رجلي شارط علي مااكل حبوب مانع ومابي احمل فشنو الحل؟؟؟!!

[الهامه2]

مرحبا كويتيات
بغيت اسالكم عن شغله وابي لها حل
انا رجلي شارط اني مااكل حبوب مانع
وانا توني والده الحبيب يبي عيال ورا بعض
وناقشته. بالموضوع هذا بس الحبيب مصر علي رايه وماكو مجال يغير رايه
فشنو الحل بنات عشان اتجنب الحمل ؟؟؟في امور اقدر اسويها تخليني ماحمل ؟؟
اذكر وحده قالتلي بعد الجماع علي طول قومي غسللي
في احد يعرف امور ثانيه؟؟
ومتي التبويض يكون نشط بعني الفتره اللي اتجنب فيها الجماع؟؟

 

[Pinky -cat]

شوفي اهوا كلامج صحيح بالنسبة للامور اللي قلتيها بس ديري بالج تقولين لا لزوجج طيعيه وانشالة الخيره فيما اختاره الله

 

[مذهلة2013]

اب
اب
اب

 

[Pinky -cat]

اب اب

 

[نور دنياه]

حاولي تتجنبين ايام التبويض، دشي قوقل وحطي " حاسبه ايام التبويض" واحسبي وبتطلع لج الايام حسب دورتج
ومو شرط اذا قمتي على طول مابتحملين! في كذا وحده كاتبه اهني انها كانت تقوم بسرعه وتغسل بس بعد حملت ، واذا الله كاتب لج الحمال بتحملين سواء حاطه مانع او لا

 

[مناير ...!]

مافيه غير العزل

 

[حشمه]

حاولي تقنعينه انج تستخدمين مانع بس فتره لين يكبر الولد

لانج تعبانه من الحمال والنفاس ومره ثانيه حمال تعب عليج

وفي حل ثاني انج ترضعين ولدج ترضعينه عدل ولاتعطينه

صناعي نهائيا يقولون الرضاعه تمنع الحمل والله اعلم

 

[pusy cat]

اي بلا مو شايل شي فبطنه كله عليج

انا صارتلي نفس سالفتج بالضبط وحملت وولدي عمره ٩ اشهر وفطمته وقطيته عالخدامه بسبة اني حامل وماقدر عليه

الحل انج ترضعين رضاعه طبيعيه كامله اهي اللي تمنع الحمل بشكل طبيعي التزمي بالرضاعه الليل والنهار وماراح تحملين انشالله

 

[pusy cat]

حاولي تقنعينه انج تستخدمين مانع بس فتره لين يكبر الولد

لانج تعبانه من الحمال والنفاس ومره ثانيه حمال تعب عليج

وفي حل ثاني انج ترضعين ولدج ترضعينه عدل ولاتعطينه

صناعي نهائيا يقولون الرضاعه تمنع الحمل والله اعلم

صح انا وقفت علي الدوره 6 اشهر بسبة الرضاعه ويوم بديت اوكله وقللت الرضاعه جان ترد الدوره واحمل

 

[pusy cat]

قوليله بس سنه عالاقل خل جسمي يرتاح الحمل خذا كل العناصر من جسمي محتاجه اعوض واتغذى عدل عشان ترد صحتي

قوليلي البيبي ماراح اقدر اشيله او اغيرله لان خطر على الجنين اللي فبطني خل لين يمشي الولد عالاقل مو معقوله اقطه عالخدامه واهو توه بالاشهر

 

[pusy cat]

بعدين اذا ولادتج قيصريه قوليله لازم ارتاح فتره انا مسويه عمليه اذا ماقعدت سنتين احتمال يولدوني قيصري المره الثانيه وبجذي ماراح اولد طبيعي وعيالنا راح يصيرون ٤ بس لان القيصريات بس ٤ حدهم

يعني لو يبي عيال واجد ٦ او ٧ لازم ولاده طبيعيه

 

[شادن33]

الله يعينج

بس قوليله لازم كل ياهل ياخذ حقه على الاقل سنتين رضاعه مو على كيفك حتى الدين جذي يقول

