو تخافون من الحرام صدقيني ماكان سويتو هالشي ..

ثاني شي ، فكري باهلك .. مو حرام تعبو وكبروك وانتي كذا تسوين من وراهم تنزلين راسهم للارض



وين كرامتك طيب ؟؟

وتحسبين انك الشاطره لما اخذتي هدايا ؟ على بالك هالهدايا محبه منهم لك ؟؟ ماتدرين انهم اشطر منك وما يعطونك الا عشان ياخذون شي اكبر !


بعدين صديقتك صدقيني ماهي مرتاحه نفسيا والدليل انها تبي تجرك لهالشي عشان تحس بالرضا النفسي ، انها مو بس هي اللي سوت الغلط .... تبيك نفسها ، وهي الحين منقهره و محترقه ليش انتي ماصار فيك زي اللي صار فيها وانك سليمه ...


انتي احمدي ربك انك اكتشفتي نتايج هالطريق ، وانقذي نفسك دام الفرصه موجوده

 

[Gatwa DaloO3a]

وترا السمعه ما تتعوض ... لا تحسبين الشباب بيمشون معاك وما يتكلمون وراك حتى بالديوانيات ..

صدقيني انك بتندمين .... وبكره لو ماجوك خطاب ولا تزوجك واحد سنع ، لا تستغربين

 

[عسووولة زوجها]

بس عندي ســـؤال ؟؟


شمعنى المتزوجين ؟؟ وشكوو تحترين لما تشوفينه مع مرته ؟؟؟​

 

[ذهبه]

انا لله وانا اليه راجعون
اختي تركي عنج هالسوالف اللي ماراح تفيدج لا دنيا ولا آخره
وتوبي الى الله توبه نصوحه ..الله يهديج

 

[wahaj]

يااا حبيبتي هالسااالفه موولعبه عشان تشاورين نفسج لحد الحين

اتركيييي هالبنت الحييييين شناااطره بعد يصير عشاان تتركينها !

غيري رقمج قبل لا تندميين وتبجين دم .. بعدين من قالج سالفة العمليه سهله !! حت لو سوتها اهي ماتستاهل واحد شريف يقعد معاها وجذي بتغش عيال الاوادم وحررااااام

واذا ع سالفة الرفيجات الله ماكثر البنات ورافجي بنات خالتج وعمج هالفتره لين تلقين رفيجات

هذا رقم مركز حياة يسوون محاضرات دينيه وتنمية الذات كل اسبوع اشغلي وقتج فيهاا وتعرفي ع رفيجات غير اللي بتضيعج
ت:65625624مركز حياة-السلام ق2ش201 م28


وهذا مركز مرتقى هم بيفيدج حيييل وتعرفي ع بنات منه ورافجيهم
25355762
وغيرهم وااايد بس دوري
صدقييني بتغيرين الجو اللي انتي عايشته وبتستانسين بس بشي يرضي ربـج ويفيدج بالدنيا وبالاخره ويرضي اهلج عليج وبترفعين رااسهم
مافكرتي بموقف امج وابوج لما يشوفونج مثل رفيجتج حبيبتي لا تقولين انتي غيييبر لان كلكم بنفس الطريج وتقدر تسحبج معاها
فكري بامج يوم كنتي صغيره وانتي بحضنها تنطرج تكبريين عشاان ترفعين راسها باخلاقج وتشوفج عروس وتفتخر فيج قدام النااس
وفكري بابوج طول هالسنين يصرف عليج ومو مخلي عليج قاصر تجازينه بهالاخلاق ؟ وتنزلين راسه قدام الناااس ؟ ترا احنا بمجتمع مايرحم لو يشوفون غلطه صغيره بيفضحونج والبنت سمعــه

اذا انتي ماتحبين نفسج وقاعده تضرينها جذي سوي هالشي عشان اهلج امج وابووج اللي يحبونج وماقصرو بيوم وتعبو بتربيتج لا تصدمينهم جذي
وفكري بخوااتج بعدين هم بتضرينهم بهالشي وماراح يسامحونج واذا ماعندج خوات فكري باخوانج شلون بتنزلين راسهم وتحسسينهم بنقص لاتقولين شكوو لان هالسالفه لو احد درا عنها بتضر البيت كله

ولاتقولي انا ماسويت شي لحد الحين بس دامج بهالطريج معروف اخره حبيبتـي

لااازم تبتعدين عن رفييجتج وتتركينهاا فوورااا
بتقولين ليش ليش اتركها وما انصحها ؟ لانها ع كلامج ماتقدر تصبر وتبطل هالسوالف فاذا بتنصحينها من بعيد بمسج ولا ايميل اييي خاافي ع نفسج

حت لو قالت انا خلاص ببطل انتي ضامنه كلامها ؟؟ يمكن تبيج ماتتركينها وبعدين تطيحج ببلوه ماتدرين عنهاا
وشي طبيعي انها دام وصلت جذي تبيج نفسهاا وماتبيج تصيرين احسن منها

