رفيجات والقدر واحد

[um-aljod]

السلام عليكم

هذي قصتي الاولى .. واذا لقيت تشجيع بكمل باجي القصه ..

القصه احداثها حقيقيه .. وانا مختصرتها ..



قصه 3 رفيجات .. وكل وحده صارلتلها سالفه .. المهم انا ماراح اكتب تفاصيل اسرة كل وحده وشنو الاحداث اللي تصير .. بس راح اكتب القصه اللي صايره بين البنات



البارت الاول :

بالسياره 3 بنات صديقات من عمر مريم – فاطمه – رتاج
واهم يتمشون عالبحر بالسياره ... مريم اهي اللي كانت تسوق .. يأشر لها واحد قاعد بسياره لاحقتهم قاعد ورا .. يأشرلها عشان تفتح البلوتوث ..
مريم: امبي طالع هذا
فاطمه: ويع طالعي ويهه مصدق روووحه
رتاج: وي هذا يأشر عالتليفون .. يبيج تفجين البلوتوث
مريم: وي تليفوني بالجنطه
فاطمه: ويع من شاف ويهه من صجج انتي
مريم: أي خو بس جذي نشوف شعنده .. فطوم بليز فتحي بلوتوثج
فاطمه: عشانج بس ( وتفتح البلوتوث)
شوي ولا يوصل مسج مكتوب احمد......... 944
فاطمه: هاج اسمه احمد وحاط رقمه
مريم: دزيلي اياه بتليفوني
رتاج: شكلج بدقين
مريم: بفكر بالموضوع بعدين اقرر
مريم قطت كل وحده بيتهم وردت البيت خالي مافيه احد .... امها من زمان متوفيه وابوها طالع واخوها اللي اصغر منها همن طالع .. ماعندها لا خوات ولا ام .. وحيده بالبيت ..
بدلت وغسلت ولااحت جدام التلفزيون تفر من قناه لي قناه ماكو شي مفيد .. مريم قامت تشغل النت .. ماكو احد اون لاين اللي حاط بزي واللي اواي
راحت انسدحت عالفراش .. تلعب بالتليفون شافت رقم احمد ..
دقت رنه وسكرته
مريم.. بنت عمرها 24 شاطره تدرس بالهندسه متأخره بالكليه لانها حولت من علوم لي هندسه .. حنطاويه قصيره طولها 153 ووزنها 60 شوي متروسه يعني .. متحجبه .. شعرها ناعم قصيير لي جتفها
الفراغ والوحده اهي اللي مخليه مريم تدور الحب برا البيت .. تبي تحس بالجو الاسري والحنان والحب تبي الارتباط .. وغير جذي رفيجات عمرها كلهم يحبووون بس اهي
رن تليفونها
رقم احمد
مريم: الو
احمد: الوين هذي سوالفكم دقه وتسكرون
مريم بدت تستعبط عليه: منو انت انا دقيت بالغلط جان اسكره
احمد: انتي اللي اشتبين .. انتي شكلج البنت الحلوه اللي توني مرقمها صح
مريم: هههههه أي حلوه فيهم ؟
احمد: الحلوه اللي كانت تسوق السياره اللي ابتسامتها ساحره وغمازاتها خفيفه بنص خدها
مريم: كل هذا شفته
احمد: عيل ليش خليت ولد عمي يلحقج .. لاني شفتج وطيرتي عقلي
مريم: هههه شكلها اسطوانه تقولها لكل بنت
احد: صح جكيتيني والله شكلج شاطره عالعموم انا احمد عمري 21
مريم: وانا مريم عمري 24
احمد: لا جذابه شكلج صغيره .. شكلج 18 وتوج ماخذه الليسن
مريم: كيفك يبا 18 .. 19 اللي تبيه
احمد: انا اصغر منج بس ترا ريااال حمش وخشن وكلي رجوووله وترس هدومي واشتغل بعد
مريم: تشتغل شلون ؟
احمد: ماكو الله يسلمج خلصت الثانويه بالغصب ههههه وقدمت عالبنك واقبلوني
مريم: انزين اخوي انا الحين بنام وراي كليه ومو متعوده عالسهر
احمد: من صجج أي سهر الساعه 10
مريم: أي انا جذي الساعه 10 لازم انام
احمد: براحتج بس هذي اول مره واخر مره
مريم: بكيفك .. تصبح على خير بااااي
احمد: اوكي حبوبه الله يوفقج باي
احمد شاب طويل ابيضاني متروس شوي شعره اسوود عيونه وساع ورموشه طوال ..
صار الصبح .. اقعدت مريم واهي بالطريج رايحه الكليه
دقت على فاطمه
مريم: صباح الخير فطيم وينج عندج محاضره الحين
فاطمه: هلا مرايم صباح النور أي كاني رايحه الكليه اليوم عندي لي الساعه 2 ...
مريم: عيل انا عندي لي 5 هههههه .. انزين سمعي دقيت على اللي امس رقمنا
فاطمه: صجج ها بشري .. عسى بس خوش واحد واتحتيله
مريم: بسم الله تونا اول مكالمه ... بس مادري شكله زوووين
فاطمه: ان شالله تحبينه ويكون خوش واحد مو مثل اللي قبله قطيعه
مريم كانت لها علاقه بواحد وحبو بعض .. واستمرت جم شهر معاه .. بس اخوها درا بعلاقتها وطقها ومنعها من الطلعه جم يوم وتاسفرت من اخوها وقررت ماترجع هالطريج والشاب اصلا من عرف انه اخوها درا مابين كلش لا حس ولا خبر .. بس الوحده والفراغ العاطفي خلاها ترجع تدور على الحب برا البيت
اما فاطمه .. فتحب واحد وعلاقتها فيه حلوه وناوين على الزواج لمن يتخرج الحبيب
رتاج .. قصتها غير .. تحب واحد صارلها سنتين بالنت .. سوالف مسنجر . تحبه ويحبها .. يموت فيها .. بس مو شايفين بعض كلش اللي بينهم سوالف نت ..
نرد للحوار
مريم: مادري ياختي طلع ياهل عمره 21 سنه .. ويشتغل بعد بالبنك بس وايد قرق امس
فاطمه: أي مو مهم العمر شكله عووود كان .. وغير جذي يشتغل اشتبين بعد احسن من عليوي اللي ناطرته يتوظف ذبحني للحين نايم لا يداوم ولا شي .. بس ترا هذا اللي رقمج امس حلجه كان عوي
مريم: أي استحيت اسأله بس ولا يهمج اليوم اسأله ههههههههه
فاطمه: امبي فشله اخاف في عاهه
مريم: المهم اكمل معاج بعدين انا وصلت خل ادور مسفط وانزل وراي محاضره
فاطمه: يلا باي بس لا تنسين تقولين لي كل التطورات
مريم اسفطت وشالت فايل فيه كتبها وخذت التليفون رايحه المحاضره ولا يوصل لها مسج من احمد مكتوب فيه
( صباح الخير )
دشت المحاضره حطته تليفونها سايلنت وردت عليه ( صباح النور انا بالمحاضره .. اطلع وادق عليك)
رد عليها ( اوكي انا بالدوام وما اقدر اتكلم بالتليفون.. اكلمج لمن اخلص)
خلصت محاضراتها مريم .. ونطرت بالكافتيريا لانه عندها مختبر لي الساعه 5 ومادق !!!

 

[um-aljod]

البارت الثاني:


صارت الساعه 1 ونص دق تليفونها
مريم: الو
احمد: هلا مريومه سوري تاخرت بس توني مخلص .. الفرع توه مسكر
مريم: يعطيك العافيه انا مخلصه محاضراتي وبس عندي مختبر الساعه2 لي 5
احمد: يعني اكلمج نص ساعه على ماتبدي محاضرتج
مريم: أي
احمد: بس لي 5 وايد
مريم: على حسب الشغل ههههه مثلكم يعني لي خلصنا نطلع مبجر
احمد: بس يمكن على كا تطلعين انا اكون راد الفرع مره ثانيه لانه دوام عصر
مريم: اشدعوه الفرع يفتح 5 .. انتو من الساعه جم تروحون
احمد: قبل لا يفتح الفرع
مريم: عيل راح تلحق علي
وظلو يسولفون لين صارت 2 ومريم دشت المختبر



فاطمه توها مخله محاضراتها طلعت دقت على حبيبها علي
فاطمه: عليوي توك قااااعد
علي: شسوي حبيبتي راحت علي نووومه
فاطمه: علي اذا جذي انت شلون بتخرج .. متى بنتزوج
علي: يا بعد عمري انتي عطيني بوووسه
فاطمه: شوف هذا انا وين وانته وين ( وهي رايحه المسافط جان تشوف رتاج .. اهم اثنيناتهم بكليه التربيه يدرسون اخر سنه)
رتاج تأشر لها عالتليفون يعني سكريه
فاطمه: عليوي صحصح وكلمني باي .. سكرت الخط
رتاج: ها تكلمين الحبيب
فاطمه: يا هذا الحبيب اللي بيذبحني
رتاج: ليش اشفيه
فاطمه: للحين نايم لا مداوم ولا شي
رتاج: هههه انزين وين رايحه تعالي انتغدى بالكافتيريا يوعانه حدي
فاطمه: انا خلصت وبرد البيت
رتاج: انا بعد خلصت بس الحين الشوارع زحمه لمشي ناكل بعدين نرد البيت
فاطمه : اوكي يالله
فاطمه طويله ومتينه وسمرا تدرس بالتربيه قسم رياض اطفال اخر سنه لها .. وعلي يدرس بالمطافي .. مواصفاته عكس فاطمه .. ابيض وقصييير وضعييف .. بس يحبها وتحبه
اما رتاج .. ناعمه حيييل قصيره وضعيفه واللي يشوفها يتوقعها بالمتوسط من صغرها .. وتكلم واحد اسمه حسين عمره 28 ولد عايله كبيره .. وعنده فراري .. وطويل وعريض وطبعا هالمواصفات كلها اهو قايلها عنها .. لانهم مو شايفين بعض
رتاج باختصار نقدر نقول عنها غبيه .. لانها مصدقه كل كلمه يقولها ومريم وفاطمه مستلمينها يوعون فيها وينصحونها بس اهي حابته من مواصفاته والحب عمي
ولانه حسين زين الشباب قاطع عهد على نفسه انه مايتزوج وحده مكلمها بالتليفون عشان جذي يبي فاطمه ماتكلمه بالتليفون
صار المغرب ..
مريم تتكلم مع احمد بالتليفون
احمد: مريم ترا انا صاير فيني بو الويووه .. يمكن ما انتبهتي علي
مريم: صج من شنو .. امبلا تبي الصج انتبهت انه في شي بويهك بس مادري شنو
احمد: أي صاير فيني من زمان كنت بمعرض اسوق حق البنك وكنت عند الباب والهوا كان يكفخ بويهيي كلما تبطل الباب وصار فيني بس لا تخافين قاعد اتشافه
مريم: لا ليش اخاف .. الله يشفيك وترد مثل ماكنت
-
بالهلوقت رتاج طبعا موعدها للنت مع حبيبها حسين .. حسين حاط بالنت صوه ياهل صغير
رتاج: حسون حبيبي هذي صوره منو ياحليله عنونو

 

[so_what]

waiting

 

[um-aljod]

البارت الثالث:

بالهلوقت رتاج طبعا موعدها للنت مع حبيبها حسين .. حسين حاط بالنت صوه ياهل صغير
رتاج: حسون حبيبي هذي صوره منو ياحليله عنونو

حسين:
هذي صورتي لمن كنت صغير .. شايفه اشحلاتي ابيضاني ..جني انجليزي

رتاج:
أي اتينن ابي بيبي جذي

حسين:
أي اكيد لازم تيبين ولد يشبهني .. ريال على ابوه ..

رتاج:
أي اكيييد

حسين:
بس لازم تولدينه بامريكا مثل امي اولدتني هناك .ز واختي بعد مو احسن منج خطيبها ولد ال..... بوديها امريكا بد تولد

رتاج ( مو مصدقه روحها والحياه اللي راح تعيشها) :
صج ونااااسه

حسين:
ا ي لاني ناوي اكمل ماستر ودكتوراه بعد

رتاج:
وانا بعد بكمل وياك

حسين:
لا انتي حبيبتي تقعدين بالبيت معززه مكرمه .. تديرين بالج على علي ولدنا .. وانا اييبلج اللي تبينه وينزلج معاش مني كل شهر بحسابج ..

رتاج:
واااي حبيبي الله لا يحرمني منك يا بوعلي


علي وفاطمه طالعين مع بعض ... متعودين كل يومين ثلاث يطلعون .. وفاطمه اهي اللي تعزم علي من فلوس اعانه الجامعه
بالسياره
علي: فطوم بس ملينا من الحوووسه خلينا ننزل مكان انتعشى
فاطمه: أي انا يوعانه .. ودنا المطعم اللي رحناله الاسبوع اللي طاف كان هادي ومافيه احد
علي : اشعليج من المطعم هادي ولا لا .. احنا قاعدين بكابينه محد له شغل فينا
فاطمه: أي صح بس همن بالدخله والطلعه مابي اشوف احد
علي: خلاص ولا يهمج
فاطمه وعلي متزوجين بالكلام ... اهي قالتله زوجتك نفسي واهو قال قبلت .. علشان ماتبي تسوي معاه شي بالحرام .. طبعا اهي مو عارفه انه هذا الزواج غير صحيح عبالها مزوجه روحها .. ومحلله روحها عليه .. يعني تسوي كل شي معاه .. بس من غير الدخول لانها بنت
ذي حياة كل وحده منهم باختصار



مع مرور الايام .. مريم بدت تتعلق باحمد اكثر واكثر


احمد كانت حياته شغل والبيت يعني لا ربع ولا دوانيه ولا قهوه ولا شي .. كان يكلمها على طووول .. واحمد فتح قلبه لها قالها عن كل شي بحياته
احمد: انا اكبر اخواني وعندي اختين واخو اصغير ياي بالغلط .. هههههه وامي تحن علي تبي تزوجني وحده بيضه وعيونها ملونه .. مثلها يعني لانه امي تركيه مو كويتيه
مريم: بس بعدك عالزواج
احمد: ليش عشاني صغير .. مو مهم عمري انا ريال اشتغل مو ناقصني شي
مريم: لا مو قصدي صغير .. بس انت الحياه جدامك تقدر تكون نفسك اكثر وبعدين تدور عالبنت اللي تناسبك
احمد: ان شالله انا اصلا قاعد ادور على شغل احسن .. وادور عالبنت بعد مره وحده
مريم: ههههه ان شالله تلقاها بيضه وعيون ملونه على ذوق الماما
احمد: من يقولج انا ما حب هالستايل .. انا ماحب البيض احب السمر
مريم ( استانست لانها حنطاويه .. حست انه قاعد ينغز عليها)
بهالاثناء دق تليفون مريم واهي تكلم احمد
مريم: احمد دقيقه عندي خط ثاني هذي فطوم خل اشوفها اشتبي
احمد: اوكي لي خلصتي منها كلميني ناطرج
مريم: اوكي .. ( افتحت الخط الثاني)
هلا فطوم
فاطمه: ها تكلمين احمد
مريم: أي ومن عندي غيره
فاطمه: شنو التطورات
مريم: لا حبيبتي ماينفع بالتليفون يبيله قعده
فاطمه: افا عليج انا حاضره .. باجر نطلع انتغدى عقب الجامعه
مريم:أي زين عاد باجر الاربعا الجو يحلى .. انتغدى باجر بجيليز
فاطمه: اوكي صار .. يلا انا بعد بالسياره رايحه اشوف عليوي
مريم: انزين عاد خففي مو تكثرين حق غدا باجر
فاطمه: ههههه لا تحاتين في مجال بعدين من قالج رايحين انتعشى .. احنا رايحين شقه رفيجه
مريم: فطوم ديري بالج
فاطمه: لا تحاتييين انا مع ريلي
مريم: ويييه كيفج يالله باي
سكرته منها وردت دقت على احمد
احمد كان واقف بالحوش يدخن لانه ابوه مانع التدخين بالبيت
مريم: احمد شكلك طالع
احمد: لا واقف بالحوش ادخن
مريم: اوكي هذي فطوم .. تبني اتغدى معاها باجر بجلييز
احمد: باجر عاد زحمه القزيزه شغالين
مريم: وانا اشعلي منهم
احمد: قدعه هههههه .. بس لازم تعزموني
مريم: افا عليك انا وبوكي تحت امرك بس على حسابك لانك انت تشتغل وانا على الله وعلى مصروف ابوي لانه حتى الجامعه حارميني من الاعانه لاني مو مستحقه
احمد: اخيييه كسرتي خاطري ..خلاص مري علي باجر قبل لا تروحين واعطيج 20 دينار حق الغدا
مريم: هههه اشفيك اتغشمر معاك لا تصدق الحمدلله ابوي مو مقصر يعطيني بالشهر 200
احمد: خووش معاااش والله
مريم: شفت شلون مكفيني وزايد عاد انا اشعندي غير هالكافيهات والمطاعم
احمد: أي بس ديري بالج تمتنين .. جسمج جذي حلو
مريم: وييي لاتحاتي الله يعافي الممشى كل يوم ساعه اتمشى فيه وكا جسمي متناسق صج اني متروسه شوي بس متناسق
احمد: اصلا جسمج اينن
مريم ( استحت) : بسك عاد يالله بروح افكر شنو البس حق باجر وباخذلي حمام دافي وبنام
احمد: اوكي تصبحين على خير
مريم: وانت من اهله

 

[um-aljod]

البارت الرابع:


صار باجر مريم وفاطمه اطلعو عقب الجامعه بالسياره رايحين جيليز ..
فاطمه: مريوووم متكشخه اليوم عددل اشعندج
مريم: ماكو اليوم اربعا النفسيه حلوه وغير جذي يمكن احمد ايي
فاطمه: من صجج وين ايي بيقعد معانا ؟
مريم: شنو يقعد معانا ينيتي فطيم بمكان عام ومايبقى احد ما يشوفنا لا اكيد طاوله يمنا ولا جدامي طبعا
فاطمه: عيل بدق على عليوي .. (دقت ومارد) اكيد نايم ذبحني هالريال مادري متى بيداوم ويتخرج ونتزوج ونفتك اووووف
مريم دزت مسج حق احمد .. رد عليها ( انا بالدوام لي خلصت ادق)
كلو وحلووو وخلصو واهم طلعين دق احمد
مريم: هلا احمد .. تراني ناطرتك ما اكلت
احمد: هههه اخاف اصدق .. وينج مرايم خل اشوفج
مريم: وييي معاي رفيجتي عااادي ؟
احمد: بس من بعيد .. شدعوه هذي فطوم خو شايفتني يوم رقمتج
مريم: أي صح وين تبي؟
احمد: انا توني طالع من الدوام وانا بالديره
مريم: زين عيل احنا عالحب كنا رادين الجامعه كيفان عشان اقط فطوم على سيارتها
احمد: علي دشي الضاحيه اشوفج هناك بالجمعيه
مريم: اوكي سي يووو
وصلو المسافط ولا احمد واصل قبلهم ونازل من السياره واقف برا ..
فاطمه شافته اشهقت: واااي مريوم اينن شوفي طوووله والدشداشه عليه اتينن مو عليوي ويه ويهه اشقصره ويسوي شعره سبايكي يعني عشان يطول روووحه
مريم: هههه فطوم عليج سوالف ..بس صج اينن اول مره اشوفه عدل .. امبي اينن
وقفو يمه .. سلم عليهم وقالهم : يالله بس روحو عشان لحد يشوفكم .. انا بس بغيت اشوفج واسلم عليج
مشو .. ومريم ساكته عاجبها شكله وفاطمه ينت على طوووله وتقول حق مريم: مريوووم اينن لا تهدينه تمسكي فيه واللي يبه سويله
مريم: من صجج شنو أي شي يبي لا يبا خلينا جذي وايد احسن .. مادري شرايه فيني لمن شافني عدل
فاطمه : اشرايه يعني اشحلوج .. انتي كل الرياييل يشوفونج اينون علييج
مريم: هههه بس لا تقلبين علي
دق تليفون فاطمه
فاطمه( هذي رتوج توها تدق .. من امس وانا ادق عليها ماترد ): الوووو انتي وينج
رتاج: توني قاعده من النوم امس سهرانه مع حسون عالنت وتكيسلت اقوم حق الجامعه
فاطمه: واي طافج .. تغدينا انا ومريوووم بجيليز وشفنا احمد.. اينن اشحلاته لايق على مريوم
مريم ( طقت فاطمه طقه خفيف)
رتاج: الله يسخره لها بس صغير عليها
فاطمه: وين صغير ماعليج من عمره اصلا لو شايفته جان قلتي عمره 28 .. ريال مفعم بالرجوووله
مريم خزت فاطمه : بسج ترا اغار
رتاج: هههه سمعتها .. انزين وين رايحين الحين
فاطمه: رادين الجامعه وكل وحده بتروح بيتهم .. شخبار حسين
رتاج: واي لا تضيقين خلقي .. بيسافر فرنسا اسبوع يتسوق ويرجع
فاطمه: أي كلميه بالتليفون وفكينا .. عشان ترتاحين لمن يسافر تكونين معاه عالخط .. وجود اييبلج شي من هناك ولا تنسين رفيجاتج عاد
رتاج: هههه لا مابي انا مرتاحه جذي .. لا اكلمه ولا يشوفني ولا اسوي شي حرام
فاطمه تضايقت شوي حست انها نغزه عليها : اوكي انا بالليل يمكن نطلع .. نروح ستاربكس تعالي
رتاج: اوكي اشوف حسين واقولج
فاطمه: اوكي بااااي
مريم: بامر منو قررتي بنطلع بلليل
فاطمه: بامري .. هههه ادري انتي حبيبتي ماتقولين شي .. وحتى احمد ماراح يقول لا مخليج براحتج
مريم: اوكي عشانج بوافق

 

[alreem.84]

مشكوره على القصه الحلوه بس كمليها ناطره الباجي

 

[alreem.84]

وينج ليش ما كملتي انا قريت القصه وعجيتني بس علقتيني
اتمنا انج تملينها

 

[برونزيه كويتيه]

القصه عجييييييييييبه و ناااطرينج عشااان اتكملينها

 

[نرنورا]

شكرا على القصه
وناطرين التكملة

 

[um-aljod]

مشكورين بنات


انا عبالي القصه ماعجبتكم لانه شفت ماكو تفاعل عشان جذي ما كملتها

 

[um-aljod]

البارت الخامس:


وصلو الكليه وركبت فاطمه سيارتها
دقت على علي
علي: الللللووووو
فاطمه: عليوي انت للحينك نايم واااي بتذبحني متى بتقوم
علي: شسوي سهرااان امس زين قعدتيني حق الغدا
فاطمه: بس هذا اللي هامك .. ماتفكر بالكيله ذبحتني
علي: اوووو فطوم مالي خلق اصلا انا بسحب اوراقي ..
فاطمه: شنو لا تكفه شلون نتزوج اذا بتقعد عطالي بطالي
علي: لا امس واحد من الربع شار علي وقالي ادش الجيش كلها جم شهر واتخرج
فاطمه: ويييه كيفك المهم يصير عندك معاش ونتزوج
علي: هههه انتي تخرجي ويصير عندج معاش ابله .. خوش معاش يعطونج
فاطمه: مو مشكله مستعده اصرف عالبيت واحطلي شنبات بس نتزوج


-----------------------------------------

رتاج قامت كلت لها لقمه وشبكت ناطره حسين .. طول على ماشبك
رتاج: حسين زين انك شبكت انا ناطرتك
حسين: رتاج سوي والله انا ابرار اخت حسين
رتاج: شنو
حسين: انا ماخذ اللابتوب من حسين .. فطوم حسين تعبان بالمستشفى دخل بغيبوه اليوم وحالته صعبه ومركبين عليه اجهزه ودرب
رتاج: حسين حبيبي انا قاعده ابجي ماني قادره اتحمل قوليلي اهو باي مستشفى


حسين صار(اوف لاين) !!


دقت رتاج على فاطمه واهي ميته بجي



فاطمه: رتوج اشفيييج تبجين اشصاير

رتاج: حسون بالمستشفى مادري اشفيه اخته تقول انه مركبين عليه درب
فاطمه: وانتي اشدراج
رتاج : توني كنت شابكه ناطرته عشان اقوله اني بطلع معاكم ستاربكس .. ولا اخته تشبك من ايميله وتقولي
فاطمه : وي وعليه خلاص لاتبجين .. اشفيه ماقالتلج .. وما قالت وين
رتاج: لا بس قالت انه بغيبوبه وحتى هذيك المره لمن كان شابك ويكلمني كان مريض بالمستشفى بس ماقالي عشان جذي جذب وقالي بيروح فرنسا عشان لا احاتيه اذا ماشبك
فاطمه : واي رتوج كسرتي خاطري.. بس لا تبجين وتعالي طلعي معانا شوي عشان تفرفشين شوي
رتاج: فطوم ما اقدر حسين بهالحاله واطلع .. يلا باي بروح اصلي وادعيله





صار المغرب .. دقت فاطمه على مريم
مريم : الو هلا فطوم ها وصلتي
فاطمه: أي كاني عند لفت بيتكم
مريم: يلا عيل الحين انزل
واهي نازله رن تليفونها
مريم : هلا احمد
احمد: هلا مريوووم صوت كعبج شنو وينج
مريم : كاني بالبيت بس الحين بطلع مع فطوم
احمد : ماصارت هالفطوم ..
مريم: ههههههه شسوي مالي غيرها مسليتني بوحدتي
احمد : وانا ويني
مريم: مادري انت وين ؟؟ يمكن بالبيت !!
احمد: سخيييفه يعني اضحك .. خلاص يببا عليج بالعافيه طلعي واستانسي ولي رديتي دقي علي تراني بالبيت قاعد ماني رايح مكان
مريم: ليش ماتطلع اليوم اربعا عطله ووناسه
احمد: عطله حقج انتي وعيال المدارس ههه.. انا باجر دوام وعطلتي السبت
مريم: أي وييي نسيت انت بنك .. يالا انا بركب السياره باي
فاطمه ومريم بالسياره رايحين ستاربكس بلازا حولي
مريم: فطوم احمد خوش واحد مايقولي لا تطلعين مثل مشاري قطيعه اللي قبل حتى ايي عند بيتنا يجيك اذا قاعده ولا طالعه
فاطمه: أي باين عليه خوش واحد وغير جذي حلوووو مريوووم نصيحه لا تخليه
مريم: فطوم انتي تدرين انا شنو ابي .. واللي ببالي .. احمد ولد ناس معروفين و ازقرتي وشكله حلو بس عيبه عمره وشهادته
فاطمه : عاد اذا بتدوين واحد فل اوبشن ماراح تلاقين
مريم: مشاري كان فل ابشن
فاطمه: لا ماكان .. وينه وين رجولته لمن اخوج درا .. اشوف هدج وماعاد سأل فيج
مريم: خلاص لا تذكريني فيه ..
راحو ستاربكس واطلبو لاتيه وبراونيز .. وقعدو يسولفون



مريم: و ااااااااااااااااااي رتاج ابتجلطني ,.. من صجها صدقت .. شنو السالفه انا شاكه لا ومتاكده انها جذب
فاطمه: لا حرام عليج في احد يجذب بالمرض .. ترا البنت شكلها صاجه ورتوج ميته بجي
مريم: انا عمري ما اصدقه هالحسين لين يكلمها صج .. مادري ليش احسه مو ريال بويه ولا بنت قاعده تسوي مغلب في رتووج
فاطمه: والله مايندرى .. خلينها منها .. اقولج بشتري هديه حق عليوي
مريم: ليش شالمناسبه
فاطمه : عيد ميلاده ... وبيبله موبايل يديد اهو هذيك المره يسولف عنه سعره 160 دينار
مريم: عليه بالعافيه بس خليه يتلحلح شوووي
مريم ماكانت تحب عللاقات الحب اللي عايشينها رفيجاتها .. لانه عندها التعرف على شاب لازم يكون بفتهر قصيره يتعرفون على بعض ويتزوجون
فاطمه: أي خل يشتغل وبيي على طول

 

[um-aljod]

البارت السادس:



ردو البيت .. مريم بدلت وغسلت وانسدحت بالفراش تسولف مع احمد
احمد: مريوم اشرايح بالحب
مريم:الحب شي حلو واسمى واطهر علاقه بالارض .. بس للاسف وايد ناس وصخو الحب بقذارتهم
احمد: انا معاج .. تصدقين انا كنت احب وحده وامي خطبتها بس اهي ماتبيني ..
مريم: ليش ماتبيك ؟
احمد: ماعندها سبب .. بس يمكن ماتحبني لانه حبي كان من طرف واحد احنا نعرفهم امي رفيجت امها اهي من بنات .......
مريم: صج @@
احمد: أي ليش مستغربه ؟
مريم: شنو اسمها ؟
احمد: ليش
مريم : لانه انا امي من بيت .....
احمد: اسمها ريم ..
مريم : لا يكون اللي تدرس بالاداريه شعرها اسود .. وضعيفه وقصيره
احمد: أي تعرفينها
مريم: ههههههههههه هذي متكلمين عنها حق ولد عمي بس للحين ماكو شي رسمي
احمد: اممم يمكن عشان جذي رفضت بس امي ماعندها خبر
مريم: أي لانه ماصار شي رسمي ولد عمي يدرس برا بس يخلص بيصير كل شي رسمي
احمد: الله يوفقها
مريم: احمد انت زعلت لانها بتتزوج
احمد: لا اصلا انا اللي ما يبني ما ابيه ونسيتها بس مع السوالف قلت اقولج عنها
مريم: الله يرزقك ببنت الحلال
احمد : ان شالله انا بخلي امي تخطبلي احسن بنت بالدنيا
مريم: ليش مو توك تسأل عن الحب شلي غير رايك
احمد: لا يا مريم انا مستحيل اتزوج وحده مرقمها
مريم حست بتنفجر من كلامه : اخاف بس اللي بتخطبها امك مو مكلمه احد .. انت شدراك عن ماضيها
احمد: امي تعرف تنقي
مريم: ههههههههههه كلنا جدام الناس نسوي روحنا مانكلم .. والحين اصلا ماكو بنت ماتكلم .. ووحده عم وحده تفرق
احمد : هذا انتي واشكالج
مريم: احمد تراك جليل حيا وماتستحي وماتعرف من تكلم .. وسكرت الخط بويهه
ماردت دقت عليه ولا اهو دق واعتذر .....
فاطمه سهرانه مع علي ونايمه معاه بالعسسسل
ورتاج للحين تبجي

 

[um-aljod]

شرايكم بالشخصيات ؟؟ واللي يصير بينهم ؟؟


:aha:

 

[alreem.84]

حلو وايد
في احداث غريبه قاعده تصير
شوقتيني اعرف الباجي

 

[برونزيه كويتيه]

حياااااتي رتاج حدها كاسره خاطري
اما احمد بصراحه كلش ما عنده سلوووووب
و مادري احس فاطمه و علي مره يتهاوشون و مره لا
و ناااااطرينج حبي ع البارت الياي

 

[نرنورا]

وييه شهالحاله احس حسين جذاب
واحمد بدددددددع بمريم
ونشوف نهايه فاطمة
وبليز لا تطولين علينا

 

[koky 7yati]

لاتكفيييييييييييييين كملي بعدين هذا احمد شنو مايستحي على ويها مالت عليه
شالاسلوب الوصخ صج ياهل وانا احس حسين يقزرها على ريتاج شكله جذاب
القصه حلوه والله مشكوره

 

[um-aljod]

اسفه طولت عليكم



البارت السابع:

بعد اسبوع

رتاج: حسين مايصير جذي تسوي فيني تنام بالمستشفى وانا مادري

حسين: شسوي حبيبتي ماكنت باذيج

رتاج: لا جذي تاذيني لو قايلي ولله جان احسن وقلبي مطمن اكثر

حسين : شتبيني اسوي

رتاج: تعطيني رقمك والله ماراح ادق ..بس ادزلك مسجات ماتبي تعرف اخباري ماتبني اعرف اخبارك

حسين: اوعديني يارتوج انه بس يكون بينا مسجات

رتاج: وعد والله وعد

حسين: اوكي

هني بدت علاقتهم بعيده عن النت .. صار بينهم مسجات .. كل يوم يسولفون بالمسجات ..





وبعد فتره .. تخرجت فاطمه ورتاج وريم ... وفاطمه ورتاج توظفو بسرعه لانه ابلات روضه .. اما مريم فقعدت بالبيت تطر وظيفه

على دخل الجيش وصار ينحجز ويطلع كل ويك اند

فرغت فاطمه حق مريم .. ومريم بعد صارت وحيده من بعد احمد وصارو يطلعون بشكل يومي.. الحين اهم طالعين بالسياره يتمشون عالبحر



فاطمه: اقول بروح اشتري بوك حق علي

مريم: بعد شالمناسبه

رتاج : انتي معاشج كله طاير عليه

فاطمه: ريلي ويستاهل.. بوكه يفشل مشقق باخذله واحد ماركه

مريم: اشدعوه اشتريلي واحد انا بعد حتى انا بوكي يفشل لووووووول

رتاج لاهيه مسجات مع حسين

فاطمه : رتوج صوت مسجاتج ازعجنا

رتاج شسوي حسينو باجر بيروح المانيا

مريم : هالمره حق شنو بيروح

رتاج: بيروح اييب سياره حق امه

مريم: وي عشتو ولد الاكابر ليش ما يشترون من اهني

رتاج: مادري عنه .. انزين راسي افتر من الفراره خننزل مكان

مريم : أي والله انا كاشخه جود احد ينجبر فيني

فاطمه: انشالله الحين اوديكم جيليز نتعشى

مريم: بعد جيليز تكفين فطوم انغثينا منه كل اسبوع تودينا

فاطمه: شسوي لذيذ مشتهيه مولتن كيك

رتاج: واي لا خنروح مكان ثاني حسين مو راضي يقول لا تروحين هالحزه زحمه

مريم: اوووف ياكرهي لمن يتحكمون

فاطمه: خلاص عيل نروح ستاربكس حولي



راحو ستاربكس .. وقعدو يسولفون وفي شباب .. واغلبيه الشباب عيونهم على مريم .. بس اهي تتغلى شوووي

