رجيم يفرحج كل يوم :)

[Vaniela]

السلام عليكم ورحمة الله وبركاتة ..
حبيت اشارككم بالرجيم الي انا ماشية علية ..
وايد ناس سوته وانزلوو عليه با 20 كيلو واكثر على حسب المده الي تبينها ..
اول اسبوع تنزلين 5 كيلو اذا ما خربطتي كلش كلش ..ولين اخر الشهر 15 كيلو او 13
نبتدي يوم بيوم ..
انا اليوم وصلت اليوم الثاني .. ونزلت 700 غرام :rerrerek: نعمة
طبعا اول اسبوعين بدون رياضة لانه مانبي نبني عضلات فوق الدهن ..
معلومات بين كل الوجبات الرئيسية 5 ساعات و و بين السناك والوجبة الرئيسيه ساعتين ..
مسموح سناك فاكهه نوع واحد لليوم حبتين حجم متوسط ( تمر وموز لا )
حليب و لبن لا خبز وعيش لا سكر اذا لزم استعملو سويت لوو الي لونه وردي حق المطاعم ..
السناك تقدرون تشترون بسكوت اسمه CARRSتاكلون خمس حبات باليوم فقط حبتين تعتبر وجبه منفصله تاكلين حبتين ثم حبتين ثم حبه
تشربين الي تبين مشروبات س بدون سكر و حليب وعصاير ممنوع الا الفرش واذا شربتي قلاص واحد و تكنسلين السناك (انتبهي ) ..
كثري جاي اخضر وزنجبيل ..
الملح يفضل تشترين ملح البحر SEESOLTالازرق ولا تترسين اكلج ملح لانه يمتن ..
الفطور : بيضه مفيوحه + نص خيارة + شاي اخضر ..
بعد ساعتين برتقاله مع شاي اخضر وزنجبيل ..
الغداء : ملعقه كبيرة جبنة فيلادلفيا لايت و طماطة و جرجير سويتهم جنها سلطه ايطاليه بفلفل اسود
و بعدة بساعتين قهوه عربية و شاي
العشاء : نص صدر دياية 3 حلقات كوسه 3 حلقات جزر و شريحة فلفله بارده و جرجير و بيبسي دايت ( البيبسي دايت مسمووح قد ماتبين ) ههذا احلى مافي هالدايت و هاذا الشي الي مصبرني لوووول ..
و بالليل ذبحني الجوع وكلت برتقالة لانه طنشت برتقالتي حقت السناك << بس كلتها و قبل النوم بساعتين لازم ماتاكلين شي و كثري ماي ...

اتمنى يعجبكم الدايت حقي و تنضمون لي ابي تشجيع .. انا وايد مشتطه وزني كان 85 اول ما بديت و اليوم عقب يوم ونص 84.2 الفال للجميع ...

:eh_s(9)::eh_s(9)::rerrerek:
​

 

[Vaniela]

سوري بس غدا اليوم الاول كان ملعقة و نص جبنة فيلادلفيا ..



نيجي لليوم الثاني :
الفطور : زبادي المراعي منزوع الدسم و نسكافية بدون حليب وسكر
بعده بساعتين كمثره + شاي اخضر
الغداء : نص صدر ديايه + قيسي بنص اصبعج كوسا و بطاطا وخيار وجرجير وطماط بيبسي دايت
الدياي مطبوخ ..
السناك : لا يوجد لانه الكمثر عن فاكهتين كبيره وايد اكتفيت بشاي اخضر وزنجبيل
العشاء 3 ملاعق حجم متوسط فيلادلفيا لايت و سلطه صغيره كبر كف اليد و بيبسي دايت
​

 

[Vaniela]

شدعوه فوق ال30 مشاهده ولا تعليق

طيب مشكورين

 

[زهره الجلنار]

يعطيج العافيه

 

[Ba6oo6a-Q8]

يعطيج العافيه

 

[فجر_الكويت]

يسلمووو

 

[الفدنه]

مبين عليه خوش ريجيم
موفقه يارب تضعفين بصحه وعافيه
وانا بتابع نزولج انشالله

 

[نورة 1425]

مشكورررررررررره

 

[Vaniela]

مشكورين كلكم .. اي جذي تعطوني دافع ... فديتكم والله ..
الفدنه فديتج والله ..:eh_s(22):
اول ما قعدت اليوم .. سيده رحت للميزان واول فرحة كانت من الميزان 83.2 صج صج انجاز الحمدالله
و فطوري كان كالتالي ..
بيضه و طماطه متوسطه و كوب نسكافيه .. ( بدون سكر و بدون حليب )
وبعده بساعتين باخذ لي برتقاله عن الجوع و شاي اخضر بزنجبيل ..
اما الغداء والعشا ء والوزن عقب بكتبه لكم ان شاء الله ينزل بعد ..

