رفيجتي الروح بالروح خربت .. شسوي ؟؟؟؟؟؟؟

[دفاشة]

بنات باختصار بدش بالسالفه

لان صراحه زهقت منهااا

عندي رفيجة معاي من الابتدائي كثر ماقولهم عشرررررررررررررررررررررة عمررررررر وربي اقرب وحده

والبنت مشالله قمة قمة قمة بالاخلااااق والتكاااااااااانه اصلا احسها مرة ولا عندها خرابيط ولا شي لين مادشينا الجامعه

اول سنه ماتسوي شي

عقب تعرفت على وحده دشت حيل معاانا اهيا البنت ينقالها حبوبة وسوالفها حلوة

بس بنات سوري عالكلمة صاااااااااااااااااااااايعه

مع الوقت قامت تتكلم عن اسرارها .. عبالها فخر وتقول انا سويت جذي وجذي وكلمت فلان وفلان

تمشي وتكلم

وعندها حكمه ان كل شي عاااااااااااداي عيشي حياتج واستانسي

مردج بتتزوجين وتنحكرين

مع الوقت رفيجتي الروح بالروح قامت تقعد حيل معاهااا وقامت تقلدها

انا ماتوقعت بتقلدها بكل شي

بس صارت نسختهااااااااااااااااا حتى تتكلم نفسهاااا تتدلع وتتنهوصصص

وصارت سهله @@

تقولي ياعمتي انتي معقدة اي واحد يعحبج كلميه

طبعا مابي ادش بتفاصيلللللل لانها تفشل وانا بنات انصحها واجد اقولها لاتقلدينهااا تقولي شكو شكووو انا ماقلدهاااا انا تغيرت اصلا اونس

اخر سالفه اللي صج صج وصلتني حدي

كنا متجمعين بمطعم احنا الرفيجات ومن زمان عن بعض فجاة قامت قالت انا اخليكمم

وطلعت مع واحد @@

وخلتنا

وربي اسبوع ماكلمتها ولاحاجيتهاااا صج صج زعلت

ودقت علي تتاسف تقولي انا اسفه حقج علي ومن هالكلام

قلت القصة لوحده قالتلي هدييييييييييييييييييييييييها لاترافجينها تخرب سمعتج وماتسوى عليج

سؤالي بنات انا وربي حاولت فيها مو راضية تتسنع معقولة اهدها ؟؟ظ شلون جذي

اهوا البلا كله بهذيييييج

شسوي

 

[السنافيه]

الله يهديها
وابو طبيع مايخلي طبعه
انصحيها وقوليلها ياتمشين معاي سيده وبطريق الحلال
ولا روحي امشي مع هذيك وخلها توديج طريق الحرام
وانصحج تركيها قدامها تسويلج مصيبه ينخااف منها ...

 

[cancel]

شوفي حبيبتي

انتي كلمتيها

مره

ومرتين

و3!!


خلاص الي عليج انتي تنقذين نفسج منهاا


البنت سمعه لاتخلينهاا تلطخج بسمعتهاا

 

[بنت الرميثية]

والله ما ادرى شقولج ..الموضوع يعتمد على جم عمركم و على تربية الاهل و على المحيط يعنى مرات تنصحين وحدة وما من نصيحتج رجا و مرات ممكن اييى منها فخلج وراها لى اللى تتعدل اذا اهى رفيجة عمر يعنى لا تتخلين عنها حرام صداقتكم تتنتهى جذى و حرام ماتحاولين ..اهى الظاهر من النوع اللى يتاثر بسرعة وتمر بحالة معينة خلتها تتاثر بصديقتكم بس ماردها صداقتهم بتنتهى و ترد لطبيعتها وتتحسف بس اتمنى انها ماتتحسف على موقف قوى تطيح فيه و انه التراجع عن الشى اللى تسويه يكون بقناعة مو بمصيبة لا سمح الله
وفعلا صعب تمشين مع وحدة لها سمعة ما الومج ممكن عدلج يوقف و السبة انه الناس تقول الصاحب ساحب يعنى قطعى عنها اشكره بس خلى بينكم اتصالات فيها نصايح و هذا اللى ييه بالى الحين و ان شاء الله البنات يفيدونج اكثر ...وربى يهديها

 

[فجر الغلا]

حبيبتي كلميها ماسمعت منج خلاص لاذلين نفسج وتخربين على عمرج
سحبي نفسج منها ومردها لج واذا يتلج وقالتلج انتي خليتيني قوليلها
ماخليتج إلا بعد ما نبح صوتي من نصحج وتوعيتج وبس
والله يهديها ويهدي إلي معاها ويكملج بعقلج

 

[spanish-girl]

الله يهديها حبوبه انتي سويتي الي عليج وما قصرتي بس حاولي معاها كذا مره واذا ما فاد خلاص خليها تولي

 

[*برونزيه شقره*]

حبيبتي ذكرتيني بوحده الله يرحمها
اهلها مو مقصرين معاها وواثقين فيها
حيييييييل ونفس الشي تعرفت على بنات
الصحبة السيئه وخلوها تصير انسانه ثانيه
وشللي صار راحت مع اللي كانت تكلمه
على سيكل واهيه روحه ما ارجعت الا
وين بالمقبره ...
شنو اللي صار اهلها اكتشفوا موتت بنتهم
بالشارع وبليا حجاب ومع واحد مايخاف الله
واهوه ماصار فيه شي لانه ويل بالسيكل
والطيحة صارت على ظهرها...
الله يرحمها ويغفرلها اللهم آمين
قولي لها هالسالفه ان الله بصير بعباده
وماتدري شنو راح يصير لها بالدقيقه
والثانيه ممكن حياتها تدمر بسبب طيش
ينتج بعدها فضيحه لها ولأهلها
خلج وراها نصحيها وخلج شديده معاها
ولج الاجر فيها

 

[غيدآء]

حبيبتي انتي دامج كلمتيهااا كذا مره وسويتي الي عليج ... خلاص كلن عقله براسه يعرف خلاصه...

الله يهديها ان شالله ويستر عليها وعلينا ...

بس من رايي لا تتركينهااا حاولي انج تبتعدين شوي وتحسسينهااا بالاسلووب والفعل اكثر من القوول وان شالله الله يهديها على ايدج منو يدري

 

[ام مضاوي]

تركيها


واذا صج تحبج وعشرة العمر مو سهله عندها

بتردلج

واذا كملت خرابيطها تطلع موووووكفوووو تخربين سمعتج على شانها

 

[القلوب الساهيه]

شوفي دام وصلت تطلع معاااه هاذي باعتها الله يهديهااا نصيحهاا ودقي عليهاا بس ديري بالج تطلعين معاها ولا تماشينها بالجامعه ترى الشر يعم والخير يخص وبينظرون لج نفس نظرتهااا وانتي اهم ماعليج سمعتج

بس ساليهاا شنو تستفيد من هالسوالف ؟؟ غير انها خانت اهلها ونفسها وقبل كل هذا ربهااا قوليلهاا الله يمهل ولا يهمل وخلل تخيل حياتهااا لو اهلهااا دور شبيفيدهاا اللي تكلمه ؟؟ وبعدين شنو هالوناسه الغريبه ؟؟خل تستانس بانهاا توسع معارفهاا مع البنات خل تطلع تونس مووو تكلم ؟؟

والله يهديهااا

 

[أسيرة_أحزاني]

استغفرالله ياربي

مصيرها تعرف انه غلط الي تسويه والله يهديها ويفتح مخهاااااااا

 

[بنت.المطيري]

وااااااااااااااااااااااااااااي الواحد شنو مايعرف يعدل مشاركته يعني
لي متى جذي المنتدى يعلق ويسكر والله قههر
::
حياتي انتي ماما انا تعلمت الحين بعد عشرين سنة كفاح هههههه
والله والله والله هالبنات مابيفيدونج بشي
والله ماتسوى عليج راح تمر عليج لحظات تتمنين تنشق الارض وتبلعج والا احد يدري انج تعرفينها
انا اول كان عادي عندي اقول دامها زينه معاي ماعلي من طبايعها وربي ندمت
::
1-وحده اهلها يجكونها تقوم تقطها براسي لأني اقرب رفيجاتها
2-ووحده هم اهلها جكوها قامت دقت علي تبيني اطلعها من الورطة وانا الغبية جذبت وطلعتها جود تعقل تهيع بس ماكو فايدة ..لا وفوق هذا قامت تشك فيني اهي :krkrkr:
3-وحده اختها تحاجي نصحتها حفظت سرها ..بس ابتلشت راحت اعترفت حق اختها وقالتلها انها تحاجي وانا اللي اكلتها وخسرت رفيجتي واعتبرت ستري عليها خراب لها (مع ان هالاخت اكبر من رفيجتي اصلا ..شر البلية مايضحك)
4-ووحده من كثر ماتحبني تبيلي الخير قامت عطت ارقامي حق واحد والله والعالم انه قاص عليها قايلها مثلا ابي اخطبها او شي لانها وايد مادحتني عنده بس مهما كان ماتعطيه رقمي شكو يعني!! لاوقايلتله تفاصيل حياتي :0bee2e8d89:
بغيت تضيعني من جيس اهلي :dddds:
5-وحده قامت من حبها لي تمشي واتحجى فيني وانا لاني وايد استحي تستاااااااااااااانس علي لي نرفزتني وخلتني استحي وكانت تتعمد تحرجني مثلا تبوسني والا تحضني على غفلة جدام الشباب بعدين وقفتها عند حدها
و سوت الكورس اللي طاف فضيحة بنص الكلية ااااااااااخ يالفشلة تيمعو شبااااااااااااب وبنات وصار طق سبت بنية وطقتها ويالها صبي وطقها وصار سب وحجي قوية واي فشلة فشلة فشلة
انا مريت بعد السالفة بنص ساعة جني ماعرفها جان تصرخ علي باخر الممر جدام الشباب
"فيس يبجي<<متعايزه اطلع القائمة مالت الابتسامات خخخ" تخيلي شتقول فلانه انتي وفلانه ييبو جنطتي احنا تنحنا!!! جان تقول شعندكم واقفين ماتروحون تييبونها احنا حقرناها ومشينا بس انقص ويهنااااااااااااا لأن حزتها صج صج مانبي معرفتها اصلا لأن الحجي اللي قالته جدام الله وخلقه موصج!!!الله يستر عليها
::
ادري انا غلطانه من راسي لي ريولي لاني ماعرفت اتصرف مادريت الدنيا جذي مادريت اني معقدة زيادة عن اللزوم ولادريت ان الطيبة ماتنفع للكل وفوق هذا ماسمعت كلام ابوي يوم يقول بس اختاري صديقة صديقتين وبس :dddds:
ولادريت ...اخ خليها على الله
::
وايد مواقف ترى تصير وتتفاجئين وممكن تسحبج معاها ديريبالج
نصحيها نفع نفع مانفع زعلي منها وقوليلها ياطريجج يا انا وشوفيها منو تختار او خيريها بين رفيجتها وبينج
وشوفي
مانفع توكلي على الله ولاحسافة عليها..ولاتعورين قلبج الدنيا جذي ترى
welcome to real world

