رحت حق دكتورة فوزيه القطان وما فهمت؟؟ فهموني بنات

[ألول_85]

سالتلج رفيجتي تقول عطتها نفس بس عطتها شي تشربه بودره بماي بس ما تدري شنو و تقول تبدين بالحبوب اللي شهرين وتوقل اهي مشت شهرين على النظام الغذائي مو شهرين لانه جربته و ضعفت اهي و ريلها عليه و انشالله ربي يرزقج و يرزقها و تيوبون ولد اشنالله بس اهي للحين ما حملت تقول قلتلها بالدورة لازم تراجعها

 

[farah-q8]

للرفع

 

[@ Om Ali @]

الله يرزقج بالولد الصالح

 

[& حكاية حب موعود &]

ربي يرزقج بالولد الصالح عاجلا غير اجل
بنت عطا 24 يارب اللي بطنج ولد وتفرحين بشوفته

 

[أم حمودي**MALL**]

والله ماعرف
بس بتابع ردود البنات
والله يرزقج بالولد الصالح امييييييييييين

 

[busy-bee]

حبيبتي انا اراجع عند دكتوره فوزيه القطان الي بالحياة كلينيك .. و هذا نظامها ان اول مره تدخلين عند اي دكتوره معاها بالعياده و من ثاني مره تقدرين تدخلين عندها .. و ترا اهيه حدها حبوبه و بترتاحيلها امشالله .. المهم الكلوميد حق تنشيط المبايض و التحليل مال ثاني يوم الدوره عشان تفحص التبويض عندج او عشلن تشوف هرمون الحليب اذا عالي او لأ .. ترا واحد منهم صح .. لان في تحليل مال اليوم ال 21 من الدوره اعتقد هذا حق هرمون الحليب ... سامحيني ترا مسويتهم من اول ما تزوجت .. و تقدرين تسوين هالتحاليل بره بأي مركز تحليل بس ودي ورقت التحليل و اهمه يسوولج و بكون ارخص تقريبا نص السعر .. و اذا متخربطه بالادويه بس دقي على العياده و قوليلهم و اهم يحولوونج على دكتورتج و تكلمج و تفهمج اكثر

 

[مووووني]

الله يرزقج الولد الصالح يارب

 

[tota kim]

اب
اب

 

[بناتي زينة حياتي]

الله يرزقني ويرزقج ويرزق كل مسلمه بالولد الصالح ..

 

[الهبه88]

الله يرزقج الحمل التؤم الولدين الكاملين الخلقه بلا زياده او نقصان

 

[shoka]

السلام بنات حدكم اخجلتمووووني والله فيكم الخير احب اشكر كل وحده دعت لي واشكر كل اخت فيكم حاولت تساعدني والله اني كنت محتاره ومتظايقه اني ما عرفت شي حق العلاج مال الولد وعندي بنات الله يحفظم ودي بولد ذخر لهم بالدنيا

وقررت من بعد مشورتكم الغاليه اني اخذ موعد مره ثانيه عشان ادخل على الدكتورة فوزيه تفهمني عدل مدل واهما عطوني اوراق تحليل 21 يوم من الدورة وثاني يوم من الدورة ما سويتهم وما راح اسوي ليمن ادخل على الدكتورة فوزيه تفهمني بالظبط لان مابي هالشهر احمل تدرون ليش؟؟؟


لان رمضان وصعب اني اسوي النظام الغذائي يا ربي انشالله ابتدأ النظام الغذائي من بعد رمضان واتم عليه شهر

بسالكم خواتي يعني عادي اقولها ابي شسمه احمل بدورة شهر عشرة مو تسعه لان ما مداني اسوي النظام الغذائي ؟؟ وعادي اسوي النظام بس شهر ؟؟ سمعت انه شهرين ومادري شنو انا بالنسبه لي مو صعب النظام لكن من خوفي ودي اسويه تسع اشهر ههههههههههه مو شهر يعني بنات لو سويته شهر مع الحبوب اللي عطوني شسمه فيتامين سي وفوليك اسيد ومع الابره اللي تقولون عنها اييب ولد ان شاء الله؟؟؟؟؟؟؟ اييي وجنه قالت لي بتعطيني شراب فيتامين قلوي والله ما استوعبت كلامها عدل انجليزي وغصب افهم منها لازم باذن الله وارادته اروح مره ثانيه وافهم ؟؟ زين بنات دوووختكم عادي اشرب شاي وقهوة؟؟

بنات حدي خايفه والله ما تدرون بوضعي الحمدالله الله رزقني بنعمة البنات لكن ودي بولد وربي ان شاءالله ما ي

خيب من يدعيه ويطلبه ويرتجيه

تخيلو بنات زوجي كل ما يشوف واحد عنده اولاد يقول ربي يهنيه ان شاءالله ويحفظهم له يدعي جدامي واااي قلبي يحترق متى اييب الولد وارتاح بنات لمن اروح العياده مره ثانيه بقولكم اشصار معاي وبتابع معاكم ليمن احمل والله انكم خواتي وعزيزات ادعولي احمل وارتاح ادعووووووووووووووووولي الله يوفق كل من تدعيلي ويرزقها يا ربي يا رزاق

 

[dema76]

الله يرزقج ان شاء الله بالاولاد الصالحين

 

[shoka]

بنات الابره اللي تعطيني اياها التفجيريه يعني تنزل بويضه واحده صح؟؟ يعني ماكو احتمالية توم صح ولا اهي تعطي كلوميد بعد مع العلاج؟؟؟؟ فهموووني يا كثر الاشياء اللي مو فاهمتها تحملوني اختكم

 

[غلاي عزوزي]

انا جربت فوزيه بعلاج الحمل سوتلي منطار ومراجعات سنتين خررررررررررررررررطي عزكم اله تبين عن تجربه مرت اخوي راحت عند دلال السالم وحملت من عقب ربي بولد كله بعلاج هالدكتوره ويمدحونه بسالفة تحديد الجنس روحيلها ابرك بوايد فوزيه علالالالالالالالالالالالالالالالالاج للحمل وبس اشعرفها بتحديد الجنس

 

[مو عايشة بالدنيا]

انا عطتني دكتورة تغذية فيتامين سي مثل ماقلتي
وبالنسبة للنظام الغذائي اللي اعرفه شهرين بس دكتورة التغذية ماقالتلي شهرين والا شهر كنت بتعد عن الجبن والحليب وغيره
وبالنسبة للعسول المهبلي دكتورة خالدة مجيبل عطتني ياه بس ما خذيته
وبالنسبة للتحليل انا بعد قالتلي ثاني يوم دورة اتوقع عشان تعرف اذا في اشياء تاخر الحمل والا لا
وتعرف نسبة هرمون الحليب بالجسم وغيره
ودكتورة فوزية جذي طريقتها ماتدشين عندها على طول اني مرة تشوفج
نظام مليق صراحة
انا انصحج بدكتورة خالدة تهبل برويال حياة بس واااااااااايد غالية الله يهداها

 

[أم عنوبي]

السلام عليكم
الله يرزقج اختي شوكه بالولد الصالح اللهم امين
في وحده قالت عن الدكتوره فوزيه انها خرطي ..... أضم صوتي لصوتها حدها خررطي بس فلوس عالفاضي غيريها أحسن لج و أوفر لج
بعدين في شغلة لازم تعرفينها ترا اللي يحدد جنس البيبي الرجل مو المرأة الريال يحمل الاناث والذكور واحنا الحريم نحمل الاناث فقط يعني النظام الغذائي ياخذه الريال مو انتي هذا على حد علمي من تجارب ناس قراب مني ومن قراءات الكتب
والله يوفقج يا رب

 

[فديتني&&]

الله يررزقج بالولد الصالح قوليلنا شصير وياج حبيبتي

 

[hmama]

نصيحه لا تروحين حق امبرلين
هذي يديده وما تعرف عربي بعد
حبيبتي لا تتحسفين علي الحبوب
لانه عادي اي وحده تبي تحمل تاخذ فوليك اسيد وفيتامينات
والدكتوره فوزيه والنعم فيها
بس مو ذاك الزود
انا اقول روحي لماجده واذا ما حصلتيها روحي حق شيرين او سمر بس
والله يرزقج بالذريه

 

[عيون سارة]

رفع لعيونك

 

[hneen2]

انزين بنات شرايكم بالدكتوره معصومه بتحديد جنس الجنين ؟؟؟؟