ردوا علي بسرعة قبل لا يخترب الديااااااااي

[بشه المنفشه]

السلام عليكم ورحمة الله وبركاته





شريت صدور دياي بس ماراح أستعملها كلها .. بس المشكلة كلها لازقة ابعض لأنها متجمدة
اخليها تفج وآخذ اللي أبيه وبعدين أحط الباجي بالفريزر ؟؟

ولا يخترب إذا رديته ؟؟

مو قادرة أفصلهم عن بعض شسوي

بسرعة ترى الدياي برة الحين بشتغل فيه

 

[أم ريوف 1400]

حطيهم بماي وملح
بس دقايق تفكك عن بعض الباقي دخليه الفريزر

 

[انفينيتي]

حطيه بماي وأول ما يبتدي الثلج يذوب (مب شرط يذوب 100%) حاولي تاخذين اللي تبينه
وتردين الباقي على طول في الفريزر

 

[جارة القمر]

كلام أم ريوف صحيح


بس اللي أعرفه موزين تذوبين الدياي وتردينه مره ثانية للفريزر

تفضلي طلبج


http://q8yat.net/showthread.php?t=296023&highlight=%CA%D0%E6%C8+%C7%E1%CF%CC%C7%CC


ينصح بعدم غسل اللحم بالماء قبل عملية تغليفه ووضعه في الثلاجة أو الفريزر، ويرجع ذلك إلى أن الرطوبة الزائدة سوف تشجع نمو البكتيريا في اللحم، فاغسلوا اللحم قبل الطبخ مباشرة.


هناك ثلاث طرق رئيسية يمكن اتباعها لإذابة اللحوم المجمدة وغيرها من الأطعمة وهي:

‏- في الثلاجة: إذابة الأغذية المجمدة ببطء كل في أناء مستقل.
‏- في الماء البارد : للذوبان السريع، غلف الأغذية تغليفاً محكماً ثم ضعها في الماء البارد .
- في الميكروويف: عند الرغبة في إذابة اللحوم والدواجن، اطبخها فورا بعد إذابتها.


منقووووووووووووول

 

[aRoRa]

ما يصير اذا ذاب تردين تجمدينه..
سوي بالباجي شوربة أو
رولات دياي بالعجينة الصينية أو باف باستري فرزينيها لوقت ثاني
أو تبليها لباجر بزيت زيتون و ليمون و كمون وفلفل أسود وبقدونس
و أشويها بالفرن .. و سويها فاهيتا مع فلفل ألوان و بصل

​

 

[<< أزيان >>]

لالالالالالالالالالالالالالالالالالالالالالالالالالالالالالالالالالالا

حبيبتي ديري بالج الدياي عقب مايذوب ممنوع يرد الفريزر مره ثانيه

اسم الله عليكم يسوي تسمم

طبخي المقدار كله او سويه على طبختين كل طبخه غير عن الثانيه

اكلي نص اليوم وخلي النص الثاني باجر بعد شتسوين مافي غير هالحل