رحتي دبي تعالي دشي ..

[..{ Pink!a]

قووه بناات شلونكم؟؟ ان شاءالله بخيرررر
بنات عفييه بغييت اعرف الشغلات المميزه بدبي يعني محلاات فيها بدل سهره حلووه عبي عطووور تكون حصريه سوواء كانت رخيصه او غاليه عفييه بناات لاتطولوون اختي بتساافر وبوصيهاا

:tek: حبووبات لاحد يطنش بعدين اززعل عليكم

 

[katko0ota]

حبوبه في وايد اماكن الصراحه

بالنسبه لبدل السهرات عندج مول الأمارات و الفيستيفال سيتي فيها تقريبا كل الماركات و الحين كله خصومات يعني ما تدرين شنو تشترين و شنو ما تشترين كله يعتمد على الذووق

 

[..{ Pink!a]

كتكوووته ياابعد مشكووره وماقصررتي


ويبين بااجي بنااااااااااات ؟؟

 

[glow 'n' show]

هارفي نكلز بالامرت مول

وادغي لي

 

[**أم السنع**]

السلام عليكم دبي حلوة للسوق تبي معاج بطاقة مفتوحة الحساب وتشترين مثل ما تبين

أول شي حناين عندج بمول الامارات والغرير وسيتي سنتر شغلهم حلو وموغالي حيل

البخور والزعفران والعطور الشرقية الحلوة بسوق مرشد خصوصا بو راشد والرصاصي وعلى فكرة ترى اللي هناك اهو الاصلي واللي عندنا مغشوش

مجمع ابو الهيل عبي وملافع عملية وهدايا

مجمع المنال اكسسوارات وخواتم حلوة ودراريع البيت العادية

الجناط الماركات ما انصحج تشترين من هناك اغلى من الكويت​

 

[..{ Pink!a]

مرج مشكوره حبيبتي

ام السنع مشكوووووره وماقصررتي

بناات بغيت اسال عن عطر توم فريد الاسود نزل الكوويت ولا لا عشاان اوصي اختي تشتريلي من دبي

 

[FdeeT.BnaTy]

توم فورد حبوبة ليلحين ما نزل بالكويت وخليها تييب لج من المطار ارخص من باريس غاليري
بس عجييييب العطر

 

[كويتية أصيله]

الرصاص عندج فيه بخور أسمه (بدر) وااااااااااايد واااايد حلو حق البيت والدوام يعني أستعمال يومي مومثل الرصاصي إللي بالكويت وخذي بالكيلو يطلع أرخص لج...

 

[الفرفورةرفرف]

في مجمع اسمة الريف مول في محل في بدل سهرة
المجمع يم الغرير

وفي بمركاتو بالجميرا ركن يبيعون عوط شغل بيت اسمهم انفاسك دخون بس العطور قوووووووييييييييييييييييييييييييييييييية

والعبي بكل مجمع تلقين محلات عبي وفي عطر اسمه اكتشفني عند محلات الهنيدي \عجييييييب واعتقد العطر قديم معروف

 

[dalprincess]

ختروح وافي وبرجمان فيهم سهره وماركات وامارات مول وفاستيفال سيتي وفي بسيتي سنتر محل هدوم سهره فوق صوب المطاعم هدومه وااايد حلوه بس ماعرف شسمه

 

[..{ Pink!a]

ام جمانه
كويتيه اصيله
الفرفوره رفرف
دال برنسيس

ميغسي بناااات ماقصرتوو ونخدمكم بافرااحكم قوولوو آآآميين

بس المشرفاات ليش ناقلين الموضووع توني الاحظ

 

[..{ Pink!a]

ام جمانه
كويتيه اصيله
الفرفوره رفرف
دال برنسيس

ميغسي بناااات ماقصرتوو ونخدمكم بافرااحكم قوولوو آآآميين

بس المشرفاات ليش ناقلين الموضووع توني الاحظ

 

[ام مضاوي]

العبي من ابو هيل


وعطر توم فورد اخذي اليونيسكس

 

[..{ Pink!a]

ام مضاووي ثانكس ع الرررد توم فرريد مجربته بس اخاف يخلص واتوهق ف لااازم اززيد المؤؤؤنه

وتسلمين حبووبه

 

[رهام الكويت]

مجمع الغرير محل الهنيدي عنده عطر مخلط أسمه أزهر حلو انصحج

محلات الخام الحراير أسمه اليازية عنده حراير حلوة


أبوالهيل ملافع وعبي

وأحلى مجمع لتسوق مجمع سيتي سنتر

 

[NICE BABY]

عمرى تونى ياية الأسبوع اللى فات تزوغ القلب الأسوقة لاتظنيين انها رخيصة اسعارها ناااار والله

انا رحت 4ايام وماشريت الا اشيا بسيطة لاتذكر كلفتنى سفرتى 1850دك روحي مول الأمارات وكمبنسكي

و ابن بطوطه والتنين يبيلج يوم كامل فية كفرات اكسسوارات فناتق الصين جناط تقليد ماركة ساعات وحدة

رخيييييص و ميركاتو فية كشك صغير اسمة انفاسك دخون عندة عطر ودخون اسمة( شى شى ) وفى

عندهم (ريل شي) عطوراتهم روعة وكل من سألنى عنهم ودلونى علية البنات بالمنتدى شى شى سعرة

250 درهم ومجمع ابو الهيل والغرير عندج كم محل للعبى والملافع كشخه ومنهم حناين منزلين توقيع جديد

وملافع دبل فيس تهبل الوانها وسيتى سنتر نفس المحلات اللى بالأفنيوز و اى على فكرة انصحج تشترين

عطر شى شى من مطار دبى لأنى لقيتة بالمطار 215 درهم تصدقيييين وعطر ثانى مابقى محل ما

كاسرتهم فية محد راضي يعطينياة يأقل من 800 درهم يقولون يديد موموجود بالكويت ولقيته بالمطار بدبى

ب 600 درهم ولما وصلت الكويت لقيته فى فافا فوم يعنى بالمختصر جميع انواع العطور اللى موجودة بالسوق

بتلقينها بالمطار بمكان واحد كأنة فافافوم أو دابنهامز ارخص بوايد لا تعنيين مثلى وتاكلج التكاسي ويقصون

عليج ولا سوق نايف لاتطبينة لأنه محترق وشايلينة ولا مجمع المنال مال الهنود يلوع الجبد قالو لى فية محل

Gess علية خصومات شريت منهم جنطة ب28 ولما رديت الكويت لقيتها بلأفنيوز مسوين خصومات 75 %

ب14 حدى احتريت اذا بتروحين روحي لمحلات معينةبشارع نايف مثل قصر الزعفران عندهم عطر فزاع خطيرر

لون قرشتة شذرى وعندهم زعفران عجيييب وسوق مرشد للبخور ادرى طولت عليج تروحين وتردين

بالسلامة وسامحينى​