رسالة لكل وحده تفكر بعملية شفط دهون..

[افروديت]

تعالي انا وانتي نتخيل هالموقف .. تخيلي انج بكل عافيتج ربي منعم عليج بالصحه وماتشتكين من شي تقومين وتتحركين بكل خفة .. تاكلين على راحتج وتنامين على راحتج..
وتخيلي فجأة اليوم الثاني ماتقدرين تقومين من فراشج ... وجسمج كله متورم... واي حركة تسوينها تحسين بنار جهنم الحمرا؟؟؟؟؟
هذا اللي صار لأختي العاقله الفهمانه اللي كنت اقول عنها اهي كل الحكمة والثقل فيها... قالت لي بروح اسوي عملية ليزر لعيوني قلت توكلي على الله.. رحت لها المستشفى ومن صدمتى الكبيرة وقفت في مكاني مادري شاقول؟؟؟؟
اختي عشان وزنها زايد جم كيلو.. راحت سوت شفط دهون وشوي تفخ خدود.... بس تدرون شنو صار؟؟ اختي طلعت وحده ثانية .. صارت مسخ بمعنى الكلمة ... وجهها متفوخ تخرع عيونها حمرا ماتبين وخدها متورم احس بينفجر اي لحظه... استغفر الله العظيم... والجسم احمر مو بس احمر الا لونه قرمزي مايل للسواد كانه احد طاقها طق..وبكل مكان شاقينها ومخيطينها... وديتها البيت وقلت لاهلي لحد يدش عليها عشان عيونها ماتتأذي من الليت...
لكن اقسم بالله العظيم انها تبجي جدامي مو قادرة تتحمل الألم الرهيب اللي تحسه من اي حركة بسيطه.. تبي احد يلبسها.. تبي احد يقعدها عشان تشرب شي... والله يابنات مو قادره تروح الحمام عشان تسوي شي وتسويها على نفسها عزكم الله.. والله اني شفت عورتها اول مره بحياتي لانها بكل بساطه موقادرة تلبس ملابسها الداخليه بنفسها؟؟؟
اقسم بالله انها تبجي بجي من اللي سوته بنفسها... ندماااااااااااااااااانه على اكبر غلطه في حياتها.. تبي تصير حلوه واهي اللي مافيها الا العافيه جنها البخت... عشان بس متينه...... بس متينه ..

 

[أم غمازات]

لاحول ولاقوه الا بالله

الله يشفيها انشالله ويعافيها

وتقوملكم بالسلامه

اهي بس تعب اول الايام بعدين انشالله كله يروح

بس انتوا لا اتضايقونها قولولها راح يروح كل هذا منج وعادي

عشان نفسيتها ماتتعب والعلاج الاول والاخير نفسيه الانسان وماتشوف شر انشالله

وطمنينا عليها

 

[ناعم العود305]

الله يشفيها يارب

ما ادري ليش بعض البنات يدورون العمليات

اهم شي العافيه

 

[@شمس الضحى@]

الله يشفيهاا
اللي صار صار حاولي تخففين عنهاا

 

[كرسبي كريم]

الله يشفيها ويقومها بالسلامه يارب
وانتي رفعي من روحها المعنويه لا تحبطونها
تري الي فيها مكفيها
وبشرينا عنها لما تقوم بالسلامه

 

[kaka.1976]

الله يشافيها انشالله
بس اهي ليش امشققه نفسها اللحين قاعدين يسوون ليزر بدون عمليه ولا بنج موضعي طبعا لازم يكون عند دكتور معروووف مو حيالله كلام مثل انا اختي سوت شفطت حق اردافها قالت خل اجرب الليزر بس بصراحه فضيع وهي تسولف مع الدكتوره و واعيه شالت من اردافها كيلوين دهن و ماي و اللحين تفكر تسوي كرشها حاشها عوار اول يوم بس ترى العوار خفيف يعني مو اللي منسدحه لا تمشي و عادي ياتنا الزواره بعد العمليه على طول جنها البخت فعشان جذيه الواحد ما يروح يقط روحه بالتهلكه لازم يفكر على روائه

و انشالله ما عليها شر

 

[readflawer]

سلامات وماتشوف شر ان شاءالله وتقوم بالسلامه يارب

 

[دانه عبدالله]

ماتشوف شر الف لاباس عليها

 

[om deaj]

ويه
الله يكون بعونها وبعونكم

 

[yam_yam]

ماتشوف شر

و الله ماكو احسن من الريجيم العادي و المساجات اهون بالف مره من العمليات

 

[افروديت]

المشكلة مسويه عند دكتور معروف مو حيالله دكتور اظن اسمه عبدالرضا لاري.. وبمستشفى المواساه مو اي مستشفى... المشكله تقول انا كنت ابي بس شفط دهون بس اهو حن عليها يتفخ خدودها يقول بسويه لج قمري .. وجهاا مو طلع بس قمري.. شفتوا اسغفر الله استغفر الله منى عبدالمجيد الحين؟ صارت اختي نسختها اعوذ بالله.

 

[ii DareeN ii]

ماتوقع احد يجدم على عمليه واهو مو متاذي ولا توقعين ان متينه شوي بنفسيه البنت المتن ممكن يعيق عن امور وايد صحيه وشكليه وتقبل الناس وحتى في امور الزواج محد يدخل غرفه عمليات الا واهو مضطر واكيد حاول طبعا مو الكل الله يرفع عنها وتلاقي نتيجه طيبه ويعوضها هالتعب يارب