رفيجتي الروح بالروح خربت .. شسوي ؟؟؟؟؟؟؟

[حور العيون]

الله يـهـديـهـآا

 

[حبيبته آنا]

نصحتيها ومافاد معناها خلاص انهي علاقتج فيها والا ترا بتتلوث سمعتج بسببها وبسبب رفجتها وانتي بغنى عنها غير جذي باجر لي طاحو عليها اهلها بتقط سوالفها على راسج

 

[iTaLiyA]

اذا اهي رفيجتج و تحبينها لا تهدينها
فهميها الغلط اللي تسويه حتى لو كل يوم
و دامها مو مأثره عليج خليها مردها بتعرف اللي تسويه غلط

 

[سنا الفضه]

نصحيها مره مرتين ماسمعت خلج حازمه معاها انج بتدخلين احد من اهلها - على سبيل التهديد طبعا- اذا مايازت

واذا ماخلت سوالفها قولي لها يا انا ياسوالفج البطاليه وهجريها فتره وخلج حاازمه وقويه معاها

لاتمشين يمها ولاتبتسمين لها كلششش لحد ماتعرف خطاها ولاتنسين تدعين لها وبين فتره والثانيه اهديها كتيب شريط عن اثر المعصيه

عذاب القبر وعذاب النار وخداع الذئاب البشريه ومن هالسوالف جود ترد لطريج الصواب

والله يهدييها

 

[baby johnson]

حبيبتي سمعتج اهم ماعليج
نصحيها واذا مافاد بس مع السلالالالامه ماتشوف شرررررر
خل سوالفها تنفعها

 

[فقدتك يانور عيني]

الله يهديها يارب

 

[الـفـجـر الـبـعـيـد]

البنات ما قصروا

ادعيلها بالهدايه والستر ..

 

[نور الضي]

صار لي مثل اللي صارلج بالضبط
باول سنه جامعه
تدرين شسويت؟
دقيت عليها وخيرتها بيني وبين خرابيطها؟
وقلت اذا هدت سوالفها كل وحده مننا بطريج
بكل برود قالت اوكي
والحين انا مرتاحه لو ما شيتها جان خربت سمعتي و جرتني معاها
بس الله فكني منها

 

[دمعة يراع]

حبيبتي .............. اولا اشكرج على حرصج ... وعسى الله يستر عليج دنيا وآخرة ...

ديري بالج على روحج هذا اول شي ........ وادعي دايما بالستر والثبات .. (( اللهم اني اسألك الثبات حتى الممات ))

وهالبنت انصحيها وذكريها .. ودزيلها رسايل فيها تذكير ....

وبنفس الوقت سحبي نفسج عنها ............ خليج مع صحبة زينه ...

لان الناس تقيمج من اللي انتي قاعده معاهم .. والكويت صغيره والخبر بسرعه ينتشر ..

لانه في بنات اعوذ بالله .. ليختربوا يحبون يخربون اللي حواليهم كللللللللللللهم

عشان ماينقال لها رفيجتج احسن منج ..........

عشان جذيه تحرصي منها ... وابتعدي شوي شوي ...

وادعيلها بظهر الغيب ........... عسى الله يستر عليها ويرجعها لطريق الحق

 

[ام ابوها]

حبيبتي قوليلها ياانا ياهالبنت اللي تماشينها وسوالفج البطالية ونطري اسبوع ان ما تعدلت هديها ابدى ماعليج سمعتج

 

[البرنسييسه]

نصحتيها بالمعروف وما عقلت خللللللللللللللللللللللللللللللللللللللللاص اتركيها لا تقولين رفقة عمر الزم ما عليج سمعتج وانتي تدرين شنو تعني السمعه للبنت الله يهديها ويصلح حالها

 

[MaZyOoOoNa]

لله يهديها انشالله

 

[لويس فتون]

انا مع (( بنت العاشرة ))

اذا صج تحبين البنت و هى غالية عندك كلمى خواتها

وهم ايتفاهمون معاها ويمكن تخاااف منهم و تعقل هالجاهل اللى انقص عليها بكلمة

بس ترا هذا الحاصل حنا يا بنات يخربون علينا البنات نفسهم

اللة يهدينا و يهديهم

 

[دفاشة]

يسلمو بنات عالردود ماقصرتووو والله
وقصة ام السيكل خرعتني الله يرحمها برحمته

امبي اكثر البنات يتغيرون بالجامعه او الكلية شسالفه ؟

وعلى سالفه حواتها ماقدر اكلم خواتها لان اهيا الكبيرة بالبيت اصلا امها ماتقدر عليها

انا بنات الحين مملجة وصراحه على قولتكم الزم ماعلى البنت سمعتها صارلي اسبوع من تقولي امشي خل نطلع اقولها رجلي مايرضى
مابي احتك واجد معاها لان تخرجت انا وياها وان بشوفهاا يمكن بجمعه بنات او حريم

يسلمو فديتكم

 

[تيموره]

