رساله الى زوجي

[qswa]

والله ياحبيبتي مسويه اللي قلتي عليه ومارد علي الله يهونها

 

[ليانn]

الله يجمع بينكم بس شوفي بقولك شي الرجال عامة ترا يصبرون على الحرمه ومايكرهها الا لشي قوي أو إنه يخزن سيئاتها في مخه لين آخر شي يفترقون

والحل إنك تصلين ركعتين وتدعين ربك ان ربي يحنن قلبه اما الرسايل خلاص لا ترسلين له

 

[دلوعه ززوجي]

ياقلبي الله يسخر لج والله مريت بحالتج. يمه قمه الخوف خوصوصنا اذا زوجج طيب حيل وحنون حيل ومايردلج طلب وفجا تهوشون ع سالفه سخيفه وبعدين تقعدين عند اهلج ونشتاقين حقه وحق بيتج وتكون بنتج بحضن أبوها تموتين من البجي. ودقين مايرد او يرد ويزف ويسكر السماعه بوجهج أنا قاعده عند اهلي اسبوع لاددق ولا سال وبعدين دقيت عليه قلت بنتك تبي حليب قال لا دقين أنا ما أبيج. الهمه قاعده اعصب وأقول ليش انتي يعني دور سب وانا وهو يعصب وانا اهدي شوي شوي يمكن قاعده اكلمه 5ساعات والحمد لله ربي سخره الللي ورجعنا حق بعض ماكو احسن من الزوج الطيب ربي يخالي اللي والبنتنا ويسخر زوجج لج وولدج ويارب تبشرينا برجعتج

 

[ام _خلودي]

الله يعينج ويصبر قلبج انا اقولج حبيبتي فرشي سجادتج وصلي وطلبي ربج كل ماضاق صدرج لا ترفعين تلفون وادقين لاا حياتي رفعي ايدج وطلبي من ربج وابجي ابجي ابجي فرغي كل فيج وانت بين ايدين ربج وصدقيني راح اتشوفين الراحه الا مابعدها راحه واذا ردته لج فيها خير راح يردلج صدقيني والله جربت هالشغله وخصوصا قيام الليل والله وربي انه مفتاح لكل باب مصكر باذن واحد احد

 

[الوفا غالي]

الله يرده لك
لو انا منك اروح البيت واهو بدوامه وارتب البيت واسوي الغداء واللبس واتكشخ
واللبس ولدي واستناه وقولي له اذا تبي تردني ردني علشان هالطفل الي ماله ذنب
وبوسي راسه وابكي الله يحنن قلبه ويسخره لك
وطمنينا ياقلبي
ووقفي المسجات علشان لما تروحين يكون مشتاق

 

[لمى...]

بشرينا ترا والله افكر فيج طمنينا عنج ان شاء رديتو

 

[تووكي]

حبيبتي ماقوول الا الله يلين قلبه ناحيتج وناحيت ولدج ويسخره لج باذن الواحد الاحدان شاء الله ومرينا باللي انتي فيه الحين اروح ازعل ساعه وبالليل انا بالبيت قاعده والله بنات اللي تبي حياتها مو على كل سالفه تدخلوون الاهل ترى ان دشوا الاهل بالموضوووع كبر حيييل وزاد عن حده ترى مافي اهل يرضون على بنتهم واكيد اذا جيتي تتشكين بيحرمونج وكرامتج كرامتج ماكووو غير الموضوع هذا عندهم اسمعي الكلام وحطي بقلبج واسكتي شنووو تسوين شلووون تصير الوحده صبوره على زوجها حتى هو لشاف زوجته كل زعله عنده تزعل ماتروووح بيت اهلها والله يجي ويرضيج بسرعه والله انا اذا زعلت عندي غرفت عيالي انام معاهم يجي بنفس الوقت ويرضينيوالله يوفقج

 

[noura ooo]

الله يشفيك من هالهوس .. خلاص مايبيك بعد غصب !!!!!!!!

 

[لمى...]

