رفيجتي من22 سنه خانتني مع رجلي ،، ابي رايكم ،،

[Angel-Lady]

البنت كملت قصتها و الي يبي يقرا الي صار يشوف صفحه 9.... ترى عرفنا انكم عباقره و صكيتو على المحقق كونان

اذا السالفه مو داخله مزاجكم احسنو الظن و كتبو دعوة و نصيحه لوجه الله على الاقل تاخذون اجر و الملاك يمكن يمر يتقبلها و يقول و لك مثل ذلك

احتسبي و ان شالله اتكون خيره لج و ادعي ربج

خلي احد يكلم ابوج لان اذا انتي مو مرتاحه مع زوجج يحق لج تتطلقين... ابغض الحلال عند الله الطلاق بس يبقى احله عشان الناس ترتاح و هذا حقج مو حقه انتي الي بتعيشين مع انسان خاين مو اهو

و ليش اتضعين عمرج على ناس ما تستاهل ما يابو لك الا الامراض خليج قويه و عيشي حياتج *

 

[sunshine22]

تأليف واضح


اللي نفس هالحاله ماتدش نت من اساسه تتحطم

 

[جلكسيه اس 3]

السلام عليكم ورحمه الله وبركاته

بنات بخصووص موضوعي هاذا

http://www.q8yat.com/t934945.html

اللي وصل 10 صفحات والاغلب يضحك علي ويقولي مقفله، وجذابه ، وانتي ماتدرين الله وين قاطج ،وفلم ووو إلخ..


بـنات الله الشاهد اني ماجذبت عليكم من كثر الحره اللي بقلبي وانا اكتب لكم قاعد ابجي

وحبيت اختصر لكم السالفه ،،


اول شي اللي تقول انه ليش مارحتي عرسهم .؟!
اهيا ماسوت عرس تزوجته با السر واهلها لهم علم واهيا وحيده امها وابوهاا يعني انا علاقتي قبل لا ازوج مع امها حيييل وهم امي لها علاقه مع امهاا ولما كنا نسأل لهم تقولنا اسم رجلهاا نفس اسم رجلي بس تقول خر محدد الجنسيه ( بدون ) قلت لها شحادج تاخذينه قالت احبه وقلت الله يهنيكم ..


ثاني شي اللي تقوول مارحتي ولادتهاا .؟!

الا.. رحت وشفت ولدهاا بس لما اروح ماكنت اشوف رجلي مناك ولما كنت بقول حق رجلي يافلان انا بروح لرفيجتي كان يقولي اي اوكي روحي ،، وشكيت بشغله انه لما اولدت اهوا مستانس وطوفتهاا كل ماسئله قال الفال لنا واقوله احنا مافينا شي ونقدر نيب يهال بس خلينا حبي كان يقولي جذي وسكت ..


ثالث شي انه ماشك فيه با الويكند وين يروح ؟.

يقووولي انا انام مع ربعي بشاليه كل ويكند خميس جمعه ومايرد الا السبت بليل

وانا مسكينه ازهب اغراضه وكلشي ..،،


وبعد مادريت عن السالفه علمت اهلي وابوي طقني يقوولي الشرع حلل له اربع واذا تطلقتي منه انا ماراح ارضى عليج .،، طيب قعدت ابجي وابعرف السبب..

يقوول حق امي اذا بنتك تطلقت راح تفضحني عند رفيجي اللي اهوواا ابو زوجي

وانا ماراح ارضى على بنتج


المهم انا تطلقت على بدايه شهر 10

وتعبت حيييل وطلع فيني السكري والضغط وفقر دم حاد

بنااات صارلي شهرين وبدش الشهر الثااالث ابووووي مو راضي علي ولايكلمني وزعلان علي

بنات انا ماسوويت شي وانا تطلقت من الضيم اللي اشووفه بنات انا عشت وحبيت وعشقت

9 سنين ...؟!