ذكريها بالموت لانه خير رادع
دزيلها من هالايميلات اللي تهز الواحد و تخليه يرجع لربه او المسجات او البلوتوثات
و بالاخير ادعيلها بالغيب لانها مجابه
قوليلها انتي شضمنج ان الموت ما ياخذج على غفله و انتي طالعه مع واحد هذي الخاتمه اللي تبين تقابلين فيها ربج
قوليلها تلاحق عمرها قبل ما يفوت الفوت
عسى الله يهديها و يهدينا اجمعين
نسال الله حسن الخاتمه

 

[جوري وبنفسج]

السلام عليكم

أختي الغالية

دام أنتي الحين على ذمة رجال وخري عن صديقتج لأنها ممكن تشوه سمعتج وتسبب لج مشاكل . وأدعي لها بالهداية وأن شفتيها قولي لها بالحرف الواحد ( أنتي ما تحبين أبوج ولا أخوانج لأنج لو كنتي تحبينهم ما كنت ترضين أنج تسوين الغلط وباجر يتطنزون عليها الشباب بالدواوين يقولون عنهم كلام يحط رأسهم بالأرض وقولي لها تعتقدين أن باجر وبعد هالسوالف منو يرضا يتزوجج لأن الرجال لما يتزوج يختار أول شيء سمعة البنت . وكلمة أخيرة لها قولي لها الله يمهل ولا يهمل وأحذري أن الله يقبض روحج وأنتي على معصية عندها تخسرين الدنيا والآخرة ) وأذا ما نفعت هالكلمات خليها وهي تتحمل نتيجة أعمالها . والله يهديها وينور بصيرتها . ​

 

[Ms.PeRFeCT]

بنات باختصار بدش بالسالفه

لان صراحه زهقت منهااا

عندي رفيجة معاي من الابتدائي كثر ماقولهم عشرررررررررررررررررررررة عمررررررر وربي اقرب وحده

والبنت مشالله قمة قمة قمة بالاخلااااق والتكاااااااااانه اصلا احسها مرة ولا عندها خرابيط ولا شي لين مادشينا الجامعه

اول سنه ماتسوي شي

عقب تعرفت على وحده دشت حيل معاانا اهيا البنت ينقالها حبوبة وسوالفها حلوة

بس بنات سوري عالكلمة صاااااااااااااااااااااايعه

مع الوقت قامت تتكلم عن اسرارها .. عبالها فخر وتقول انا سويت جذي وجذي وكلمت فلان وفلان

تمشي وتكلم

وعندها حكمه ان كل شي عاااااااااااداي عيشي حياتج واستانسي

مردج بتتزوجين وتنحكرين

مع الوقت رفيجتي الروح بالروح قامت تقعد حيل معاهااا وقامت تقلدها

انا ماتوقعت بتقلدها بكل شي

بس صارت نسختهااااااااااااااااا حتى تتكلم نفسهاااا تتدلع وتتنهوصصص

وصارت سهله @@

تقولي ياعمتي انتي معقدة اي واحد يعحبج كلميه

طبعا مابي ادش بتفاصيلللللل لانها تفشل وانا بنات انصحها واجد اقولها لاتقلدينهااا تقولي شكو شكووو انا ماقلدهاااا انا تغيرت اصلا اونس

اخر سالفه اللي صج صج وصلتني حدي

كنا متجمعين بمطعم احنا الرفيجات ومن زمان عن بعض فجاة قامت قالت انا اخليكمم

وطلعت مع واحد @@

وخلتنا

وربي اسبوع ماكلمتها ولاحاجيتهاااا صج صج زعلت

ودقت علي تتاسف تقولي انا اسفه حقج علي ومن هالكلام

قلت القصة لوحده قالتلي هدييييييييييييييييييييييييها لاترافجينها تخرب سمعتج وماتسوى عليج

سؤالي بنات انا وربي حاولت فيها مو راضية تتسنع معقولة اهدها ؟؟ظ شلون جذي

اهوا البلا كله بهذيييييج

شسوي

نفس السالفه بالضبــــــــط ماكو فرق كلش الا شي واحد

انه مو وحده ثانيه خربتهااا انا خربتهااا يعني فجيت لها درب واهيا كملت وسبقتني بالخراب

ندمانه حدي ودي الايام ترجع وما اخربهاا والا اقولها عادي وعادي

البنت كانت بريئه شزينهااا وعلى النيه والحين صارت.. صااايعه وسوري هم عالكلمه

شسوي بعد لا فات الفوت ماينفع الصوت ;( الله يسامحني

 

[ام عمار]

الله يهديها

 

[ياعشيري جعلك السلال]

نصحيها واذا مافاد فيها تركيها بس لازم تصارحينها وتقولين لها الاسباب الي خلتج تتركينها لان سمعتج اهم من صداقتها

 

[}_غلآتي_{]

تبين رايي هديها لان هي بداخلها عاجبها الشي اللي تسويه
شوفي نفسج قعدتي نع هذيك وما تغيرتي
واذا قعدتي معاها راح تخرب عليج
وهي اذا ردت لعقلها راح ترجع لج
وانتي بهالعمر اهم شي عندج السمعة
وتقبلي مروري