رسالة زوجي لي ---- والجواب المحير شورو علي

[شــــــــــــــوقــــه]

يابنات والله ماكذب عليكم والسالفه مو ناقصه بس زوجي شخصيته عنيد مو انا اللي اتاسف للحرمه زوجي موستحيل يقولك انا اسف انا غلطان حقك علي مو انتي تجين تعلميني الصح من الغلط عنده قانون لازم تحترميني ماتكلميني عن شي شفتيه بتلفوني انا فتشت تلفونه وهو كان بالحمام وكان فيه رقم سري وانا اراقبه من قبل لين لمحت الرقم السري وفتشت وانا خايفه شفت يكلم حرمه بالواتس اللي خلاني اشك 24 ساعه التلفون بيده دايم ودايم اشوفه متصل بس هو مايفتش تلفوني ابدا ولايفتحه علشان انا ماافتح تلفونه قلت لازم اواجه وقلت له اني انا شاكه انك تخوني والدليل عطني تلفونك اوريك الدليل انصدم وتغير لون وجهه وقالي خلاص سكري الموضوع وطلع وبعدين دز المسج اللي شفتوه بس هاذي السالفه ااااه الله يعني ويصبرني انا مطنشته ومارديت عليه بس خايفه من الطلاق مابيه يطلقني وهو شخصيته مستحيل يجي ويقول انا اسف فيه غرور مو طبيعي انا افكر بمسج يخليه يتراجع عن قراره لان التطنيش مو حل الله يهديه

اها يعني الطعنة الي يتكلم عنها كانت تفتيشج حق التلفون من وراه ؟

والله مادري شقول بس غلط تقطين نفسج واهو مسوي هالمصيبة

ماراح يتوب ترى

 

[التوق]

مو من صجه قلب السالفه عليج!
الله يهديه بس ويسخره لج

 

[Blonde B]

ههههههههه الحمد لله والشكر

 

[متوترة]

يمكن يبي يرسل للي يخونها ارسله لك بلغلط ؟

قولي مافهمت ؟؟؟ شوفي وش رده

 

[أسرار الجمال]

والله اختي متوترة قطعتي قلبي انت وصاحبة الموضوع وشكله زوجج اخس من زوجها ربي يهدي هالرياييل ينو مرة وحدة

 

[متوترة]

كلهم ثيران ربي بلانا فيهم

 

[al-musk]

ألحين انتي تصيدينه بالخيانه وهو المجروح ؟؟ صج وقاحه
قوليله أكيد بقعد فبيت أهلي ليما تعرف معنى بيت وزوجه ومسؤوليه
اذا ليحين انت عايش دور المراهق وخاطرك في اللعبه أنا أقول روح العب بروجك أنا أدور الاستقرار والعلاقه الحلال
وان شالله بلاقيها عند اللي أحسن منك
وعلى نياتكم ترزقون

عدل كلامها خيييييييييييييييير قلب الطاولة عليج.. خليج قوية انتي ماسويتي شي غلط .. واذا هو باعج بهسهوله فهو الخسران

 

[قوس فرح]

لا تردين خير شر يبيك تترجينه هو لاعب دور انه بريء و انت ظلمتيه يوم شكيتي فيه و اتهمتيه بالخيانه و يبي يربيك على الحركة عشان مرة ثانيه يعاكس براحته و انت ساكته و ما تتجرئين تقربين من جواله.

رأيي انك ترسلين له زي ما قالت وحدة من الخوات ... انت متاكد المسج لي ؟ و لا بالغلط ... عموما مرني رجعني البيت وراي شغل كثير بالبيت

 

[سمراء كويتية]

الحقراااااااان يحير الي جدامج

 

[عاشقة الاسلام]

انتي هل تاكدتي ان زوجك يخونك واجهتي بدليل
او مجرد شك واجهتي فيه
اذا جوابك نعم تاكدتي بخيانته واجهتي زوجك وخروجه بعد المواجهه من البيت فهو يطبق قاعده انطح اصياح بصياح تسلم
اذا كان مجرد شك وواجهتيه بشك اللي عندج وزعل من هاشئ دزيله مسج اسمج والجنس انثي واكتبيله اذا ما تعرف الانثي وغيرتها
واكتبيله هاذي الانثي وغيرتها ومن حقي اغير عليك ولو ماحبك ماغير عليك

 

[SAMSAMA]

أختي أنتي غلطانه والتفتيش في خصوصيات زوجك أكبر غلط

لو قالج هذي أبي أتزوجها وكلمتها على شان أعرف شخصيتها عدل قبل لا تقدم لها شنو يكون موقفج

حتى لو رحتى لهلج وقلتيلهم لقيت بالوتسأب يكلم وحده شتبينهم يسوون يعني راح يقولون يمكن متزوج عليج وهذي زوجته

لا تقيسين الرجل بالمرأءة الرجل لما يكلم يوضح أحتمالات كثيره وهي يكمن زوجته بالسر يمكن يبي تزوجها لاكن المرأءة المتزوجه تكلم واحد شنو يقولون تبي تطلق وتزوجه مثلن

أنتي غلطانه وتفتيشج هذا يعطي الرجل شك أنج تعرفين هذي السوالف وراعية سوابق المرأئه اللي ما عندها السوالف هذي ما تفتش ولا تقعد تنطر تعرف الرقم السري لتلفونه على شان تفتش
أحمدي ربج أن تفكير زوجك مايروح لبعيد ولا يجونه شياطين الأنس من بعض ربعه وقوله ماسوت هذا وفتشت وشاكه إلى وراها سالفه

أنصحج تلمين الموضوع ودزي مسج قولي لو رحت بيت أهلي وطولت عندهم شنو أقولهم ؟؟
بعدين قوليله أنا أمرأءه وهذي خلقة ربي في بنات أدم وهي الغيره والخوف على مسقبل بيتها وعيالها من شريكه معاها
والله عز وجل أغير منا وهو خالقنا فأستغفر لذنبي وذنبك ولا تزعل من خلقه الله سبحانه في بنات أدم من الغيره وأصبر على ماجاك

 

[طريق السعاده]

لازلت عند نصيحتي شفت ردك وتمسكت بنصيحتي حقريه واذا زودها وفخاطرك كلام حريه وقولي شوف عيني محد قال كل مافتحت الواتس الا انت تهرج مع خلق الله اون لاين وسافطني يمك ومتزوج الجوال فتحت بشوف وش هاللي ماخذ عقلك واكتشفت الحقاره هذا قدرك ومستواك منت ل بنات الحمايل كفوك بنات الشوارع تحب وتسولف معهم انا الي مجروحه وانطعنت بظهري مو انت اصحى وهذي سواياك مايشرفني اجلس عندك اصلن وانا الي محتاجه وقت افكر مو انت !! واحتمال كبير مارجع لك اساسا عقب سواد وجهك !!

خليه يحتقر نفسه وحسسيه انك كرهتيه !! عشان يحس ع دمه ويحسب لك حساب

بصراحه اذا كل همك ماتتطلقين ترا بيذلك ويدوس ع خشمك ويغازل بنات ابليس عينك عينك ومالك حق تتكلمين !

الطلاق شين وتشتيت اسره بس اذا رجلي فيه اوادم يشاركوني فيه مستغنيه عنه !! ويايكون لك بروحك ولا لايكون !!

حطيت نفسي مكانك وبتصرف كذا لو كنت انا .. كوني قويه قلب السالفه عليك وقاعد يهددك كانك انتي الي تكلمين وتخونين مو هو !

 

[انا لها شمس]

انا مافهمت صراحه
الحين منو الخاين الثاني؟؟؟؟؟
ومنو المطعون وشلون ماينسالج هالطعنه ؟؟؟؟؟
صج مايستحي
وانتي شفيج ع طول خقيتي؟؟ هذا مبين عايف
ويجذب عليج تلقينه مخليج تحرقين بنفسج وجنابه قاعد يغازل براحته

 

[انا لها شمس]

توني اقرا ردج الثاني
انتي مبين واااااايد ضعيفه
ودامج جذي راضيه بالخيانه وتدورين رضاه الحين
وتدرين ماراح يعتذرلج
لمي قشج وردي بيتج وداوي جرحج بيدج وسكتي

 

[حروف من ذهب*]

حبيبتي بالنهاية اهو زوج انتي سووي الي يريحج والله يكتب الي فيه الخير لكم ويسخره لج يارب

 

[pusy cat]

آسفه بس انتي صيده

الحين اهو اللي خاينج واهو المجروح

اذا متأكده 100٪ من خيانته خليه يولي اهو الخسران

 

[pusy cat]

اذا سامحتيه ياماااالج من الخيانات خلي موقفج قوي وبيعيه قبل لا يبيعج

 

[pusy cat]

خليه يولي لايقلب السالفه عليج خلج قويه وخلي عندج حجه والحق معاج

بس ماقلتي شنو نوع الخيانه يعني قريتي مسجات بينج وبينها او احد قالج وضحي اكثر

 

[pusy cat]

تلقينه بيعلقج بيت اهلج عشان يحلاله الجو ويعيش حياة العزوبي وانتي حاطج عالويتنق لان عارفج ماتستغنين عن ومتشبثه فيه

تلقينه بيسافر مع ربعه وبيلعب ويستانس ويقولج انا مجروح انا مطعون صايرلي ايمو المسكين

صحصحي صحصحي ترى الطيب واللي يسامح ما يعيش خلي موقفج قوي

 

[pusy cat]

خوش طرده ارتاحي بيت اهلج خوش تصريفه