بنااات حاولت اراضي ابوي بس اهوا مايبي كل مايشوفني اسوولف مع خواتي اخواني

يناديهم يقولي جدامهم خلوها شتبون فيها الله موراضي عليها اللي مزعله ابوهاا

ويقولي ماكوو زواج يا انج تردين له ولا تقعدين

وكله كان يقوولي حمدي ربج بسس مخليج فبيتي مفشلتني جدام رفيجي

الحين منو اهم بنته ولا رفيجه ولا ولد رفيجه

اللي شهرين ونص مايدري عني


الله كريم والله يصبرني ،،

صدقووني السالفه موب جذب وربي سالفتي صج :eh_s(8):​

يااااحيااااااتي الله يكون بعوونج
و ابوج دام زعلان عشان تطلقتي من واحد ما يبيج اتصيرين ام اعياله
انا اقول لا تردن على ابوج و لو اتعيشين بشقه ابركلج
القانون واقف معااج واحد ما يبي منج اعيال و ما يحبج
عالاقل ضمني حقوقج و عيشي بشقه بروحج
ابوج مازعل عشانج وانا اقول لاتزعلين ولا تنفهرين
ترا محد بيفيدج و لو اطيحين مريضه لا سمح الله
مبين ابوج ما راح يشيلج لان بين من اول موقف
بس غثني تصرف ابوج :eh_s(14):

الله يعينج بس نصيحه لاتزعلين
انتي الحين زعلتي و مرضتي و طليقج و لا يدري و لا سائل فيج
ما استفدتي شي من الزعل

 

[أفنان_22]

باك بنات انا الحين شابكه بفوني بس حبيت اوضح تكمله سالفتي صفحه 9 واللي مو مصدق شسويله وخلاص يتصكر الموضوع لاني قبل لا اسجل دخولي انهررت لردوكم لانكم موب حاسين فيني ولابقصتي انتم تبون اكتب لكم من الاف ليما الياء بس انا اختصرت لكم والحمدالله تطلقت واللي تقول طيحي على رجل ابوج طحت وحبيت وبسته قاعه ارجوله بس ابوي كله يخاف عشان مصلحه رفيجه و ولده ماخاف على مشاعر بنته وين اتزوج يقولي ياتردين ياماكو زواج والحين ماقاعد اداوم منهارره نفسيا كررهت عمرري كلشي يذكرني فيه وليما الحين احبه ومتعلقه فيه وافز من نص نومي اتخيل انه ليما الحين موجود بس شقول وشخلي احاتيه اكل شرب الحين شيسوي مستانس شاغل تفكيرري ليل ونهار واللي تقول لازم البيت تاخذين نصه مادري شنو اي بيت بالله كلها شقه وفيها غرفتين غرفه نوم وغرفه اوتي ومطبخ وصاله وحمامين شلي حق فيهم بس الله كرريم يابنات ورجاءا يلي بدش تقول فلم وروحي سجلي عند حياه الفهد موب لزوم تصدقون وانتو قاعدين تستغلوني بس خلاص راح اسكر الموضوع لانكم هزئتوني

 

[semaasem]

من صجج والله؟؟

 

[أفنان_22]

اي والله وادري قاعده تطنزين وصدقيني من عيب ابتلا

 

[لعيون الغالي]

حسبي الله عليه جعل ربي يبليه بشي يندم عليه طول عمره


وربي حقير


ليه تفكرين فيه وسوا فيك كل هذا


خلي كرامتك فوق كل شي وهو بقلعته



حسبي الله عليه


والله يهدي ابوك

 

[أفنان_22]

لاتحسبين عليه ربي فوقه

 

[لعيون الغالي]

لاتحسبين عليه ربي فوقه

انتي طيبه بالحيل

حرام ما يستاهلك

 

[أفنان_22]

انتي طيبه بالحيل

حرام ما يستاهلك

ala kreem

 

[نـدوشـه]

حبيبتي نصيحه اخت علمي اهلج وتطلقي منه مايستاهلج .. ليش تعبين نفسج اصلن سكوتج يدل على ضعفج وراح يستانسون .. سحبي عليه والله راح يموووووووووووت قهر وعطيه طاف ولاتعطينه مجال بأي شي اشتري راحتج وسعادتج وصدقيني مرد الجلب لقصابه وسوري على هالكلمه بس رفع ضغطي

 

[د. فاطمة]

>>!!!!!!!!!
معقولة تبينه للحين؟؟!!
حتى لوو تحبينه..!!
بالعكس احسه كسررررر الحب

 

[Fajory]

لالالالالا << قصه خرااافيه الصراحه
انا اقووول اذا ما عندج منه عيال تطلقي منه وخليييييييييييييييييييه يولي جنه ماكو بالبلد الا هالولد يذلف هو وياها وانتي ليش أطفئت راسج بالطوفه وتحترين مينونه .. اهما مستانسين وانتي تحترقين
اقووول تطلقي و عيشي حياتج محد أغلي واهم من نفسج .. وانتي ماتحبين روحج عشان جذي زوجك ما يحبج .. ورفيجتج هالك.......ه مابي اعلق عليها لانها .......... و ....... و .........

