رفــــيــــجــــتــــي مـــا تـبـــي تـتـزوج الا اذا كان المتقدم..................؟؟

[$بنت الأمير$]

ليش اهيا خايفه تكلم امهاا ترى الام قلبها كبير وبتحتويهاا خليهاا تترك الخووف المووضوع ما يبيله شي و اهلها بعد موو غاصبينهاا وتكلم امها يعني تعدل الجوو تقعد بغرفه وياا امهاا بحيث ان البنت تاخذ رااحتهاا وماكوو احد يقطع حديثهم اويشغل امهاا عنهاا وتبدي بالموضوع يوماا انا عندي سر بقوله لج وما قلته حق غيرج ادري بهدنيا ماكوو احد يفهمني كثرج وانتي يوما عااقل وحكيمة ولكل ياخذ براايج وانا مشكلتي .............. شوري علي يوما
قولي لرفيجتج شنوو اسواء شي بتسوويه امج ...... بنهاايه ماارااح تذبحج
على العمووم الله يكتب لها اللي في خير
وتقبلي مروري
​

 

[Maryam]

مسوية قصة من ولا شي

كاتبته الغاز يعني

لا تتزوج مو ضروري

 

[بحر الرمال]

يعني نفس الشخص اللي يقول ابي اروح مطعم بس ماراح اطلب شي!
اهي من الاساس لا تتزوج
و انا مستغربه من شغله بالموضوع, هديتي الموضوع الرئيسي و اهو انها تبي عقيم و ركزتي عالموضوع الهامشي اللي اهو شلون تقول حل امها! تقولها بالكلام او تدز لها بالبريد مافرقت
المهم من ناحيه انها تبي عقيم انا اقول في حلول ثانيه:

1-انها ما تتزوج
2-انها تاخذ شايب
3-تاخذ مطلق و عنده عيال
4-ارمل
5-تاخذ متزوج و عنده عيال

و حتى هذول هم يمكن ما يرضون فيها الله يعينها

 

[coralia]

غريبة ؟؟ لازم امها تتكلم معاها لان صج شى غريب

 

[أو عبوش]

خل تروح تتعالج عند طبيب نفسي .. موقاعده اعيب عليها لا والله بس صج يمكن اهي خايفه من شي ومو عارفه شلون تفسره... وامها انا اقول لا تصا لاتصارحها لا ماراح ترضى بهالكلام


ضللي ردي اللي فوق

 

[noo7a]

شي غريب
في وحطه بالدنيا ما تتمنى ظفر ياهل و يناديها ماما
على العموم في وايد مطلقين عندهم عيال و مايبون بعد
و بعد في وايد منفصلين بسبه العقم عند الرجل و انا اعرف شخصيا واحد عقيم تطلقت زوجته منه بسبب هالشغله و تزوج وحده كانت مريضه و شايله رحمها عشان ما يظلمها معاه بهالشغله
صعب تصارح اهلها بهالموضوع الا اذا كبرت وايد بالعمر و قلو خطابها

 

[قـہۈه فـرنسيـہ™]

الله يهديها ويصلحها .... خلاااص دام تبي واحد عقيم لا تتزوج .... مثل اللي تقوول جيبوا لي لبن العصفور

 

[عيون منوعه]

هلآ هلآ مسااء الخيير حووبي

انا مافيني اقولج شنو داخلها او شنو تفكر فيه
بس آكيد في سبب خلاهآ تحط الشرط !!
والله من رايي واحد كبير عاقل يقعد معاها و يتفاهم
و يعرف الموضوع منها صح ,,
لأن شرطها صعب حييل
و بنفس الوقت يعني هذا زواج و القرار بيدها اهيا , عشان عقب لا تزوجت و لاسمح الله مانجح الزواج ما تقط السالفه على اهلها !!

,,

​

 

[غربة ملاك]

ناس فاضيه !!!!

استغفر الله ...

 

[زهراء 24]

طلبها حييل غريب اكو وحده بالدنيا ماتتمنى يكون عندها ياهل
ماكو احلى من اليهال مدام ماتبي يهال خلاص لا تتزوج


​

 

[**ميووووش**]

لاحول لله شي غريب احد مايحب شعور الامومه الايام بتعلمها

 

[ڕۆۆحــي ڣــڍااگ]

لاحول ولاقوة الا بالله
ماراح اعلق

 

[so_what]

الحين اهيا عقب ما حطت هالشرط فبالها مو قادره تفاتح امها بالموضوع ؟؟لازم تقول حق امها لان ماتوقع امها بترضى بهالشي !!واذا انتي رفيجتها من عمر وتمونين عليهم كلمي امها،واكيد راح تحاول تغير فكره بنتها وتعرف الأسباب

 

[*بسبوسه*]

يمكن اهيا عقيمه وتدري بنفسها عشان جذي طلبت هالطلب

وخليها براحتها كل واحد له قناعاته
والبنت صريحه تبي تريح رجال عقيم وتكون له زوجه صاحه

خلو الناس يختارون اللي يبونه وقدمي لها نصيحه بسيطه وهي كيفها

 

[كتكوته غنوجه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[~Mazuna~]

انتي رفيجتهاا قعدي معاهاا عرفي السبب مسستحيل هالششرط يطلع من عبث لااازم في سبب

يمكن صايرلها شي

وشضمنها لما تتزوج واحد مايب عيال ماراح تحمل؟ انااا شكثر اعرف ريايل متزوجين سنييييييييييين وببعدها ياابواا عيال او تزوجو مره ثانيه وحريمهم حملوا من اوول شهر

اذا الله كاانت لها تييب عيال بتيييييب خذت عقيم ولا غييره

 

[+بسبوسة+]

دقي على امج اقصد امها وقولي السالفة

 

[LuLiTa]

بصراحة شرطها غريب !!

اذا تبي امها تدري فـ ماكو الا طريقة وحده اهي انها اتكلم امها ,, هذي بعد ما يبيلها كيري ميري ,,, و انتي خلج بعيده عن السالفة ,, الام و بنتها يعرفون يتفاهمون مع بعض ,,,

 

[Meowah]

حبيبتي
شي طبيعي ان اي احد يبي شرط هذا اولا
ثاني شي
اذا بغت تصارح لامها
بس بسألج سؤال اهيا تعرف بينها وبين نفسها ليش تبي عقيم ولا بس جذي خوف
اذا مافي سبب لازم تعرفه
واذا في سبب تبي هالشي
شي طبيعي
تاخذ اهمها وتقعد معاها بروحهم وتكلمها بكل صراحة بالمنطق
تقول لها ليش تبي واحد ما اييب عيال لا تستحي ولا تخاف ما اتوقع ان شي عيب ولا غلط ولا فيه شي
والام ستر وغطى مو غريبة
بس خل تكون شاطرة بطريقة الحوار وشلون تكلم اميمتها (تعرف مايتها اكيد)

وانا اتوقع اتخاف من الولادة مو شرط انها عايشة حياة تعيسة
او انها شافت شي وكشت
لازم لازم لازم يا اختي السبب ينعرف قبل لا تقول حق اميمتها
واللي قلتيه بس لا احد يعرف يا عمري جذي خليتها تخاف اكثر لا شعوري

والله المسهل
ومثل ما قلتلج اذا ماتدرون شنو السبب لازم ينعرف واذا في شي عادي تروح تقوله

سهالات ان شاء الله
والله يرزقها بالريال الصالح وان شاء الله ما يكون عذر تتهرب عن طريقه من الزواج(هذا ممكن يكون سبب بعد)

واي شي تبونه او احتجتو شي انا حاظرة
أختكم مياوة

 

[عاشقة هواك]

اب اب