أورد الأثر ابن تيمية وقال عثمان -رضي الله عنه- " ودّتِ الزانية لو زنى النّساء كُلُهنَّ ".
مادري عن صحة هالكلام بس انه شيييي واااقع ومانختلف عليه

وبالاخيـر هذي حيآاتج حبيبتـي ومحد يخاف ع نفسج گثرج
ودامج كتبتي مشكلتج اكيد فيج الخير وتبين تتغيرين وخايفه ع روحج

اسفه طولت عليج بس من حررتي وخوووفي عليـجحرااام والله تضيعين نفسج ع نآاس مآتسوى بيزه
واذا موقآدره قولي لامج تبين تتزوجين وادعي ربج يرزقج بالزوج الصالح اللي يعوضج

وصديقيني من ترگ شي لله عوضه الله خيــرا منه

لاتقوولين صعب كلناا وااثقين انج تقدريين

واحنا يمج ومعااج وماراح ننسآااج من دعآاءناا

ولا تنسين عاشورآء يكفر السنه المآضيه واعلينها توووبه لربج والله يوفقج حيااآاتي ويخليـج لاهلج

 

[nanoo2]

الله يهديك ويستر عليك .. ماراح ازيد على كلام الاخوات

 

[لبيه يالسعوديه]

ياااااااااااااااااارب لا تسخط علينا بما فعل السفها منا
يابنت هذي مصيبه الله يحمينا ياااارب وحرااااام عليك لو متي وش بتقولين لربك انتي وصديقتك
والصرااحه محد رباكم اسفه ع التجريح بس هذا الواقع وين اهلكم عنكم ليش مفلتينكم
بس لكم وزرها ووزر من فعلها ليوم الدين ورحي اغسلي نفسك من الوصاخه وصلي لربك وخذي عمره كفاره وخاي صديقتك تستر على نفسها ياااارب ياااارب يااارب لا تعذبنا بأغلاط غيرنا ياارب

 

[اميره بعيونه88]

بـــــ.س بــعرف شنو المتعه اذلين نفس عشان هدايا وجم كلمه حب

تدريـن الشباب والريايل شنو بيقولون عنكم كلمه ومعروفه (ق) استغفرالله
شنو تسوى عليج


انصحج توبي لربج توبه نصوحه ترى شرف البنت مثل عود الجبريت ما ينفع فيه لا عمليه ولا ترقيع

خافي من ربج يوم تنبعثين له ويقولون لج يا فلانه بنت فلان انتي خربتي بيت فلانه وفلانه

خاافي ربج شنو ذنب بنات الناس تخربين عليهم وتفرقين اسره

وبعدين كما تدين تدان باجر ربي يبليج بريل مغزلجي وايذيج بحياتي ويتلزقون فيه بنات وتحسين وقتها بشعورهم


انصحج تسمعين لمشايخ وتحضرين دروس دين دام باب التوبه مفتوح لج

ورفجتج لها يوم تعض اصبعها ندم

 

[ابـيـض واسـود]

استغفر الله , ترا الله فووقكم ويشووفكم

 

[معشوووقة حبيبي]

اشكركم بنات على دعائكم لي .....

وانا مراح ارد على بعض الردود اللي يتهجمون علي مادري بصفتهم شنو .. اعتقد انه من دافع الغيره لا اكثر ..واشكر الاخت اللي عطتني رقم مصلحين اجتماعيين مادري اطباء نفسيين لكن وقتي مايسمح حضور ندوات ودورات ومادري شنو انا ابي حل فوري وسريع وابي طريقه تخلي رفيجتي تندم على اللي قاع تسويه مابيها تستمر على الغلط ابيها ترد نفس اول اخاف باجر تحمل او اهلها يدرون عن سوالفنا لاني فعلا اشوفها مو ندماااااااااااااااااانه كلش بالعكس كل يوم تزيد اكثر واكثر وانا موب عارفه شلون اتصرف معاها !!!!​

 

[بنوته كيكه]

اختي ماجربتي تصلين وتقرين قران
وتحضرين دروس دنيه
صلي وقري قران

عادي خليها تحط ايدها علي النار انتي ويها وشوف النار هذي ترا نار الاخره اشد من نار الدنيا
وانشاءالله ربي يهديهكم

 

[FAROU7 ALSALI7]

لا حول
اشوه اني مو متزوجه
والا جان خذيتو ريلي مني

تكفين تكفيييين فكري انه الله يراقبج قبل لا تسوين اي شي
وفكري.. في شي فالدنيا يستاهل تعصين ربج عشانه؟

ترا يا حبيبتي اهم الي يقزرونها عليكم مو انتو
اهما رياييل همهم ياخذون الي يبونه و يمشون

لا تصيرون سلعه رخيصه كل من بغاها خذاها
عزي نفسج و حافظي عليها وتمسكي بدينج

و رفيجتج هذي مو "رفيجه" هذي عدوه بتدمرج
لو انها تحبج جان ما قالتلج جربي

وانتي كبيره عقلج براسج وفاهمه و عارفه الصح من الغلط
وخري عن هالدرب نهائي!!

 

[sosowaty]

الله يهديكم