رفيجتي حطتني جدام لغز ، ماني قادره افججه

[*E.B.D.A.3*]

سلام بنات
انا احسن وحده ترد بهالقسم وماتنزل مواضيع
قلت هالمره بجرب حظي وانزل هالموضوع :eh_s(9):

بس تبون الصج؟؟
الدافع الحقيقي الي خلاني انزل هالموضوع
بعد قعده صراحة بلشتها وحده من رفيجاتي ..
وانصدمت من النتايج :\

رفيجتي هاذي خجولة ، ويا اللله نعصرها عشان تقطر كلمتين نتسلى فيهم نضغطها عليهم وترد لقوقعه الخجل مرة اخرى
مادري ليش احس احنا سبب ازمه الخجل مالتها
الموووووهم

اليوم قرر الاسد الي مستخبي فيها انه ينطق..
ونطقت !!
بس تبون الصج ، عورت قلبي وصدمتني

اهيه متزوجه من ثلاث اسنين --> piece of information

لفت ويهها علي ، بحكم اني الاجرأ بين القروب،
جان تقولي، يعني شنو النشوة الجنسية؟؟
قلتلها يعني لمه توصلين الذروة
جان تقولي انا مافهمت الاولى عشان افهم الثانية!!!
جان افصخ غطاء اللغة العربية واعطيها المعنى بالكويتي

جان تقولي وهذا شلون يصير ؟؟؟
اهني انصدمت @@
والصخه عمت القروب وسكتنا!!
جان اشرحلها كيت كيت ..
وفضولي ما يودني عن السؤال : انتي ماجربيتها ولا مرة بعمرج ؟؟؟؟ @@ "
جان تقولي " لاااا!! اوكي قبل الزواج اعرف، بس اثناء العملية الجنسية نفسها ماعرف!! "
قلتلها اوكي يعني بينج وبين ريلج اكو علاقه جنسية بس انتي ماتوصلين للذروة؟؟؟
جان تقولي ايي اكو علاقه بس ماعرف اشلون يعني اوصلها !!

انا انصدمت!
وطقتني البوهه اكثر لمه القروب كله رفع ايده
وكلهم قالوا حتى احنا مانعرف!!

اوكي هالشي كان توو متش علي
جان ارفع السماعه على خواتي الست ..
سالتهم نفس السؤال
طبعا الي سفلت فيني والي رادوتها احاسيس الخجل والي طقتها بويهي ..
بس النتيجه ان اهمه ايضا مايعرفون!!
جان انفهق بمكاني انا!!!!!!

معقولة ؟؟؟
قمت تالي وسالت كل ابنية على ويه الكرة الارضية نفس السؤال
كانت الاجابة مابين " احنا نحس بوجود شهوة، لكن مانوصل للذروة "
ومابين "مانعرف نوصل الذروة اثناء العملية نفسها، لكن بعدين ، بعد مايخلص، نكمل على روحنا ونوصل انفسنا للذروة" !!
بنت او بنتين ، الي قالولي ايي احنا نوصلها بشكل كامل!!

ياجماعه
الموضوع على قد ماهوه جريء، ويقص الويه (اكتبه وانا مااطالع بالشاشه )
على قد ماهوه مشكله كبيييييييييييرة!!

يعني هل اهوه نابع من جهل ؟؟؟؟
هل تخويف المرأة من الجنس وتربيتها على محاربته منذ الصغر ، صنع منها انسانه ( عاجزة ) .. ؟؟؟
هل العادات والتقاليد ولدت لنا انصاف نساء!!؟ يعني انثى شكليا ومضمونا، لكن عندها خلل بالعملية الفيزيولوجية الاساسية والبديهية؟؟

من المسؤول؟؟
وليش جذي قاعد يصير؟؟

اتمنى افادتكم بنات فعلا محتاجتها!!!

 

[مولاي الفرج]

شوفي غلط انج تسئلين البنات اللي تعرفينهم لان شي خاص

بس كموضوع صج هذا شي مهم

واتوقع يحتاج وقت على ما الوحده تتعود عالريال

عشان جذي ماتوصل الا بروحها

 

[Sweetq8]

احنا ماذبحنا الا الخجل هههه

الحمدلله انا اوصلها كامله بمساعدة زوجي و تفهمه و طولة باله

و اشكثر الي مايعرفونها و في يعرفونها بس ماجربوها بسبب خجلها او جهل رجلها

 

[*E.B.D.A.3*]

قواكم الله عالمرور :**

حبيبتي "مولاي الفرج "
سؤالي كان للضرورة ، احنا اشلون راح نعرف اذا اهيه مشكله او لا ، اذا الكل سكت وماتكلم!!
ماهتم بخصوصيتهم ولا يايه اسالهم عشان اعرف شسوو وماسوو " ويع"
اتوقع هدفي كان واضح وسؤالي محدد بدون اي تفاصيل زايدة
اشلون بعرف اذا اهيه مشكله او لا ، اذا ماسألت!!

 

[أم عزيـز]

النشوه لازم توصلها المره بمساعده الزوووج
يعني واحد يشبع الثاني سوري على الكلمه
المهم ان مايخلصون العلاقه الا واهم ثنينهم مستمتعين وواصلين للنشوه.

بس طبعا الجهل والخجل له تأثير كبير
*

 

[شادن33]

هههه ياحليلج يا ابداع اتونسين
ورفيجتج هاي سكتت دهرا ونطقت قنبله مره وحده
الذروه اعتقد تعتمد على شطاره الزوج

 

[shak!shoka]

محد قاعد يجاوب ههههه كل وحده تكتب نبذه على استحياء

الزوج عااااااامل مهم من غيره العمليه ناقصه
بس انتي ذكرتي نقطه .... في بنات تكمل ع روحها و توصل ؟؟ جدام الزوج و لا من وراه ماااافهمت
ع جذي صارت العلاقه تمثيليه لانه المره هم تمارس العاده !!

سوري ع الجرأه بس موضوعج جرئ و لازم نتناقش فيه

مشكوره

 

[كربون امها]

ماله شغل السالفه بالخجل العيب من الزوج اللي مو قادر
يوصل هالشي للمراه ومافي مراه عاجزه او ماتوصل للذروه
العيب من الريال او من التوافق لان التوافق مهم والرضا بين الاثنين وسلامتج يالغاليه

 

[أم ريــــما 22]

شوفي ياقلبي بكل صراحه النشوه انا ماكنت اعرفها وماكنت اعرف ان المراءه لها نشوه الا لما سألني زوجي مره قالي انتي توصلين لهاانا استغربت مادريت اني ابي اوصل لها يوما ما ,,,,
بس بعد ولادتي قمت احس حبه حبه لوووول المهيم احنا تعودنا ع الحيا من احنا صغار حتى اول ليله كنا نموت رعب مانحط في بالنا الوناسه ابد... حتى يداتنا وامهاتنا مايدرون ان المراه لها شهوه اذكر وحده هنيه في المنتدى تقول امها لما سمعتها هي واختها يتكلمون عن نفس الموضوع قالتلهم المره مالها شهوه
بس انا اقولكم شغله استمتاع المره يعتمد ع الزوج بشكل كبير
الرجل مدة وصوله لنشوه لاتتعدى دقائق معدوده اما المراءه فتحتاج الى اكثر من 20دقيقه حتى تصل اليها ع حسب ماقراءت:d:d.""فلسفه زايده " عذرا ع الاطاله

 

[عطاء أنثى]

Noooo
Commnet

 

[Blueflower84]

انا بعد اقول السالفة تعتمد على الريال.. اذا كان مثقف و واعي بسوالف الجنس راح يقدر يونس زوجته بس اذا كان جاهل او اناني فالله يعين مرته.. بس سؤال... يعني المرة عندها نوعين من النشوة المهبلية و البظرية فهل يتشابهون بالاحساس؟؟؟ لاني ما احس بالاولى....و سوووووري على جرأة الالفاظ

 

[أحلا اثنين]

اللهم صل على سيدنا محمد
رفــــــــــــــع

 

[*E.B.D.A.3*]

(ام عزيز )
واايد اايدج ان الخجل له تاثير كبير
مادري ليش بعض الحريم يشوفون ان شهوتهم عيب :\
انتو ادميين بعد مو طوف وطاولات :\
شكرا حبيبتي عالمرور :*

