{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[miss_lymoona]

شدي حيلج

انا خربطت بالاكل واي العيد ياي وراح يخرب رجيمي بحاول مااكل

 

[J.e.N.a.A.a.N]

هلا بنات
توني الحين سويت لي نسكافيه حطيت قفشتين نسكافيه red mug + ثلاث قفاش كوفي ميت كامل الدسم وقفشتين شكر
للمزاج العدل والروءاااااااااااااااااااااااان هههههه

 

[J.e.N.a.A.a.N]

بنات عادي احط سماق على الفتوش وايد احبه؟

 

[J.e.N.a.A.a.N]

هلا بنات
انا قاعدة اتغدى chicken burger من ماكدونلدز صغيرة طبعا وبدون مايونيز وفيها خس
ودايت بيبسي صغير

 

[ضعيفه وعصله]

هلا وغلا جنى .. اليوم نمت نومه سنعه امبييييه شلون بنام حق العيد ;s

هذي الدوره تخرب اليوم كله

..

جنى عااافيه يااااارب .. و اكلج حلو هالوجبة تبين كرريها الاسبوع الياي مرة ..

مس ليموونه لييش خربتيييهاااا ... انا قاعد اطبق نظامة حرفيا عشان اول يوم العيد الصراحه وجبة الغدا بخليها فري

بس باقي الايام بلتزم لان اساسا بنكون بالشاليه .. و الاكل يكون عادي صح فيه عيش بس ما راح اقرب يمه ان شاءالله

ورجيم رجيم والله كريم


انا اليوم غداي : 1 جكن فليه سويتها بالبيت بدون خبز و حطيت معاها 1 جبن + خس وخيار + بيبسي

والحمدلله

وبعد شوي ان شاءالله بشرب نسكفيه
وماراح اتعشا اليوم عشان اعوض باجر بالغدا .. يعني من اللحين لييي بليل اكلي بكون كله سوائل ان شاءالله

 

[J.e.N.a.A.a.N]

بنات وينكم
ان شاء الله بتعشى فتوش
بس بسالكم عادي اكل توست ابيض واي نوع ؟ لانه الدكتور ما نبه على نوع التوست
اذا يصير اكل التوست الابيض في توست ماركة الملكي حده عجييييب ودي اكله اذا يصير

 

[ضعيفه وعصله]

لاا جنى التوست الابيض امي تقول الوحده تعادل تقريبا ثنتين من الاسمر


تبين تاكلين توست اكليه اسمر
بس نصيحه لا تتعيش توست دام غداج فيه توست
و بالنسبة لنوعية التوست عادي اي نوع المهم اسمر احسن واخف حتى تشوفينه بسرعه يتقطع عكس الابيض قوي شوي

.. انا اليوم شفت وزني نازل بس مو متأكده بس مبين اثر الدوره قاعد يروح خاااصه من منطقة البطن خفت حيل حيل

يلا كملي و واااااصلي ..

بقوم اسويلي نسكفيه :$


صح جنى اتوقع وزنج نفس وزني ..

خلينا نخلص شهر 12 و وزنا 65 وتحت ان شاااااااااااء الله

 

[J.e.N.a.A.a.N]

ضعيفة حبيبتي
وزني 66.4 اليوم قسته في بوتس وطولي 156
وبقولج عن شغلة تفيدج ان شاء الله بالرجيم
سوي لج جدول وحطي فيه اربع خانات
الخانة الاولى كتبي فيها فوق تاريخ المراجعة والثانية الوزن والثالثة معدل النزول والرابعة ملاحظات وحطي فيه خانات كثر ما تبين
وحطي بفايل بس مو الفايلات الي فيها ورق شفاف حق الاوراق اكو فايلات جنها قطعتين مطبوقين على بعض حطي الجدول فيها
وورقة ثانية كتبي فيها الدايت الي كاتبه لج الدكتور بالكمبيوتر
عرفتي شلون
انا جذي مسوية وكل مراجعة باخذه معاي
اتمنى اكون افدتج

 

[J.e.N.a.A.a.N]

انا مراجعتي الياية ان شاء الله 9/12 اتمنى اشوفج

 

[J.e.N.a.A.a.N]

عندي سؤال اذا كليت وجبة من الوجبات الي كاتبها لي بالغدا ما اكررها بالعشا
يعني مثلا تغديت ساندويش توست وبالليل فتوش مع خبز او تبولة ببرغل
واتوقع حقي البرغل مو ممنوع حتى الخبز صح ؟
ضعيفة حياتي بحطلج رجيمي الحين

 

[J.e.N.a.A.a.N]

رجيمي من طالب الشمري My Diet from 6aleb el shemry

الصبح : اجباري
نسكافيه ( 2 ملعقة نسكافيه + 2 الى 3 ملاعق كوفي ميت + سكر )

الضحى : كابتشينو او جاي حليب او نسكافيه ( كمية مفتوحة )

الغدا : 1- سندويش اي نوع
2- 3 توست + 2 تركي او 2 جبن خالي الدسم + خيار وخس وطماط وجزر
3- صدر دجاج مشوي او 2 همبورقر مشوي + سلطة باليمون والخل والملح

العصر : كابتشينو او جاي حليب او نسكافيه

العشا : صحن تبولة او فتوش
او 2 توست + شريحة جبن + خس وطماط
او 2 بيض مسلوق او 1 الى 2 قطعة جبن ابيض ( فيتا ) + سلطة
او كوب شوربة كنور

 

[الحلا^^مبتليني]

هلا والله عصله وضعيفه انتي مثل حالتي بالضبط تخيلي انا اراجع عند طالب والحين علي الدوره
المهم رحتله وزني 71.6 صارلي اربع ايام من رحتله والحين انا 70.4 احم احم قولوا مشالله
ههههههههههههههه
ويالله اجيكم بعد اسبووووع واقووووولكم انشالله هدفي حاليا 65
والهدف الثاني 60 والثالث 55 انشششششششششششالله يارب خلال هالشهرين اقطهم

 

[دفي قلبي وحنيني]

ايووووووووووووووه ايوووووووووووووه
داشه اشجع بس شدي حيلج


الرشااااقه متعه والله متعه

 

[J.e.N.a.A.a.N]

توني تعشيت فتوش لذيذ يمي يمي حااامض وحطيت خبز لبناني محمص بالفرن مو مقلي

 

[J.e.N.a.A.a.N]

باجر يمكن اخلي غداي توست مع تركي وخس وخيار وطماط

 

[J.e.N.a.A.a.N]

تصبحون على خير بنوتات
وعيدكم مبارك وعساكم من العايدين والفايزين

 

[ضعيفه وعصله]

ضعيفة حبيبتي
وزني 66.4 اليوم قسته في بوتس وطولي 156
وبقولج عن شغلة تفيدج ان شاء الله بالرجيم
سوي لج جدول وحطي فيه اربع خانات
الخانة الاولى كتبي فيها فوق تاريخ المراجعة والثانية الوزن والثالثة معدل النزول والرابعة ملاحظات وحطي فيه خانات كثر ما تبين
وحطي بفايل بس مو الفايلات الي فيها ورق شفاف حق الاوراق اكو فايلات جنها قطعتين مطبوقين على بعض حطي الجدول فيها
وورقة ثانية كتبي فيها الدايت الي كاتبه لج الدكتور بالكمبيوتر
عرفتي شلون
انا جذي مسوية وكل مراجعة باخذه معاي
اتمنى اكون افدتج

ما شاءالله يلا الفال اشوف وزني 66.4 بمراجعتي اليايه ..
اي عرفت شلون مشكووره حبيبتي .. ويلا ما بقى شي ما شاءالله على الوزن المثالي

انا مراجعتي 8 - 12 يعني قبلج بيـوم ,, ..
عاد عندي مناسبه في بداية 2010 ابي اكون نيووووو لوك بإذن الله

وبيني وبينج اليوم شفت وزني 68ونص
يعني فرق بين هالعيد والعيد اللي طاف 5 ونص الحمدلله ..

ورجيم رجيم والله كريم

ومثل ما قال الدكتور الغدا يكون غير العشا ​

 

[ضعيفه وعصله]

جنى نظامج مثلي تقريبا وااايد حلوووو


الحلا .. ما شاءالله يلا يعني لو تنزلين نص بس تصيرين بالستينات ان شاءالله
شدي حيلج رجيم رجيم والله كريم

دفي قلبي مشكووووره حبيبتي .. :$ نورتي

 

[ضعيفه وعصله]

انا حاليا تعشيت جاي حليب خوش عشا

 

[ضعيفه وعصله]

جنى توني اجيك على شريط الرجيم عندج واي انتي مثلي
قبل وزني بين ال78 و 79

وهدفي 62 و اقل ان شاءالله