رفيجتي من22 سنه خانتني مع رجلي ،، ابي رايكم ،،

[كليـ دلعـ]

انتي لوكملتي فيلمج جان احتمال انصدقج

يعني لوختمتي قصتج الاسطوريه

في انه يوم يابها عندج خلاج خدامه لولدهاا

وخلوج تصيرين خدامه

ورفيجتج تعزر فيج وتشغلج ويطرشونج بفناقر وتشوت

جان قلنا قصه سندريلا النسخه الصينيه!!

ميد ان شاينا!

لكن انتي الله يهداج ماخليتيها ختامها مسك

خليتي ختامهاا قرقيعان!

ع شان جذي يتج الردود من كل حدبن وصوب

وترا انا اول وحده كشفتج للملأ حلت اللغز

ماقول

الا

الله يواجرج في مصيبتج ويخلفلج خيرا منهاا*

 

[Tom ♥ Jerry]

.

امبييييييه جني قاعده اشوف فلم
حسبي الله عليهم
في ناس بهالوقاحه و قله الأدب !!!
دآم يحب رفيجتج من زمان شكو تزوجج
يعلهم المآحي هالرياييل

انا اقول لا تدفنين روحج بالحياه يا قلبي
لو انا منج اتطلق من باجر شسوي بوآحد يحب رفيجتي
و مأيحبني و صارحني بهالشي ,،

و اقول حسبي الله و نعم الوكيل ومآلج الا ربج
صدقيني اهوة رآح يعوضج وآحد آحسن منه
و الحمد لله اصلا انه مآلج منه عيال
عشان بعد مآكو شي يربطج فيه للآبد ،

حسبي الله عليهم صج نذاااله وقااحه
هالزمن يخرع !

 

[حبيبي وبس]

مو مصدقتج سووري

 

[dectora 7elwa]

مادري شقول
اذا صج
الخبيثون للخبيثات

 

[ابـيـض واسـود]

شهاالصدييقه الحقيييره !! انزين زواجها مب حرام شرع الله بس ليش هاالأسلوب وهاالكلاام , شلون اصلاً مااستحت تااخذ رجل صديقتهاا !! الله يعيينج

 

[أم ريــــما 22]

الله يسخره لج

 

[ابـيـض واسـود]

يمكن من حرتهاا مب قاعده تكتب عدل ,​

يمكن مفتعله ولاتدري شتقول من وجعها​

وليش تستغربوون من سالفتهاا ,​

احنا صايره لنا هاالسااالفه نفسهاا , ماجاب عيال من الاولى بس من الله​

وخذ عليها بنت تصير لمرته من زمان متزوجين ماحد درا عنهمم انهم متزوجيين​

لين الله عطى مرته الثانيه الحمل ومرته الاولى نكرها وتطلقت الاولى

شحقى تقعد عنده واهيا توها صغيره وماعندها عياال الله يرزقها ان شاء الله بتوووم ​

مع ان مرته الثانيه حييييل تصير لمرته الاولى​

حسنو النيه بنات ترا الدنيا فيها بلاااوي اكثر من الي قاالته​

وحمدو الله انكم ماشفتو الي اهيا شاايفته والله لاا يوريكم ايااه​

 

[فيونكه..~!]

- بنأإت شكلكمْ ماسمعتوإأ قصصْ مثل قصتهآآأ @؟! ليش منصدممينْ !
- انا اقول روحي لبيت اهلتس وقولي لهم السالفــهْ ، وخلي اخوانتسٰ يروحونٰ ويعلمونهْ الادب !
- وتطلقي منهٰ هاذاّ مايستاهلكٓ ..

 

[خليفة العظماء]

استخيري حبيبتي والله يكون بعونج ياقلبي سالفتج موسهله

 

[بيرلا ستور]

رفيجة العمر يعني شفتي عالاقل صور زفافها !!!!!!
نقول ماصرلج تشوفين العرس!!!

مادري وفي شي غلط بس بعد ما احط بذمتي

 

[مناير ...!]

وعلى شنو تحبينه وماتبين اتطلقين
وين عقلج؟؟؟؟؟؟؟؟؟؟؟؟؟

 

[Laidy n3ooma]

تطلقي

وحوبتج بتصيدهم

 

[صابرة وراضية]

؟

أصلاآ آنا لو مكاااااااانج ماأقعد عنده دام ماعندج عيال منه توج صغيره تطلقي والله يرزقج باللي أحسن منه والله ,,
لو تحبينه لاتقعدين عنده رجال قالج ماأحبج ليييييييش قاعده عنده روحي لبيت أهلج ياقلبي واطلبي الطلااااااااااق ,,
والله يرزقج باللي أحسن منه ويعيشج أميره خليه يولي صدقييييييني ولاتفكرين بقلبج ,,
موفقه ,,

