رحلتي من النمسا الي استانبول

[المهفة]

سفرتنا كانت في6/4 الي فيننا علي الطيران التركي وكان البرنامج كالتالي
3 ليلات في فينا فندق Astoria Trent
14 ليله في بادهوف جاستين في شقه alpen parks

5 ليلات في اللتواسى alpen parks
2 ليله فى فينا فندق astoria trent parkhotel
ثم السفر الي تركيا والاستقرار في استانبول لمدة 6 ليلات في فندق titank porthotel
فالعوده الي الكويت في7/4
وغدا اكمل تفاصيل الرحله
ولكم منى كل التحيه

 

[عجميه زوغه]

وااو احب الرحلات الطويله
ناطرينج

 

[q8helwa]

متابعة

 

[جوري 89]

يسلمووووو

 

[المهفة]

سلام بنات
بدخل بموضوعي علي طول لان الموضوع طويل
طرنا على التركيه الساعه٧ الصبح نزلنا استانبول غيرنا الطياره وعلي فيينا وصلنا الساعه١ ترانزيت ساعه وحده بتركيا
الفندق للى يعرفون فيينا فى شارع ماريا هلفر يعني ماتحتاجون تاكسي السوق كله حوالينكم طول بعرض وهالشارع أطول شارع تسوق فى اوربا ومنه تروحون علي اشهر ساحه وهي ساحة اشتيفن بلاتز فقط ٦ دقايق بالاندر جراوند. نزلنا الشارع الاول وسيده اخذنا خطوط موبايل orange ليش؟ لأنة بروح عقب تركيا وهالشركه تقلب فودا فون اوتوماتك. أنا أتكلم عن الاي فون . فهمتوني
تغدينا في مطعم اسمه karon عربي اكله عجيب طبعا عربي وحلال مومثل بعض المطاعم يكتبون حلال ولا دخلتي ولا مرززه البطول والمطعم لعايله عراقيه وايد محترمين وأشعارهم معقوله
كملنا اليوم في ماريا هالفر . الجو كان مطر وعقب العصر برد وردينا الفندق من البرد
الفندق روعه غرف جديده واسعه وخدمه احلي واستاف الرسبشن يهبلون
ثاني يوم تسوقنا في اشتيفن بلاتز
ثالث يوم اخذنا تاكسي لف فينا الدانوب والأماكن السياحيه عشان الوالده معانا اول مره بالنمسا
اليوم الرابع اتفقنا مع سياره اصغر من الميني باص وودتنا من فيينا الى بادهوف جاستاين وهالمدينه اول مرة اروح لها وحجزها فيها اسبوعين ٣ شقق
وبإجر ان شاء الله اكمل عن هالمدينه العجيبه

 

[اخت خالتهم]

ماشاءالله عليكم بالعافيه

 

[المهفة]

اليوم بنتكلم عن مدينة بادهوف جاستين واللي تبعد عن فيينا 4 ساعات بالسياره . وعلى فكره بالقطار 5 ساعات بس السياره أريح للوالده عشان التوقف والحمام ونتوا بكرامه اخذ علينا 470 يورو
الشقق اسمهمalpen park وجمعت عنهم معلومات وايد قبل السفر ونظام الشقق a وb وc
شقه بغرفتين او ثلاث او اربع ونظام شاليهات المطبخ كامل العده الاستقبال ريال وزوجته نمساويين يديرون البنايات الثلاث
الجو كان روعه درجه الحراره17 والمطر مانقطع طوال اقامتنا الاسبوعين اضطرينا نشتري جاكيتات شتويه وعلي فكره السنتر عندهم عباره عن محلات ملابس وهدايا وشوز و صابون لكل مناسبه وجمعيتين معروفين للي يترددون علي النمسا مثلي( بيللا وشبار) وماننسي المطاعم علي كيف كيفكم منها الايطالي والتركي ومطاعم الاسماك انواع .
لاحظت ان الأسر الإماراتية وايد في هالمدينه واكثرهم فيهم كبار يالسن وواضح انهم طايحين فيها من زمان وسألت وحده قالت اصلا هذي ديرتنا نجيها من 20 سنه ويحبونها الكبار والصغار يعني هناك هدي عيالج يلعبون من الصبح لليل ماكو خوف ولا مشاكل وجو حلو وأكل احلي . ويش نبي بعد
لا وبعد تأجير قواري وتشوفين الصغار والكبار رايحين رادين علي الجمعيه
طبعا الشمسيه من الضروريات عشان المطر وفيه فنادق وايد للي مايبون يطولون جداً راقيه وفيه بعد مراكز تجميل ورياضه وتعليم سباحه والصعود علي الجبال والتلفريك . والاهم من هذا ان خلال اقامتنا كنا يوميا نشرب من ماي الجبل وتلاقين بالشارع مسويين احجار ضخمه يصب منها ماي من الجبل وتعالي ترسي بطولج وشربي ماي بارد ومثلج وهم فيه الماي الحار نعرفه من دخانه هذا يقولون اشربيه خلال 10 دقايق من تصبينه وشوفي الصحه والنشاط اللي مو طبيعي . وعلي بعد 10 دقايق من هالمنطقه فيه المغاره اللي داخلها مثل الكريستال حاطين فيها اسره مجموع سرير يقعدون عليها المرضي يستشفون من مختلف الامراض مثل الوماتيزم والربو والاكزيما وغيرها . انا مارحت بس شفتهم بالفوتشر مال الفندق
وبس تعبت باجر اكمل بنات .
الموضوع عاجبكم ولا لا ماشوف ردود*

 

[اخت خالتهم]

اختي لو مع صور يكون احلى
وقواج الله على المجهود الحلو

 

[المهفة]

حبيبتي اخت خالتهم مشكوره حياتي عالمرور وانا مصوره بس عندي مشكله ماعرف انقل الصور اسمحيلي

 

[المهفة]

عجميه وكويت حلوه وجوري مشكورين يالغاليات عالمرور يهمني رايكم

 

[سندريلا الجهرا]

الحمدلله على السلامه

ٷٷٷٷولِـوٷٷٷٷ كان في صور يكون افضل

 

[المهفة]

سندريللا الجهرا حياج وشكرا عالمرور وبحاول بالصور