اذا شفت ال 79 بموت من الوناسه :ggdw:

 

[انوثتي غير وياك]

يمااااااااااااااااااااااااااااي :eh_s(1):
عذااااااااااب هذا :eh_s(16):
كنت اسوي اردى من جذي :eh_s(14):
بس اتم يومين وارد ميته يوع
اكل اليابس والخضر :krkrkr::krkrkr:​

 

[دار السكون]

يعطيج العافية وإنشاء الله تضعفين بصحة وعافية بس أبي أسألج شنو فصيلة دمج

 

[أحلى غمازة]

&
يعطيتس العآفيهَ
حلو نظاامكَ يَ حلوةة
تو قريت بتوقيع وحده نامي جوعانه تصيرين ضعفاانه
ياقلبي ترى هذا يسمونه انتحاار انتبهي لعمرتس

 

[Laidy n3ooma]

وانا اذا شفت ال 69 بسوي حفله لووووووول

يالله وااااصلي وودعي عالم الثمانينات

 

[Vaniela]

انوثتي غير وياك <<<
اهو صج يجوع هالرجيم بس انا ماخذته من وحده يايبته من دكتوره .. واهو رجيم يعتمد على وزن الاكل بس انا ما اوزنه لاني ضيعت الميزان فاقوسه بالتقريب عرفتي لانه تقريبا جذي المقاس ...

وماخذه الجدول منهم لا تحاتين شاده حيلي بضعف يعني اضعف :ggdw:

دار السكون فصيلة دمي a+

احلى غمازة
لا تحاتين انتي تحسينه النظام يخرع ويجوع بس بالحقيقه اهو لالالا بالعكس تحسين روحج خفيفه ولايت و صج ماتاكلين وايد اصلا صحه ترى ...
محد يموت من اليوع :eh_s(4):

اسوومي ادعي لي والله حدي حدي مابي الثمانينااات الله يقطعهاااا من شحوووم وكرش ووزن وزنود :eh_s(14):

 

[Vaniela]

الغداء كان :
نصف صدر ديايه مع سلطه خس وجرجير وجزر وخيار كبر كف اليد + ماي عليه فلفل اسود وليمونه
بعد ساعتين قهوه عربية و تفاحه
العشاء 3 ملاعق صغار جبنة فيلادلفيا وطماط وخيار + دايت بيبسي ..
..
مثال على القياسات ..
الفطور بيضه و خضروات 70 غرام ( على الميزان حق الاكل )
90 جرام دياي تاكلين 110 غرام خضروات وبجذي تكونين كونتي غداج ..(الغداء)
مثال اللحم 95غرام خضروات 100 غرام ( وجبة العشاء )
وجذي يعني الكميات تكون قليله جداااا جدااا بس ما تهلكج ..

وادعولي الله يساعدني ويفرحني بالرشاقه المنشودة

 

[دلع انثه]

مشكوووووووووووووورة

 

[Vaniela]

باك صبايااا ..
اليوم وزنت اول ما قعدت ..و وزني كان 82,8 <<< انصدمت كنت متفائله اني نازله اكثر بس يوم راجعت ذاكرتي لقيت اني شاربه قهوه عربيه فيها شوي حليب << وايد ناس يحبون يسون خلطات ..
ماعلينا خربوا علي .. لووول
الفطور اليوم بيضه + طماطه ...قهوه سودا:bbbiu:
بديت اتملل من الاكل .. امس رحت الجمعية وتسوقت .. شريت لي لحم بدون عضم و دهون وخليه يوزنه لج انا خذت 400 غرام بقسمه 5 قطع و خذت دياي ساديا الي ايج انصاف صدر دياي بدون عضم وبدون جلد وزنه 400 غرام بعد حلوو عشان تاخذين قطعه وتطبخينها بدال ما تتلعوزين بالقياس و سمج وتسوينه فيليه عند الريال حق الجمعية وخل يوزنه تنويع و خضره منوعه و ما حصلت صوص البلسمك اهو الوحيد الي تقدرون تستعملونه
ولا خلكم على الخل والليمون :eh_s(4):

لدخلت عالم السبعينات ببتدي اصور لكم الميزان :yaaaaaarb:
ما قمت احس بالجوع الي احسة اول يوم ويومين احس بديت اتعود .. وكرهت الاكل صار شي عادي .. صرت اشتهي اكل بس اقول لا بعد اسبوعين مخليه وجبه وحده فري اكل فيها ..
يا صبر ايوب على بلواه :krkrkr:

 

[غُرور أنثى ~]

أنا بمشي معاج على هالرجيم وإن شاءالله نضعف
وزني إلحين 67.8

أبي أووصصصل 60 إدعيلي

 

[حبك ملكني1]

رجيييييمك مره حلو وانا وزني 84 ونفسي انحف وأخششش عالم السبعين بسوي بجسمك وبخبرك ان شاء الله

 

[zo0oz9]

حبيبتي ريجيمج حيل حلو وما احسه يجوع
وبمشي معاج وﻻن ​أنَــƠ̴̴̴͡ـ̮Ơ̴̴͡ــآ ريجيمي كان 2 توست اسمر باليوم مع عصير اناناس وطول اليوم جذي .. زين بسألج ​أنَــƠ̴̴̴͡ـ̮Ơ̴̴͡ــآ ﻻزم كل يوم امشي مع نفس الاكل ​أنَــƠ̴̴̴͡ـ̮Ơ̴̴͡ــآ صراحه عجبني اكل اول يوم اقدﻻر استمر عليه طول الايام وﻻ مايصير ﻻزم انوع ...