رفيجتي : صرت مره وجبت ولد ولاتزعلون هذا برستيجي !!!

['Basma']

شلوون عادتها رفيجتج اصلا !

 

[جميله وجذابه]

وين قاعدين واضح ان رفيجتج هيلقيه وفقرانه و ميته على عمرها

الحمدلله الذي عافانا

 

[ألماسهABM]

اختي انتي حشيتي فيها حش محترم بالبداية طلعتي كل شي سوته ماكو رفيجه تتكلم عن رفيجتها جذي و دامها مو عاجبتج ليش استمريتي وياها 8 سنوات؟؟
انتي من البداية مو عاجبتج دخلاتها و طلعاتها شلون تبينها ترحب فيج عيل؟؟ اككيد البنت حست
هذي جزاه انها كل شوي زايرتج و طاقه درب تقولين عنها مالها والي؟؟ عيييب

الله يهديج مو حش اللي قلته فضفضه لخواتي كويتيات

وراح يعتبر حش إذا انتم تعرفونها ،،، صح ؟!

وموضوع دخلاتها وطلعاتها بشقتي على راااااااسي وأعزها حيييل ،

لكن أهلي مومتقبلينها من بد صديقاتي (شسوي ؟؟ يعني اغصبهم عليهااااا ؟؟؟!!!!!!!!!!!!!)

ولأنها اتييني عند أهلي وقت النفاس يوميا تقريبا وماتسولف بس تخز وتراقب وتسأل عن اللي يزوروني !

ومسألة طاقه درب كل يوم لي الليل بروحها صراحه بالنسبه لبنت

تروح لناس مايعرفونهم أهلها ولا يعرفون أهلها صعبه شوي للطرفين

حتى حريم جيرانا يقولون لي هذي وين أهلها عنها هايته مالها أهل نشوفها أكثر من خواتج !!!

وفعلا مرات أقعد مع زوجي بالديوانيه ونسولف وإذا رجعت للصاله تقل نقعتينيوهم تسألني شقالج؟!

ومرات إذا ماعندنا أحد ودي أنام وأريح بس مومعطتني مجال

بالعربي : صاكه علي صكه ومليت من مجاملتها

لأن السالفه طويله مع إكتئاب النفاس وانزعاج أهلي كلهم كلهم منها ومرات أكنسل مشاوير التسوق عشانها

ونفس الروتين !

والله والله إني أشوفها أكثر من خواتي في بيت أهلي شي موووووطبيعي ولابينت لها أي شي

بس عشان ماتتضايق و....و....و....و...

وشلون ماتستقبلني بعد كل هالاسنين اللي قضتها فبيتنا ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

كل شي له حدود بس غلطتي إني عطيتها ويه أكثر من اللازم

وبسسسسسسسسسسسسسسسسسسسسسس

********​

 

[لهفة المشتاقه]

وربي تقهر هالرفيجه كانت تيج اربعه وعشرين ساعه قاطه ويها عليج
والحين لما صار استقبالها اعتبرتج وحده من الناس العاديين اللي ماتتهم لهم
صج ماتقدر العشره خليها تولي لا تروحين لها والله ماتستحي

 

[ألماسهABM]

انا بنظري الرفيجه اخت وخصوصا اللي صارلي معاها سنين

انا صار فيني نفس موقفج رفيجتي صارلي معاها 8 سنين على قولتج يوم ولدت حددت يوم للي بيزورها بالبيت اللي اهو يوم الجمعه

بس انا انصدمت انا رفيجتج ماكله وشاربه ونايمه عندج تقوليلي بس اليمعه والله انها كانت تتصل وتقولي بييلج واقولها حياج ماعمري قلتلها انا محدده يوم لانه اشوف رفيجتي مثل اختي شلون اقولها لج هاليوم بس

طبعا انا ماخليتها بقلبي وكلمتها بس مبرراتها مااقنعتني كلش
ومن يومها حسيت انه علاقتنا صارت بارده ولي يومج مادري عنها ولااهي تدري عني وماتشوووف شر

لاتخلين هالمواضيع تشغلج وانسي ترى هالمواقف بنمر فيها على طول هذي الدنيا

موفقه

صااااااجه وجايج الحجي بعد الردود عالحلوااااات​

 

[ألماسهABM]

رد: رد : رفيجتي : صرت مره وجبت ولد ولاتزعلون هذا برستيجي !!!

