رسالة زوجي لي ---- والجواب المحير شورو علي

[غزوى]

بسم الله الرحمن الرحيم
بدون مقدمات ارسل لي زوجي مسج مدري كيف ارد عليه شوفو المسج اللي ارسله لي

انتي تدرين اني مجروح منك بطعنه لايمكن انساها طول عمري وانتي تعرفين اني مافيه يوم اهنتك او جرحتك اوسبيتك اهلك عموما انا ماابغاك تعشين معي حياه نكد لاني ماراح انسى طعنتك لي هالحين ارتاحي عند اهلك لين ترتاح نفسي والله يختار لي ولك الخيره


ااااااه يابنات مدري وش ارد
انا حصل بيني وبينه اني اكتشفت الخيانه بينه وبين وحده واجهته باالموضوع وقالي سكري الموضوع وبعدين ارسلي المسج هذا تكفوووون شورو علي انا ابغى ادز له مسج يخليه يتراجع عن قراره لاني انا عند اهلي وهو عند اهله ومحد عرف عن الموضوع اللي صار بيني وبينه

ابي رايكم لاني عندي ولدي عمره سنتين وانا متزوجه لي 4 سنوات شورو علي ابي ارد له مسج بس ماعاد اقدر افكر مخي مقفل

 

[وردة الدوحه]

ألحين انتي تصيدينه بالخيانه وهو المجروح ؟؟ صج وقاحه
قوليله أكيد بقعد فبيت أهلي ليما تعرف معنى بيت وزوجه ومسؤوليه
اذا ليحين انت عايش دور المراهق وخاطرك في اللعبه أنا أقول روح العب بروجك أنا أدور الاستقرار والعلاقه الحلال
وان شالله بلاقيها عند اللي أحسن منك
وعلى نياتكم ترزقون

 

[تواضع انثى]

حلوه ذي الحين هو الي خانك وجرحك يروح يقلبها عليك الحمدلله والشكر في ايش جرحتيه ولابعد تبين تهدين الوضع وانتي الي تراضيه الله يصلحك
مدري وش قولك بس لواني مكانك بزفه زف يعني شين وقوي عييين على ايش مجروح ياحسره والله الاشكال الي زي كذا مايبيلها غير العين الخمرا...

 

[روح مغليها]

لاتعطينه وجهه

زفيه لان هو موقف ضعيف دير بالج ترا اهو خايف
بس ردي رد قوي عشان يعرف قيمته

 

[•°dl3•°]

مثل ماقالوا البنات اهو في موقف ضعيف علشان جذي قلب السالفه عليج ويبيج تترجينه اهو بس يهدد يبي يخوفج علشان ماتسوين له سوالف وتخلينه على راحته يلعب بذيله

ولأنه يدري وعارف ان نقطة ضعف اغلب البنات سيرة الطلاق علشان جذي حط الغلط عليج صج قوي عين قال ايش طعنتيني يعني شوفيني انا المسكين اللي انجرح ولا يغلط ابد

 

[دلوله 111]

طنشـــــــي لا تردين

 

[غزوى]

اشكركم لانكم رديتم علي بنات وعطتوني رايكم معروفه الرجال دايم خاين والمره اكثر وفاء الله ينصرني عليه و يصبرني



​

 

[حروف من ذهب*]

انتي تدرين اني مجروح منك بطعنه لايمكن انساها طول عمري ؟؟؟؟؟؟؟؟؟؟؟؟؟؟؟؟ غرررريبه وش هالجرح !!!!!! عالعموم المفروض ماتروحين بيت اهلك وتخلينه يأخذ راحته أكثر

 

[Patcholli]

فلم .!

قاعد يتمسكن يبي يكسر خاطرج ويبيج تصدقين انه ندم لي درجه بتخليه ينفصل عنج << اقنعني اكثر ..!!

حبيبتي الله يعينج ياكرهي حق النوع الي جذي شكله وايد يجذب ويحب الافلام

وانتي كيفج سوي الي تشوفينه صح بس اسلوبه مستفز الصراحه

بدال لا تتاسف وتعتذر وتقول غلطان ياي تسوي افلام وطعنه وندمان وبطلق ..!!!

فوق الشين قواة عين ؟؟

 

[PuPa^^SWeeT]

حقريييه ولا اترديين علييه


عشتووو ياحلييله


اتصيدينه خاين و يقوولج جرحتييني


ان بغييتي اترديين عليه


لازم رد لاذع يعرفه انه سخيف بهالمسج اللي دزااه

 

[((shoOoshoOo))]

الحمدلله والشكر حده متاثر بالمسلسلااات. حقريه عفيه لاتعطينه ع جوه

 

[تمنيـتگ]

صج حقارره

عبالي انحج مسويه شي ظظلمتج

قلب السالفه عليج .. اهم شي لا تخلينه يقلب عليج ولا تبينين له انج ضعيفه وخايفه تخسرينه

خلج قويه

 

[english muffin]

ردي البيت وقعدي في بيتج
لاتعطينه مجال اكثر للخيانة

 

[أسرار الجمال]

لو كان مجروح صج ما بعث مسج بس هو عرفان انه العيب فيه وقاعد يهديج لا تردين عليه احسن لانه وقح

 

[şώέέţү qţя]

من جد غررررررررررررررررررررررريب ويقهررررررررررررررررررررر

مسوي مسكين وهو سكين

لاتردين لا لمسجه

ولا لتيلفوناته

ولاتردين للبيت شلون لج قلب تعرفين انه خان من وراج وتبينه؟ ولا بعد له وجه يحط الغلط عليج عجججججيييب


السالفه كبيره ولاتسكتين لازم حد يوقفه عند حده اخوج او ابوج لازم يعرفون لانه لو خليتي الموضوع يعدي كذا وانتي تبيه وحابه ترجعين له

بيرجع يخون مره ومرتين وثلاث خله يدري انه ماخذ بنت ناس موب مثل اللي يتسلا معاهم ويحصلهم باي مكان برخص التراب تكرمين


خليه يدري انه مكشووف لو فكر يخون مره ثانيه بمجرد فكررررره

 

[Om.hsoone]

عجيييييب امره
جد مستغربه من الرساله و الكلام
شنو يقصد بالظبط بالجرح !! انجرح لانج كشفتي خيانته لج يا حرام اذا هذا اللي يقصده صج مسكين
هذا شكله يبي يقلب الموضوع عليج يبي يخليج انتي العايله علييه و انهى الرساله بانه افضل تقعدين عند اهلج ع شان ياخذ راحته الاخ
والله انا نفسج مو لاقيه رد له كللش عقلي وقف /:

 

[Tom ♥ Jerry]

,

آهوة الي يخونج و آهوة الي يقول طعنتيني !!!!!!!!!!!!

يا السالفه فيها آنه و انتي مآ قلتي كل شي !
أو آنه هاذا الريال فيه انفصام بالشخصية

 

[ام الدرر]

قولي
شجرحتك فيه
كلمت غيرك
طالعت واحد ثاني
انت اللي غلطت وخنت نفسك وربك ودينك قبل لا تخوني
اسمح لي
انا اللي مجروحه
انا اللي انغشيت وانلعب علي
انا اللي استغنيت عني بوحده من الشارع
انا اللي جرحك لا يمكن انساه
انا اللي محتاجه وقت ارتاح وافكر
مو انت​

 

[احلى ديما]

حبيبتي لا تخلينه يستغل ضعفج اهوا يبي يحسسج انج ظلمتيه قوليله انا ماني لعبه انا بنت ناس خذيتني عزيزه اهلي وراسي مرفوع اذا تبيني تترك خرابيطك وبيتنا تدله واذا منت قادر تهد الخرابيط الله يسهلك وخنشوف شنو بييك من ورا بنات ابليس

 

[ماكواسم2]

اذا صج صايدته وثابته عليه .. اقولج هذا الله يعينج عليه