رحتي تخطبين حق اخوج ولقيتي البنت...

[كويتاوية 15]

اوف لايحوشك طبعن ماراح اخلي اخوي ياخذها ولو على قص ارقبتي كل شي ولا السمعه هذا الي ناقص بعد }اندمجت لووول

 

[(كويتيه عسل)]

اذكر وحده كانت معاي في الكلية وصادف كانت معاي في جم ماده

لا رفيجتي ولا اعرفها بس معاي في الماحضرات

عسى ماتناقشت وعلقت على المحاضره

الا اهيا نطت ردت تعترض على كلامي دايما كل محاضره

اتناقش مع الدكتور تنط

الطالبات اللي معاي في المحاضره يقولونلي

اذا اعترضت على كلامج لا تناقشيها حقريها محتره منج


تعرفون اللي تناشبج بس تعترض يعني مسويه روحها شخصيه

الدكاتره يستانسون علي لاني شاطره

وكنت اساعد بنات الاتحاد ايام التسجيل وفي يوم المفتوح للمستجدات اللي يسوونه كل سنه اروحله

وكل البنات يعرفوني ويحبوني ومافي طالبه ماتعرف رقمي لاني اساعد طالبات الاتحاد انا موعضوه بس اساعدهم تطوع

وكانت تقولي انتي شمسويه في الطالبات كلهم

يعرفونج حاطه اعلان في مجلة ميكي<<<تتطنز لان ملامحي صغيره

اهيا نفس دفعتي بس انا شكلي اصغر منها

ودارت الدنيا ويات اهياوامها واختها الكبيره بيخطبوني

من طرف رفيجت امي واحنا مانعرفهم مجرد امها اتصلت على بيتنا

البنيه كانت مشبه على الاسم وموناسيتني

وانا ناسيتها ولا اتذكر شسمها و اهيا انصدمت لما شافتني


وانا قلتلها شكلج موغريب علي ماادري وين شايفتج


عاد اهيا ذكرتني بروحها وامها كانت طايره فيني وحتى اختها الكبيره

وعقب ماطلعو ماردو علينا ولا اتصلو ولاعطونا خبر الله اعلم شالسبب

ماابي احط في ذمتي بس اذا كانت اهيا السبب انشالله الله يبليها

مثل ماسوت فيني واهيا مومتزوجه لي الحين

انشالله حوبتي ماتعداها اذا كانت قايله شي عني او مشوهه سمعتي

لانها تموت من الغيره والقهر مني


الحمد الله والشكر مريضه والحمد الله ماصارت حماتي

والدنيا دوراهه الله يمهل ولا يهمل

 

[Nanoosa]

على حسب اهي شنو مسوية أيام المدرسة

اذا سوت غلط بسيط و عقبها تابت و محد داري عنها بس فئة بسيطة لازم نفكر بالموضوع و نسأل عن البنت أكثر و عقبها نوافق عليها

بس اذا سوت شي جايد خرب سمعتها أيام المدرسة (تذكرت وحدة بمدرستنا الله يستر عليها) لا اهني ستوووب لأن اذا مسوية شي جايد و الكل عارفها راح تصير مرت أخوي و الناس لي الحين تطالعها انها كانت مسوية جذي و جذاك راح يطالعون أخوي انه مو زين بعد

اما بالنسبة اني كنت ما احبها هذه مشكلتي لأن مو انا اللي باخذها اخوي اللي بياخذها

 

[غنآآآتي]

مستحيل نروح نخطب لاخوي على عمانا اكيد عارفين البنت منو وين تدرس او وين تشتغل ومنو بنت يعني نسال عليها قبل لا نخطب ..

 

[وردة-الكويت]

اقول حق امي وخلي السالفه بيني وبينها بس عن سوالف البنت

 

[*ريما*]

اكيد بقول لاهلي

 

[مرايــــــــم]

اقول لامي كل شي عنها وبيكون هالكلام بيني وبينها يعني ماراح نفضح البنت



وانا مستحيل اخذ لاخوي وحدة لها سوابق حتى لو تابت والله غفور رحيم



وتبون الصراحة بهالقوت ماتعرفين المحترمة من الصايعة على قوله اخوي لان ياما بنات زينات وطلعوا من تحت لي تحت




الله يسترنا فوق الارض وتحت الارض ويوم العرض

:eh_s(15):

 

[برينسيس ديانا]

اذا البنت تسنعت تغيرت ليش ما اخطبها لاخوي ؟

 

[" ام حمود "]

اقول حق آهليء كل شيء ولاا اورط اخويء ، هم حرام راح اتحاسب عليه وافكر ل باجر اذا خذاها وللحين ع سوالفهاا هم حرام جذي

 

[عذبني السهر]

فديييييييييتكم بنات ورايي الأغلبية نفس رأيي
البنت ان كنت خابرتها مو زينة مارح اخطبها لأخوي
واللللللله قبل لا اتزوج اذكر تقدمولي ناس بس جوا عندنا انصدمت انه اخت المعرس اعرفها من ايام الكلية
مو انه معرفة عدلة اشوفها شوف بس وانا لله الحمد سمعتي زينة ولا كان عندي سوالف بالكلية واتوقع هي نفسي
بس من ايام الكلية احسها تخزني مقهورة مني مادري ليش بس ما عمرها كلمتني
بس حسيت من شافتني ما عجبها انه انا وما رجعوا هههههههه عاد احنا يا حليلنا نتشاور ان ما كانت زينة والبنات اذا وحدة ما حبوها ما خطبوها سبحان الله !!