انا اقول ان

الصمت اجابه بارعه لا يتقنها كثيرون

لا تردين عليها نهاااااائيا ولا تتشرهين بعد عيشيها على ناااار هاديه

100% صح

ياريتني قاريه ردج الظهرررررر​

 

[ألماسهABM]

على فكره انا صار فيني نفس موقفج و انطردت من المستشفى جدام الناس كلهم...بس علشان راحتهم وانا نفسج طبعا ما رديت طلعت مصدومه...الله لا يبلينا ان شالله ابهالاشكال

​

 

[ألماسهABM]

رد: رد : رفيجتي : صرت مره وجبت ولد ولاتزعلون هذا برستيجي !!!

والله عييييب ناس يوجبوني اطردهم الشرهه علي اللي بيجيها مااالت
حنااا طول الاربعين من جا حياه الله وش يبي يعني الصاله زاهبه والدلال والمطارات والفناجيل كل شي جاهز
هذا غير اللي يجي معه خيره من حلا وفطاير واكل يعني عادهم جايين متعنين وعادني اطردهم والله فشششله
هذا بدال لا تحلف من الفلوس تشخذهم شحاااذه

:68_asmilies-com: أصييييييييله :ggdw:​

 

[ألماسهABM]

يآعساني مآقابل مثلهآ

:yaaaaaarb: آميـــــــــــــــــن:yaaaaaarb:​

 

[ألماسهABM]

غريبه انت تعرفينها عدل




اخاف عندها ظروف

المشكله إني كنت أعرفها عددددددددل​

 

[ولهااااانه]

الحمدالله والشكر
حيــل ماتستحي

 

[ألماسهABM]

موحلوه الحركه جذي ماتعرف منو اللي حاطه عشره ومنو اللي حاطه خمسين وزين عطيتيها بايدج

بالنسبه لكلامها طووفي يختي احنا بشر موملايكه كلمه زرفت منها يمكن لانها توها والد وتعبانه

بعدها تحسفت ومسجها حلو يختي الناس لبعضها لاتشينين النفس وانا اختج والدنيا زايله خلج اكبر منها

زوريها وعاتبيها عتاب حلو عتاب الاحبه

وصراح انا لو رفيجتي تقابلني بنفاستي والله استانس سوالف ووناسه

سويت نفس اللي قلتيه وللأسف

ياريتني مارحت ​

 

[ألماسهABM]

رد: رد : رفيجتي : صرت مره وجبت ولد ولاتزعلون هذا برستيجي !!!

لا حول ولا قوه الا بالله
اختي
شلون تصرفتي معاها؟
كلمتيها عقب استقبال نفاسها؟


اختي مسأله ان كل يوم عندج يمكن تفتقد الجو الاسري واهلها ماعندهم جو عيله ولمه ولقته عندكم وتيي تقعد مع اهلج تعوض نقص
اما السالفه اللي سوتها باستقبالها
شكلها ياهل (وترا ياهل العقل غير عن ياهل العمر) قالتلج هالكلام لان امها موصيتها او اهلها ان مايبون احد ايهم ومبين ان مو اجتماعين كلش ولايبون احد
والدليل انج رفيجتها 8 سنين ولامره عزمتج بيتهم ليش؟
في ناس ماتحب الناس تييها ولاتزورها وتسئ استقبالهم
يمكن اهلها من هالنوع وعشان جذي قالتلج انا ماستقبل احد فبيتنا
بس اتفق وياج اسلوبها حدددددده غلط المفروض تشرحلج وضعها وتقول الصج
ولو انا منج
برد عليها بمسج واقولها حبيبتي تطلعين من باقي شروره ان شاءالله كان ودي اكون وياج كل يوم بهالوقت مثل ماكنت وياي كل يوم
بس سمحيلي ماراح امرج بناءا علي طلبج بالاستقبال مو انتي قلتي "......" فسمحيلي ما من زعل والحمدالله وجبتج بالمستشفي