نورا يمه منج ليش جذي اسلوبج مع البنت البنت بدونج مجروحة وانتي ياية تكملين عليها شنو مايبيج غصب

كلنا مرينا بفتر زعل بين ازواجنا ويتغلون علينا وانتغلى عليهم بس انو مايبيها كلمة ترا قوية

وترا فوقج الله يحاسبج على هالكلام اللي تكتبينه ويعاقبج ويصيبج ماصاب الاخت صاحبة الموضوع

استغفر الله العظيم من هالأشكال

 

[صمت المرافئ]

عورتي قلبي
أكره ما على الانسان انه يحس انه غير مرغوب ومنبوذ
الله يسخره ويهديه
شوفي حبيبتي لا تذلين نفسج أكثر من جذي
اللي عليج سويتيه
لا تركضين وراه ولا تروحين له البيت
مثل ما يقولون بعض البنات
ما دام قالج بيطردج
نصيحة ... صلي صلاة استخارة
وادعي ربج إذا خير لج وله يرجعج ... ترجعين
وإذا خير لكم تتطلقون ... تتطلقون
خلي ايمانج بربج قوي
وصدقيني اتكلي على الله وسلمي أمرج له
ولا تنسين الدعاء في جوف الليل
عسى الله يكتب لكم الخير انتوا الاثنين
​

 

[fato0o0]

الله يعينج حبيبتي والله اني حاسه فيج بس بعض الريايل صعب ينسى وانا مجربه
فرشي سجادتك وادعي الي ما تنام عينه والله يفرجها لج ولي ولكل وحدة مظلووومة

 

[qswa]

الله يشفيك من هالهوس .. خلاص مايبيك بعد غصب !!!!!!!!

اي هوس تتكلمين عنه انتي ؟ انتي تدرين زوجي هذا مات مااااااااااات لين رضيت اتزوجه ؟ وعشان اني رضيت شاف نفسه علي وكل هوشه يبي يحطمني ؟ انتي تدرين انه اغلب هوشاتنا انه يبجي عندي مايبيني اروح واخليه ؟ انتي تدرين هاللي تقولين مايبيني انه كل يوم ينام بحضني نفس البيبي ويقولي نوميني ؟ انتي تدرين اللي تقولين مايبيني انه مايحط لقمه بحلجه الا اذا انا اكلت ؟ عشان جذي انا مابي اخسره وعسالله بهالليل وبهالوقت هذا انج اتجربين اللي جربته عشان ساعتها تحسين شلون بتفقدين شي غاااااااااالي عليج

 

[qswa]

بشرينا ترا والله افكر فيج طمنينا عنج ان شاء رديتو

للحين حبيبتي ماصار شي الله المستعان تكفين ادعيلي وباذن واحد احد اني ابشرج بامور زينه يارب الله كريم

 

[qswa]

نورا يمه منج ليش جذي اسلوبج مع البنت البنت بدونج مجروحة وانتي ياية تكملين عليها شنو مايبيج غصب

كلنا مرينا بفتر زعل بين ازواجنا ويتغلون علينا وانتغلى عليهم بس انو مايبيها كلمة ترا قوية

وترا فوقج الله يحاسبج على هالكلام اللي تكتبينه ويعاقبج ويصيبج ماصاب الاخت صاحبة الموضوع

استغفر الله العظيم من هالأشكال

ماعليه حبيبتي تغاضي عن هالاشكال القاسيه بس ان شاءالله راح اتجرب اللي جربته انا عشان اتعرف انه الله حق وحسبي الله ونعم الوكيل فيها

 

[qswa]

عورتي قلبي

أكره ما على الانسان انه يحس انه غير مرغوب ومنبوذ
الله يسخره ويهديه
شوفي حبيبتي لا تذلين نفسج أكثر من جذي
اللي عليج سويتيه
لا تركضين وراه ولا تروحين له البيت
مثل ما يقولون بعض البنات
ما دام قالج بيطردج
نصيحة ... صلي صلاة استخارة
وادعي ربج إذا خير لج وله يرجعج ... ترجعين
وإذا خير لكم تتطلقون ... تتطلقون
خلي ايمانج بربج قوي
وصدقيني اتكلي على الله وسلمي أمرج له
ولا تنسين الدعاء في جوف الليل
عسى الله يكتب لكم الخير انتوا الاثنين​

حبيبتي الموضوع مو انه اهو مو راغب فيني انا متاكده مليون بالاميه انه يموت فيني السالفه ومافيها انا مصدومه من اسلوبه معاي اول مره يصير جذي واول مره يكابر جذي ومايراضيني او يسامحني وعسى الله يهدي نفسه ويرجعه لي ياارحم الراحمين الله كريم ادعيلي اختي جزاج الله خير

 

[qswa]

