رفيجتي بتدم بيتها وانا حدي مقهوره عليها تكفون شوروا عليي

[brettey]

حبيباتي ماقصرتوا ابشركم خلاص تصالحت معاه توها طرشت لي عالواتس اب ان حجز لها ليله بفندق
قال لها خلاص حجزت ولا ترديني
الله يسعدها ويهنيها
هييييييياااااااااااااااااا

فديتكم ماقصرتوا على نصايحكم وانا كنت ابي اساعدها لان وقفاتها معاي ما انساها

 

[ReDLOve]

بالمــــبارك عسى الله يتمم عليهم و يصلحهم حق بعض

 

[ندى العبير]

الله يهديهم وان شاء الله ترجع له والقلوب اتصافى

سلمي على رفيجتج والله يوفقهااا

 

[brettey]

حياتي فديتكم

 

[om.aboodi]

انا براي اول شي تدزله مسج انها حامل علشان يفرح ومايفرح ههههههههههه تحره علشان لو براسه شي يتحسف ومايجوز الطلاق واهيا حامل ثاني شي خل تقول له شنو الضمان هذي وربي كشفها وريلها سمعها لو وحده من بره محترة وقالت لك شفت مرتك بشقه بتصدقني والا تصدقها متي ماصارت عندك ثقه فيني حياك

 

[brettey]

هلا حبيبتي خلاص تصالحوا

 

[دنيا الصدمات]

على فكره لا تخليه وايد باجر تنقلب عليها السالفه ويهو الليس يثار لكرامته ويقولها عفتج وذليتيني
هيا قالت له انت مو ريال واغتصبها
مابالج الحين لين هيا تمادت ومارضت عليه شنو بيسووي

خلااص الريال اعتذر خله تقصر الشر وترد بيتها واتوقع انه هو تعلم
وبعدين الريال هيا بنفسها تقول ماتلقى مثله يعني المفرووض ماتزيد دلع وتنرفزه لين عصب
تنطره يهدا وبعدين تتناقش معاه
وسالفة امي وابووي هذي في بيتهم الحين هيا مع زوج ولازم تشيله ويشيلها ومحد مايغلط

 

[brettey]

ياقلبي خلاص تصالحوا امس حجز لها فندق الله يهنيهم

 

[JANAA]

الحمد لله وانقلب السحر على الساحر

حبيبتي الله يفرج هم رفيجتك يارب وحسبي الله ونعم الوكيل في مرت حماها ما ادري ما تدري بالقول الزور وانو رب العالمين لازم يكشفها خرابة البيوت

المهم حبيبتي خليها تستخير رب العالمين وكل الازوواج يغلطون فخليها اتسامحها بس يتعهد امام اهلها واهله انو ما يمد ايدوا عليها بعدين لازم اتعملوا درس مو كل واحد قال كلمة او موضوع صدق واهواش وما دري شنو لو كل الرجال بيعملوا متلو مافي وحده بضلها ببيتها لازم يتحرى الحقيقه وبعدين زوجته ام اولاده لازم يكون في تفاهم .

وهي بعد ما يصير اتقول حق زوجها انت مو رجال ادري الوحده فينا لو عصبت وانظلمت يطلع منها قاموس بس بدروا ادير بالها ومو كل شي تحكيه خليها اداري على بيتها وعائلتها ما تدري عيون الناس والحسد والحقد.

ربي يفرج همها ويفرج كربتها ويحميها وبيتها من شر الفتن

 

[FUSHIA-GIRL]

ترجع له بس عقب ما اطلع عيونه

 

[! بــدويه وآآيــد !]

،​

كتبت رد وسويت تعديل
الله يهنيهم
بالذمه مو مرت حماها حديثة نعمه؟ هذا طبعهم عمى بعينهم​

 

[Vouge]

.. لا ترد إلا هادة حيلة بشغلة جايدة ..



.. يشتري لها طقم .. يطلعها بشقة ..
المهم ما ترد إلا مسوي لها شي كبير



عشان ما يستسهل يطقها مرة ثانية لأن بقول مردها بترضى مثل ما رضت المرة الأولة
و يعرف إن لي مد إيده عليها بيخسر شوي و شويات