رحت النصر اشتري جهاز رياضة ..وشوفوا شصار معاي؟؟؟

[بناتي زينة حياتي]

السلام عليكم ورحمة الله وبركاته


خواتي حبيباتي ابي منكم مساعدة وجعلها الله في ميزان حسناتكم

رحت مركز النصر على اساس اشتري جهاز الغزال الطائر اللي صوره تارسه اعلانات الجرايد الاعلانيه

ولما رحت وشفته بصراحه مااقتنعت انه بيضعف او يسوي شيء ..

قالي اللي يبيع هذا الجهاز يشتريه اللي يبي يحافظ على رشاقته لانه جهاز مشي

اذا تبين تضعفين عليج بجهاز الغزال الطائر للجري صورته تشابه الصوره الموجوده

http://www.thane.com/products/fitness/orbitrekelite/orbitrek.php

بس يفرق ان اللي شفته مزود بشاشه تبين الوقت وكم سعره حراريه تبين تحرقين ويبين نبض القلب

والاوربتراك شفته نفس الصورة اللي بالرابط بس فيه كرسي وماعجبتني طريقة عجلاته كلللش

ابيكم تساعدوني ...اللي جربت الغزال الطائر للمشي هل نفع معاها وعلى فكره سعره الحين 36 تقريبا

اما الغزال الطائر للجري حسيت انه صج ينقاله جهاز وسعره بعد الخصم 98

يمكن موضوعي مكرر سوري يامشرفات بس انا اطلبكم ماتحذفونه الا بعد مااشتري :dddds:

ابي نصيحتكم ابي اشتري قبل لاتخلص التنزيلات _03BA:_03BA:

 

[Japanese]

مافهمت شالفرق بين الآثنين آآسسففه

لكن نصيحتي انج تشتريته ودام عليه سيل بعد :/ حبتييين اشتريه والله يسوى << الغزال الطائر العادي اللي مثل

الاوربتريك تقريبا لكن ع اكبر

انا كنت استخدم الاوربتريك وكنت مستحقره الغزال لوول مدري ليش يمكن لانه شكله يوحي بآنه مايتعب ف مابيفيد جسمي !!

لكن بعد ماجربته :/ مستحيل افكر ارد للآوربتريك ،،،

لاحظت لمن استمر عليه جسمي وايد يتعدل ،، بس عاد انا دوم اهده وارد للمشي =(

ف مابقدر اقولج شنو نتايجه ع المدى الطويل

موووفقه =)

 

[مس يو]

انا كان عندي الأوربتتراك بس والله عجيب يشد الجسم وينسقه كنت اسوي ريجيم والعب عليه كل يوم تقريبا 20دقيقة مع تمارين سويدي خفيفة نزل وزني بـ3 أسابيع6 كيلووووو
ماادري انتي شوفي اللي يريحج سويه بس انا انصحج بالاوربتتراك

 

[بناتي زينة حياتي]

جزاكم الله خير عالمرور ...

وانا حدي ضايعه دوووم اسمع عن مدح للغزال الطائر بس ماني عارفه شكل اللي يمدحونه

والله المستعان

 

[ii DareeN ii]

انا شريتة تقريبا من سنة 36دينار بس من فنتك على ما اذكر وترا يتعب مو مايتعب لاتشوفينة جذي ولعبت عليه ولعبت على الاوربت تراك حيل متعب بصراحة ماقدرت عليه وبما اني مو حيل رياضية استغنيت عن الغزال حق ابوي لان صار وياه سكر بس الوالد واضب عليه مشاء الله خف مع ان مافية متن بس خف عليه انا انصحج فيه لو بتستخدمينة مو بتخلينة مثلي علاقة هدوم وترا الاوربت تراك متعب اذا تقدرين هم زين