رفيجتي ؟ شسوي معاها

[الليدي ديانا]

حرام اكسرت خاطري

عادي حاولي تسمعينها

و شيلي الافكار السلبيه من مخها

 

[Little_Queen]

الصديق وقت الضيق
و اذا انتي ماوقفتي وياها الحين
شنو معنى وجودج في صداقتها
من كلامج انج تبينها للوناسه و بس
حبيبتي عندي صديقه وقت مشاكلي تتناجر وي اهلها و تييني
و وقت ضيقتنه جيبي و جيبها واحد
هذي هي الصداقه
مو حزت حزنها اخليها و امشي
هذي اسمها أنانيه او مصلحه
مع احترامي لج
و هذا رايي

حبيبتي محد قال انانيه او ان تبيها للوناسه
بس كوني مريت بنفس تجربه صاحبه الموضوع بالظبط

اقولج لأأأأأأ الوضع لا يحتمل

انا اكثر وحده في الدنيا عطوفه و حنونه و قلبي رهيف .. و لوما قلبي رهيف ما تميت مع رفيجتي 11 سنه تقريبا و انا اقول نفس كلامج .. ميخالف الصديق وقت الضيق و انا مايصيراوخر عنها و اهي مالها غيري و انا متربيه و بنت اصل ما يصير اهدها

بس خلاااااااااااص طفح الكيل .. الصديق وقت الضيق
و هذي كل وقتها ضيق !! انتي مو متخيله لما تكون اقرب رفيجاتج جذي شخصيتها

مو متضايقه فتره و خلاص

لأ .. اهي جذي شخصيتها 24 ساعه ، 7 ايام في الاسبوع . على طول ضيق و نكد و بجي و ما تشوف الا السلبيه بحياتها و المشاكل و ان ما لقت مشاكل تلقالج اي شي تبجي عليه

كآبه كآبه و غيمه سوده تييلج فتره انتي بعد تصيرين نفسها من كثر ما تسمعينها و تشوفين حياتج سوده

اقولج انا كنت فعلا بالمتوسطه كئيبه و ماحب اهلي ولا عندي رفيجات غيرها و كارهه الدنيا و كارهه كل شي حوالي بسبتها لأن اهي جذي .. تكره اهلها و ما تحب تتعرف على بنات ثانين

و كل شي عيب عيب عيب عيب عيب عيب عيب ... عيب نضحك عيب نطلع عيب نسمع اغاني عيب نطالع افلام عيب نلبس ملون عيب نروح مجمعات

صدقيني ما رح تفهمين هالاحساس الا لما تعرفين انسانه جذي .. شكايه و بجي 24 ساعه ..

ضيقها و زعلها دوم مو يوم !!

و مهما تسوين ما ترضى ولا مزاجها يتعدل

 

[شرطيه المنتدى]

ويي حرام:eh_s(11): انزين مثل ماقالو البنات حاولي تشيلين السلبيات الي براسها وحاولي تخلينها تتمسك بالقران وتصلي قولي احسن لج ترتاحين نفسيتج شوي واذا تقدرون طلعوو مع بعض سولفي معاها قولي لها ان هالشي مو زين لنفسيتها

والله كريم

 

[متخصصة بالاعشاب]

رد : رفيجتي ؟ شسوي معاها

خليج معاها بس قولي لها تكثر من الاستغفار والاستغفار اقل اقل شي 70 يفرج الله همها

وبعدين يمكن اهي معرضه عن الذكر

وقال الله سبحانه وتعالى ( ومن اعرض عن ذكري فان له معيشة ضنكا)

انصحيها واخذي اجرها

 

[ikilled barbie]

رد : رفيجتي ؟ شسوي معاها

دام ماعندها احد غيرج تشكيله اتحميليهاا كثر ماتقدرين

 

[السلطانـه]

رد : رفيجتي ؟ شسوي معاها

Little_Queen​

كلاآمج 100 % :rerrerek:

هذا اللي صاير بالضببط ..

وحبيبآتي اللي يقولون خليج معاها وطلعيها من اللي اهي فيه ..

والله حآآآووولت وحأأأأولت لما شاب راسي ..
صرت بس اسمع صوتها اتضايق وودي اصارخ بوجهها ..

نفسيتي تعبت ..
والادهى والامر من هذا كله
انها بيني اكون معاها وبس
ماتبيني اكلم اي احد من رفيجاتي ..

تعببببت يابناات تكفوون
ابي ابعد عنها موقادرة :eh_s(2):

 

[السلطانـه]

رد : رفيجتي ؟ شسوي معاها

اي.. تقولولي تشكيلج ؟

اهي ماتشكي من شي معين ..
تحسين بس ودها تبجي ..

تدور موضوع سخيف ..

واي كلمة او موقف يصير تفسره تفسير موطبيعي الا اللي جدامها نيته سوده ويقصد شي

تشوف نفسسها اقل من الناس

تحس بالنقص ... وقله الاهتمام من الناس ..
ماتحب اهلها .. ولا رفيجاتها ..
حالتها معقدة
وصعبه موضوع الدكتور النفسي

 

[السلطانـه]

رد : رفيجتي ؟ شسوي معاها

آآبــــ

 

[__LV__]

رد : رفيجتي ؟ شسوي معاها

اهيا بفتره مايعلم فيها الا الله اوقفي معاها خليها تغير جو معاج حاولي تطلعينها من اللي فيها :eh_s(17):

 

[^نوف^]

رد : رفيجتي ؟ شسوي معاها

حاولي تفهمينهاا تراا مافي شي يستاهل تسوي بنفسهاا جذي وانه الدنيا حلوه خل تستانس ولا تضيع عمرهاا وهي تبجي الله يفرج همهاا ان شالله :yaaaaaarb: