رفيجتي الجريئة

[العاطفية]

السلام عليكم يا احلى سيدات و آنسات..
حبيت اخذ رايكم بمشكلة شاغلة بالي حيل..
رفيجتي الي ارتاحلها حيل وترتاحلي مشكلتها جريئة حيل يعني بلبسها جريئة ومكياجها بعد مع انها متحجبة لكن من اطلع معاها الكل يخز اتفشل والمشكلة انا اعرف انها من داخلها تعرف ربها بس ماكو فايدة كلمتها مره تقول مالي شغل بالناس المهم انا من داخل شنو والمهم ويهي سيده ما اخز بالاوادم مثل بعض البنات..المصيبة انا ارتاحلها لكن وايد اتضايق من تصرفاتها وايد وتقولي انتي الي معقدة! قتلها مجتمعنا عربي مسلم لازم تفهمين هالشي تقول مالي شغل باحد المهم اصلي واصوم واعرف ربي ماني عارفة شسوي معاها والادهى صراحتها ساعات صراحتها تجرح مو بس معاي مع كل الناس وهالشي اهوا الي خلاها اتطلق بسرعة..المشكلة انا متزوجة و زوجي يحبني واحبه بس اهوا حجر يعني كل شي بامره مااطلع وارد على كيفي واهي تقولي انتي وايد ساكتتله بس انا مالي شغل فيها لاني مقتنعه بزوجي ومرتاحة بعيشتي وصارلها جم يوم قاعدة تسمعلي بالاشرطة الدينيه الي اتكلم عن النفسية وتقتنع بشغلات مو منطقية مثلا:الكرامة مو شي اساسي ولازم الواحد ينسى كرامته ووايد شغلات من هالسوالف ودي اغير رفيجتي واعلمها الصح والغلط بس ماكو فايدة للعلم رفيجتي عمرها26 يعني مو صغيرة حدي محتارة شسوي معاها؟؟..

 

[Hallawy]

وعليكم السلام و الرحمه ..

الله يعينج على هالرفيجه .. انتي حاولي تنصحينها أكثر و أكثر مو شرط بطريقة مباشرة .. لكن اذا حسيتي انها مو صوبج و ما اقتنعت انا انصحج توخرين عنها عشان لا تجذبج معاها .. خصوصاً على قولتج طريقة لبسه وجذي ترا غالباً اللبس يمثل شخصية الوحده !!

وبعدين قناعاتها غريبه شنو الكرامة مو شي أساسي و ينساها !! امبيه شنو انسان و ماكو كرامة ترا ولا شي ..

الله يهديها و يهدينا وياها ..

 

[على وجهها سمة الأبرياء]

قبل لاتحاولين تغيرينها لازم تكون اهي بالاساس مقتنعه انها لازم تتغير
لأن شكل رفيجتج عنيده وتكابر

ادعي لها بالهدايه واذا تحرجج بلبسها لاتطلعين معاها وايد

 

[اميرة-الاحجار]

كان عندي ارفيجه جذي .. زفيتها وقتلها معاي انا لاتلبسين هاللبس لوسمحتي ..لاطلعتي بروحج لبسي اللي تبينه ..
وفعلا صارت تلبس لبس سنع لما تكون معاي ..

 

[<<لمار>>]

وخرى عنها زخلى علاقتكم سطحية ترى الصاحب ساحب وانتى على ذمة ريال

 

[غير كل الناس]

المرء علي دين خليله وانتي صديقتها ومانتي متضايقه منها وشلون الناس اللي بيحطونكم نفس الشي يعني النظره بتكون وحده وانتي متزوجه فكي عمرك من المشاكل

 

[softlady]

انتي نصحتيها وماكو فايده كيفها بس لاتترس راسج على ريلج وتخرب بينكم

 

[ام عيالها الغاليين]

حبيبتي أولا لاتسمحين لها بأي شكل من الأشكال التدخل بحياتج الزوجية وقوليها لها مباشرة وبدون حياء

وإذا انتي مو مقتنعة من شكلها وماسمعت كلامج حاولي لاتطلعين معاها وبيني لها إن السبب شكلها وانج قاعده تواجهين احرجات من ورى شكلها

 

[CUTE ENGINEER]

نبهيها تحترم الحجاب اللي على راسها أول وقبل كل شي شنو لبس جريء مع حجاب وين قاعدين!!
وبعدين ديري بالج لا ريلج يعصب عليج بسبتها قولي لها ريلي ما يرضى أطلع معاج وانتي لابسة جذي

 

[جوك احلى جو]

الله يهديها

 

[زهرااا]

انتي نصحيها
الله يهديها

 

[صعب غلاها]

انا اقول ديري بالج على ريلج منها

لا تقعد توزج

 

[ميمونيه]

الله يهديها نفس مشكلتي بس انا رفيحتي لا لبسها محتشم بس شنو جريئه حيييييييل بسوالفها وبكل شي وهذي الصفه تخليني انفر منها انا ما احب المرأه جريئه حيييييييييل حتى لما تسولف صوتها عالي الممر كله يسمع السالفه بصراحه حييييييل انحرج منها بس هي طيبه وقلبها ابيض ودايمن انا وياها هواش ماكو فايده

 

[y7lok_7loho]

انصحيهاا وشوفى شنو تقول وفى حديث عن الرسول معناة مو حافظتة والله

انى الناس تشوف اصحابك وتحدد انت منو على معنى الحديث ودربالج عليهااا وانصحيهااا حرام يمكن انهااا جاهلة

وحياج الله حبيبتى

 

[دراهــم]

حاولي تنصحينها

إذا ما طاعت خففي الطلعات معاها
لكن

لا تسمحين لها بأنها تتجرأ وتتدخل بحياتج الخاصة

 

[غنادير]

انتي نصحيها
الله يهديها ويهدي الجميع...

 

[المـــــها]

حبيبتي في ناس جذي .. هذي طبيعتها و اهي اتشوف إن الشي اللي تسويه عادي .. لأن نيتها سليمة من داخل والله أعلم ..
لكن إنها تقول عنج معقدة وإنج ساكتتله .. فهذا الغلط .. لأنج طبيعية .. و اللي يسويه زوجج طبيعي .. و هذا المتعارف
عليه عند كل الناس .. و هذا مجتمعنا .. و إنتي سويتي اللي عليج و ما قصرتي .. و ادعيلها بالهداية .. الله يهديها ..

 

[أحلى عسل]

إممم ،، مادري .. بس حتى لو واثقه منها .. ديري بالج ترى الصداقه هالايام تخرع ..
وديري باالج ديري بالج تعطينها أييي معلومه من خصوصياتج وحياتج ،، ولا تتكلمين عن ريلج جدامها أبدا أبدا لا بزين ولا بشين ،، وإللي تعرف ربها أعتقد يكون فيها شوية حيا ،، وإللي فيها حيا مايكون لبسها ومكياجها وايد جريء .. مادري هذا رايي
والله يوفقج يارب

 

[dr.elzain]

البنات فادوج .. اهم ماعليج مصلحتج وترى حجي الناس ما يرحم لا باجر ايشوفج واحد من ربع ريلج ولا اهله ويوصله وياكله بالحجي ..............والناس مالها الا الظاهر

 

[روح البنفسج]

انتي نصحيها وهي براحته عليج النصيحه بس
والله يهديها