معاااااااااااج حق اختى................انصحج تسوين مثل ماقالت خبرى اهلج بالسالفة وتطلقى منه وانت لسة صغيرة فى ريعان شبابج مليون ريال يتمنوج ......والله يعوضج بزوج صالح احسن منه .........هالخائن ما تبجى عليه ما يستاهل حبج ليه.لا ترضى لنفسج ذل ومهانة اكثر من جذى .....حرااااااااااااااااااااااااام عليج نفسج راح تتحاسبين عن نفسج وش سويتى فيها..............اكرمى نفسج ولا تذليها لهالاشكال .............حسبى الله ونعم الوكيل..احتسبى الله عليهم وادعيه يعوضج باللى احسن منه ...وان شاء الله بيرزقج بزوج صالح يحبج وتكونى له قرة عينه.....الله يعينج ويهون عليج هالصدمة الله يعافينا

 

[صادقة بكلمتي]

ما بحط بذمتي بس ان صج الشرع يعطيج حق الاختيار شوفي نصيبج مع ريال ثاني ماله داعي تحرين عمرج حبيبتي توج صغيرة الف يتمنونج ان شاء الله وتحسبي اللي ما تنام عينه

 

[قمر الكوون]

الله المستعان ربي يعينج والله البيوت فيها مشاكل وبلاوي كنها مسلسلات ولاتستغربون الي يده بالنار مومثل الي يده بالماء والله اعلم يمكن انها صادقة

 

[عسووولة زوجها]

اممممم عمرج 18 تزوجتي والحين 22 :eh_s(10):

واهو متزوجها من 3 سنين :eh_s(10):

يعني بعد زواجكم بسنتين !!!


انتي شنوو !! ماكووو احساااس ماعندج

كرررامه ماعندج شخصيه لهالدرجه غبيه وعبيطه !!

تزوج رفيجتج بعد زواجكم بسنتين ولا حسيتي !

مالاحظتي تغيرات بزوجج برفيجتج !

خمس سنين متزوجه ولا فكرتي تسالينه ليش

ماتبي مني عيال !

سنتين وهو ينام معاها ولا فكرتي مجررررد

تفكير تسالينه وين تنام وليش تنام براا !!


اوكي ...


بعد الاكتشاف العظيم ولما طحتي عليهم شنو

كانت ردة فعلج !!

صراخ وهواش وهستره !! وبعدين .....

يضحكون عليج ودخلها بيتج وتقهرج ويوكلها

جدامج وانتي شقاعده تسوين .... تطقين راسج

بالطوفه !!! بالله عليج اكو مره عاقله وحكيمه

تسوي اللي سويتيه


وفوووق هذاااااا كله تسالينا شنو اسوي !!

انا اقولج روحي واخذي هدومج واخذي كل شي

يخصج واطلعي من حياتهم اهو مايستااهل

تقعدين عنده قطي كل شي يذكرج فيه وابدي

حياة جديده كافي خمس سنين ضاعت من عمرج

ويا واحد مايراعي مشاعرج ولا يحبج

واهم الله يتكفل فيهم الخيانه بدمهم وباجر

بيخونها مع رفيجتها والدنيا دواره ............


كلامي صج يعور القلب بس والله انقهرررت لاني

صج ماحب الحريم الغبيات واللي مايعرفون

يتصرفون ودائما اهي الضحيه

قوي قلبج وسوي اللي قلتلج عليه عطيهم

اكبرررر طاااف ​

 

[نكهةالبرتقال]

أنا مع عسولة زوجها

شنو ناطرة بعد !

أكبر من إن يهينج ، و يلعب بمشاعرج


خلهم ، خل يشبعون من بعض

و أنتي شوفي حياتج ، الدنيا مو متوقفة عليه و عليها


لي خليتيهم مع بعض ، راح يملون ، و تبين حقيقتهم لبعض لأن ما في أحد يستعبطون عليه الحين

 

[إم بــــرٍآك]

السالفه مادشت مخي
اولا رفيجتج مارحتي عرسها؟ الناس ماتقول منو ريلها ؟ هالامور ماتنخش بالديره وبسرعه الريحه تطلع

أنا بعد مآدخلت مخي حسيت اني اشوف مسلسل نسيت اسمه الي هدى مدري شسمهآ تتزوج ريل ألهآم الفضآله صديقة عمرهآ وإلخ القصصه :eh_s(10):

 

[هنووفوو]

انزييييين



شلون رفيجتج من 22 سنه

وانتي عمرج 22

وع كلامج تعرفتي ع رفيجتج من الروضه

ليش انتي اول ماولدتي دشيتي الروضه ؟؟

 

[Om_Ksha]

السالفه مادشت مخي
اولا رفيجتج مارحتي عرسها؟ الناس ماتقول منو ريلها ؟ هالامور ماتنخش بالديره وبسرعه الريحه تطلع

معاها الروح بالروح احس في شي ناقص غريبه السالفه

عموما الله يعينج و ريلج و رفيجتج طلعيهم من حياتج انتي طيبه و استغفلوج و الله يجازيهم :rgewrg: