رفيجآتي كلهم "زباله" نكـرمون !

[* شوية أمل *]

السسـلاممَ

بـ دخخل بـ المووضوع على طوول ....

أنا على أني اجتماعيه ححيل بس ماعندي رفيجه اللي ينقال عنها "أخت دنيا" وبـ Best Friend
عنندي رفيجآت لـي الرآس بس كلههمم هههيآطط
مالققيت اللي يرتاحح لها قلببي واللي نفس شخصيتي يعني والله ماني قادره اتوالم مع ولا بنت بالمدرسه
ورفيجاتي القديمات طلعوا كلهمم مصلحجييياتت
وبـ البيبي أم يدزون بي سيات عن بعض وأنا ما يكتبون أسممي !
يعني والله ححقيرآت
ولا بغوآ شي شلونج شيوخخ حيآتي ومادري شنو ويقولون اللي يبونه يعني والله عمره ما وحده منهم قالت شلونج شخبارج وبس لا لازم وراها طلب ولا شي ولا سؤال ....

انا صارلي على حالي من بداية السنه العامم
يعع صرحت أكرهمم وما يمروني بالفرصهه يعني سككب تخيلوآ !
وانا ما اقولهم طقاق اهم شي كرامتي
وفجأه ينزل عليهم حب لي يعني والله ماني عارفتلهم ولايعه جبدي منهمم
وصج صج حسيت بالوحده السنه اللي طافت صرت امشي مع عوير وزوير ....
ولححد الآن مالقيت لي الرفيجه اللي على قلبببي ....
يعني اذا قلتي أسمي بـ المدرسه الكل يعرفني واعرفهم كلهم بس ما ينقالهم "خوات دنيا"
انا مابي رفيجات ابي رفيجه وحده بس والله ماطلبت شي
بس مآكوو ....
شسوي المدرسه ما بقى لهآ شي وللحين ما لقيت لي الرفيجه اللي على قلبي ولا ظنتي أني رآح ألقى ,,,

والله المستعان : )

 

[Tom ♥ Jerry]

,


آذا يولج وقت المصلحه لا تعطينهم الي يبون ..
بتلقين الرفيجه الزينه لا تحآتين

آلله كريم

 

[لآلئ وردية]

عادي حبيبتي

انا بعـد ما عنـدي وجده كلوز

الله يرزقنـا

^_^

المهـم علاقتـج زينـة تكون مع الكل

و تنذكريـن بالخيـر​

 

[هناء - Hana]

(وقت المصصالح تجيك الكلاب مششتاقة)ششششكثر هالنوعية منتششرة عندي انا بس لللمصصالح!!بس الحمدالله رفيجاتي صوب وهذيلا صوب الحمدالله..
وطنششيهم قوليلهم اذا تبيني بشيء قولي من الحين مصلحة او شيء فششليها..وموفقة؛*

 

[dndona_94]

للاسف الحين بزمنا هذا اغلب الناس جذي ... يعني الحين العلاقات صارات انتي وحظج

 

[oshi_q88]

آنآ عن نفسيُ مآعندي صديقآت ومرتآحةة
يكفيُ خوآتيُ وبنآت آهليُ ععآدي يعنيُ
ككآن عندي صديقآت ولمآ جيتً الكويت تركوني مدري ليشَ
حتى مره كلمتهم تلفون قلت لصديقتي عندش بلاك بيري تقول لا وهي كذآبةة
بنت خآلتي ششآفتهآ معهآ بلاك بيريُ بسً فييية نآس مريضة يبونش وقت المصلحة
فكذآ آريح راسسي ولا آكون صدآقآت الا زمآلة بدرآسة بسً

 

[ms_kakawa]

وقت آلمصآلح تجيك آلكلآب مشتآقه ،​

 

[شقآوه أنثى]

حتاااتي ... عآدي والله هالاشكال وايد
وبتعانين على ماتلقين رفيجه عمرج

بسسس لو يولج بوقت المصلحه لا تعطينهم شششي

وكا سويت لج فالو بتويتر :$$

 

[عادت ذكرياتي]

أهم شي تكون علاقتج زينة مع البنات عشان يذكرونج بالخير بإذن الله


والله يرزقج بالرفجة الزينة الصالحة هذا أهم شي اللي تصونج وتنصحج ^_^

 

[دلوعة أبوهآ]

خلي علآقتك سطحيه مع الكل
واللي تجيكِ وقت الحاجه والمصلحه طنشيهآ ولاتعطيها اللي تبيه ..

 

[محلله ماليــه]

هلا حبيبتي موضوعج طويل

خليني اكلمج ابرنامج kik :

نكي : 3saLia

 

[نمله معضله]

اب اب اب

 

[عاشقه رويشد]

انا ويه البنات طنشيهم

 

[كويتية-رزة]

اللحين تفولين تتعرفين اغلب بنات المدرسه يعني اكيد فيهم وحده زينه وتصلح صديقه
واذا مالقيتي منهم ولا وووحده كلششششش يمكن المشكله منج راجعي نفسج

واهم شي راحه بالج و انج مرتاحه ماعليج من احد واللي مايبيج انتي
ماتبينه شدعوا حارمينج من الجنه اللي جذي يفشلون اصلن المصلحجيات مايستاهلون ترافقينهم..

 

[^^ NoOr ^^]

الله كريم حبيبتي
والله حتى انا نفس حالتج قبـل واذا جيت اكلمهم يقولون انتي دورين ربع بس والله الحين انا اللي اقولهم انتو دورون ربع صدقيني الدنيا دوارة باجر يبون يجونج وقولي ماقالت نـور

 

[a3sh8k]

انتي مثل حالتي بالضببط ؟؟

بـــــــس الحمدالله انا تخرجت لمن كنا اخر السنه تهاوشت مع رفيجتي وكلهم قاطعوني عشانها مع انها ماتستاهل ..

وانا من شفتهم جذي ابتعدت عنهم ولقيت رفيجات يسسووونهم ويسسسووون طوايفهم وحده ورى الثانيه ...


بـــــــــس لي الحين اهم معاي بالبي بي ام فققططط لا غير لان العششره ماتهون سلام عليكم وعليكم السلام غير هذا مايستاهلون كلششششششششششش ..


النوعيه هذي مايمشي معاها الا جذي ..

 

[لميس نفسي]

واضح ان انتي ماتعرفين تكونين علاقاتج


لان قلتي مع (( زوير وعوير ))

 

[@اللهم فرج همي@]

تفاألوا بالخير تجدوا
والله سبحانه وتعالى عند حسن ظن عبده فيه
وكلي امرج لله
وقوليه عساها تكون سنة دراسية خير عليج
وممكن تلاقين بنت زينه ان شاء الله وتناسبج
بس ديربالج خلي اسرارج الخاصه لنفسج
ورافجي بنات روحي للزينين والشطار
صدقيني بتلقين منهم الي تنصحج وتخاف علي دراستج وتتفاهمون باذن الله
بس انتي توكلي علي الله واعملي بالاسباب يعني دوري بنت زينه

 

[Alias]

شنو المواصفات اللي تبينه بصديقتج اكتبيها بورقه. وشوفي اي وحده بمواصفاتها دوري عليها لا تخلين صداقتج بالصدفه اي وحده تكلمج تكون صديقتج

 

[Nanoosa]

راح تلقين لا تستعيلين

انا طول عمري من ايام المتوسط رفيجاتي (او خل اسميهم زميلات) كانو يكلموني مصلحة

اذكر كله قاعدة بروحي و كرهت نفسي حسيت ما راح القى رفيجه كلش

تصدقين ما لقيت الا بعدين تقريبا من كنت ب11 بس مو معاي بالمدرسة تعرفت عليها صدفة

الحين صارلنا 4 سنين مع بعض و الله انا معاها نسخة وايد اشياء نحبها مع بعض و نكرهها مع بعض

لازم اكو وحدة نفس مواصفاتج لا تقولين ماكو انا هذا كان تفكيري

و على قولتهم كل تأخيرة فيها خيرة