{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[miss_lymoona]

اشري برمشج وسكتي ماكو فطاير تالي الليل

ما عندنا بنات يطلبوووون
يلا مناك




المهم
خلونا على الداااايت و الاكل السنع بس

ياسلام عقب مابلعتي وترتستي كرشتج لووووووووووول :krkrkr:

صار وقت الدايت هاااااااااااا لووووووووووووووول

 

[miss_lymoona]

صباح الخير حبايبي الحلوين
ليمونة يا حلو اسمج ناااااطع <<<< الاخت تموت على الليمون
انا طولي 156
وتوني قبل شوي شربت نسكافيه من الي شريته امس نسكافيه اسبريسو طعمها زين مو مر
واليوم ان شاء الله بروح مع اهلي نتغدى بفيلا فيروز <<<< علشان ادبه دب بالكنافة والحمص هههههه لا حبايبي اتغشمر ما راح اتعدى المشاوي و التبولة والفتوش يم يم

واي فديتج استحي :eh_s(22):

بالعافيه عليج حووبي:082502bye_prv:

 

[J.e.N.a.A.a.N]

هلا ليمونة الله يعافيج
توني رادة من المطعم وهناك مثل ما قلت لكم دبيته دب بالحمص والبطاط والخبز والكنافة ههههههههه <<<< بالعكس ما كليت الا 6 حبات طاووق واصبعين كباب وفتوش وسفن اب دايت بس مو كله وكليت مكعب بطاطا حرة كبر راس صبعي
طبعا البطاط المقلي طول ما انا بالقعدة اتمقل فيه ونظرة ورى نظرة لووووول واخر شي هونت ما كليت منه ولا فتفوتة
اليوم بتعشى شوربة كريمة الفطر الي شريتها من سلطان امس ويمكن اكل معاها خس

 

[J.e.N.a.A.a.N]

انا توني قبل شوي سويت خلطة رغوة القهوة مالت مزيونة وشقرة وحطيتها بالفريزر حق قهوة الصبح <<<< حدي متحمسة علشان اجربها
ولمن سويتها صارت جنها قهوة كريمية

 

[miss_lymoona]

بالعافيه حوبي جربي الخلطه وقوليلي حوبي

توني شفت شريط وزنج تذكرت قبل 5 ايام كان وزني مثلج واليوم 65.2 ماشالله

انشالله اشوف 60

 

[J.e.N.a.A.a.N]

هلا فيج ليمونة الله يعافيج راح اجربها واقولكم مبدأيا اقدر اقولج جنها برد
ان شاء الله نضعفهم بصحة وعافية

 

[ريماس21]

بناتت انا ملاحظه نفسي ما قمت اشتهي الاكل والله

اول ايام الرجيم ودي اكل مو طبيعي بس طبعا مو قادره ههههههههههههه

بس الحين والله عادي عندي حتى لي خربطت بربع صمونه عاديه احس انه ماكله قوزي <<<<<<<<< قويه ههههههه لا بس جد
احس بجذي هل وحده صادفها مثلي ولا انا الوحيده العايبه ^__^

يلا ان شااء الله نضعف بصحة وسلامه


وقبل شوي كليت شاابوره مع جااي

والعشاء للحين ما فكرت

 

[J.e.N.a.A.a.N]

هلا بنوتات
انا توني ماكلة 2 توست وشريحة جبن خالي الدسم وطماطة والحين قاعدة اشرب شوربة المشروم الفورية الي قلت لكم عنها

 

[miss_lymoona]

بالعافيه انا خربطت بالعشى

 

[ضعيفه وعصله]

ههههههههههههههههههههه اشوف غيري قام يخربط وانا قاعده
لا والله جد بنات حدي ملتزمه
و ما ودي اقول وزني وانصدم عند الدكتور ان اكثر

انا اليوم غداي تبوله
وماااكو عشا

عاد الله والتبووله بدون بقدونس خس وطماط وبرغل هههههههههههههههههههههه قلتله قصي الخس صغار يعني تمويه

و عشاي كان من الساعه 8 ليييين 12 وانا اشرب هالقهوه والجاي وخرت فايدة التبوله كلها << تعترف
ههههههههههه
واااااااي باجر دوامات صج بناكلها

رجيم رجيم والله كريم

 

[ضعيفه وعصله]

بس شرايكم فيني سنعه اسم الله علي وملتزمه

 

[شيخة الحلوة]

اي اسم الله عليج
سنعه


ياعيني يا التوقيع الحلوووووووووو


وينه نسيتيه صح؟؟؟؟؟؟؟؟؟


انا اليوم
كليت غداي صمونتين فيها جبن وطماط وكوب جاي

وعقب شربت سفن دايت

بس اليوم رحت حق وحدة والدة
وكليت قطعه حلو صغيروووووووووووووووووووووووووووووووونه
هههههههههههههه


تعترف

 

[ضعيفه وعصله]

شيووخه هههههههههههههه شسوي تبين التوقيع بوقت مدارس ..

انا اليوم غداي : 5 قفشات عيش + صدر دياي + قفشتين سلطه فقط ..
و قبلهم شربت قلاصين ماي .. قمت و ودي اكل عيييييش بس شبعت بسرعه
قلت يلا الدكتور قايل 6 وانا كليت 5 فرق وحده

و العشا ما ادري بس والله داااااااااايخه امس ما قدرت انام اتقلب بفراشي من الساعه 2 ليييين 4 ونص يلا نمت

ودي اقعد شوي وانام وبس اقوم اشرب نسكفيه ان شاءالله


ليموووونه هاا شلون الرجيم معاج ؟؟
جنى شخبارج ؟؟

 

[miss_lymoona]

انا الرجيم فوللي الصراحه

اليوم بس كليت تفاحه وشربت شوي نسكفيه جم جقمه بس لول من كوب ريلي

 

[Blonde B]

هلآ ضعيوفوونه من زمآآن ما شفتج

شخبارج ؟؟

الله يوفقج

بااركيلي انآ خلآص خلآص رجيم اليوم رحت 3 صيدليات عشان اتاكد ان الوزن صح !!

خخخخخخ

طلع وزني 63

طولي 168

يعني توووب خلآلآلآص

يالله ابيييييج مثلي قبل ال 2010

وليموونه شدي حيلج بعد

خلالآص مصختووهآآآ

 

[الحلا^^مبتليني]

انا اللحين بطلـع .. ان شاءالله ما اخورها


احبكم
وبس ارد بعترف هههههههههههههههه

صارلي اسبوعين بس كيلوين نقصت ودي اترك ريجيمه واشوفلي ريجيم ثاني شرايج

 

[مــلاك روحـي]

هلاو بناااات

انا عاجبني نظامكم

وناويه اشترك معاكم < يصير ؟

 

[ضعيفه وعصله]

ليمووونه عوافي حبيبتي ..

ايموو واااي ما شاءالله عمرج طويل اليوم والله كنت اقول وينها ؟؟ شصار عليها
ألف ألف مبروووك ياقلبي الوزن
والفال لي ياااارب تييني تلقيني 62
اي والله مصخناها بس انا نوعي ما انزل بسرعه

الحلا مبتليني وييي شفيج من اولها مو عاجبج الكيلوين بالعكس هذول ما تردينهم بسرعه ان شاءالله
خليج ملتزمه و بـ 3 اشهر بإذن الله شوفي الفرق راح يكووون عجيييييييييييب


يلاا رجيم رجيم والله كريم


مـلاك حياج الله اكيد يصيـر

 

[miss_lymoona]

ايمو مبررووووووك وناسه الفال لنا

انا كليت صمونه الفيصل جبن بزعتر وعصير كي دي دي كوكتيل

 

[ضعيفه وعصله]

ليموونه عوااافي يااااااارب ..
انا خايفة عقب باجر الموعد
واااي شسوي ؟؟
باجر لازم اسوي شي << يعني شنو مثلا شفط

لا صج احس مو نازله << اكيد مخربطة 3 ايام شلون مو نازله الا مو نازله ونص

ليمووونه اصحيني باجر شاكل !!