مساء الخير ... هذي أول مرة أشارك فيها بالمنتدى وحابة آخذ رايكم بموضوعي وأستفيد من ذوي الخبرة والتجربة منكم 
صارلي سنتين تقريبا متزوجة، وزوجي كان ماخذني عن حب. وبصراحة فيني صفات حلوة وباعتراف منه هو شخصيا إني طيبة ومتسامحة ونظيفة وأهتم بشكلي وبيتي وثيابه .. إلخ، ولكن مشكلتي الوحيدة إني عصبية جدا، وهالشي صارلي فترة قاعدة أشتغل على عمري عشان أقلل من موضوع العصبية.
المهم، إن زوجي من النوع إللي أمه تقدر تأثر عليه بكلمتين، تدخل بحياتنا بطريقة غير مباشرة وقلبت ولدها ضدي وحسيت باستفزاز شديد منهم، وتدخلها بحياتي كان ينرفزني وأنا بفترة كنت أحاول أعالج فيها نفسي من العصبية ومحتاجة مساعدته ودعمه لي، بس للأسف ما لقيتهم، وبدال ما أهدى صرت بركان ثائر من حركاتهم المستفزة.
المهم، زوجي صارله فترة متغير علي. مهما أحاول أرضيه وأدلعه وأسايره مافي فايدة، واعترفلي أخيرا إنه مو طايق عيشته معاي وانا وهو وصلنا لطريق مسدود، بس طلب مني إني أخلع عشان لا يدفع المؤخر. ورفضت، قالي عيل تحمل المعاملة اللي راح أعاملج فيها. أنا كان عبالي إنه معصب وراح يهدى، بس ظل تقريبا 5 أشهر يعاملني معاملة جافة، ما يصرف علي، يطلب مني أصرف على نفسي وأدفع جزء معاه بالبيت، نايم بالصالة على طول، ولما أطلع أنحرق من لبجي عشان ينام بالغرفة ما يرضى، وعلى طول معصب وعلى طول مكشر ... إستخدمت معاه كاااااااااااااااااافة الوسائل الأنثوية وتحاملت على نفسي واااااااايد منه ومن أهله، بس ماكو فايدة. ووصلت لدرجة ماني قادرة أتحمل أكثر، وسألته إنت شنو اللي تبيه بالضبط. قالي: انتي وحدة ما عندج كرامة، ولو عندج كرامة تحسين إنج عايشة مع واحد مو طايقج. يعني باختصار يبيني أخلع. طبعا اضطريت أقول حق الأهل، وأهلي رفضوا نهاااائيا الخلع وقالولي ييبي أغراضج وتعالي البيت وسمعت كلامهم، صراحة كرامتي حسيتها انجرحت.
المهم 5 أيام ما يسأل عني، قلت حق عمري خليج بنت أصول وروحيله البيت. رحت البيت، وأبطل مفتاح الباب ما يبطل. طلعت أمه ياية شقتي ومغيرة مفتاح البيت، وطردتي برة وما رضت تعطيني أغراض البيت والأثاث اللي أنا كنت شاريته على حسابي الخاص، وسمعتني كلام يشيب الراس ... طبعا أنا مسحت فيهم كلهم الأرض (وزوجي) معاهم وما قصرت بالكلام، وحاشهم ذهول لأن أول مرة أمه تشوفني بهالطريقة .. وأخته وأخوه لما ما عرفوا يردون علي جان يبطلون موبايلاتهم يصوروني ويسجلون صوتي .. كل هذا وهو واقف ولا تحرك .. المهم رديت بيت أهلي، وبعدها بأسبوع اكتشفت إن ناقلين أثاث البيت كله إلى شقة ثانية مادري وينها. (وأنا على فكرة ما عندي منه أطفال)
هني أنا ينييييت، قمت رحت المحكمة ورفعت قضية نفقة، وطلاق للضرر، واسترداد أغراضي، ورحت سجلت إثبات حالة إنه مغيرين قفل الباب، وسجلت ضدهم قضية سب وقذف، لأن أمه وأخوه أهانوني وقالولي كلام وايد جارح.
وهذاك طبعا، ما لقى شي يسوي غير إنه راح رفع قضية طاعة.
شنو رايكم بنات؟؟؟ تعتقدون في أمل للرجعة بعد اللي صار؟ مع إن قلبي وااااااااااايد متحامل عليه هو وأمه وأهله كلهم بسبب إهانتهم لي وانتقاصهم حقي، خاصة إن الله تعالى قال فإمساك بمعروف أو تسريح بإحسان، وزوجي صراحة لا هذا ولا هذا. والله انا ما رفعت القضية عشان المؤخر ولا المادة .. أنا رفعتها من قهري على نفسي وعلى كرامتي اللي جرحوه
ممكن تفيدوني هل كان تصرف صحيح مني إني أرفع قضية الطلاق للضرر ، لأن ترى الطلاق ماهو سهل. ولا هل فيه حلول ثانية كان ممكن أسويها ؟؟ شنو رايكم ؟؟؟ا
صارلي سنتين تقريبا متزوجة، وزوجي كان ماخذني عن حب. وبصراحة فيني صفات حلوة وباعتراف منه هو شخصيا إني طيبة ومتسامحة ونظيفة وأهتم بشكلي وبيتي وثيابه .. إلخ، ولكن مشكلتي الوحيدة إني عصبية جدا، وهالشي صارلي فترة قاعدة أشتغل على عمري عشان أقلل من موضوع العصبية.