وانا لازمني راحه ولا شلون بجابلك وبجابل اليهااال

والرضاعه الليليه اكثر شي تمنع الحمل يعني رضعيه الياهل باليل

وعندج نظام العد تتجنبين ايام التبويض هذا اذا كانت دورتج منتظمه

والله يساعدج الرياييل مايفكرون الا بنفسهم

 

[sh_mashael]

كلمي دكتورتچ
و اهي تقول لچ

 

[أسرار الجمال]

لازم لازم سنتين بين كل ولد عشان جسمج يرد طبيعي يبيله سنتين كاملين مو جم شهر حتى بس الرياييل شنو همهم الحرمة تتلف جسمها وهو بالأخير يقولها شوفي جسمج مؤ حلو حبيبتي كلميه وفهميه بالعقل انشالله يقتنع

 

[تبطي عظم!]

الله يهديه لج ويغير رايه

 

[قلب الزعابي]

أنا حملت ورأ بعض الله لا يراويج جسمي نااااشف والله لا فيتامينات ولا حديد وأنيميا والغده كل شي الحمدلله والشكر
البيبي محتاج من امه وهو فبطنها حديد وكل شي ولا اتيبين واحد بسم الله فيه شي
فهميه هالامور
وركبي لولب أحسن لج ولا تتركين الرضاعة
واللي قالت لج عقب الجماع اتغسلي اكبر غلط
لان خلاص الحيوان من يلقب البويضة يصير حمل اذا الله راد جنه مغناطيس
لان صارت معاي بعد الجماع اتغسل على طووول وحملت

 

[قـــمـــرهم]

بنات ..


شلون الرضاعه تمنع الحمل؟

 

[unknown1988]

حبيبتي طريقة العد مو مضمونه انا دورتي منتظمه واول ما اغتسلت من الدورة حملت بليلتها .. وكنت شاده حيلي بأيام التبويض وطلعت وقتها حامل وانا مادري ...

حاولي تقنعينه ..وحتى لما تقومين تغسلين بسرعه مو مضمونه هالطريقة ..

والله يهديه لج يارب

 

[pusy cat]

بنات ..


شلون الرضاعه تمنع الحمل؟

ادا رضعتي البيبي رضاعه طبيعيه بدون لا تعطينه حليب صناعه حتى بالليل ترضعينه راح توقف الدوره وماراح تحملين

 

[لولو الكويتيه]

اختي انا بقولج سالفتي
يبت بنت وبعد سبع اشهر حملت ببنتي الثانيه وبعد سنه حملت اول شي كنت مضايقه وماابي ورا بعض وريلي يبي عيال ورا بعض يقول يكونون قراب واحنا نوقف عيال بسن الثلاثين عشان نرتاح وانا ماكنت مقتنعه بهالشي بس سويته عشانه لاني احبه واحس بداخلي ان كلامه صح لان لازم المرا تحط عمر معين توقف فيه الحمال بسن الثلاثين او الخمسه وثلاثين بس كنت خايفه وخايفه من كلام الناس المهم اني سويتها وقبلها استشرت دكتورتي وقالت عادي المرا تحمل بعد 6شهور من ولادتها المهم اني بصراااحه ارتحت وعيالي كبرو مع بعض ووالله ماحسيت فيهم لانهم بعمر بعض يعني ماعندي احد بعمر دراسه وادرس وانا حامل ونفاس وامتحانات ولويه والحين الحياة سهله في الحضانات والخدم والسسترات يساعدونج ووالله ان جسمي ماتغير وحافضت عليه اهوا علي المرا نفسها تقدر تنسق وقتها او لا واصلا منع الحمل حله الوحيد ياالواقي او تركبين لولب وهالاشياء لازم زوجج يدري عنها اذا انت ماودج بالعيال وتحسين نفسج ماتقدرين كلميه وادعي ان الله يهديه وينسى هالموضوع او توكلي على الله وحملي والخيره فيما اختاره الله والحمال والولاده فترة وتعدي وبغمضه عين عيالج بيكبرون وبترتاحين ان شااءالله