رفيجات حماتي الى متى !!!؟ .... الموضوع وصل حده

[malekatsabaa]

انا اذكر ان امي يوم كنت بالثانويه وحتى الجامعه وحتى يوم اتزوجت(تصوروا)
مااااااااااااااااااااااااااااااااااااااااا تخليني ازور ارفيجاتي الا من عند الباب اذا في شي سلم واستلم لووووول

أمي كانت اتبالغ بخوفها علينا ... بس هذي(أمهم) مهيته بناتها .. حتى لو الناس معرفه .. ما تقول عيب؟؟؟؟

نصيحتي..

لا تكلمين خالتج ولا حماتج ولااااااااااااااااااا ريلج!!
خليه ابروحه يتصرف من نفسه .. تر أغلب المشاكل عادة يقطونها براس الجنه!!

 

[سبائك]

ماعطاها ما عطا امي قبل اترجااااااااااها اروح حق رفيجتي أزورها مع أن بيتهم كله بنات ما عندها الا أخو واحد كان نتفه حزتها

والله لو ريول بالسما وريول بالأرض ما ترضى

وبصراحه هذي التربيه العدل....عيل اهيت بناتي ببيت ناس غرب 24 ساعه شنو هذا!!!!

الحين نيي حق الحل

لا تكلمون خالتج ولا حماتج

تدرين شتسوين.....

لا تنزلون لا أنتي ولا ريلج وحاولوا تكلمون حماج بعد يسوي مثلكم

يعني خففوا نزلتكم تحت عند خالتج كثر ما تقدرون

لما تستنكر الوضع وأذا سألتكم شفيكم قولوا لها بصراحه احنا ما نرتاح بوجود هالبنات عندج ما ناخذ راحتنا وياج

وأن شاءالله يتعدل الوضع عاد يمكن خالتج حزتها تكلمهم او تخلي حماتج تكلمهم

وعلى فكره مثل ما قالو البنات ترى امهات 19 و 17 مو صغار حريم الي كبرهم متزوجين وعندهم عيال ديري بالج على ريلج منهم ولا تعتمدين على كلمة يهالو ترى هذيل بنات بعمر خطر ما تدرين مدى خطورة تواجدهم المستمر تحت عيون ريلج وحماج

 

[نواره الحلوة]

وعليه يمكن خالتج حاطه في بالها ان بنتها ورفيجاتها جدام عينها أحسن من الهياته بره بالسكيك مثل بنات هالأيام خصوصاً انها مره عوده ... بس انتي لا اتبطلين حلجج بهالموضوع أهم أخوان واختهم وأمهم ينيازون ... وأقول اللي قالوه البنات قبلي هذيله حريم مو يهال أكو بعمرهم عندهم اعيال ولابد يجي يوم رياييلكم ابطلون اعيونهم خاصة انج اتقولين انهم ميانه وجنهم قاعدين في بيتهم يعني يوم اتكون وحده منهم منسدحه ولا امجندسه واتعرفين ما تنحط النار يم الحطب .....

 

[brettey]

والله انا اقول مالج شغل فيهم كيفهم

 

[math2020]

شنو هذا بنات اخر زمن
شنو يعني اتيب البيت وتقعد بالصاله شنو معناته ؟؟؟؟؟؟؟؟؟؟؟؟؟
الصراحة لازم احد ايكلمها او تقدرين اتكلمين حماتج مافيها شي على الاقل تقعد ابدارها

 

[ايام وحنين]

بصراحه هذولي مايستحون ولا ويقولون ابونا حجر عيل لو موحجر شكانو بيسون اكثر من جذي اتوقع بياخذون غرفة ابيتكم ويقعدون على طول اقامه ابديه تبين الصج الله يعينج عليهم هذولي مغثه وديري بالج على زوجج منهم تراهم مو يهال اللي قدهم متزوجين وعندهم عيال يعني هذولي كل شي يعرفونه ..
وانتي ديري بالج تتدخلين بأي شي اذا صار شي ماشيات قالو انتي السبب..والله يكون بعونج حاسه فيج

 

[whm]

لا اتحجين لا تنقلب السالفة عليج وشكلهم قاعد يرسمون على حماج

 

[Fiorenza]

هلا بنات والله وايد استانست من تفاعلكم مع موضوعي
قبل شوي قعدت اسولف مع حماتي عادي لاحظت انها وايد متعلقه بهل بنات ووايد تمدحهم المشكلة انهم رفيجات ثانويه واحده وعلاقتهم زادت هال الايام والامهات تعرفوا على بعض.....

حتى خالتي تمدحهم وتقول انهم من النوع العشري يعني لاحظوا عندهم انه هالناس توووووب!!! وامهم كل فترة دزت نقصه ومن هالحركات

انا سولفت حق امي وامي تقول يمكن صج اهما من النوع اللي ماعندهم حيا ولا سنع ونيتهم لقوا مكان يبسطون فيه وسوالف ويمكن ويمكن يعني صعب اتكلم بنيتهم انا قعدت معاهم شخصياتهم بنات على مراهقات يعني ماحس انهم حريم وفاهمين علشان جذي انا مستغربه من خالتي وايد معطتهم ويه!!

ريلي فقير يرقع حق امه لانه اهوا من داخله يلومها انا حسيت جذي

فمادري شرايكم افتح معاه الموضوع واقوله كلم خالتي !!!!؟

لانه صعبه اسكت

حتى حماي متحلطم يقول جنهم زودوها مو بالعهم كلش!!!! بنظره انهم ماكو سنع

 

[Fiorenza]

ماعطاها ما عطا امي قبل اترجااااااااااها اروح حق رفيجتي أزورها مع أن بيتهم كله بنات ما عندها الا أخو واحد كان نتفه حزتها

والله لو ريول بالسما وريول بالأرض ما ترضى

وبصراحه هذي التربيه العدل....عيل اهيت بناتي ببيت ناس غرب 24 ساعه شنو هذا!!!!

الحين نيي حق الحل

لا تكلمون خالتج ولا حماتج

تدرين شتسوين.....

لا تنزلون لا أنتي ولا ريلج وحاولوا تكلمون حماج بعد يسوي مثلكم

يعني خففوا نزلتكم تحت عند خالتج كثر ما تقدرون

لما تستنكر الوضع وأذا سألتكم شفيكم قولوا لها بصراحه احنا ما نرتاح بوجود هالبنات عندج ما ناخذ راحتنا وياج

وأن شاءالله يتعدل الوضع عاد يمكن خالتج حزتها تكلمهم او تخلي حماتج تكلمهم

وعلى فكره مثل ما قالو البنات ترى امهات 19 و 17 مو صغار حريم الي كبرهم متزوجين وعندهم عيال ديري بالج على ريلج منهم ولا تعتمدين على كلمة يهالو ترى هذيل بنات بعمر خطر ما تدرين مدى خطورة تواجدهم المستمر تحت عيون ريلج وحماج

سبائك والله امج صح وانا امي كانت جذي ومازالت اذا في شي غلط ترشدني:tek:
علشان جذي انا تعجبت واستنكرت تصرفهم

وخزيااااااااه عيب:eh_s(14):

 

[<<love>>]

امبيييه مو حلو جذي 24 ساعة اب بيت الاوادم شنو ما عندهم شغل كلش احس ان حماتج و خالتج معطينهم ويه وايد
فتمادوا اوكي خل ايوون حياهم الله بس عاد مو جذي و مثل ما قالوا البنات انتي لا تتدخلين كلش و موفقة حببتي

 

[♥ąϻᴑŁ♥]

واااي

الله يعينج ..

حبيبتي حطي بالج منهم ..!!

لزقتهم مو طبيعيــــه ..

كلمي ريلج يكلم امه واخته بس انتي لا تتكلمين ..

واذا بتكلمووونهم كلموهم بالهداوة

وربي يعينج

 

[القطانيه]

انتي طلعي من السالفه احسن خلي الموضووع بينهم

 

[Q8ia_100%]

مالج شغل فيهم لا تنكرهين
دام انه لج الدور اللي فوق ومحد شال قشه وياج خلاص مالج حجي على حماتج ولا خالتج
حتى ريلج اذا بغى شي من امه يدش وياها دارها او يدق عليها او تييكم تشرب استكانه جاي

تفادي المشاكل ولا اتدخلين بحياة حماتج

 

[.. مـــلاكـ ..]

ريلج خل يكلم امه مافيها شي هذي امه و بيتهم و من حقة بقولها ان عيب و مو عاجبه الوضع
بس انتي وخري عن الموضوع اهو خل يتكلم واخوه ..
والله يهديهم شاللزقة !

 

[sara bent elkuwait]

اختى هذا بيتهم ولهم مطلق الحرية فى استقبال من يشاؤون وفى اى وقت 000مادام لم يصعدوا للدور الى انتى فية 0اهما راضين حماتك وخالتك ومو منزعجين 00ولا تتكلمين لا تطلعين بصورة شينة دعى الامور تمشى

 

[أم أنور]

سمعيييييييييي كلااااااااامي انا قاعده في بيت حموولتي وييييييييييييييييع اتذكرت هالسالفه كنت حيل اتضايق لما اشوف رفيجات حمواتي يسلمون على ريلي وحتى خالتي لاحضت واخر شي قاموا يتيمعون بالدوانيه يعني مو بالصاله اللي انمر فيها
الحمدالله خالتي افهمتها بس انت اتقولين انهم مستانسين ترا والله مافيها شي اذا ريلج كلمها خل يقولها يقعدون ابدار حماتج ولا مكان صاد عنكم
وااااااااااي الله يعييييييييييينج

 

[البيداء_77]

واااااي الي يعيش ياما يشوف اخاف يبون حماج يخطبهم لوووووووووووول

 

[سمبوسة]

والله انا أشوف ان حماتج هذا بيت أبوها وتقدر تستقبل فيه اللي تبي واذا البنت ما سوت اللي تبيه في بيت أبوها وين تسويه عيل في بيت حمولتها؟ مادامهم ما يصعدون لي شقتج خلاص ما عليج منهم , حماج متضايق منهم هو يكلم اخته أو امه انتي طلعي منها أحسن لج انت ما لج كلمة على الناس في بيتهم ترى بتطلعين بالشينة يعني تخيلي العكس لو انت في بيتكم وتقولج مرت أخوج والله لا تقعدين انت ورفيجاتج بالصالة تضايقوني!!! بتقولين هي شكووو بيت أبوي وكيفي وتعرفين سوالف الحريم بعد ما له داعي أقولج يعني لو ريلج تكلم على طول بيقولون مشيشته فحتى ريلج لا تتحلطمين عنده واذا بتقعدين مع خالتج خليها تصعد عندج ما فيها شي والله يهدي الجميع

 

[وين^العهود]

خلي ريلج يكلم امه واخته

ويفهمهم ان لكم خصوصيه ولازم يحترمونها

وياحلووو الزواره الخفيفه

 

[عاشقة الرشاقة]

نصيحتي لا تدخلين خل ريلج اهو الي يتحجى امه واخته ويمون عليهم وبس

نفس الراي