رشحو لي احسن اساس للبشره الدهنيه

[وردة حبيبها]

شخباركم بنات
ابيكم تساعدوني باحسن اساس للبشره الدهنيه اقدر استخدمه للمناسبات ؟؟

:yaaaaaarb::eh_s(7):

 

[غـرامـي أنـت]

ديووور حيييل ناسبني وانا مثلج بشرتي دهنيه

وو بوبي براون حلو بس اخف من ديوور

 

[brettey]

ديور نيود او ايستي لودر دبل وير العادي الي بالقرشه الزجاج للمناسبات تمام لان قطاوي بشرتها دهنيه تستخدمهم
وللايام العاديه بوبي براون

 

[وردة حبيبها]

مشكوورين
بس كاني سمعت ان تغطية ايستي لودر ثقيله و انا ابغى شي متوسط


و شرايكم بلانكوم ؟؟

وانتظر خبراتكم و تجاربكم بنات ..,,,

 

[pink ink]

لانكوم ما انصحك فيه يمكن انا ماناسبني او فيه مشكلة مااعرف
تغطيته ماتبرد القلب بصراحة
ممكن ينفع للايام العادية اما مناسبات ماعجبني بالمرة
لانكوم وغيره من الماركات الفخمة لاحظت تغطية الاساس فيهم مو لذيك الدرجة محتاجين بشرة مثالية 100%
انا بشرتي دهنية ولو اقولك ايش استخدم ومرتاحة عليه جدا ماتصدقي !!
ميبيلين دريم ليكويد تغطيته اكثر من ممتازة ومع انه كريم ثقيل لكن والله ماشفت معاه مشكلة التبقيع ولا يسيح ولاااشي
استعمل معاه بودرة كانيبو المضغوطة والنتيجة بيرفكت
جربت فورايفر وماك كل واحد منهم فيه ستين عيب مو عيب واحد
ماك مثلا اول ما تحطيه حلو بس تعالي بعد ساعتين وشوفي اللون كيف يتغير تحسي وجهك مغبر
فورايفر hd تغطيته فاشلة عندي ريفلون فوتوريدي افضل منه بمليون مرة
رغم ان كثير على اليوتيوب معتبرينه بديل لفورايفر لكن عن تجربة شخصية اشوف ريفلون بالنسبة لي تفوق على فورايفر
ديور كان زمان رااائع بس من فترة ست او سبع سنوات صار من اسوء الاساسات اللي مرت علي
بس البودرة المضغوطة من ديور مازالت في القمة
كذلك جيفنشي نفس الشي تغير كثير عن زمان
اذكر استعملت اساس من جيفنشي قبل كم سنة والله ما احطه الا ويسألوني ايش اساسك
ولمن خلص رجعت ادور نفس اللي اخذته طبعا انقطع ونزل غيره جديد جربته ماااعجبني نهائيااا
جيرلان يقولوا حلو انا للأمانة ماجربته لكن في مجموعة البرونز رائع فأتوقع باقي الشغلات بتكون حلوة والله اعلم
عموما بعطيكي خلاصة تجارب سنين طويلة
من الاخر كذا خذيها نصيحة ترى الماركات الثقيلة زي شانيل ولانكوم وديور والذي منه كثير رأيهم من رأيي فيهم
صارت مجرد اسماء ماركات وبس لكن الجودة ولاشي الا فيما ندر
جربي ميبيلين لو ماسبق لك تجربته اقصد الكريم السائل منه لو حابة التغطية مناسبة للسهرات
تقدري تتحكمي فيه من تغطية ثقيلة لمتوسطة وحتى خفيفة مريح في التوزيع ورطوبته تساعدك في التحكم في كميته وتوزيعها بسهولة
واستخدمي معاه بودرة ديور او كانيبو او اي بودرة من الماركات الفرنسية بتعطيكي تغطية مُرضية جدا ان شاء الله
انا عن نفسي مع ميبيلين بدون مبالغة قدرت استغنى عن الكونسيلر لاني اقدر اثقله عند المناطق اللي تحتاج تغطية
وفي النهاية ترى الاساس عشان يضبط لازم تكوني محضرة بشرتك قبله تنظيف و ترطيب وعناية
وحتى طريقة وضعه وتوزيعه لها دور كبير في نجاحه او فشله
سوري طولت عليك ياقمر

 

[om.googi]

وانتي مغمضة كريولان ,, 100% لكل البشرات

ويا حلاته وقت التصوير + وقت الرقص لا يسيح ويطول وما يبقع

حيل حيل حيل حلو ,, ​

 

[وردة حبيبها]

ماقصرتو حبايبي افدتوني يعطيكم العافيه
واطمح لسماع راي باجي البنات الله يوفقكم جميعا

 

[وردة حبيبها]

وعندي استفسار هل ينفع لبشرتي الدهنيه استخدم برايمر او بيس ؟؟
واي ماركة تنصحوني فيها