رسالة من اختكم (ابداع x ابداع ) الى كل مستجدااات الجامعه* قانون جديد بالجامعة*

[Strawberry Shortcake]

يعطيج العافيه على هالنصايح
وفعلاا صاجه بكل كلمه قلتيهاا

 

[فجــر]

جزااج الله خير

والله يهدي الجميع يااارب .

 

[C.S.S]

تسلميـن ياقلبي عالنصايح
وعسا الله يجعلها في ميزان حسناتج .. صاجه بكل كلمة قلتيها واتمنى البنات ياخذون كلامج بعين الاعتبار
ومشكوره مره ثانيه

 

[JaN JaN]

صــــــــــــح لســــــــــانج
مشكوره ماقصرتي عالنصيحه والله يوفقج ويحرسج ويحرسنا انشالله

 

[NoNy aLM]

يعطيج العافيه صج الله يكثر من امثالج انشالله d:

 

[الخاطر المكسور]

جزاج الله خير حبيبتي وفعلا نصايحج لازم الكل يلتزم فيها

بس برايج هل غلط ان يكون لنا صداقات مع زملاءنا الي بالكليه ؟

انا اقصد صداقه تكون مبنيه على الاحترام مو اكثر

بانتظار ردج وردود باقي البنات

واشكرج

 

[Babystyle]

الله يعطيج العافية

up
up

 

[esTanosh]

يعطييج العافيه حبيبتي فعلا كلامج اثر فيني

وانا عن ساابق تجربه وايد اعرف بنات بالجامعه واهما مايعرفووني بحكم اني بيتوتيه وماطلع وايد يعني ناسين شكلي
ويسوون بلاوي مايعلم فيها االا الله وشعاارهم (عادي محد يعرفنا ) الله يستر علينا وعليهم ......

يزاج الله خير وانشالله كلامج يأثر عليهم

 

[Ψ Faith Ψ]

مشكوره عالنصايح القيمه

وجزاج الله الف خيير اختي ابداع × ابداع

وعسااج عالقووه ..

 

[الغــلآ]

يعطيــــــــــج العآآآآفيه

خوش موضوع

بنتبعه انشالله هذا اللي ناويه عليه
مثل ماقلتي الجامعه مكان للعلم ( والله يخلي رفايجنا السنعاات وربي وايد )
والله يهدييييي ال بااجي

 

[اموره البطه]

انا مستجده ومشكووووره عالنصايح الحلوه
بس تدرين والله مستغربه من البنات اللي يطلعون من الجامعه ويقزون ويروحون البحر والمجمعات يعني لهالدرجه محكورين عند اهلهم وما يقدرون يروحون الا بوقت دراستهم !!!
لهالدرجه مشفوحات عالطلعه !!

ارد اقولج مشكوره وما قصرتي

 

[ابداع x ابداع]

العفو حبيباتي نورتوا صفحتي
واشكركم على التعقيب المفييييد

 

[ابداع x ابداع]

جزاج الله خير حبيبتي وفعلا نصايحج لازم الكل يلتزم فيها

بس برايج هل غلط ان يكون لنا صداقات مع زملاءنا الي بالكليه ؟

انا اقصد صداقه تكون مبنيه على الاحترام مو اكثر

بانتظار ردج وردود باقي البنات

واشكرج

اللي احب اقولج عنه احنا مجتمعنا اساسا كلة مبني على الاحترااااااام والتفاهم
بس الناس قاعده ادمر المفهوم الحقيقي للاحتراااام

يعني انا قاعده اطالع اذا البنت مثلا تبي تسأل زميلها عن مذكرة مثلا من وين احصل عليها
ليش تسألينه واتي تتميعين ليش تسألينه وانتي بحلجج علج ليش تسألينه ولبسج كله غلط ليش تسألينه وانتي حاطه كيلو عطر اللهم استر عليهم
بهذي الطريقه الولد يفهمها ان اهي تبي منه شي فاهني تخربط صورة الاحترام وتصير شي اكبر من جذي

وللأسف هالطريقة عمت على كل شباب وبنات الجامعه والحين عبالهم اللي تسأل تبي شي ولا قصدهاااا شين


انا اقولج ابتعدي عن الشبهااااااااات واذا تبين تسألين عن شي سألي بنت واذا كلش كلش اتمنى انج تسألينه بطريقه محترمه ويفضل داخل الكلاس عند الدكتوره عشان الكل ما يفهمج غلط

والحين بالايام هذي ماكو زماله والله نظرت شباب الخليج للبنات الحين غيييييييييير


تحياتي لج حبيبتي

 

[كلن له الله]

كلامج 100 %صح وعسى الله يهدي الكل يارب
جزاج الله خير

 

[&&.. فزاعه ..&&]

جزاج الله خير اختي ع الموضوع
والله الكل لازم يقراه مو بس المستجدات

موفقه حبيبتي ..

 

[بقايا العطر..}]

يزااج الله خييير يا الغااالية
وعسى ربي يكثرر من امثاالج ......
وبميزاااااان حسناااااااتج ان شاااء الله

عجبني اسلووبج في الدعوووة تحببين النااس بالشي وما تنفرييينهم من المووضووع ..
عن جد تسلم هالاياادي عسى ربي يحررمهم من النااار ..

 

[منتدى كويتيات]

مشكوووره إختي

موضوع مميز من عضوه مميزه

كلامج عين العقل ولازم كل بنت تفكر بهالشي وتحطه جدام عينها قبل لاتسوي اي شي ..

إختي ابداعxابداع

ياليت تمسحين بعض الرسايل الخاصه لإن الصندوق عندج full وبعدها جيكي عالخاص

ومشكووره عالموضوع مره ثانيه

 

[ابداع x ابداع]

كلامج 100 %صح وعسى الله يهدي الكل يارب
جزاج الله خير

اشكر مرورج
امين يارب

جزاج الله خير اختي ع الموضوع
والله الكل لازم يقراه مو بس المستجدات

موفقه حبيبتي ..

يجزاج ربي الجنه

يزااج الله خييير يا الغااالية
وعسى ربي يكثرر من امثاالج ......
وبميزاااااان حسناااااااتج ان شاااء الله

عجبني اسلووبج في الدعوووة تحببين النااس بالشي وما تنفرييينهم من المووضووع ..
عن جد تسلم هالاياادي عسى ربي يحررمهم من النااار ..

يجزاج ربي الجنه
تسلمين ياقلبي

من ذوقج ياقلبي والله يسلمج ولايحرمج الجنه يارب

 

[بنت.المطيري]

جزاج الله خير عالموضوع

صج البنات محتاجينه ..
وبعد اذنج يالغالية ..عندي كلام يقرقع ..:$


بالبداية اقول اخذي حذرج من البناااااااات قبل الشباب لان كلنا متربين وعارفين الصح من الغلط ماضن في بنت غشيمة

اول كورس اهو كورس الوناسه وتتعرفين فيها على جو الجامعه خصوصا اذا موادج تمهيدي اذا مو تمهيدي حطي عينج بكتبج لووول

1-اول شي...لما بتقعدين بمكان ..تأكدي انه مكان بنات ..ثاني شي تأكدي انه مكان يصلح لقعدة بنات الاوادم ..السنعات يعني
2-..اذا اهلج مانعينج تطلعين من الجامعه لاااااااااااتحاولين ولاااااااااااااتفكرين نهائيا تطلعين ..مال امها داااااااعي الجامعه فيها كل شي مطاعم محلات كل شي..بس هدوم مافي هع
اول شي..الناس تاخذ نظرة للبنت اللي كل شوي طالعه من الكلية قروب مع رفيجاتها ..
ثاني شي ماتأمنين الطريج ..خصوصا اغلبكم توكم تسوقون ..في بنات السنة اللي طافت سووا حادث اللي انكسرت ريلها واللي راحت عينها واللي مادري شصار فيها ..وكل وحده قامت تجذب على اهلها جذبه ..اخر شي فضحتهم اللي كانت تسوق
نرجع للنقاط
3-..اذا تبين الدراسه ..لااااااااتدشين قوائئئئم ..خصوصا اذا كليتج نظام علمي مو ادبي..يعني بتاكلين هوا بدال ماتتخرجين 5 سنين تتخرجين 6 او 7..ألخ
..واذا تبين رفيجات ماينجلونج ..بعدي عن بنات الانتخابات عشان ماتنصدمين بعدين..نطري على الكورس الثاني اوكي تعرفي عليهم ..بس لي دشيتي معاها حيل ..راح تشتغلين راح تشتغلين خخخخخخ

(مو قصور في بنات القوائم ولا شي..بس سبحان الله اصابعج مو سوا ..في بعضهم مصالح وبس..على فكرة انا كنت اشتغل هع )
البنت اللي تشوفين سوالفها وهمها كله هذا خزني وهذا ياحلوه ..وشفت فلان الطويل والفلان المسطول والفلان بو جل والفلان مادري منو ...
قصري الشر..وتحاشيها ..
اخر نصييييييحة..اللي تدرين ان اهي مش ولابد ..ديريبالج منها..لاتقولين ارافجها ومالي شغل فيها والكل يعرف منو انا واني متربية والا الا يبين عالمتربية واللي مو متربية ..هالحجي الماخوذ خيرة خلي فبيتكم ..
لان بقولج شي..البنت هذي ان ماوزتج وخلتج نفسها وكانت شخصيتج قوية وسلمتي من شرها
ماراح تسلمين من بلاويها ..
سمعي هالاشكال شنو ممكن يسوون..
وحده تمشين معاها وتتحجى بالتلفون او تدز مسجات وتتمشى معاج ..اخر شي تطلع تحاجي واحد وتقوله انا فلانه (اللي اهي انتي)
ووحده تصير لها بلوة فبيتهم ..تقوم وتدق عليج تستنجد فيج ..او تقول لاهلها كنت اكلم فلانه (اللي اهي انتي ايضا)..و يكتشفون الاهل انها ماتكلمج ..بتكونين معاها سيم سيم
ووحده ربج يفضحها بنص الكلية ..والكل يعرف انج تمشين معاها او رفيجتها..واللي يطين الموضوع انها ممكن تناديج تستنجد فيج او اي شي ثاني ..حزتها لقطي ويهج ..

هذا كل اللي عندي على الاغلب ونسئل الله السلامة
ولاتنسون حزام الامان
ودمتم بحفظ الله ورعايته

بنت المطيري :d

 

[بنت.المطيري]

اللي احب اقولج عنه احنا مجتمعنا اساسا كلة مبني على الاحترااااااام والتفاهم
بس الناس قاعده ادمر المفهوم الحقيقي للاحتراااام

يعني انا قاعده اطالع اذا البنت مثلا تبي تسأل زميلها عن مذكرة مثلا من وين احصل عليها
ليش تسألينه واتي تتميعين ليش تسألينه وانتي بحلجج علج ليش تسألينه ولبسج كله غلط ليش تسألينه وانتي حاطه كيلو عطر اللهم استر عليهم
بهذي الطريقه الولد يفهمها ان اهي تبي منه شي فاهني تخربط صورة الاحترام وتصير شي اكبر من جذي

وللأسف هالطريقة عمت على كل شباب وبنات الجامعه والحين عبالهم اللي تسأل تبي شي ولا قصدهاااا شين


انا اقولج ابتعدي عن الشبهااااااااات واذا تبين تسألين عن شي سألي بنت واذا كلش كلش اتمنى انج تسألينه بطريقه محترمه ويفضل داخل الكلاس عند الدكتوره عشان الكل ما يفهمج غلط

والحين بالايام هذي ماكو زماله والله نظرت شباب الخليج للبنات الحين غيييييييييير


تحياتي لج حبيبتي

كلااااااااااااام واقعي جدا وعين العقل الله يثبتج يارب

اي صح اذا كلش اضطريتي تكلمين الصبي ..داخل الكلاس وبسسسسسسسسس
برا ابد لاتحاولين ..والله العظيم ياخذون فكرة والله
وترى بعض الشباب اهم يمصخونها ..لاتعطينهم ويه ..واذا اهو يسئلج عن شي تافه وبامكانه يسئل غيرج حقريه عادي جنه العيد ..والله بيحترمج ويحطلج الف حساب
في بنات المستجدات خصوصا اول مايدشون يقولون ..زملائنا بالجامعه ..من وين تعرفتي على هذا ..ماخذ نفس مادتي (بس طبعا هالماده مو مختلط)
يعني مادري خلصوا البنات بالكلية عشان تدرسين مع صبي؟
والبنت اللي تقدر تتعرف على صبي بالجامعه واهي موادها مافيها اختلاط بالمره والله حدها جريئة وقوية والله ..الله يستر علينا وعليها
..انا قلت هالحجي لان سبحان الله مايندرا في بنات لما يدشون ويشوفون كل واحد معاه وحده عبالهم الوضع طبيعي ..مايدرون ان هالبنات اللي يتمشون مع شباب بالكلية ..الناس تتحجى عنهم ومو مخلينهم ..مع انهم وايد !
(طبعا هالوضع مو بكل الكليات ..هالوضع عندنا بالعلوم وبالهندسه..والكليات الطبية والعلمية غالبا)