رجيم الصدر الكبير

[قدساويه]

صدري ذابحني؟؟
السلام عليكم ورحمة الله وبركاته
بنات عرسي بعد شهرين بالضبط وصدري مسبب لي ازمه ومضيق خلقي انا ضعيفه بس صدري الله لايوريكم كبير ومو لايق على جسمي ومترهل نازل لي تحت ومادري شسوي سجلت بنادي والمدربه تركز اكثر شي على صدري بس مافيه فايده ورحت حق دكتور وقال اعطيج رجيم ينزل بس الدهون اللي بالصدر وانا مادري مو قادره اصدق ان في رجيم بس للصدر لان اخاف جسمي كله يضعف وانا مو سمينه حيل اميل للضعف اكثر
وشرايكم الحين شسوي اروح للدكتور او مادري قولولي رايكم
واللي عندها اي شي يصغره تكفون لاتبخلون علي

 

[يالبا قلبي]

مشاركة: رجيم الصدر الكبير

هلا حياتي قدساوية

شوفي انا اتفق معاج مافي رجيم حق الصدر ورجيم حق الكرش
بس في حلول تقدرين تسوينها ولا تضيقيين خلقج ولا تكدرين

حاولي تسوين تمارين الرياضة ملوت الصدر اللي تشد وترفع ( تنامين على ظهرج وتمدين ايدينج على طولهم على شكل زائد ( يعني جنج بتطيرين)
وتحطين ثقل صغير ( هذول الاثقال اللي وزنهم 2 كيلو) تحطينهم على ايدنج بالتحديد على زنودج وتسكرين ايدج وتبطلينها وهكذا عشرين مرة
هالتمرين شفته في برنامج اوبرا
ان شاءلله الشرح يكون واضح

وهم بعد دوري الستيانات اللي تكون على مقاسج بالضبط لان احيانا البنات ياخذون المقاس المحيط كبير والكب صغير
وهم بعد عندج في ماركس سبنسر في ستيانات تشد وتصغر

لا تضايقين يالغالية ترى عادي
وان شاءالله زوجج يحب الصدر الكبير خخخخخخخخخخخخ


لا تنسينا من دعائج

 

[Harmony]

مشاركة: رجيم الصدر الكبير

يالبا ضحكتيني على جنج بطيريين بس تمرينج صح و الشرح وافي اسم الله عليج

قدساية سوي تمريين اللى قالت لج عليه و بعد سبحي فى حمام سباحة كل يوم انا صديقتى مثلج صارلها تسبح 6 اشهر مو بس شد الا قطت السيتيان بكبرة بعد دلكيهم بثلج تري يشد بعد

 

[الحــــــلا كله]

مشاركة: رجيم الصدر الكبير

وي يا حلوج الحين الكل يبي الصدر الكبير لا تحاتين
بس سوي تمرين التصفيق انشاء الله يشد صدرج
وقفي مستقيمه ومدي ايدج جدامج وحركيها لي ورا وصفقي وكرري ورا وجدام يعني صفقه جدام وصفقه ورا كل يوم وكل حزه وانشاء الله يشد

 

[يالبا قلبي]

مشاركة: رجيم الصدر الكبير

يالبا ضحكتيني على جنج بطيريين بس تمرينج صح و الشرح وافي اسم الله عليج

هههههههههههههههههااايي هارموني توهقت مادري شلون افسر الوضعية

بس بذمتج ما فهمتي

 

[Harmony]

مشاركة: رجيم الصدر الكبير

والله فهمت يالبا تصوير واضح

 

[نور^الدنيا]

مشاركة: رجيم الصدر الكبير

زين بنات شنو احسن نادي رياضي عندهم سباحه زين

 

[بــ زايد ــنت]

مشاركة: رجيم الصدر الكبير

حبيبتي عليج بالسباحه

انا صدري كبير
مضايقه منه بس خالتي نصحتني بالسباحه تمرين التصفيق والله انه اوكيه

وراح تلاحظين في تحسن كبير بعد

بس انتي لا تقطعين وواضبي عليه فديتج