ردوا بلييييز ولا انتحرت(( خشمى ))

[العنودة]

:cxxxp:السلام عليكم بنات
انا مشكلتي هي خشمي
سوالي الي تعبت وانا اسئل
من تعرف طارق حسامي وشافت شغلة للانف او جربت عندة
طبعا وكانت النتيجة لا هيفا ولا نانسي ولا اصالة
طبعا تكون النتيجة سلة سيف ويبان طبيعي مو تجميل
ياليت تفيدوني اذا شفتوا هالنتيجة ع احد خبروني بدكتورة
وشنو رايكم بدكتور السوان الي يزور طيبة كلينك
يالييييت يا بنت تردون

 

[لمووو]

رد: ردوا بلييييز ولا انتحرت

تعوذي من ابليس شنو انتحر على خشم

اممممم انا اللي صج شايفه شغله وحلو وطبيعي وشايفته على اكثر من وحده اهوا الحربي وهم في جم وحده بالمنتدى مسويه خشمها وعارضه الصور صج فنان

 

[توت عنكبوت]

رد: ردوا بلييييز ولا انتحرت

دكتور السوان سوى حق ام رفيجتي وحلو شغله ما يبين اللهم شق صغير اسفل الخشم صوب الشارب

 

[عبووووره]

رد: ردوا بلييييز ولا انتحرت

والله انا انصحج بايراااااان عند بوووور صاادق
شغله وااااايد حلوووو​

 

[^^ROSE^^]

ياحافظ تنتحرين عشان خشم تعوذي من ابليس

وطارق حسامي بلبنان سمعت فيه يمدحونه بس ماشفت شغله على احد
بعد تدرين بعض الاوادم فيهم نحاسة يروحون ويسوون كل شي ولا يقولون ولا سألتيهم يضيعونج


وجمال الحربي وينه الحين لعوزنا هالدكتور مرة ثانية لا بغى ياخذ اجازة خل يكتب بالمنتدى متى بيرجع و يحط رقم موبايله للطوارئ مو جذي يحوسنا وياه ههههههههه

 

[نووووونا]

تم تعديل العنوان

 

[الاطلالة]

رفيجتى سوت خشمها عند موشو الى انترناشونال كلينك صراحة خسمها وايد حلو صار انصحك فية

 

[^^ROSE^^]

قصدج نيشو مو موشو

 

[العنودة]

مشكورييين يالي ردوا وانقذوني من الانتحار
بس حق السوان يا بنات كيف اسعارة
والحربي ابي اشوف الصور الي قلتوا عليها
وفي وحدة بالمنتدى تقول بعدل شغل الحربي
علشان كذا تخوفت ياليت اقدر اشوف صور البنات

 

[العنودة]

بناااات بلييز ابي وقفتكم ويين الردوووود

 

[أم حمـــــودي]

هاي عزيزتي انا انصحج وعن تجربة روحي ايران د. بور صادق وموفقة انشالله

 

[العنودة]

اختي ام حمودي ما اقدر اروح ايران
ابي دكتور في دبي ولا لبنان

 

[أم حمـــــودي]

والله ما اقدر افيدج لان ما اعرف دكاترتهم ولا اعرف احد امجربهم والله كان ودي اساعدج يا قلبي

 

[سارونه الاماراتيه]

مرحبا الساااااااااع ^^

حبيت اساعدج اختي ,,

إذا تبين دكتور في دبي ,, عندنا مركز كوزمسيرج في جميرا ايي لهم دكتور زائر من لبنان يقعد 4 أيام ويروح بس شو فـــله ما شاء الله عليه ينحت ويرسم الخشم رسم وبشكل طبيعي جداا ,, يعني والله ما اجذب علييج يسوي في اليوم اكثر عن 10 عمليات والله العظيم انا شايفته بروحي لإني عدلت الانحراف عنده ,,

جربي الاستشاره وشوفي شو بيقولج ترا أمين واذا ما احتجتي بيقولج ما يحتاي

والسموحه ع الاطاله

 

[دلـــع_الكويــت]

العنودة....حبيبتي الي سامعة فيه د.الصبيح وشغلة وااايد حلو انا شايفته..

وان شاء الله البنات ما يقصرون معاج..

 

[العنودة]

اختي سارونة الاماراتية هو جبريال صعب الي تقصدينة
والانحراف من ضربة ولا عملية فاسلة مثلي
وتحسين صغر خشنك ولا خلاة احلى بدون ما يصغرة مرة ويبين كأني مكي ماوسeh_s(11):
وهل رفع خشمك اكثر شي خايفة منة
انا شفت برنامج بيوتي كلنك في دكتور واثق من نفسو مررررة شغلة واااااااو شوي علية بس ما ادري كيف بالحلات الصعبة مثلي
وهل الفتحات مبينة طبيعية بليززز ادري كثرت عليك بس والله خايفة من بعد الي صار لي:lkmnkl:
وكيف السعر وهل ورمتي كثير
وتعرفين مكانة بلبنان

 

[سارونه الاماراتيه]

هي صح هو نفسه غابرييل أكرم صعب بس انتي من وين سامعه عنه ,,,, انا ما غيرلي خشمي أبدا اشتغل من داخل الفتحات قتلج لأنه ما سوالي تجميل بس عدلي الانحراف من داخل, يعني عدله من جدام وصار أوكي ,,
في لبنان موجود في مستشفى المشرق ,, بس انا سويتهـا في دبي:3lm1: وعندي معاه مراجعه يوم الأحد ان شاء الله
الانحراف ورمني لمدة 3 أيام وتكلفة العمليه ثابته اللي هي 16 ألف درهم ^^ هو غالي بس يمكن يكون في لبنان أرخص,,
بالنسبه لربيعاتي واللي أعرفهم مسوين عنده كل شي امبين طبيعي حتى الفتحات شكلهـا عادي جدا ,, وبالنسبه للحالات الصعبه مره كانوا حاطينه في برنامج غيرلي حياتي اللي كان ينعرض على قناة دبي من سنه وكان مسوي ترميم خشم حق واحد يمني والنتيجه لا إله إلا الله خيااااااليه..
وأي سؤال ثاني أنا حاضره وبالنسبه لسسب الانحراف عندي أنا كاتبه قصتي في قسم القضايا الاجتماعيه والنفسيه تقدرين تقرين حالتي اللي يرثى لها الله يصبرني يارب

 

[حبيبته آنا]

اذا تبين غابريال صعب ترا اعتقد ايي زياره الكويت عند مستشفى رويال حياة

 

[العنودة]

مشكورة حبيبتي سارة ع التوضيح ماقصرتي
واللله يوفقك يارب ويفك ضيقتك

 

[العنودة]

اخت سارونة ياليت تبلغينا وش يصير معك مع الدكتور:tek: