ردا على استفساراتكم بموضوع( لي شهر عند اهلي ولاحس ولا خبر)

[سكوتي بذوقي]

ماتنلامين اختي

يمد إيده ليش

بنات الناس مو لعبه علشان الرجال يسوي اللي يبيه

لو اخته قوم الدنيا وقعدها

الله يهديه ويسخره يارب ويحفظ لكم ولدكم ويبارك لكم فيه

 

[دلوعة كويتيات]

حبيبتي الله يكون بعونج
بعدين ليش يطقج بالعقال يعل ايده الكسر سامحيني بس عورتي قلبي شنو يطقج بالعقال ؟؟؟؟؟؟؟؟

ترا في قانون الريال لا طق حرمته ينسجن سامحيني بس انغثيت منه

عسي ربي ياخذ حقج لاتزعلين مني

 

[مطنـوخهـ]

الله يهدي سركم يا رب

 

[زوجة عزيز]

الله يعينج حبيبتي والله ماتنلامين الطق مو شي هين اهو ريال وانتي مره مهما يكون مابتتحملينه الله يسخره لج ويهديه ان شاء الله

 

[لولو سيتي]

لا حول ولا قوة الا بالله ما تنلامين حبيبتي الريال اللي يضرب المرا على سبب تافه ترى ماهو ريال يستعرض عضلاته على زوجته في شي اسمه الحلم عند الغضب ورفقا بالقوارير والله هالجيل مادري شفيه الله يعينج ويسخره لج وبرده ردا جميلا والله يخلي لج ولدج ويتربى في عزج وعز ابوه طبعا بعد ما ربي يهديه ويتعدل امين يا رب

 

[هذا مزاجي]

عسى الله يريح بالج ويشرح صدرج

 

[صابرة الحمدلله]

حبيبتي الله يكون بعونج
بعدين ليش يطقج بالعقال يعل ايده الكسر سامحيني بس عورتي قلبي شنو يطقج بالعقال ؟؟؟؟؟؟؟؟

ترا في قانون الريال لا طق حرمته ينسجن سامحيني بس انغثيت منه

عسي ربي ياخذ حقج لاتزعلين مني

ياقلبي مسموحه ادري شي يعور القلب

 

[صابرة الحمدلله]

الله يجزاكم خير على دعاؤكم لي والله ينولكم اللي تبونه

 

[مـزآج ــــية]

انا مع بدوية وايد بكل كلمة

الله ياخذ حقج منه يا رب

الله يسخره لج

عورتي قلبي بس مابيدي غير ادعيلج

 

[caesara]

الله يسخره لك ويهدي سركم

 

[dantella]

ردت الماي بزوره هالضعيف الشخصيه الي ماتطلع قوته الا على مره
ماعليج من احد والله يلوم الي يلومج ويعينج على مصابج والله يكتب لج الي في الخير
هذا شكله واهو صغير ماكل طق لين قال بس ولمن كبر قاعد يحط الحره فيج هالمريض
شنو يقهرني الريال الي يمد ايده

اسفه لو اشتطيت

 

[* بنت المطر *]

عمى بعينه عسى ايده الكسر ان شالله جليل الحيا انا ماادري شنو قصتج بالضبط ماقريت موضوعج الاول ياليتج حاطه الرابط

بس ياكرهي للرجال اللي يتفرعن على مره اعنبوا داره بعقال !!! حسبي الله عليه من رجال جعل العقال يتقطع على ظهره

ان شالله جانه مارحم ضعفج الله يلعنه من رجال خليه يولي بس هذا فراقه عيد

 

[بخـــارى]

اختي كلام بدويه وايد عين العقل
واهلج موسلبين بس اهما بيشوفون مايته شنو وانتي قاعده معززه عندهم ادري انج تبين تعرفين شنو فيه وشنو يفكر فيه بس صبري وربج يفرجها عليج وادعي احنا برمضان

 

[@ام يوسف@]

الله يهديه ويسخره لج

 

[senioreta n7oola]

ي حياتي
عليج ب الدعاء والاستغفار وانا اختج
والله يهدي سركم ،

 

[مهرهـ]

انا لو انا بموقفج وطقني زوجي هالطق اخواني يطقونه سنه بساعه عشان يعرف قيمته وانه خذاني مو عشان يهيني
انا مدري صراحه وين عايشين من جد؟؟الرجال الي يطق مراه بهالشكل والله مو رجال ..!! مع احترامي لج
وقاطج شهر ولا سال؟؟ ياربي انتي مو عرضه مو شرفه شلون مايسال عن عرضه
ياربي وقسم بالله ماعاد فيه مستحى لو بنته يرضا رجالها يسوي فيها جذيه ولا اخته؟
اسمعي لافكر يردج لازم يعتذرلج ويتعهد قدام الكل مايمد ايده ويحفظ كرامتج ويعاملج باحسان
هونيها حبيبتي ولاتضايقين وكلي امرج لرب العالمين

 

[صمتي حكيه]

الله يرد ه لج ردا جميلا ويسخركم حق بغض

،


سوري لاتزعلين بس الي ترضى تنطق مره راح تنطق بعد ! وانتي رضيتي بالكف لما تمادى
بس الي صار صار
والحين خلج على موقفج الحازم عشان لايقول طقيتها وطردتها ودقوا اهلها وقالوا تعال والا هي قالت تعال
زين ان كان عقال بايده مو اكثر باجر يكفخ بابجوره والا اوتي والا شي بايده وتصير لج عاهه مستديمه والا ايتم ولدج اسم الله عليج وبعيد الشر
وترى الطرده مو هينه والطقه مو بسيطه مارحمج وانتي ام ولده مارحمج عشان جم دشداشه ما اخذتهم المصبغه بيرحمج بعدين؟بالله على يوم اذا كبر ولدج اسم الله عليه وصار يمشي بعربانته ويشخبط ويلعب وينثر الاغراض بيخنقج ؟ والا بيدوس ابطنج ؟
خليه بس لاتسكتين عن مصروفج وخلج قويه قولي جيب الخدامه ماني بحاجتها بس هذا شي لي مو لك وترى لو اني موعلى ذمتك تجيب لي خدامه وسايق بعد غصبن عنك وخليه يجيب الخدامه < هالحجي قولي له اذا دز مسج مثل ابي رقم حسابج وغيره
استغفر الله يعني رامبو والا رجال
الله يصبر قلبج ويعينج حبيبتي ومالج شغل بللي تقول ردي اذا مابادر لاتبادرين انتي مو بهيمه حشاج تنطقين ويدخلون الحضيره ويطلعونج منها متى مايبي
الله يريح بالج وعساه يجيج يزحف وندمان ان شاءالله

اانا مع كلام اختي بدويه وايد وكلامه صح . . . :eh_s(15):
وانتي لازم توقفينه عند حدا لان راح يتمادا انا كنت نفس حالتج لا واردا بعد عل اي شي يطقني باي شي جدامه طقني في ومره طقني بعلبت لعطر وشق راسي حتى ولدا لي عمر سنه ونص قام يطقا ويقول انا مابيج وكلام يجرح ماينقال وتخيالي حتى واناحامل يطقني
نصيييحه ياإختي خلج قاعد ولاتبدرين بيشي وثقليي عليه ولاتخلين اي كلام ياثر عليج واهتمي بنفسج ولدج وعليج بقيام اليل والدعاء ولاتفكرين
وانشاالله أللله يهدي ويسخره لج