رجيم سنتر اللي بالمغاتير

[enta taib]

شكرااا حيااتي على المعلوووماااات

 

[ii DareeN ii]

استمري لاتخقين نعناعه ترا الرشاقه حلوه شدي حيلج

 

[$$مذهلة$$]

موفقه حبيبتي ومبروك النزول وعقبال الأكثر

شكلي بجربهم ولو اني احب الجاهز ولا لي خلق اعلم هالخدامات

 

[روزيتا]

شصار نزلتى نعناعه ولالا نبى نعرف يسوى هالمركز وريجيمهم ولا

 

[music_teacher88]

ليش تخربطييييين كملي كملي كملي انا اشجعج والله موشويه اللي نزليتيييهم

 

[june_m00n]

نعناعه

مشالله مبروك النزول

غميضه ترديين اللي نزلتييه

كملي عفيه كملي

 

[**تاجر الزين**]

للرفع

 

[وسامي]

ايه تكفون بنات اللى تراجع عندهم تقول لنا أول بأول علشان نشوف النتايج ونتشجع نروح له

 

[!! شوق !!]

مرحبــــــــــــــا

السمووووووووحه منكم ادري علقتكم اسفـــــــــه ,,

طبعااااااا صراحه يستاهل المركز ,, وحلال فيه الفلووووس

وخاصه اللي يلتزمون برجيم بيشوفون فرق


الكيلووووووات اللي نزلتها عنده ماردت


لاني قطعت فترررررررررررره اكثر من شهر وخبصت بس الحمدلله الوضع مستتب ,,

اممممممممممممم

لو حابين احطلكم الرجيم تبعه قولوووووووووولي

بدال لاتروحون تقطون فلووووس



امممممممممممم

اي استفسار نبهووني عالبرايفت لانه ماجيك عالمواضع انا

وبس

 

[القلب الأبيض]

اي والله نعنونه ياريت تحطيلنا لو 3 ايام بس اشوف شلون طريقه رجيمهم ضروري حبيبتي

 

[بدر البدور]

بصراحه موضوعج روعه من زمان ابي أعرف احد جرب المركز وإستفاد ولا لا واما على الأخت الي قالت وايد الفلوس الحين الدراعه اكثر من 75وتلبسينها بس مرتين وخصوصا بالرشاقه كل شي يستاهل
نبي الرجيم خلينا نشوف نقدر عليه علشان أخاف أروح ويكون رجيمهم صعب التطبيق لإني لما سالتهم قالو أهم شي الإلتزام بالرجيم

ناطرين أخبارج؟؟؟؟

 

[الحور]

ماشاءالله استمري يانعنوعه والفال لنا انشاءالله بس ياليت اللي جرب
غير نعنونه يكتب تجربته اهنيه علشان الكل يستفيد .. بصراحه شجعتوني اروحله ..

 

[ام نرجس]

موفقة يا نعنوعة سيري ونحن من وراك انشالله
ومبروك عالنزول وحرام تابعي لا تقطعين وتتركين
وفكري بكشختج حق العيد والجسم ياي سمبتيك واااااااااااااااااااااو

 

[SoMeONe]

السلام يا بنات
انا وحدة جربت رجيم سنتر
و نزلت عليه وايد و الحين انا وزني 53 و صراحة حدة خوش مكان
وانصحكم فيه

 

[سلطـ زمانها ــانة]

أنااا جربت رجيم سنتر


مووو زييين تدروون ليش ؟؟


لأن مايعطيج رجيم على كيفج وصحي

بتقولون شلوون


يعني لما رحت لهم وقفووني على جهااز يمكن هالجهاز اهوه الشي الوحيد اللي يعتبر حليوو عندهم


هالجهاااز يطلع كمية الدهوون والاملاح والعضلااات اللي فيييج ووين مكااان الدهووون الواجد فييج

ونصج اليمين ولا اليسااار امتن

وجم يبيلج للوزن المثالي

ووزنج الحالي كأنه وزن وحده عمرها مثلا 37


وبعدييين يبطل الكمبيووتر ويطبعلج ورقة رجيم ويعطييج ياااهااا


شنو فيه هالرجيم

فيه تونا ودجاج وسلطه وشاي وقهوه بسس

ومااايعطيج شغلااات تحافظ على صحتج

يعني مثلا قلت له دكتور مااحب السمج قالي لاتاكلين

قلت له ماأحب السلطه قالي احسسن بعددد

بيني وبين نفسي اقوول اصلا خااصه السلطه مفيييده كلهاا خضره شلوون بيرحمني منهااا

انا أبي أضعف بس ماأبي أمررض والسبه المتن يعني الخيار والطماط والخس والجزر كلها اشياء مفيده


وبس هذا رجيم سنتر

 

[رومية]

اوكي

أنا اشتركت أمس
80 دينار اشتراكي
مع فتح الملف 90 !!
عطوني : حبوب تخسيس طبيعيه ووااااايد زينه ( أعرفها من قبل تنبع في دبي )
وعطوني فيتاميات ( وهي هم منشطه لأن فيها جنسنغ)
وعطوني كاكاو حق اسبوع وكيس عصير بودر حق اسبوع
زيارتج تكون كل اسبوعين.....تبين كل اسبوع دفعي عشرة دنانير زيادة !
امممم
أدري الفلوس وايد....ومصاخه الصراحه
لـــــــــــــــــــــــكن....مثل ما قالو البنات ...انقط علة مكياج وهدوم...صحتنا أولى

انزين

سالفة أنه مو صحي...أنا مااتفق معاكم في هالشي ( اللي قالو مو صحي )
ليش؟
جني وايد أتفلسف!

المهم ..ليش ؟

لأنه الريجيم خالي من الكربوهيدرات لسبب...وهو أنه يساعدج على التخلي عن ادمانج على السكر والكربوهيدرات...ينظف الجسم من السموم....والبروتين عاااااااااالي في ريجيمج ...والتونا ...يعني ما يطيح شعرج. أما باجي الفيتامينات والألياف موجوده بالحبوب اللي معطينج اياها. فيها ألياف عاليه....والشاي اللي يعطونج اياه يمنع الامساك اللي عادة يصاحب الريجيم.


الخلاصة....من خبرتي الطوييييييييييييييله بالريجيم....الريجيم هذا مو سهل خصوصا اذا انتي نفسيتج تعبانه...أما اذا مزاجج تمام ...ومتهيأه نفسيا للريجيم....توكلي على الله......اللي يميزه عن غيره ...انه شهيتج تصير بالكاد موجوده.....ليش؟؟ لأنه خالي من الكربوهيدرات اللي كل ما كليتها حسيتي بجوع اكبر بعد فتره قصيره....أما البروتين يسد الجبد !

أنا بكتب لكم شنو يصير معاي..

يبي لي 20 كيلو

الله يعين!!

 

[om^e3yaly]

روميه ناطرتج

 

[رومية]

Funky
موعدي يوم الاثنين
وأن شالله بكتب ملاحظاتي دايما
أنا 73 لازم بإذن الله أوصل 53 وأحسن وأحسن لو أوصل 48 ....وكله بيد الله سبحانه
بس ملينا من الريجيم والسمنه....الى متى ؟؟

اهي مره انصك حلوجنا فيها نتعب اشوي ماراح نموت من الجوع....وبعدين نعيش حياتنا ... مشالله علينا ذقنا كل أنواع الأكل وخبصنا ....والأكل هم موجود مااااااااااااراح يطير ناطرنا...ألحين لازم نخفف وناكل علشان نعيــــــــــش بس !.....وتذكروا بنات انه شي مؤقت...بعدين تزيدين أكلج تدريجي..


ونصيــــــــــحة ....إذا طقج الجوع........شربي مااااااااااااي...ونامي نامي نامي...لا تقعدين تفكرين بالأكل.
وباي يا حلوين اروح انام لانه طقني اليوع

 

[الحور]

يالله بنات نروحله ..

 

[عالي مستواها]

جنه غالي ما يسوا

أنا ضد أنظمة الرجيم .. اللي يبي يضعف يخفف أكل ياكل من كل شي لا يحرم نفسه بس يخفف ويتحرك يصير نظام حياته جذي مو رجيم شهر ولا شهرين ويرجع مثل قبل