جايتج بالحجي وباللي صااااار

قهــــــــــــــــــــر​

 

[طموحه بزياده]

صراحه مبين هيلقيه ماتعرف الاصول

 

[ألماسهABM]

حبيبتي الدنيا تغيرت =بس حلو نسايرها بس بالمعقووووووووووووووووووووول ومو علي حساب راحتنا ووضعيتنا وجونا ولا ننسي عاداتنا وتقاليدنااااااااااااااااااااا
من متي الاربعين صار محدد زوارة النفاس - اصلا النفاس يضيق صدرها ما غير اوجاااع وعله راس وضيقة صدر ووتعب طفل وسهر كل هذا ما يبي احد يجيك يونسك يفك ضيقتك يضحكك وسوالف وقعده حلوة وناس تسليك وتنسيك همك
الله يا محلا ايام اول كل شئ بسيط وبرئ وعفوي اما الحين كل شئ رسمي وحتي الزوارة غصب وبوقت محدد وحتي الضحكه محسوبه عليك
القعده اذا ماخذ راحتي فيها واللي حولي كلهم نفسيات بلياها
المهم يا قلبي ما اطول عليك === صدديقتك هذي تري تمر بتقلب هرمونات وجو جديد عليها يمكن تحاول تتطور بس للاسف ما بدت الا فيك
انت اللي عليج سويتيه وديري بالج علي عيالج وزوجك وبلاش منها ان كانت بتتغير عليج
حياتج مو مرهونه عليها الله يخلي لك اهلك وزوجك واولادك والباقي ليا ما عجبوك طوفي يالغلا ولا تكدرين خاطرك
اهم شئ راحتك وسلامت عيالج وزوجك

تسلميييييين

ياقلبي ريحتييييييني واااااايد​

 

[ELFAD3Ah]

رد : رفيجتي : صرت مره وجبت ولد ولاتزعلون هذا برستيجي !!!

امبيه والله فشله شهل هلاقه خل تولي

 

[** باربي **]

ألمااسة شنو الي صااار بعد مع هالبنت الفقر يالله ناطرينج شنو رحتي لها مرة 2؟؟؟!!!

 

[ألماسهABM]

والله ياباربي إني مو مصدقه

وكل شي مر بسرعه ،

مدري منو الغلطانه فينا ​

آآآآآآآآآآآآآآآآآآآآآآآآآآآآآآآآآآآآآآه يالقهــــر:lkmnkl:

نفسيتي تعبانه من غير سبب واضح بس خلاص العشره مو مقياسها السنين

ياما أهل صارت بينهم مشاكل وتفرقوا

وياما زوجين انفصلوا لأسباب تافهه بعد عشره طويله (البعض مو الكل )

ياريتني سمعت كلام أمي وزوجي ومااحتكيت في بنت الفقر اللي مو من مواخيذنا

حــســــــاااااااااااااااااااااااااااااااافـــــــــــه فيها الصداقه بينت على حقيقتها

*** السالفه ومافيها ***

بنات اليوم قررت أروح لرفيجتي :gr4uu: وقلت بواجهها واتشره عليها عشان ارتااااح

8سنين مو هينه :eh_s(2):

المهم :::::

دزيتلها مسج الصبح الساعه 10ص :

( صباح الخير ، شخباركم ؟ ودي أزورج اليوم وأسولف معااااج وأتطمن عليج وعالمزيون )

ردت الساعه 2م :

(حياج الله الساعه 7م )

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!!!!!!!!!!!!!!!!!!!!

المهم أستانست وقلت بفضفض وارتاح وأعرفهاااااااااا عشرة عمر

طيبه ومحترمه وتخاف الله بكل شي وكل الصفات الزينه فيهاااااااااا

أكيد تليقفت بالمستشفى وبتطلع فيها يعني حركاااااااااات

ماأطول عليكم =====

رحت لها 7ضبط (يعني ملتزمه !)

وصلني زوجي وقلت له انطر ماراح اتأخر عباله بتعشى (حزة عشا بعد)

الزبده :

فتحتلي الباب الخادمه ودخلتني الصاله الكشخه وضيفتني العصير السنع

ودقايق ولا اتيي رفيجتي وتسلم وتناااااااام عالسرير (عادي نفاس!)

قالت : صراحه أنتي مثل أختي ولو انج موغاليه علي جان ماتحجيت !!!

قلت : خير ؟؟؟

قالت بكل وقاحه : صراحه طرشت لج المسج الأحد عشان اتيين وأعاتبج وجها لوجه ،،،،،،

وردج اللي يبتيه موشي !!!.

وال50دك مو قدري وبدون ظرف بعد !!! عييييب

توقعت بتييبين لي شي غييييير

جااااان انفجر عليها : من صجج تحجين ؟؟؟

أشكره هذا وأنتي طاردتني عن زيارتج في بيت أهلج

جان تقول : عااااادي وحده والده وبترتاح بروحها وخصوصا بجر

قلت : اسم الله عليج وانتي كل يوم قاطه ويهج اداومين عندي بنفاساتي حتى في بجري

وتراقبيني وآنا اغير لعيالي بعد ولاقلت شي بالعكس أقول ونعم الرفيجه

ولا شفت منج لا هديه ولا حتى ورده وماقلت إلا ييتها عندي أحلى هديه

صج ماتستحين شاللي غيراج علي بيوم وليله ؟

جان تقول : كبرت وعقلت

(والله القهر إني أكبر منها بخمس أيام بس)

قلت : عقلتي شقصدج ؟؟؟؟؟

سكتت !

قلت : تدرين إني تضايقت لما طردتيني من زيارتج ورفضتي توريني ولدج

وترا الانسان مايتضايق إلا من اللي يعزهم وانتي جرحتيني باسلوبج اليديد معاي بالمستشفى ،

وعيب تقولين لي الهديه مو قدري ===

جان تقاطعني بصراخ وتقول شوي شوي كليتيني وأنا تعبانه ليش تزعلين من الصج هديتج موشي

ولا من مستواي !!!!!!!!!!!!!!!!!!!

جان ابطها واقوووووول الله يرحم يا.... شالمستوى اللي تتكلمين عنه عندي وآنا اخبر فيج ؟

وأنتي تبجبجين عندي و تلبسين الملابس اللي ناويتهم للصدقات

تقولين بكشخ فيهم جدام اهلي وحمولتي

وتليفوناتج كلهم تليفوناتي المستعمله حتى الكفرات تلقطينهم من البنات

والاكسسوارات والعبي مني حتى تجهيز ولدج نصه مني لج هديه

عيييييب تتكبرين علي وانتي تعرفين آنا منو

بس للأسف كبر راسج ومو آنا اللي تدزيلها مسج علبنج صايدتني بتنكليني بهديتي لج

عيب عليج واستحي ................................

.....................................

..........................

== طبعا هالكلام طلع مني من غير ضبط وتحسفت وقعدت أبجي ==

وقلت لها : صراحه نرفزتيني وآنا مو قاعده اتمنن عليج بالاغراض لكنج حريتيني وتغيرتي علي فجأه

بجت وقالت لي : لهالدرجه مستحقرتني الله يسامحج وياريت تطلعين اللحين لأني تعبانه وبنام

(هم طرده)

قمت وقلت لها نوم العوافي والله يقومج بالسلامه ويخليلج ولدج وتفرحين فيه

بس ياريت تمسحين رقمي وآنا بعد بمسح رقمج وخلاص كل وحده بطريج

وقالت : أحسن بعد (يعني تحرني)

وطلعت وركبت السياره أبجي بجي موووووووو طبيعي والحين مصدعه وموقادره أنام

الله يسامحها ​

 

[ماركة انثى]

رد : رفيجتي : صرت مره وجبت ولد ولاتزعلون هذا برستيجي !!!

الله يعينج واحسن لج ابتعدتي

وصدقيني مافي صداقة غير امج وخواتج

 

[Alia]

اول مره بحيااااااااااااااااااااتي اشوف انسانة فقرانه جذي شنو هالفقر لا ومو عاجبه المبلغ الهدية مو بقيمتها ترى !!!! الصراحة البعد عنها غنيمة وزين عرفتي معدنها