اميرة الغيد
New member
السلام عليكم ورحمة الله وبركاته
عزيزاتي وحبيباتي الكويتيات انا ادري ان في مواضيع عن الخبر والبحرين بهالقسم بس انا حبيت اقولكم سالفة رحلتي اللي اسميها الرحله المطفوقه وابي ماتضحكون علي
انا رايحه من قبل حق الخبر والبحرين الحمد لله بس هالمره ما ادري اشلون كانت رحلتي بس ترى عادي اللي بيضحك يضحك يعني انا روحي رياضيه هههههههه
شوفوا انا اشلون رحت :
اول شي يوم العيد اللي اهوه يوم الثلاثاء بدلت انا وعيالي ورحت عند اهلي كاشخين بملابس العيد عيدنا عليهم وعادي بعدين اتفقنا نطلع العصر نودي العيال يستانسون عادي لما هني الوضع عادي ردينا البيت عشان نريح ونروح العصر لما رجعنا للبيت قال زوجي بدون مقدمات تبون نروح للخبر انا ماصدقت على الله لأن اول مره يطلع شي من نفسه بدون حنه وعوار راس بس صج غريبه يعني انا ناديت عيالي وقلت لهم ابوكم بيودينا الخبر والبحرين حبيت اشيش العيال قبل لا يغير رايه
_03BA:
المهم رحنا العصر على ابو انه بيكلم الدوام عشان يغيب يوم واحد او يومين اهوه عموما بهاليوم ماعنده دوام
رحنا العصر الساعه 5 يعني ماوصلنا الخبر الا الساعه 10 على مالقينا لنا فندق الفنادق هناك فل عشان العيد ومزيدين اسعارهم 3 أضعاف خذينا من الشقق الفندقيه اللي يم الراشد اسمه كرستال ديكوراته زينه بس الشقه فيها ريحه ومافيها تهويه المهم شقتنا كانت غرفتين وصاله بسعر 650 ريال بس عشان العيد .
ثاني يوم قمنا وتريقنا على اساس نطق فره بالسوق لأن اهم شي بالخبر السوق لقينا كل الاسواق والمجمعات مصكره انا اهني انفجرت من ضيقة الخلق :eh_s(14):
مالي شغل ابي السوق :lkmnkl:
اشلون شالحل يعني بروح الروحه صارت بس يوم واحد لأن زوجي قالوا له الدوام يرد عشان باكر دوامه وما سمحوا له يغيب يعني اشلون نطق الطريج 4 ساعات روحه عشان ننام بالفندق ونرد شالحل يعني وانا من شفت السوق مصكر صكت الدنيا فيني :0bee2e8d89:
شالحل :gr4uu:
لقيت الحل نروح البحرين مدام مابينها وبين الخبر الا نص ساعه
رحنا البحرين الظهر يوم وصلنا للجسر الا عليه امة لا إله الا الله سيارات سعوديه وقطريه وناس متعنين من الامارات عشان يروحون البحرين ، امري لله نطرنا على الجسر حالنا حال الناس
عاد انا طول الطريج واقول ان شاء الله الاسواق مبطلين ، لقيت سوق العبي اللي الكل يقول عنه بالمحرق وطلع مصكر
هم ضاق خلقي :0bee2e8d89: يعني اشلون ما كو الا نروح للمجمعات
رحنا مجمع السيف الله عليه وناسه مبطل والعالم كلها فيه هيييييييييييييييه وناسه :ggdw:
انا اهني استانست عرفت ان المجمعات مبطلين الحمد لله استانسنا :dddds:
ورحنا حق مجمع البحرين اشوه مافيه زحمه تغدينا العصر وردينا للسعوديه عشان نرد للكويت
وطبعا بالطريج عيالي بالسياره طقني واطقك :j013: ماينلامون يتسلون بالهواش الطريج طويل
الله يعينا عليهم واخيرا ردينا الكويت :q8:
الرحله كانت اول يوم العيد مشينا 5 الا ربع بالضبط وردينا للكويت ثاني يوم 5 العصر . يعني 24 ساعه بس .
انا صج احب الخبر والبحرين ودايما اروح لهم بس هالمره خذيت درس ما اروح بالعيد لأن كل شي مصكر بالخبر وسوق العبي بالبحرين مصكر .
ان شاء الله ما اكون طولت عليكم واذا تبون تسألوني عن اي شي ولا يهمكم انتوا تامرون حبايبي .
عزيزاتي وحبيباتي الكويتيات انا ادري ان في مواضيع عن الخبر والبحرين بهالقسم بس انا حبيت اقولكم سالفة رحلتي اللي اسميها الرحله المطفوقه وابي ماتضحكون علي
انا رايحه من قبل حق الخبر والبحرين الحمد لله بس هالمره ما ادري اشلون كانت رحلتي بس ترى عادي اللي بيضحك يضحك يعني انا روحي رياضيه هههههههه
شوفوا انا اشلون رحت :
اول شي يوم العيد اللي اهوه يوم الثلاثاء بدلت انا وعيالي ورحت عند اهلي كاشخين بملابس العيد عيدنا عليهم وعادي بعدين اتفقنا نطلع العصر نودي العيال يستانسون عادي لما هني الوضع عادي ردينا البيت عشان نريح ونروح العصر لما رجعنا للبيت قال زوجي بدون مقدمات تبون نروح للخبر انا ماصدقت على الله لأن اول مره يطلع شي من نفسه بدون حنه وعوار راس بس صج غريبه يعني انا ناديت عيالي وقلت لهم ابوكم بيودينا الخبر والبحرين حبيت اشيش العيال قبل لا يغير رايه
_03BA: المهم رحنا العصر على ابو انه بيكلم الدوام عشان يغيب يوم واحد او يومين اهوه عموما بهاليوم ماعنده دوام
رحنا العصر الساعه 5 يعني ماوصلنا الخبر الا الساعه 10 على مالقينا لنا فندق الفنادق هناك فل عشان العيد ومزيدين اسعارهم 3 أضعاف خذينا من الشقق الفندقيه اللي يم الراشد اسمه كرستال ديكوراته زينه بس الشقه فيها ريحه ومافيها تهويه المهم شقتنا كانت غرفتين وصاله بسعر 650 ريال بس عشان العيد .
ثاني يوم قمنا وتريقنا على اساس نطق فره بالسوق لأن اهم شي بالخبر السوق لقينا كل الاسواق والمجمعات مصكره انا اهني انفجرت من ضيقة الخلق :eh_s(14):
مالي شغل ابي السوق :lkmnkl:
اشلون شالحل يعني بروح الروحه صارت بس يوم واحد لأن زوجي قالوا له الدوام يرد عشان باكر دوامه وما سمحوا له يغيب يعني اشلون نطق الطريج 4 ساعات روحه عشان ننام بالفندق ونرد شالحل يعني وانا من شفت السوق مصكر صكت الدنيا فيني :0bee2e8d89:
شالحل :gr4uu:
لقيت الحل نروح البحرين مدام مابينها وبين الخبر الا نص ساعه
رحنا البحرين الظهر يوم وصلنا للجسر الا عليه امة لا إله الا الله سيارات سعوديه وقطريه وناس متعنين من الامارات عشان يروحون البحرين ، امري لله نطرنا على الجسر حالنا حال الناس
عاد انا طول الطريج واقول ان شاء الله الاسواق مبطلين ، لقيت سوق العبي اللي الكل يقول عنه بالمحرق وطلع مصكر
هم ضاق خلقي :0bee2e8d89: يعني اشلون ما كو الا نروح للمجمعات
رحنا مجمع السيف الله عليه وناسه مبطل والعالم كلها فيه هيييييييييييييييه وناسه :ggdw:
انا اهني استانست عرفت ان المجمعات مبطلين الحمد لله استانسنا :dddds:
ورحنا حق مجمع البحرين اشوه مافيه زحمه تغدينا العصر وردينا للسعوديه عشان نرد للكويت
وطبعا بالطريج عيالي بالسياره طقني واطقك :j013: ماينلامون يتسلون بالهواش الطريج طويل
الله يعينا عليهم واخيرا ردينا الكويت :q8:
الرحله كانت اول يوم العيد مشينا 5 الا ربع بالضبط وردينا للكويت ثاني يوم 5 العصر . يعني 24 ساعه بس .
انا صج احب الخبر والبحرين ودايما اروح لهم بس هالمره خذيت درس ما اروح بالعيد لأن كل شي مصكر بالخبر وسوق العبي بالبحرين مصكر .
ان شاء الله ما اكون طولت عليكم واذا تبون تسألوني عن اي شي ولا يهمكم انتوا تامرون حبايبي .
