رفيجتي الجريئة

[حـوريـه]

صآرحيها !
قولي فلانه .. احس كل الناس يطالعونا
ماحب جذي احس يلفت الانتباه .. ليش تتوقعين يخزوننا .

خليننا نخفف من كشختنا .. > لو انج ماتكشخين ! قولي جذي عشان هي تخفف لووول

والله يساعدج

 

[خاشووقه]

دامج متزوجه ... وخري عنها
لا تخرب بيتج

 

[sumood]

انتى عملتى الواجب وما قصرتي ونصحتى ما رح تقدري تغيريها الا اذا هى حبت احنا ما نغير الناس على هوانا خلاص البنت مو ماشيه مع شخصيتى ومبادئي اقطع هالعلاقه ومالها داعى

 

[.jana.]

الله يهديها حبيبتي لاتدخلينها بينج وبين زوجج ولاتخلين صداقتج تأثر على علاقتج ويا زوجج

 

[puppet]

زويها بالبيت ولا تطلعين معاها برا اذا تنحرجين

وانتهى ..

 

[ياعشيري جعلك السلال]

قولي لها اذا انا اهمج وتهمج حياتي واستقراري مع زوجي ترا هو ما يحب جذي وياليت تعدلين لبسج اذا بتطلعين معاي

واهي اذا تعزج وتهمينها بتتغير
بس طبعا قولي لها هالكلام باسلوب حلوو عشان لاتزعل

 

[يمة يادلبي]

ترا ماراح اتسوي الشي الصح إلا إذا اهي اقتنعت وراح تقتنع بروحها مو ناطرة احد اييي ويقنعها
وإذا انتي مفتشلة الاوادم اتشوفج معاها لا تطلعين معاها اتواصلي معاها بالتلفون اتزاوري انتي معاها مو شرط تطلعون مع بعض

وبالنسبة حق ريلج مدام الوضع عاجبج ومرتاحتله مالج شغل بحجيها

 

[الحــور]

حبيبتي ما تقدرين تغيرين انسان بيوم وليلة لازم صبر
اما بخصوصياتج مع زوجج مالها دخل ابداا لا تدخلين احد والله عشااان ترتاحين ولا تجيبين طارية بخير وشر

وحاولي تنصحينها بطريقة غير مباشره يعني بسالفة بموقف اي شئ

الله يهديها

 

[iTaLiyA]

الله يهديها ان شاء الله

 

[كوارين]

اول شي لازم ماتخلين اي احد يتدخل بينج وبين ريلج
ليش ما توديها محاظرات وندوات دينية

 

[MaZyOoOoNa]

عسى الله يهداها وحاولي تخفين طلعات معاها

 

[دمعة يراع]

كلميها بصراحه ..... واذا مافاد منتي مجبوره تطلعين معاها !!

 

[مس لوتس]

الله يهديها

 

[مزونة]

جزاج الله خير علي غيرتج علي رفيجت هذي دليل انج اتحبين لها الخير
بس بقولج صدقيني دام البنت تقولين الحمدلله ع خلق ماراح يتغير من لبسها شي لان احنا عندنا مفهوم غلط بلكويت
دام اصلي واصوم البس الي ابي حتي لو كان لبسي حيل اوفر وانا منهم ومانحب النصيحة لان نعتبر هذا
خصوصيه وانا مالي شغل بغيري احنا تعودنا علي كلمه هيه غلط بس عندنا صح
لبسي وانا كيفي حتي لوخسرنا ناس واجد أو
زعلناهم منا
اقولج الهادي الله​

 

[89_f9la]

الله يهديها ويستر عليها وعلينا..

 

[brettey]

شوفي شكلها ولبسها ومكياجها كيفها
لكن تشيشج على ريلج وتقول انتي ساكته له ومن هالحجي الفاضي اهني وقفيها عند حدها لا تخلينها تترس راسج على ريلج
الله يهديها

 

[Lemon Juice]

عندي رفيجتي جذي متحجبه ولبسها مو لبس امحجبه كلش
أستحي أكلمها .. وهي كبيره تفهم وتعرف شاللي لازم تلبسه
بس اهي تبي جذي
واي صج أستحي أطلع معاها
ولا انا عبايه .. ما نركب على بعض كلش
رفيجتج لا تقولين لها شي عن حياتج مع ريلج كلش ملش
ديري بالج , الزوج شي والرفيجه شي ثاني
أهم شي ريلج وتالي فكري بالرفيجه حتى لو أقرب رفيجاتج
وإذا قالت لج لا تسمعين كلام ريلج أو لا تعطينه ويه وايد
قولي لها اهو ما قالي شي وخل تعرف انه كل شي تسوينه بقناعتج انتي مو تأثير ريلج عليج
خليها كيفها إهي لو تبي تحتشم جان احتشمت من زمان .. بس عاجبها لبسها جذي
ومقتنعه بتفكيرها حتى لو غلط
خففي طلعات معاها اذا تفتشلين منها ولي بغيتي تطلعين وياها روحوا مكان هادي كافيه أو مطعم
بالسوق تشوفين العالم كله
لا تعورين قلبج وراسج معاها
عقلها براسها وتعرف خلاصها

 

[كريستال ليدي]

حاولي تنصحينها

إذا ما طاعت خففي الطلعات معاها
لكن

لا تسمحين لها بأنها تتجرأ وتتدخل بحياتج الخاصة

صحححححححح

 

[واحشنى موت]

الصاحب ساااااااااااحب انا حيل مؤمنه بالكلمه ..... وصدقينى مدام هى رفيجتج بتعم عليج لان الناس بينظرونلج مثل مايشوفونها
والناس لهم بظواهر الأمور مايعرفون نفسيتها فلازم الوحده تكون محتشمه باللبس وتحترم نفسها بكل شى
والله يوفقج

 

[اتعبني غروري 7]

اهم شي !!!!

وانتي شكو فيها ؟؟؟

اهلها راضي .. اهي راضيه ..

مكبرتها ومسويتها مصبيه ...

عليج من نفسج ... انتي راضيه عن لبسج ؟ راضيه عشن شكلج ومكياجج ؟

خلاااص .. ماله داعي تتدخلين بأشياء ما تخصج ..

يعني لو اهي يايه وقايلتلج شكلج ولبسج وما تعجبيني وماابي اطلع معاج .. شبتسوين ؟؟؟

بتنزلين موضوع بتقولين رفيجتي تتدخل بشغلات مالها شغل فيها ..

واذا بتطلعين معاها الناس بخزونها اهيا .. موووانتي ...



وسالفة الصاحب ساحب ...
والله ما ينسحب الا الياهل الي عقله صغير الي ما يفكر بنفسه ومصلحته .. اي واحد يتعرف عليه يسحبه ..

يعني انتي كبيره وفاهمه وعارفه... مو معقوله عشان رفيجتج لبسها يفشل انتي تلبسين نفسها !!!
ولا عشان رفيجتج تجذب انتي تجذبين ..
ولا عشانها تطلقت انتي تتطلقين !!!