رفيجات والقدر واحد

[ررروووان]

ثانكس ويعطيج العافيه حبوبه

 

[um-aljod]

البارت التاسع:



مريم قرت تقدم اوراقها للقطاع الخاص .. خصوصا انها مهندسه كمبيوتر فكانت تبي تكمل طموحها بشي يحفز شهادتها وتقوي المستوى الوظيفي

رتاج حاولت تساعدها لانه عم رتاج يشتغل ببنك ........ هذا البنك نظامه دوام واحد من 7 لي 3 .. يمعت مريم اوراقها وشهاداتها وراحت تقدم عالبنك .. تذكرت احمد .. قبل لا يهدون بعض قالها اني قدمت على هالبنك

راحت قدمت اوراقها



واهي طالعه قالت خل اسأل عنه .. .. بس اسلم عليه وامشي ... شي بقلبي يقولي روحيله ....

سألت الرسبشن عنه

قالولها احمد .......

مريم: أي

قالها : اخذي يمين اخر مكتب اهو موجود فيه

مشت وخطواتها ثقيييله ما ودها تسلم عليه عقب الحجي اللي قالها .. بس كانه القدر بيجمعهم مره ثانيه

مريم: وقفت على باب المكتب

احمد رفع راااسه .. ناسي اسمها بس شافها قال: هلااااااااااااا

مريم : هلا احمد شلونك

احمد: هلا وغلا اشعندج هني

مريم : مقدمه اوراقي

احمد: اييي الله يوفقج .. اخذ ورقه وكتب رقمه وقالها دقي علي

مريم: حست كان هيبي يصرفها من المكان لانه مكان عمل واهو بقسم ومايقدر يطول حجي معاها .. اوكي

طلعت وصار المغرب جان تدق

اليوم الاربعا علي طلع من الجيش

علي: فاطمه انا قلت حق عبير اختي عنج واهي ودها تتعرف عليييج وانا ودي تتطور علاقتكم

فاطمه: صج وشنو قالت عني .. لايكون تاخذ فكره غلط عني

علي: لا عبير اختي على نياتها ماعرفتيها عدل مسجييينه .. شوفي انا عندي راي

فاطمه: شنو

علي: اختي عبير يايبه بضاعه من برا .. شويه مكياج ماركه .. تبيعهم بالبيت شرايج تيين عندها وتشوفينهم

فاطمه : والله خوش فكره بس ترا استحيي بييب مريم معاي

علي: وانتي ومريم كله ويا بعض .. بس فجي عنها شوي

فاطمه: ما اقدر مريم توام روووحي

علي: عيل اشرايكم اتزوجكم اثنيناتكم

فاطمه: ههههههه أي وناااسه عشان اقعد معاها على طووول

مريم دقت على احمد وحيل مستحيه ومسويه روحها ناسيه اللي صار بينهم

مريم: الو احمد

احمد: هلا شلونج شخبارج

مريم: الحمدلله انت شلونك وشلون الشغل معاك انشالله مرتاح

احمد: والله ماشي الحال .. تعالي جنج مغيره رقمج

مريم: لا هذا رقمي وهذا اسمي ماغيرتهم بس انت شكلك ناسي

احمد: هههه تبين الصج أي نسيت بس ما نسيت شكلج كللللش .. ولا نسيت اللي صار ولا يوم شفتج

مريم: أي هذا اهم شي .. اسمي مريم

احمد: عاشت الاسامي مريووومه .. تعالي وين قدمتي اوراقج بال hr ولا وين ؟؟

مريم: والله ماكو رفيجتي مطرشتني على واحد يعني واسطه عطيته اوراقي وقالي ندق عليج

احمد: منو؟

مريم: حمد ال ..

احمد: هذا انسان حقير وجلب .. هين اذا وضفج

مريم: انت للحين هذا اسلوبك ماتغير

احمد: لا تغيرت بس حشاااج يعني

مريم واحمد ضلووو يسولفون ويسولفون وصار الليل ..




بهالاثناء فاطمه دقت على مريم .. وكان عندها ويتنق




فاطمه : غريبه مريوووم من تكلم هالحزه !!

مريم: احمد هذا رفيجتي داقه علي شوي ادق عليها وارد ادقلك

احمد: منو هذي اللي شفتها معاج

مريم: اييي اهييي

احمد: عيل سلميلي عليها

مريم: اوكي باي

سكرته ودقت على فاطمه

فاطمه على طووول اول ما شالته: هااااااااااااااااا من تكلمين

مريم: يمه منج يعني لازم اكلم واحد

فاطمه: أي رفيجتي واعرفها بهالحزه يعني اكييد واحد

مريم: اييي سالفه ماراح اقولج لما اشوووفج

فاطمه: عيل باجر من الصبح

مريم: خلاص نطلع نتريق بستاربكس

فاطمه: خلاص امرج الساعه 10 .. عاد كنت بقولج شي بس خلاص خليه باجر

مريم: اوكي قووود نااايت

 

[um-aljod]

البارت العاشر:



الصبح فاطمه مرت مريم ورتاج لانها دقت على رتاج بعد وقالتلها

بالسياره

فاطمه: يلا قووولي

مريم: واااااي مافيج صبر .. انتي بعد قوولي مو قلتي عندج سالفه

فاطمه: أي عندي بس انتي اول

رتاج: هههههههه عيل حتى انا عندي سالفه

فاطمه : عيل رتاج اول بعدين انا بعدين مريوووم على الحروووف نبدي

رتاج: صارت تطورات وقمت ادق على حسين واهو يدق علي

مريم: صجججج عالبركه واخيرا

رتاج: بس ماسمعت ولا اهو سمع صوتي

فاطمه : شلون عيل

رتاج: بس جذي ادق واسكت .. واهو يدق ويسكت يعني نسمع انفاس بعض

مريم ما خشت بقلبها وعصبت: سوالف يهال

رتاج : اذا عندج هالشي سوالف يهال فانا مستانسه اوكي .. مابي اصير كبيره اذا الكبيره بنظرج لازم تطلع وتخربط مع حبيبها

مريم: لا مو قصدي جذي .. بس لي متى يعني انا اول مره اشوف واحد يحب جذي .. هقوتي عنده شي وخاشه مايبيج تعرفينه

رتاج: انا مستانسه ومرتاحه

فاطمه: خلاص لا تقلبونها هوووشه .. نبي نستانس

مريم: هذا نقاش حاد موهواش .. بعد رفيجتي واخاف عليها لازم انصحها .. اوكي دوورج يالله قووولي

فاطمه: علاااوي حبيبي يبيني اتعرف على عبير اخته عشان بعدها تكلم امها تقولها بخطب رفيجتي حق علي اشرايكم

مريم: هذي الساعه المباركه زين واحد منهم تحرك شووووي .. بس متى ما قال؟

فاطمه: مادري اهو بيعطي رقمي حقها .. واهي عندها بضاعه تبيع بالبيت بروووح عندهم عشان اشتري

مريم: حركات بعد تاجرة جنطه اخته

فاطمه: لا تتطنزين على حماتي هههههه

رتاج: يالله انشالله يصير نصيب ونفتك منج

فاطمه: طبعا انتو راح تييون معاي

مريم : شنهو وين نيي عند عبير

فاطمه: اييي مريوم مابي اروح بروحي اخاف

مريم: يصير خير

رتاج: انا ما ابي ايي اخاف .. بعدين يمكن حسين مايرضى

فاطمه: خلج انتي وحسين تعالي مريوووم نسينا سالفتج غردييي قوولي

مريم: احمد .. تذكرووونه

البنات: اييي

مريم: امس رديتله

رتاج : شلون

مريم: البركه فيييج انتي اللي رديتني حقه

وقالت لهم السالفه

فاطمه: بس ديري بالج منه على سوالفج عنه شكله كلش مو هين

مريم: مادري ليش احس انه تغير من داخل .. مو اهو احمد اللي كنت اعرفه

رتاج: بس همن ديري بالج الصبيان مالهم امان لهم 100 ويهه

مريم: ان شالله انا ماراح اسوي شي مو مقتنعه فيه






شرايكم ؟؟؟

 

[أم@الحلوين]

القصه رووووووووعه

وناطرين البارت الياي

بس اذا ما عليج امر ممكن تكبرين الخط

 

[um-aljod]

ان شاء الله اكبرلكم الخط

 

[um-aljod]

البارت الحادي عشر:



وصلو ستاربكس وبلشت مسجات حسين من الصبح مع رتاج

مريم: وييي رتووج خو قولليله برب انا مع رفيجاتي

رتاج: ما اقدر لاني مو قايلتله بطلع

مريم: انزين قوليله امي تناديني أي شي .. واااي لو انا اكلم واحد مسجات جان كله جذب خو اشدراه مايبين بالمسج انتي وين

رتاج: من صجج لا ما اجذب .. امس كنت بروح الجمعيه اودي اختي ومارضى انزل قالي ياويلج اذا نزلتي جمعيه الشاميه كلها قزز ولمن وصلتها دزلي مسج قالي قالي بطلي الراديو خل اسمع وبعد شوي دق تاكد اني بالسياره مو نازله وبعدها دزلي مسج قالي طقي هرن بس عشان يتاكد اني مو نازله ..

