مساء الخير
بنات والله شابكه وقلبي منقمت وحاسه أيدي علي قلبي أنا تقريبا البنت الوحيده بالبيت ماعندي ألا أخت أكبر مني ومتزوجه وأخواني الصبيان فديتهم 4 أللي متزوج 3 أخوي الثالث توه متزوج من شهرين ونص بس ماسوينا حفلة عرس لأن يدتها توفت قبل العرس بأسبوعين بس سوينا أستقبال بالبيت مرة أخوي عايشه معانا بالبيت وفيه أخوي الثاني أللي أكبر منه عايشنا معانا بالبيت أهوا ومرته وكلهم والله أحترمهم وأعزهم حريم أخواني بس مرة أخوي اليديده بنات والله مخرعتني بسم الله الرحمن الرحيم بنات ماأبالغ عينها تقط الطير من السما شي يخرع والله أنا قبل علي بالي يتهيألي وبصراحه ماأؤمن بهالأشياء عين وحسد عادي عندي الحياه تساهيل ولاراح يصيبنا أللي كاتبه ربي بس صج البيت كل يوم صاير فيه شغله بقولكم عشان ماتقولون صدفه أول أسبوع من عرسها نزلت تحت بالصاله ولا أخوي العود فديته مو عايش معانا برا أهوا وزوجته يأ يسلم علي ويايبلي فون بلاك بري كنت موصيته عليه وأخوي يموت بالرياضه وومشترك بنادي وجسمه ماشاء الله تبارك الرحمن معضل جان تشوفه مرة أخوي العروس قاعده بالصاله جان تقول أخوج فلان قلت أيه وااااااااي ياحلات جسمه ياحظ مرته لو أنا بمكانها ماخليه يطلع بالشارع لاأحط يخطفه جسمه مو طبيعي ومزيووووون والله بنات عقبها بجم أسبوع داقه علي زوجته تحطلم تقول أخوج مادري شفيه فيه شي مظايقه قلت ليش قالت ماعاد يشتهي ياكل وتدرين أللي يروح لنوادي لازم تغذيته قويه وياكل عدل صاير أتحايل عليه بس ياكل توسته وكله نايم وماعاد يحلق وصارله فتره مايروح لدوامه ماحطيت في بالي قلت يمكن فيه شي مظايقه رحت وزرته أتطمن جان يقول لاتحاتين مافيني شي والله بنات الريال أللي شكبره يخرع نحف بشهر وويه يخرع جان أقول لمرته أرقيه وشغلي عنده قرأن ماحطيت في بالي مرة أخوي حاسدته وطوفت الموضوع قبل فتره أسبوعين أختي زايرتنا وشاريه ساعة ديور من روائع جنيف المهم جان تقعد مرة أخوي أطالع فيها قالت ساعتج موطبيعيه والله يابنات الساعه وقفت والله تحلف أختي ماصكت الشهر الساعه يديده ودتها حق المحل وقال مافيها شي تخيلوا عند المحل تشتغل وبأيد أختي توقف أختي طبعا كرهت الساعه عاد ماخذتها غاليه... المهم ذاك اليوم أنا وياها نتابع حفلة عبدالله رويشد وأبو بكر سالم وأسماء المنور المهم اثناء الحفل كرموا أبراهيم الصوله أللي مسوي لحن النشيد الوطني جان تقول وااي هذا ليما ألحين حي والله يابنات ماجذب عليكم ماثنتها ولا الريال طايح علي ويه يمه خقيت قمت ورحت لداري ومابي أحرجها أقولها عينج حاره بس أمس فصلت لأن قاعده تحسد عيال أخوي عندي عيال أخوي مابينهم ألا سنه وسم الله عليهم يحبون بعض لدرجه موطبيعيه ومع بعض يلعبون جان تقول ياحليلهم جنهم ربع مو فوق راس بعض نسيت نفسي وقعدت أصرخ قولي ماشاء الله أذكري الله حرام عليج جان أخوي يفصل علي قال أحترمي نفسج عيب وين قاعده أحترميها علي الأقل جدامي بنات والله شي موطبيعي فيه مواقف أقوي وتخرع ماتنذكر عندي بدلة عرس مسويتها عند مصممه حق عرس رفيجتي والله قاطه فيها 300 دينار ماتهنيت فيها صاير علاق وفوقه قميص قصير شافتها بنات والله مالبستها ألا لما قايستها عشان ماتقولون من اللبس الوايد العلاقين أنقطعوا :eh_s(11): والشوارفسكي قام يطيح وهالمصممه أعرف أخياطها زين ومفصلين تقريبا أغلب بدلنا عندها ماصار فيهم شي أستغفر الله هذي توها بس شهرين ونص وسوت جذيه الله يستر يتروالي ماحد راح يقعد بالبيت :yaaaaaarb: وأخوي مايرضي عليها نحاجيها وأطنقر لاقلت ذكري الله شقصدج أنا عيني مليانه ماأظن مليانه ...
بنات شسوي معاها ماتعرف تقول ماشاء الله ...
بنات والله شابكه وقلبي منقمت وحاسه أيدي علي قلبي أنا تقريبا البنت الوحيده بالبيت ماعندي ألا أخت أكبر مني ومتزوجه وأخواني الصبيان فديتهم 4 أللي متزوج 3 أخوي الثالث توه متزوج من شهرين ونص بس ماسوينا حفلة عرس لأن يدتها توفت قبل العرس بأسبوعين بس سوينا أستقبال بالبيت مرة أخوي عايشه معانا بالبيت وفيه أخوي الثاني أللي أكبر منه عايشنا معانا بالبيت أهوا ومرته وكلهم والله أحترمهم وأعزهم حريم أخواني بس مرة أخوي اليديده بنات والله مخرعتني بسم الله الرحمن الرحيم بنات ماأبالغ عينها تقط الطير من السما شي يخرع والله أنا قبل علي بالي يتهيألي وبصراحه ماأؤمن بهالأشياء عين وحسد عادي عندي الحياه تساهيل ولاراح يصيبنا أللي كاتبه ربي بس صج البيت كل يوم صاير فيه شغله بقولكم عشان ماتقولون صدفه أول أسبوع من عرسها نزلت تحت بالصاله ولا أخوي العود فديته مو عايش معانا برا أهوا وزوجته يأ يسلم علي ويايبلي فون بلاك بري كنت موصيته عليه وأخوي يموت بالرياضه وومشترك بنادي وجسمه ماشاء الله تبارك الرحمن معضل جان تشوفه مرة أخوي العروس قاعده بالصاله جان تقول أخوج فلان قلت أيه وااااااااي ياحلات جسمه ياحظ مرته لو أنا بمكانها ماخليه يطلع بالشارع لاأحط يخطفه جسمه مو طبيعي ومزيووووون والله بنات عقبها بجم أسبوع داقه علي زوجته تحطلم تقول أخوج مادري شفيه فيه شي مظايقه قلت ليش قالت ماعاد يشتهي ياكل وتدرين أللي يروح لنوادي لازم تغذيته قويه وياكل عدل صاير أتحايل عليه بس ياكل توسته وكله نايم وماعاد يحلق وصارله فتره مايروح لدوامه ماحطيت في بالي قلت يمكن فيه شي مظايقه رحت وزرته أتطمن جان يقول لاتحاتين مافيني شي والله بنات الريال أللي شكبره يخرع نحف بشهر وويه يخرع جان أقول لمرته أرقيه وشغلي عنده قرأن ماحطيت في بالي مرة أخوي حاسدته وطوفت الموضوع قبل فتره أسبوعين أختي زايرتنا وشاريه ساعة ديور من روائع جنيف المهم جان تقعد مرة أخوي أطالع فيها قالت ساعتج موطبيعيه والله يابنات الساعه وقفت والله تحلف أختي ماصكت الشهر الساعه يديده ودتها حق المحل وقال مافيها شي تخيلوا عند المحل تشتغل وبأيد أختي توقف أختي طبعا كرهت الساعه عاد ماخذتها غاليه... المهم ذاك اليوم أنا وياها نتابع حفلة عبدالله رويشد وأبو بكر سالم وأسماء المنور المهم اثناء الحفل كرموا أبراهيم الصوله أللي مسوي لحن النشيد الوطني جان تقول وااي هذا ليما ألحين حي والله يابنات ماجذب عليكم ماثنتها ولا الريال طايح علي ويه يمه خقيت قمت ورحت لداري ومابي أحرجها أقولها عينج حاره بس أمس فصلت لأن قاعده تحسد عيال أخوي عندي عيال أخوي مابينهم ألا سنه وسم الله عليهم يحبون بعض لدرجه موطبيعيه ومع بعض يلعبون جان تقول ياحليلهم جنهم ربع مو فوق راس بعض نسيت نفسي وقعدت أصرخ قولي ماشاء الله أذكري الله حرام عليج جان أخوي يفصل علي قال أحترمي نفسج عيب وين قاعده أحترميها علي الأقل جدامي بنات والله شي موطبيعي فيه مواقف أقوي وتخرع ماتنذكر عندي بدلة عرس مسويتها عند مصممه حق عرس رفيجتي والله قاطه فيها 300 دينار ماتهنيت فيها صاير علاق وفوقه قميص قصير شافتها بنات والله مالبستها ألا لما قايستها عشان ماتقولون من اللبس الوايد العلاقين أنقطعوا :eh_s(11): والشوارفسكي قام يطيح وهالمصممه أعرف أخياطها زين ومفصلين تقريبا أغلب بدلنا عندها ماصار فيهم شي أستغفر الله هذي توها بس شهرين ونص وسوت جذيه الله يستر يتروالي ماحد راح يقعد بالبيت :yaaaaaarb: وأخوي مايرضي عليها نحاجيها وأطنقر لاقلت ذكري الله شقصدج أنا عيني مليانه ماأظن مليانه ...
بنات شسوي معاها ماتعرف تقول ماشاء الله ...