(شادن33)
اصدمتنا ياحليلها
انا عشان اتكلم بموضوع بهالجرأه،
ادق على مالوت الجبسم بورد، يركبونه لي
بعدين اقول حق رفيجاتي جذي :eh_s(6):
هههههههههه
واتوقع ان الزوج له دور بس 99% من تفكيري يلوم المجتمع بالدرجة الاولى

قواج الله عالمرور :*

(شكشوكه)
ياحلو نكج ههههههه :eh_s(6):
خلينا بسؤالج الحين :eh_s(6):، ترى جد سرحت بنكج هههههههه
القصد من انها توصل للذروة بروحها، لان مو عارفه توصلها في اثناء العملية نفسها!!
اتوقع هم السبب ممارسة العاده السرية لفتره طويله يخلي البنت تتعود على جذي!!

قواج الله :**


( كربون امها ) :
انا مو قادره الوم الزوج
يظل مخي معلق على لوم البنت والمجتمع!

يسلملي مرورج :***


(ام ريما) :
امبيه تدرين شكثر عور قلبي ردج!!
للاسف!! العادات والتقاليد، بترت شهوة المرأه!!
وجرتمها!!!
يعني اشوى بزمنا هذا اكو ثقافه جنسية شوي،،
على الاقل من ناحيه الازواج نفسهم،،
ازواج اليوم متفتحين في اغلب الحالات، وصارو يحبون الزين والحركات والمركات :eh_s(6):!! لول
لكن اذا في ظل هذا التفتح، المرأة لي الحين مو عارفه توصل لنقطتها!! اشوفه شي مشين!!
وارد اعتب على المجتمع (الانثوي) مرة ثانية واعتب عليها اهيه اميه مرة!!

عساج على القوة وربي :**


(بلوفلاور84) --> عيزانه اطق شفت انتر واقلب الكيبورد انقليزي :eh_s(6):
النشوه المهبلية ياطويله العمر اهيه نقطه "الجي سبوت"
الي موجوده في سقف الجدار المهبلي.
بمجرد انها تستثار، راح تثير المنطقه المهبلية كلها.

قواج الله عالمرور :*

 

[كريزية]

اول شي موضوعج حسااااس حيييل

ثانيا ترا صج فيه بنات مايعرفون النشوة حتى المتزوجات

بقولج بس بطريقة ذربة ومحترمة احم احم :eh_s(22):

يعني وقت الجماع ... المرة لازم تشبع قبل او بنفس وقت الريال

مادري شلوووون بشرررح ... يعني اهوا مو يخلص ويرتاح ؟؟؟ اهيا بعد لازم ترتااااح قبله او بنفس وقته مو تظل تبي بعد وما شبعت

لان الريال وقت الجماع يفرغ مرة وحدة اهني وصل للنشوة ... المرة وااايد ليييين توصل للنشوة .. ولازم الريال يسوي حركات يكون فاهم جسد مرته وشنو يثيرهاااا صدرها او شفايفها او ريولها او ظهرها او اخر ظهرها ...

اسفة عالشرح وماقدر ازيييييد بس هذا اللي قدرت اقوووله بطريقة ذربة :eh_s(7):

 

[5ewt m3rh]

هالموضوع قاعده اقراه بكل مكان انا احس بهالشي بس من كثر السوالف عنه
شكيت اني اعرفه
المهم فيه نقطه اثارت تفكيري نقطة نشوه بظريه ومهبليه
هم مو شي واحد ؟!!!وشهوتهم وحده؟!

 

[*E.B.D.A.3*]

(كريزية)
همممم ... اتوقع اني بديت استوعب شالمقصود لمه الزوج يساعد زوجته من خلال ردج هذا
صحيح اهوه التوقيت شي مهم ، والمرأة ابطأ من الرجل عادتن ،
فلازم اهيه توقت نفسها قبله او معاه..
لكن هالشي كفيل انه يعلمها شلون توصل للنشوة؟؟
انا مشكلتي مع الي ماتعرف!
مادري! مع ان الموضوع غريزي بحت .. شلون ماتعرف :\

تسلم اناملج على الرد :**


(5ewt m3rh)
لا حبيبتي ..
البضرية شهوة خارجية ، لا تحتاج لاشباعها (عملية الايلاج)
المهبلية شهوة داخليه، لا تستثار الا من الداخل، وتحتاج عملية لايلاج لوصول نشوتها.

ويصير انهم يستثارون بنفس الوقت، وتكون شهوتهم بنفس الوقت..
يعني من الداخل والخارج.
عشان جذي في وايد بنات مايفرقون بينهم .

 

[النوري نور عيني]

خوش موضوع ...صج في حريم شكثر ما يعرفون يوصلون لها مع الزوج ...وخاصة بسنوات الزواج الاولى ...وهالشي يعتمد على الزوج وتفهمه ...تبين ابو سروال وفانيله يعطي من روحه ؟؟؟؟

 

[لذة الشوق]

بشرح لكم يااخواتي لان الموضوع حساس مره

من المعروف ان وصول الشخص للنشوه الجنسيه لابد ان يمر بمراحل والامر ليس على عاتق الرجل فقط اعتبره خمسين بالميه عليه والنصف الثاني على المراه
المهم المرحله الاولى تهيئة النفس والجسم على الجماع وليس منطقيا قبل بدء العمليه اروح اكشخ ولمن يجي زوجي يصير وبعدين اطالب بالنشوه لازم قبلها بفتره راح اضربلكم مثال والله يسترنا جميعا وليس المقصود التفضيح لكن علشان اوصل الفكره ليش الرجال بلعلاقات المحرمه يستمتع اكثر ؟ السبب بسيط لان الطرف الثاني عارف ومهيأ نفسه لهذه المهمه فعلشان كذا اقول لازم تهيا النفس مثال اخر ليش مارقص تقولين استحي عودي نفسك هذا حلالك وطبعا تختزن في الذاكره انك ترقصين علشان الاغراء وارجع اكرر تتعبين بالبدايه راح ترتاحين بالنهايه

نجي للمرحله الثانيه والي هي الملاطفه والمداعبه وهنا ماحطها على الرجال لا مثل انتي ماتحسين هو يحس واذا وصلتي زوجك لمرحلة الهيجان راح ترتاحين بالمرحله الي بعدها بتسالين ليه لانه يكون مبسوط وكلما وصل لمرحلة النشوه ياخرها

اما المرحله الثالثه والي هي فترة الجماع طبعا اثبتو علميا ان الرجل في فترة الجماع تزيد الطاقه الجنسيه بسبب الاصوات الي تخرج من المراه اتمنى انكم فهمتو علي يعني مو فترة الجماع كنك صنم

والمرحله الاخيره هذي تخص المراه وهي فترة مابعد الجماع هنا المراه تضعف وتريد من يزيد قوتها بمعنى مثلا يحضنها لان بالفتره هذي تختزن في الذاكره عند المراه وتحس بالامان اكثر وطبعا لاننسى في رجال بعد عملية الجماع يحس باحباط مما يولد بعض الكره وهذا الاحساس لثواني لكن الرجل الذكي من يتغلب على هذا الشعور وبكذا يوصل كلا الطرفين الى النشوة الجنسيه

طبعا انا مافصلت الا اني شفت كثيرا منا يجهل هذي الامور وكثير منا تطلق الله يبعد عنكم ويكون السبب مجهول والسبب مثل ماقلت لكم بالمرحله الاخيره يعني المراه تكره زوجها وماتدري ليه والعكس اتمنى اكون افدتكم واي سؤال انا حاضره للاجابه

 

[حجيه هيونه]

المشكله احنا لما نشوف بنات الاجانب تلقينها من واهي مراهقه تعرف هالاشياء ( نفس بيلا بتوايلات الي طول الفلم تركض ورا الريال لول )

بس بعالمنا الوحده تتزوج وتعيل وماتدري عن هالاشياء !!

 

[مناير ...!]

الموضوع 100% باايد الريال
بنظري ماتوصل هالمرحله الا الي زوجها يحبها ويبي راحتها
مو معتبره دميه تفريغ يكت فيها ويمشي ><