سمعيني من هاللحظه اهتمي بنفسج و عيشي حياتج وكملي دراستج ترى محد يفيدج واللي تخلي الريل اهوا عمودها لا طاح ماتلقى من يسندها

وبصراحه اللي يبدأ غلط عمره ما يكمل صح انتي شلون تحبين و تاخذين واحد عن حب وخرابيط ماتفكرين والله مثل ما يسويلي يسوي لغيري الف وحده

 

[مفرفشه عالاخر]

الدليل انج غبية مع احترامي لج تزوجها وقعدها ففبيتكم اسبوعين واهلج مو دارين وماتبينه يتزوج عليج !!

اسمحيلي بس اسلوبي راح يكون قوي معاج عشان اوريج حجم المشكلة الي انتي فيها

انتي طيبة لدرجة الغباء لكن مو معنات هذا ان ماعندج لسانج !!

شنو الي مايخيليج تقولين لأهلج !!

تكلمي خل يعرف ان وراج ظهر ويطردها من بيتكم

وااقعدي بالبيت وقوليلة انا بعد مابي منك عيال

تلقينه بيحن على موضوع العيال لأنه مريض نفسي وهالشي مبين عليه

لي باك

 

[مفرفشه عالاخر]

كلمه حطيها فبالج الزوج مثل الظل

الحقيه ينحاش منج وانحاشي منه تلقينه يلحقج

اصلا الدكاترة النفسيين يقولون ان الزوج يحب المعشوقة اكثر من الزوجة لأن الفرق بينهم

الزوجة تخلي الزوج كل حياتها والمعشوقة تخليه شي زايد بحياتها

 

[br0nzeyaa]

اعصابكم بنات

اعصابكم

فلم فااااااااشل نفس كل مرره

فااااااااااااشل

فااااااااااشل

بس عاد شوفو الدراما شلون محبوووكه

رفيجتها تقولها انتي مسكينه مدمغه

وزوجها يقولها انتي مسكينه مدمغه!

ع ابوو مسويه اكششن بالقصه

انا والله هالمشهد اشوفه بالمسلسلاات اخرر

حلقه لما البطل يكشر عن انيابه!!
*

الصراحه رأيي من رأيج..
فلم فاااااااشل​

 

[حضريه وااايد]

نفس مشكلتي​

 

[مجنونه هواهـ]

حبيبتي ّ...
انا ما ابي اقولج تطلقي ، لان الطلاق مكروه من الله عز وجل ّّ..
بس حبيبتي قويه انج متحمله رفيجتج !!!!!!! :rgewrg:
ما ابي اجذب عليج عشان اواسيج بس ماكو شي بيتعدل هو يحبها !!!!!!
يعني مستحيل يطلقها وعندهم ، رادع قوي وهو الولد يعني شذنبه
انه يعيش بدون ام حبيبتي هو يحبها وعنده ولد منها عشان جذي
تطلقي منه وليل نهار ادعي ربج انج تنسينه وانشاءالله ربج
ييب لج الريال الي يحبج وانتي تحبينه امي الله يطول بعمرها
قالت لي هالنصيحه من 5 سنوات وللحين فبالي وكل ما تكدرت وافتكرت الي كنت احبه
افتكر هالجمله وتهون علي كل الي صار ، قالت لي ( لا تحبين الي ما يحبج حبي الي يحبج )
هالجمله كل مالها وتتكرر في عقلي قبل ما تتاخذين اي قرار استخيري ، وجوفي ربج شبيمهد لج
اذا مهد لج ، انج ما تطلقي لا تتطلقي واذا مهد لج الطلاق طلبيه وان ما وافق رفعي قضيه بالمحكمه الاولى والله يسهل امورج ويصبرج على ما ابتلاج :eh_s(22)::eh_s(7):

 

[فلنتينو]

بنات تقولون طلع الفلم ..

قريت القصه بس ماتأثرت << مادري ليش


مممممم

 

[أفنان_22]

الله يسامحكم