المهم، إن زوجي من النوع إللي أمه تقدر تأثر عليه بكلمتين، تدخل بحياتنا بطريقة غير مباشرة وقلبت ولدها ضدي وحسيت باستفزاز شديد منهم، وتدخلها بحياتي كان ينرفزني وأنا بفترة كنت أحاول أعالج فيها نفسي من العصبية ومحتاجة مساعدته ودعمه لي، بس للأسف ما لقيتهم، وبدال ما أهدى صرت بركان ثائر من حركاتهم المستفزة.
المهم، زوجي صارله فترة متغير علي. مهما أحاول أرضيه وأدلعه وأسايره مافي فايدة، واعترفلي أخيرا إنه مو طايق عيشته معاي وانا وهو وصلنا لطريق مسدود، بس طلب مني إني أخلع عشان لا يدفع المؤخر. ورفضت، قالي عيل تحمل المعاملة اللي راح أعاملج فيها. أنا كان عبالي إنه معصب وراح يهدى، بس ظل تقريبا 5 أشهر يعاملني معاملة جافة، ما يصرف علي، يطلب مني أصرف على نفسي وأدفع جزء معاه بالبيت، نايم بالصالة على طول، ولما أطلع أنحرق من لبجي عشان ينام بالغرفة ما يرضى، وعلى طول معصب وعلى طول مكشر ... إستخدمت معاه كاااااااااااااااااافة الوسائل الأنثوية وتحاملت على نفسي واااااااايد منه ومن أهله، بس ماكو فايدة. ووصلت لدرجة ماني قادرة أتحمل أكثر، وسألته إنت شنو اللي تبيه بالضبط. قالي: انتي وحدة ما عندج كرامة، ولو عندج كرامة تحسين إنج عايشة مع واحد مو طايقج. يعني باختصار يبيني أخلع. طبعا اضطريت أقول حق الأهل، وأهلي رفضوا نهاااائيا الخلع وقالولي ييبي أغراضج وتعالي البيت وسمعت كلامهم، صراحة كرامتي حسيتها انجرحت.
المهم 5 أيام ما يسأل عني، قلت حق عمري خليج بنت أصول وروحيله البيت. رحت البيت، وأبطل مفتاح الباب ما يبطل. طلعت أمه ياية شقتي ومغيرة مفتاح البيت، وطردتي برة وما رضت تعطيني أغراض البيت والأثاث اللي أنا كنت شاريته على حسابي الخاص، وسمعتني كلام يشيب الراس ... طبعا أنا مسحت فيهم كلهم الأرض (وزوجي) معاهم وما قصرت بالكلام، وحاشهم ذهول لأن أول مرة أمه تشوفني بهالطريقة .. وأخته وأخوه لما ما عرفوا يردون علي جان يبطلون موبايلاتهم يصوروني ويسجلون صوتي .. كل هذا وهو واقف ولا تحرك .. المهم رديت بيت أهلي، وبعدها بأسبوع اكتشفت إن ناقلين أثاث البيت كله إلى شقة ثانية مادري وينها. (وأنا على فكرة ما عندي منه أطفال)
هني أنا ينييييت، قمت رحت المحكمة ورفعت قضية نفقة، وطلاق للضرر، واسترداد أغراضي، ورحت سجلت إثبات حالة إنه مغيرين قفل الباب، وسجلت ضدهم قضية سب وقذف، لأن أمه وأخوه أهانوني وقالولي كلام وايد جارح.
وهذاك طبعا، ما لقى شي يسوي غير إنه راح رفع قضية طاعة.
شنو رايكم بنات؟؟؟ تعتقدون في أمل للرجعة بعد اللي صار؟ مع إن قلبي وااااااااااايد متحامل عليه هو وأمه وأهله كلهم بسبب إهانتهم لي وانتقاصهم حقي، خاصة إن الله تعالى قال فإمساك بمعروف أو تسريح بإحسان، وزوجي صراحة لا هذا ولا هذا. والله انا ما رفعت القضية عشان المؤخر ولا المادة .. أنا رفعتها من قهري على نفسي وعلى كرامتي اللي جرحوه
ممكن تفيدوني هل كان تصرف صحيح مني إني أرفع قضية الطلاق للضرر ، لأن ترى الطلاق ماهو سهل. ولا هل فيه حلول ثانية كان ممكن أسويها ؟؟ شنو رايكم ؟؟؟ا