الله يعينج حبيبتي والله اني حاسه فيج بس بعض الريايل صعب ينسى وانا مجربه
فرشي سجادتك وادعي الي ما تنام عينه والله يفرجها لج ولي ولكل وحدة مظلووومة

الله كريم حبيبتي والله يعيني والله حالتي صعبه حيل وكل يوم اشوف عيون ولدي اتحطم اكثر واكثر والمصيبه هان عليه ولده مايشوفه الله المستعان

 

[استبـــرق**]

يمكن تقولون هذي مجنونه مو صاحيه اتكلم نفسها واثقه مليون بالاميه انه مايشوف رسالتي مادري هالرساله فضفضه مادري شنو اللي بقوله احبك حبيبي اعتذرت لك اكثر من مليون مره انا مادري شلون صرت قاسي جذي انا مابي غيرك ولو يرد فيني الزمن ورا تزوجتك انت حبيبي انا اسفه اذا ضايقتك تعبت وانا اقول اسفه انا اليوم اشوف بنات خالتي كل وحده معاها عيالها واتكلم زوجها واشوف ولدي يلعب بروحه قلت معقوله راح يكون بروحه طول العمر ماعنده اخوان ؟ معقوله بعد شوي ارد بيت اهلي وكل وحده تروح بيتها وزوجها وهالولد باجر ماعنده ابو وابوه حي انا ادري اني ضايقتك حيل ادري اني سببت لك تعاسه بحياتك من كثر مااحن عندك بس انا مالي غيرك ولدي شلوون هان عليك ماتشوفه انا شلون هنت علي انا اللي ماتحلف الا براسي ليش حبيبي ليش كل هذا تعبت وانا اقول احبك واسفه والله ماراح انكد عليك ليش تقولي طاب خاطري منج ؟ بهالسهوله انا هنت عليك خلني انا اولي ولدك هان عليك ترضى يعيش بين اخواني يدور حنان الابو بينهم انا مستعده ادوس ع نفسي واصير عديمة احساس واسمع اهانات كل يوم بس ابي اسمعها وانا معاك انا تدري وين وصلت لي الحين وصلت لي مرحله انا اهذري باسمك تدري حبيبي ذاك اليوم طلعت من الحمام ودشيت غرفتي عبالي رضيت عني ومنخش فيها بتخرعني تدري اني قلت انت هني حاسه انك هني وخاب ظني وخاب احساسي تدري حبيبي اني ماقمت اضحك الحين تدري حبيبي انه ولدنا بس يبجي مو بس ولدنا انا ابجي ابيك شلون هان عليك حبنا احسدونا الناس ؟ قالو ماعمرنا شفنا اثنين يحبون بعض جذي ؟ مادري قمت ادور اسباب واسباب قلت مو معقوله عشان حنتي جذي حبيبي مو ناوي ترجعني ؟ انا ماقدر اجيك انت قلت اذا جت راح اطردج اهلي يقولون وين كرامتج وانا اقول مابيني وبين حبيبي كرامه حبيبي انا احبك مااتخيل حياتي بدونك ابي ارجع لك ابي اجيب منك عشر عيال ردلي حبيبي ردلي

قسم بالله ان رسالتج بجتني
الله يرجعه لج ان شاء الله :yaaaaaarb:
وترد المياة الى مجاريها

 

[qswa]

ياحياتي عساج ماتذوقين اللي قاعده اذوقه والله المستعان ربي كريم

 

[كليـ دلعـ]

يالله يارب ياكريم

تفرج كربت اختي لاتغرك الضحكه

وتجمعها مع زوجها ع الرضا والمحبه

يارب تخفف عنها همها وتبرد قلبها

يااارب تعينها وترزقها وتريح بالها وتطمن

قلبها وتسر عيونها بشوفته

قادر ياكريم ع كل صعب ياررب

 

[qswa]

يالله يارب ياكريم

تفرج كربت اختي لاتغرك الضحكه

وتجمعها مع زوجها ع الرضا والمحبه

يارب تخفف عنها همها وتبرد قلبها

يااارب تعينها وترزقها وتريح بالها وتطمن

قلبها وتسر عيونها بشوفته

قادر ياكريم ع كل صعب ياررب

الله يجزاج الف خير حبيبتي ربي يحقق لج كل اللي تتمنينه يارب ماتتصورين اشكثر فرحتيني بهالدعوه والله يتقبلها يارب ياكريم ياودود رجعلي زوجي ياحبيبي