واهم طالعين لحقهم واحد .. والا يبي مريم تكلمه بس مارضت لانه موع اجبها شكله

:\

بالسيار واهم رادين البيت

فاطمه: مريوم ليش ماخذيتي رقمه

مريم: لا ويع مو ستايلي .. ماحب جذي نافش الشعر و يع ياهل انا ستايلي رياااال مغتر يجذبني من بعيد بريحه الخنه ودهن العووود

رتاج: واااي انتي ستايل شيااااب .. اشفيه اشحلاته كان كووول

مريم: خل الكول حقكم .. وخل الشياب حقي j

ردوو بيوتهم

طبعا خلال هالفتره الاحداث جدا عاديه لانه مريم لا حبيب ولا تكلم احد .. وفاطمه تنطر علي كل ويك اند تطلع معاه ولازم تكون شاريتله هديه

ورتاج مسجات مع حسين

 

[um-aljod]

البارت الثامن:


مرت الايام وخلصت السنه الدراسيه

فاطمه اعزمت رفيجاتها على جيليز بمناسبه انتهاء السنه الدراسيه

بالمطعم

فاطمه : صدقيني انا اقدر اوصل حق حسين واقدر اعرف عنه كل شي اذا صج ولا لا

رتاج: انا مابي اعرف انا مصدقته

مريم: بس احنا مو مصدقين وبنطمن عليج عشان لا تنصدمين ما صارت صارلج سنتين معاه نت وبعدين صرتو مسجات وللحين ما تجراتي تكلمينه شلون تحبيته .. اشلون تحبين شخص ما كلمتيه ولا شفتيه

رتاج: انا حبيت صفاته شهامته رجولته

مريم: فكينا زين من حجي القصص .. انا عندي احساس قوي انه في شي خاشه عنج

فاطمه مثل شنو؟

مريم: شوفي اهو يا انه بنت .. او انه في مرض جايد ومايبيج تشوفينه

رتاج: اسم الله عليه ليش تفولين عليه .. حبيبي صج مريض بس مرضه مو جايد وقاعد يتعالج منه

مريم": انزين خلي فطوم تسألج عنه مو قال ابوه دكتور وامه عندها اتيليه .. انزين قوليله نبي عنوان الاتليه عشان نشتري منه

رتاج: لا انا مرتاحه معاه جذي مابي اعرف شي زياده

فاطمه: كيفج

رتاج تأثرت بكلام رفيجاتها ردت البيت تفكر وتفكر .. وقررت اتكلم حسين جد

حسين: ليش يعني بتسمعين صوتي؟؟

رتاج: ابي اسمع صوت حبيبتي

حسين: بس رتاج انا قايل مابي اتزوج وحده مكلمها

رتاج: وانا أي وحده ؟؟ خلاص احنا حبينا بعض .. ولا انت ماودك تسمع صوتي

حسين: امبلا

رتاج ماانطرته دقت عليه .. رفع السماعه بس ماتكلم بس قعدت تسمع انفاسه .. سكرت الخط وردت تسولف معاه مسجات

حسين: رتوج ماراح تسافرون بالعطله

رتاج: لا وين اروح قاعده بالبيت

حسين: اممم عيل بخلي امي تييلج j

رتاج: صج حبيبي .. ونستني

حسين : أي شعبالج .. انا اصلا قايلها من زمان عنج.. حتى اهي بعد شهر بتسافر مع اختي عشان يجهزون لها من سويسرا وقالت تبي مقاساتج عشان تشتريلج من هناك هدايا

رتاج: مقاسات شنو تبي

حسين: جسمج كله .. وريولج j

رتاج: صج عيل انا البس مقاس 10 و ريلي مقاس 37

حسين: يا حليلها حبيبتي العنونه انا اقدر اشيلج بصبع واحد

رتاج: أي على مواصفاتك اكيييييد هههههههههه

حسين قايلها انه طوله 188 ومجسم وابيضاني وشعره اسود مكتت .. وقايلها انه عنده غير الفراري مرسيدس باب واحد وقايلها انه اخته عندها جاكوار وبتاخذ ولد ...... يعني كلهم على بعض عيال فلووووس وقايلها انه كل صيف يسافرون وعندهم بيت شقه بلندن واسبانيا وسويسرا

 

[um-aljod]

رايكم يا بنات


:aha:


وان شالله بنزلكم باجي القصه