فاطمه: واااي شكله غيووور

مريم بقلبها شكله ياهل

رتاج : حده غيووور ما يرضى صج انه مو شايفني بس دايما اذا بطلع يحرص علي اني ماحط مكياج وقايلي البس عبايه بعد

مريم: وانتي مطاوعته

رتاج: أي حبيبي اسمع كلامه .. بس العبايه ماجلين النقاش فيها لين نتزوج

مريم: انشالله الله يكتبلح اللي فيه الخير والصالح

شوي مر واحد كبير مغتر ولابس دشداشه

فاطمه: مريوووم مريوووم ستايلج هههههههه

مريم: تطنزين علي أي احب هالستايل الكبار اللي ياسروووني برجولتهم وااااي برووح الحقه هههههه

رتاج: من صجج

مريم: اكيد مو من صجي .. اشايفتني

فاطمه: عليوي نايم مايقعد الا الظهر.. احمد وينه ما يسأل عنج

مريم: انا قلت اني رديتله بس مو معناته انه رد حبيب 24 ساعه معاه .. لا بس امس سولفنا ومادري عنه بس اليوم دوام .. لانه اهو بالبنك

فاطمه: احسنلج خليه اذا يبيج اهو يلحقج

رتاج: أي عشان يحس بغلاتج

مريم: اذا هذا اللي راح يصير .. ولو اني متخوفه شوي بس مادري ياني احساس انه هالمره غير بتكون .. اصلا حتى سوالفه امس غير معاي حسيته كبر مو سوالفه القلبيه الخايسه مع انه ماصارلنا وايد مفترقين

رتاج شنو ماصارلكم وايد يمكن 6 شهور

مريم: لا اكثر يمكن 9 شهور بس شويه .. مو فتره طويله الواحد يقدر يتناسى ولا يتغير

فاطمه: لا وين الناس تتغير هالايام بيوم وليله .. ماتدرين شنو الظروف اللي مر فيها

مريم: ههه لا ادري امس قالي كل شي صار ب 9 شهووور

رتاج: بيييه انتو لي الساعه جم تسولفون

مريم: ماكو يمكن 5 ساعات متواصله

رتاج: امبييه وصلني مسج من حسين يقولي انا حاس انج مو بالبيت لانج ماتردين بسرعه .. قالي شبكي عشان اتاكد

مريم: امبي من صجه قوليله انا بالمطبخ مع امي لاهيه .. ولاا قوليله محنيه ايدي لووووووول عشان جذي ما اقدر ادز بسرعه

رتااج: لا ما اقدر .. فطوم رديني البيت

فاطمه: شنو لا ما يمديني

رتاج: الا رديني البيت بس مابي

فاطمه: قومو يالله

مريم: شنو تونا قاعدين ما مدانا

فاطمه: امشي نردها البيت ونتمشى احنا

ركبو السياره وحدهم متضايقين .. لانه طلعتهم اختربت

رتااج: امبي كاهو عصب يقولي ليشط ولتي ماشبكتي

مريم: اوووف رتاج تصرفي قوليله اختي مو راضيه تفصل .. حقريه ولمن توصلين البيت قولي كنت قاعده اتسبح

رتاج: لا ما اقدر لانه متفقين اذا احد بيتسبق يقول حق الثاني

فاطمه: صج زين قوليله مثل ما قالت مريم انه اختج شابكه

رتاج دزتله المسج جان يدق

رتاج: كاهو داق اكيد بسسمع انا وين

فاطمه : خلاص ردي محنا متكلمين ونكتم حتى صوت الهوا

فاطمه سكرت تكييف السياره والمسجل وردت رتاج .. سمع انه هدوووء .. جان يسكره

رتاج: واااي قلبي وقف الحمدلله عدت على خير

مريم: مره ثانيه قوليله عشان لا تنحطين بهلموقف

رتاج: أي اكيييد وااي قلبي خل ادزله مسج

وصلت رتاج البيت

وفاطمه ومريم كملو مشي عالبحر وبعدها ردو البيت




مريم وصلت غرفتها توها بدلت وصلت الظهر شوي ولا تليفونها يدق

احمد: صباح الخير

مريم: صباح الخير هالحزه هذا وانت موظف بنك لازم تعرف

احمد: أي لاني ما صبحت عليج فصباحي معاج يبتدي اليحن

مريم: غلبتني ... عيل صباح النور

احمد: قاعده ؟

مريم: قاعده من الصبح نشييطه موع بالك ماعندي دوام يعني انام لي الظهاري

احمد: أي شطوووره .. انا توني طالع من الدوام .. اليوم خميس اجازه وناسه

مريم: أي انا قعدت من الصبح رحت ستاربكس شربت قهوه مع رفيجاتي ورديت

احمد: عليج بالعافيه ..عسى استانستو

مريم: ايييييييييه افا عليك خوش وناسه

احمد: بعد وين القز اليوم

مريم: أي قز يبا كبرنا .. ماكو قعده بالبيت

احمد: عيل خليني اشوفج اليوم

مريم: شنو !! وين تشوفني

احمد: نقعد بمطعم كافيه أي مكان

مريم: ان شالله اشوووف واقولك

 

[ررروووان]

ثانكس
ويعطيج العافيه على البارت

 

[أم@الحلوين]

مشكوره عالبارت

كملي.......

 

[The purple]

عاجبتني كملي ماعليج امر

القصه جم بارت ؟

 

[تيناا]

لا يوقف

حلوه القصه

واقعيه؟

 

[um-aljod]

صباح الخير يا بنات


القصه قصيره مو وايد طويله لاني بس ماخذه الاشياء الاساسيه منها مو داشه بالتفاصيل العميقه


احداثها واقعيه .. بس انا شووووي مغيره فيها تحفظا للاشخاص اللي فيها


ونهايتها ان شالله بتكون حقيقيه

 

[um-aljod]

البارت الثاني عشر:



علي توه قاعد من النوم: فطووووم حبيبتي شلونج

فاطمه: الحمدلله صح النوم توك قاعد

علي: أي توني قاعد قعدوني حق الغدا .. بروح اتغدا وعقب الغدا بخلي عبير تكلمج

فاطمه : صج يعني انت قتلها

علي: لا ما قتلها بس عقب الغدا بقولها وبخليها تكلمج جدامي

فاطمه: عيل رووووح بسرعه تغدا

علي: انشااله هالكثر مستعيله وتبيني

فاطمه: قصدك مو شريف اعرفه هههههههههه.. روح يمه روووح

علي: انشالله يدتي




حسين يسولف مع رتاج عالمسنجر


حسين: رتوج انا ما قتلج عندي هارلي

رتاج: هارلي شنو

حسين: افا رتوج ماتعرفين هارلي ماركه سيكل ... وانا معاهم بالرابطه ماتشوفينهم عالبحر يمشون مجموعه سياكل مع بعض

رتاج: امبلا مره شفت

حسين: انا معاهم

رتاج: صج .. جان اشرتلي عشان اشوووفك

حسين: وانا اشدراني ههههه مره ثانيه لي بغينا نطلع ادزلج مسج اقولج

رتاج: وناسه زين حطلي صوره

حسين: رتاج احنا شنو اتفقنا !!

رتاج: انزين مايصير تحرمني لا صوت لا صوره

حسين: انتي شنو تبين ؟؟ مو تبين الحب .. مو تبين اشخصيه ...خلاص اشعليج من شكلي

رتاج: أي صح بس همن ودي اشوف حبيبي ودي اسمع صوته

حسين: رتاج حبيبتي شوفي خليني اصارحج بشي

رتاج: قووول[/color]

 

[um-aljod]

ادري البارت قصير وايد بس ان شالله اليوم العصر انزلكم بارتين مع بعض


تستاهلون



بس ابي رايكم بللي يصير !!


:eh_s(17):

 

[b6ooo6a*_*]

امبي اتوقع بويه او او بنيه بس بوويه 99%

 

[برونزيه كويتيه]

امبي اتوقع بويه او او بنيه بس بوويه 99%

اي حتى انا اتوقع جذي

 

[The purple]

حسين فيه مشكله !!
يا انه جيكر او فيه بلى !!

واصلا اللي عنده خير مايحتاج يتكلم جذي /=


واحمد حبوب !

وعلي مليق

 

[alreem.84]

يالله شنو بقول شوقتيني

 

[أم@الحلوين]

الله يستر شنو فيه !!!!!!

حتى انا اقول اكييييييييييد بويه@@@@

لا تطولين علينا ياقلبي ناطلرين البارت.....

 

[b6ooo6a*_*]

يلالالا نااطرينج

 

[Bnota_q8ya]

ناطرينج والقصه وايد حلوه بليز لا تتاخرين

حتى انا اتوقع بووويه او بنيه