 

[ღلولي الحسآويهღ]

والله اذا تغيرت الصديقه الى هالبلاوي هذي ماتنبغى ولاتنترافج
بعدين اذا اعرفو انها راعية هالسوالف بيقولون كل ربعها مثلها على بالهم ان انتي مثلها
انتي نصحيها ليما تقولين بس
بس والله اهم شي السمعه
...

 

[Ocean]

ياحبيبتي الطماطه الخايسه اتخيس كل الطماط و اهيا مو بس اتكلم اهيا وصلت لي انها تطلع معاه و انتي ماقصرتي نصحتيها مره و 2 و3 خلاص ماتبي ترجع نفس الاول ماعليها حسووووف والله الهادي انشالله ماتدرين ...... الله يدهديها و يهدي الجميع انشالله

 

[[[ عيون جابر ]]]

حبيبتي ذكرتيني بوحده الله يرحمها
اهلها مو مقصرين معاها وواثقين فيها
حيييييييل ونفس الشي تعرفت على بنات
الصحبة السيئه وخلوها تصير انسانه ثانيه
وشللي صار راحت مع اللي كانت تكلمه
على سيكل واهيه روحه ما ارجعت الا
وين بالمقبره ...
شنو اللي صار اهلها اكتشفوا موتت بنتهم
بالشارع وبليا حجاب ومع واحد مايخاف الله
واهوه ماصار فيه شي لانه ويل بالسيكل
والطيحة صارت على ظهرها...
الله يرحمها ويغفرلها اللهم آمين
قولي لها هالسالفه ان الله بصير بعباده
وماتدري شنو راح يصير لها بالدقيقه
والثانيه ممكن حياتها تدمر بسبب طيش
ينتج بعدها فضيحه لها ولأهلها
خلج وراها نصحيها وخلج شديده معاها
ولج الاجر فيها

رايي من رايها​

 

[brettey]

الله يهديها ادعي لها بالهدايه مردها بتعرف غلطتها

 

["البتول"]

والله شوفي ياحياتي مثل ماكانت رفيجتج موراعية سوالف وتأثرت راح يجي يوم وتتأثرييين أنتي من رفيجتج لازم تحسمين الأمر معاها تقولين لها ياأنا ياهالخرابيط والسلام عليكم

 

[dr.elzain]

نصحيها واذا ما سمعت هديها ولا عقلت ردت لج

 

[! بنت العاشره !]

والله صج الصاحب ساحب


اولا شوفي هي اللي دامها وصلت تطلع معاه يعني البنت دجت خلاص بمعنى

مخها انغسل ولاراح كلامج يزيد او ياخر
فا الافضل لج عشان سمعتج تبتعدين عنها نهائي وتقولين لها بالحرف الواحد اسفه لاتمشين معاي سمعتي وسمعت اهلي واخواني
اهم عندي منج دام سمعتج ما تهمج وصممي على موقفج ولازم الكل يعرف انج قطعتي علاقتج فيها

لان بعدين الناس بتقول منو رفيجاتها اي( دفاشه) اجل اكيد مثلها فهمتي

وصدقيني عادي هي عندها كانه العيد لاحاربتيها لانها تشوف البنات المحترمات كانهم شياطين بعينها والعكس صحيح


ثانيا

اذا البنت صج غاليه عليج وخايفه عليها لاتتركينها بمعنى كلمي احد من خواتها تثقين فيها يعني عاقله وكبيره لا تقولين بسوون فيها شئ

بالعكس احسن يدرون الحين قبل لا !!

وشوفي طبيعه خواتها بعض الخوات تقلب السالفه عليج وتشوه سمعتج عشان داري على اختها اذا هم من هالنوعيه
لا افتكي احسن دزي مسج لهم برقم ثاني مو رقمج ونصحيهم عن اختهم وبس

والله يكفينا شر بنات الحرام وعيال الحرام
ويستر على بناتنا وبنات جميع المسلمين

 

[SaD FaCe]

خليها يمكن تحس بغلطها ..